المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 03/12/2007, 06:33 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
Angry بعد مباراتنا مـع الاتحاد ..مافي ياسر يفداك الف بلنتي وألخ خلاص طفح الكيل.. ورانا دوري اتركوا العاطفه.ادخلوا وشاركوا ابي ردود

سلام

صبكم الله بالخير للي يقرىبالصبح ومساء الخير للي يقرى بالمسى


ياجمهور الزعيم جا الوقت اللي نتكلم فيه جد


بطولات ذهبت منا وفقدنا نقاط كلها كانت بيدينااا والسبب مين منكم انت ياجمهور الزعيم للأسف والله


اللي طالعلي يقولي الخليجيه تفداك يـ (مفرج) ..الاسيويه تفداكـ يـ(ياسر) .. مباراة الاتحاد تفداك يـ(ياسر)

الين متى وكل شوي نقول للاعب يفداك وألخ.. كل ماطارت منه بطوله ولانقاط نروح نقول يفداك ويفداك


من جد طفح الكيل من قلب


ياسر احنا نحبك ومن قلبـ وانا مو بس احبك الا مووت بعد وندري انك تبادلنا .. بس الهلال فوق كل لاعب..

ياسر مو معقوله كل ماتضيع بلنتي نقول يفداكـ لاتقولي حظ ..الحراس كلهم يعرفون انك تشوت من يمين الحارس ليش طيبــ ماودك تشوت غيرك لاعبين يشوتون ان شت بلنتي نبي صاروخ ع المرمى مانبيها خفيف بيمين الحارس


نقاط الاتحاد راحت منكـ للأسف..


ياجمهور ياهووهـ تكفووون اصحوا من نومتكم .. الهلال كل ماله ويخسر نقاط بالدوري.والاتحاد مريح بالصداره بـ 25نقطه .. واحنا تونا ع 11 ع مأعتقد..

شوفوا الفرق


الهلال يبيله يفوز بكل مبارياته ويالله ان لحق الاتحاد بعد ..

تكفوون المباريات الجايه مانستحمل هزيمه او تعادل بتصير كارثه من قلبـ...

مو ان خسرنا تطلعون علينا يفداك ومايفداك يفداك هذي خلها بمخباك..

احنا نحتررق وع اعصابنا بالملعب ونشجع وبعض الجماهير تفداك وألخ اجل اللاعب بيرتاح لاضيع هجمه بيقول ايه الجماهير ماراح تزعل علي وبتقولي يفداك


يـ اخوان السنه اللي راحت طلعنا بدون بطوله ..وشكل هالسنه بتلحق هالسنه اللي فاتت ..


اللي بيشجع ياسر يروح يشجعه لحاله .. ام احنا نشجع الكيان الازرق الزعيم مو اللاعبين وش ذي العنصريه اللي فيكم


اللاعبين لازم يتحملون المسؤوليه ويعوضونه بالبطولات انا والله صراحة مو متعود اشوف الهلال كذ1 يفرح بالتعادل وبالتعادل نصفق للاعبين..انا مايفرحني الا غير البطوله اشوف الكاس..



والمشكله الاكبر واللي لاحظته


مباراتنا مع الاتفاق بالخليجيه ماكان فيه جمهور

ويوم مباراتنا مع الاتحاد جا الجمهور عشان ياسر؟؟؟؟؟؟؟؟؟؟؟؟؟؟؟؟؟؟


يعين معقوله نص جماهيرنا تشجع ياسر اذا لعب ياسر جينا وان مالعب ماتجوون ليش طيبـ..


من الحين اللي يشجع ياسر لحاله لاعمره يجي ولامحتاجينه.. يروح لمنتدى القناص هناكـ ويكتب يفداه مليون وعشر طعش بلنتي ..طيبــ



تلعبون على انفسكم احنا اكثر شعبيه بالسعوديه وألخ..اي شعبيه واي خرابيط

لاجيت تبي تشوف الشعبيه رح شوفوا جماهير النصرررر تكفون شوفوهم


والله ان مافي احسن من جماهير النصر بالحضور


جمهرو الهلال جمهور نهائيات وجمهور استراحات مافي امل يجون للملعب..الا لمن نترجاكم ومعاها حب خشوووم اليمن محمد بن فيصل يجي ويتطلب منكم بالحضور..؟؟؟؟؟؟؟؟


مباراتنا مع الاتحاد والله جمهورهم شوي ويصير كثر جمهورناا؟؟؟؟؟؟؟؟؟؟؟

وينكم ياجماهير الرياض ؟؟؟؟؟؟؟؟؟؟


~~


ياليت ندعم الهلال ولاعبييه بالفوووز وان خسرنااا نحمل اللاعبين المسؤوليه ويعوضونه من نقولهم يفداك والهرج البايخ هذ111 اذا ع كذ1 كل شوي نفداك محناا محققين بطولات


جمهوووووووور تبووووك تكفووون احضروا للمباراه وبيضووا الوجه..



جمهور الرياض مباراتنا الاثنين مع الاتفاق يعني نتمنى منكم تتركون الاستراحات والمقاهي وكشتات البرر وتحضرون ترى كلهاا ساعه ونص المباراه

اللي بيشجع الزعيم والكيان الهلالي يحضرـر وانا مع الهلال بالحلو والمرررر

لعيون الزعيييم



اسف ع الكلام والعصبيه بس من حبي وعشقي للكيان الازرق..











اضافة رد مع اقتباس
  #2  
قديم 03/12/2007, 06:37 AM
الصورة الرمزية الخاصة بـ الجليد الازرق
زعيــم مميــز
تاريخ التسجيل: 10/07/2005
المكان: نـــــادي الذهـــــب
مشاركات: 15,305
ان شاءالله الهلال بيتصدر الدوري وبا النسبه للموضوع المحاباة للاعب معين انا معك
في ها الكلام احنا نحب الهلال قبل اي لاعب ويهمنا مصلحته لكن من واجبنا بعد نرفع الروح
المعنويه للاعبين بعد كل خسارة لانه معروف عن الكوره فوز وخسارة ولا اشك في اخلاص لاعبين
الهلال وانهم اكثر من يهمه الفوز في كل مباراة لكن قدر الله وما شاء فعل ..
اضافة رد مع اقتباس
  #3  
قديم 03/12/2007, 06:40 AM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884
إقتباس
الرسالة الأصلية كتبت بواسطة الجليد الازرق
ان شاءالله الهلال بيتصدر الدوري وبا النسبه للموضوع المحاباة للاعب معين انا معك

في ها الكلام احنا نحب الهلال قبل اي لاعب ويهمنا مصلحته لكن من واجبنا بعد نرفع الروح
المعنويه للاعبين بعد كل خسارة لانه معروف عن الكوره فوز وخسارة ولا اشك في اخلاص لاعبين

الهلال وانهم اكثر من يهمه الفوز في كل مباراة لكن قدر الله وما شاء فعل ..

اضافة رد مع اقتباس
  #4  
قديم 03/12/2007, 06:42 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
نتصدر انشالله اتمناهاااا..بس لاتنى الهلال بتكون اكثر مبارياته خارج الرياض وبيكون عليه ضغطـ..ولاتنسى بتكون فيه مشاركات لاعبينه مع المنتخب روحه ورده من اللاعبين والاصابات.. واحنا بنخسر نقاط ..

ماقول الا الله يستر..


انا معاك نرفع معنويات اللاعبيين الين متى طيبـ... ؟؟؟؟؟؟؟؟؟؟؟؟؟؟؟؟؟؟؟؟

نبي نشوف فوز .. نبي نتصدرررر ... نبي اهداف ..ماشفناا شي لحد الحين؟؟؟؟ عقب عقب ماتطير اليطور بارزاقهاا
اضافة رد مع اقتباس
  #5  
قديم 03/12/2007, 06:53 AM
زعيــم مميــز
تاريخ التسجيل: 02/09/2005
المكان: الموقع الرسمي للهلال
مشاركات: 3,468
الله يعين و نفتك من يفداااك

خسرنا 8 بطولات وتفدااااك يا فلان البطولات

وش له مفتوووح النادي ويصرف ملايين عشان بالاخير يفدااااك


والله يوفق نجوم الزعيم في مباريااتهم القادمة ونراهم في قمة الدوري

وعلى العمووووم اخوي اذا الهلال لعب خارجالرياض فهو بين جماهيره يعني

نحمد الله ان جمهور الهلال في كل مدينة وقرية

صحيح اهل الرياض ما يحضروون مبارياات وذلك بسبب سوء التنظيم في الملاعب

وبعدين انا غير مدخن ولملعب صاير كانك في مصنع تلوث في تلوث مو فاضين نحضر ونخسر صحتنا

اذا منع التدخين في الملاعب نحضر


دمتم بزعامة
اضافة رد مع اقتباس
  #6  
قديم 03/12/2007, 06:55 AM
الصورة الرمزية الخاصة بـ مجنون الزعيم(9)
زعيــم مميــز
تاريخ التسجيل: 03/08/2005
المكان: في المنصة
مشاركات: 15,831
مانقول الا الله يوفق الزعيـم بس ,,
اضافة رد مع اقتباس
  #7  
قديم 03/12/2007, 07:02 AM
زعيــم نشيــط
تاريخ التسجيل: 26/11/2006
المكان: Kansas City
مشاركات: 840
إقتباس
ويوم مباراتنا مع الاتحاد جا الجمهور عشان ياسر؟؟؟؟؟؟؟؟؟؟؟؟؟؟؟؟؟؟

أي جمهور الله يصلحك !!

تسمي الجمهور اللي حضر مباراة الاتحاد جمهور !!

جمهور الهلال كان من المفترض ان يملأ الملعب خاصة في مباراه كبيره كالاتحاد ..

ولكن صدقني يا عزيزي وانا هنا لست بصدد الدفاع عن ياسر و المفرج او غيرهم من اللاعبين ..

المشكله الكبرى في ادارة النادي .. عمر الهلال ما وقف على لاعب !! ولكن نجد ان الهلال في الموسم الماضي والحالي نعتمد على عناصر معينه !!

أتمنى أن يتطور الوضع الى الافضل ..

وبالتوفيق لهلالنا ولنجومنا ..

تحياتي ..
اضافة رد مع اقتباس
  #8  
قديم 03/12/2007, 07:04 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
هلا اخوي العطشان.. مثل ماقلتــ تعبنا واحنا كل شوي طالعلنا واحد يقول فداك يافلان البطولات راحت منا بطولات ونقاط بهالكلااام اللي مايودي ويجيب.. الهلال يتعب يشتري عقود لاعبين بالملايين عشان نستفيد منهم وذولا يفداك ويفداك افدى الله بطنك ..



من ناحية التدخين ماتقدر تسوي شي ياخوك .. اذا انت بتعتذر عشان التدخين مشكله والله .. اقعد بمكان ماحولك احد ولا تلطم .. لاتصير حساس بقووه عاد ترى كلها ساعه ونص الحضور وعندك بريك بين الشوطين قووم رح خذلك شاهي واكل وارجع ماتضرك..


اعذار مالها داعي وانا اخووووك ..ناس يحضرووون برجل روحده والثانيه مبتوووره..كل شي لعيون الزعيم يهوووووون
اضافة رد مع اقتباس
  #9  
قديم 03/12/2007, 07:09 AM
زعيــم جديــد
تاريخ التسجيل: 26/10/2007
مشاركات: 47
ياخي الجووو باااارد يعني ابدي صحتي على الهلال؟؟؟؟
اضافة رد مع اقتباس
  #10  
قديم 03/12/2007, 07:11 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
إقتباس
الرسالة الأصلية كتبت بواسطة عبدالعزيز القحطاني
أي جمهور الله يصلحك !!

تسمي الجمهور اللي حضر مباراة الاتحاد جمهور !!

جمهور الهلال كان من المفترض ان يملأ الملعب خاصة في مباراه كبيره كالاتحاد ..

ولكن صدقني يا عزيزي وانا هنا لست بصدد الدفاع عن ياسر و المفرج او غيرهم من اللاعبين ..

المشكله الكبرى في ادارة النادي .. عمر الهلال ما وقف على لاعب !! ولكن نجد ان الهلال في الموسم الماضي والحالي نعتمد على عناصر معينه !!

أتمنى أن يتطور الوضع الى الافضل ..

وبالتوفيق لهلالنا ولنجومنا ..

تحياتي ..

يالله حيو بو قحط..

فعلا اتفق معكـ.. جمهور الهلال قدام الاتحاد يخيب الامااااااااااااااااالـ..ولايرفع الراس

مثل ماقالوا جمهور الهلال اغلبيته جمهور استراحات ومقاهي وبالبيت ..وان خسر الهلال قام يصيح بالمنتدى ويسب وألخ ولا يجي واحد بارد ولا هامه يفداك يافلان هالمباراه..

احنا نشجع الهلال ككيان مو لاعبين فلان وفلان ... اللي يحب الزعيم بيحضر لو ايش الا بالضروف الصعبه صعبه له حق..

انا عندي يحضر جمهور قليل بس انه يتفاعل بالمباراه ولا يحضر جمهور للاعبين ونايمين .وان خلصت المباراه وانهزمنا يقعد يسب..


ياشبااااااااااااااب تكفووووووووووون خلونا مع الهلال بكبره برجالاته ولاعبينه كلهم وكلهم واحد مافي فرق بينهم
اضافة رد مع اقتباس
  #11  
قديم 03/12/2007, 07:14 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
إقتباس
الرسالة الأصلية كتبت بواسطة @هلالي وبس 2000@
ياخي الجووو باااارد يعني ابدي صحتي على الهلال؟؟؟؟



اي مالومك ماما تخاف عليك اقعد بالبيت جمب الدفايه احسن.. الهلال مو محتاجك لو تبي تحضر تقدر طق الفروه والبس الشماغ وتلطم وانتهينا ماهيب بصناعة صاروخ ترى

مثل ماقلت اللي يبي يحضرر يقدررر واللي يبي يتدلع بيتدلـع


بس رجاء لاتطالب ببطولات وانت تاكي بالبيت وخايف ع نفسك
اضافة رد مع اقتباس
  #12  
قديم 03/12/2007, 07:15 AM
زعيــم متألــق
تاريخ التسجيل: 11/07/2002
المكان: KFUPM
مشاركات: 1,128
الحين الدوري بنظام النقاط.. يعني مافي مربع ذهبي.. يعني الفريق لازم يستغل كل مباراة و كل لحظة من كل مباراة

اذا نبي نفوز بالدوري لازم نفكر كذا و نلعب على كذا, خاصة انه حنا متاخرين 3 مباريات يعني يشكل ضغط على الفريق..

اتمنى ان يكون في شدة في التعامل مع جميع المقصرين و من بينهم الجمهـور.

تحياتي
اضافة رد مع اقتباس
  #13  
قديم 03/12/2007, 07:20 AM
زعيــم مميــز
تاريخ التسجيل: 08/08/2006
المكان: الرياض
مشاركات: 5,584
ما نقول الا الله يوافق للهلال يارب
اضافة رد مع اقتباس
  #14  
قديم 03/12/2007, 07:21 AM
الصورة الرمزية الخاصة بـ هلالي 292
زعيــم مميــز
تاريخ التسجيل: 10/07/2006
مشاركات: 1,962
إقتباس
الرسالة الأصلية كتبت بواسطة سعد العثمان
الحين الدوري بنظام النقاط.. يعني مافي مربع ذهبي.. يعني الفريق لازم يستغل كل مباراة و كل لحظة من كل مباراة

اذا نبي نفوز بالدوري لازم نفكر كذا و نلعب على كذا, خاصة انه حنا متاخرين 3 مباريات يعني يشكل ضغط على الفريق..

اتمنى ان يكون في شدة في التعامل مع جميع المقصرين و من بينهم الجمهـور.

تحياتي


ياخي والله انك سنايدي وحاس فيني وحاس باللي ابي اوضحه للجمهور..

الهلال حاليا يعاني من نزف النقاط منه وعنده مباريات مؤجله وبتكون عليه ضغوط..

والمباريات الجايه لازم نفووووز فيها والهلال بيقابل فررق ماهي سهله باقي الشباب والاتفاق والاهلي والنصر يعني بنقابل فررق مانضمن الفوز

وعندك بعض عقليات الجمهور يقولي يفداك يباوو فلان ع الفرصه اللي ضيعتهاااا


يعني صار الجمهور يشجع اللاعب اكثر من انه يشجع الفريق او الكيان الهلالي..

لاطارات الطيور بارقاها وراحت النقاط تشوف الجماهير .. ياسر انت فاشل ياداره استقيلوا وألخ من الكلام المفروغ من الجماهير عقب ايش عقب ماقلتوا لبو فلان يفداك ويفداك خل تفداك هذي تنفعك بدين وتشوف الاتحاد ياخذ النقاط حبه حبه


وين غيرتكم ع الهلال ...شوفوا غيرة النصراويه ع فريقهم



الله يستر ع حال فريقنـــا من قلب


وماقدر اقول الا الله يوفق الهلال
اضافة رد مع اقتباس
  #15  
قديم 03/12/2007, 07:24 AM
الصورة الرمزية الخاصة بـ توصلني اخبارك
زعيــم نشيــط
تاريخ التسجيل: 19/03/2006
المكان: فٍيٍ قٍلٍبٍ الٍزٍعٍيٍمٍ..
مشاركات: 895
يا اخوي ان شاء الله مافي خوف على الهلال !!

واللاعبيـن ودهمـ يسوون كل شيء بس الظروف ضدهم لازم نعذرهمـ !!

بشر ذولـي بعد لازم يخطئون بس العيب اذا استمروا في الخطاأ وان شاء الله يتعدل الحاآل !!


وبالنسبهه للجمهور انا معك جمهورنا في المباريات اللي فاتت بكل صراحه فاشل يا مع الاتفاق او الاتحاد وان شاء الله جمهورنا فيه الخيـر والبركه وراح تشوف المباريات الجايـه !!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube