فياض

هلا وسهلا حيا الله شايبنا

إقتباس بس يعني بالله عليك ما تحطمت من موضوعك الأول يوم قلبوه استفسارات عن المليار كم مليون يعني لسه عندك أمل

عمري ما أتحطم وأنا أشوف حروفك تشع في أي موضوع

وبيني وبينك ما ألوم أحد على سالفة المليار لأن نصفنا يحلم بالـ 100 ألف ووش جاب لجاب

إقتباس رابط البربري ما يشتغل ... لا يكون مقلب ..؟!!

المشكلة في جهازك ، أنا فاتح الرابط هالحين و جالس أبيع وأشتري والبربري اللبناني منسّب حتى أسأل ابومقبل


تشكرااات على مرورك


____________________________


المشاكس


هلا وغلا بالشريك

إقتباس الصدق ما كان ودي انك تمدحني بالموضوع .. لكن ان شاء الله نكون عند حسن ظنك

كفو والله

إقتباس شيء طبيعي ان امريكا تكون في المرتبة الاولى في قيمة الواردات .. لأنها الاعلى من حيث نوعية الواردات ..

أو يمكن لأننا نشري منها غصبتين

إقتباس انا اعتقد ان توجه المملكة لدول شرق اسيا .. من خلال زيارة الملك عبد الله لتلك المناطق كأول علاقة دولية بعد توليه الحكم ..

صدقت جداً، ونسمع أن هذا التوجه سيشمل جميع الجوانب، وكلنا نقول يااارب

إقتباس بالنسبة للتعامل مع دول الخليج .. انا شخصيا ارى ان المنتجات الصناعية خصوصا .. لن تزيد جودة على المنتج المحلي .. لذلك اظن ان ذلك يرجع الى تكلفة الشحن والجمارك

ممكن، وعلى طاري الجمارك تعتبر دولة الإمارات الشقيقة أفضل دول الخليج في عملية سرعة إنهاء الإجراءات الجمركية حيث تستغرق العملية عدة ساعات ( لا أتذكرها بالضبط لكن أظن أنها 8 ساعات) في حين تنهي بعض الدول إجراءاتها في أسبوع وأسبوعين!!

إقتباس وهي علاقة عكسية بين نسبة الاستيراد والامور الآنفة الذكر ..

أما الآنفة هذي حرقت فيها كل أوراقي ربنا يسامحك


العفو يا غالي وأزف لك خبر تعيينك رئيساً لمجلس إدارة الشركة كأول المتحمسين لهذا المشروع


تشكرااتي لك


____________________________



أبو شلاخ الهلالي

هلا وسهلا

إقتباس جزيت خيراً وزوجت بكراً هديه بسيطه لأحسن موضوع اليوم .

وإياك إن شاء الله

وميرسي أوي على وردة حبنا وبعد إذنك أبقدمها لزوجتي بكراً ه

تشكراات

____________________________


جرح يوذي


أهلاً ياشيخ كيف حالكم عساكم طيبون

إقتباس كنت اقول للعيال الهاوي جاته حالة تشبع من المنتدى وكبر راسه بعد الاستضافه المميزه اللي لم ولن تتكرر في المجلس

إلا والله كبر راسي من كثر الشغل اللي أشتغلته

وعموما تراك جرحتني جرح ثاني عقب ذاك الاولاني يا ظالم ياقسي ياشيخ ، وما أقول إلا روح الله حسيبك


شكراً على كل حال


____________________________



the bast


هلا وغلا

إقتباس نحن نستورد الكثيــر ..!

ونستهلك الكثير ونخسر الكثير، وإلا كان ما شفتنا المستهدف الـ best بين شعوب الأرض ( على طاري الـ bast )


الله يعافيك وتشكراتي لك



______________________



رااجع إن شاء الرحمن

إقتباس بلغ إجمالي واردات المملكة خلال العام 2006م (261402) مليون ريال

وقسم بالله يالهاوي إني عجزت أقرا الرقم


اذا قريت الرقم لحاله يطلع ميتين وواحد وستين ألف واربع ميه وثنين


يعني نقدر نقول 2 مليار و شوي <<< الى الحين ما فهم


يا ليت تكتب لنا الرقم كتابة وبالأرقام




نجي لموضوعنا


من سادس ابتدائي وانا أسمع النهضة الصناعية والنهضة الصناعية


طلعنا ما حولك أحد


حتى الخرفان صرنا نستورد.ها مع انه مليان عندنا خصوصا بهالمجلس


بس ربعنا يقدرون الذبايح والإسراف


الشي الوحيد اللي أذكر اننا نصدره هو الدجاج والبيض


وشكله بيقعد على قلوبنا بعد هالانفلونزا



أذكر شفت حلقة ببرنامج ( خواطر 3 ) يقول اننا نقاطع أمريكا والدنمارك


وما فكرنا وش بيصير لنا لو قاطعونا هم


الاعتماد على النفط كمصدر دخل وحيد مشكلة خصوصا اني سامع انه بيخلص

مواصل من عام 1413هـ

هلا وغلا بالمواصل

تصدق ياحظ أنا بهالدعايات غطيت على بيكهام وتلومني يوم أقول إنك خريّج إعلام

إقتباس كل شئ نستوردة ( حطيت هاء مربوطه طلعت وردة ) ، حتى الشماغ والثوب من الخارج مبسوطين بتصدير النفط لا واللي يقهر نرجع نشتريه بأغلا من بيعه

كل دول العالم تستورد اللي تحتاجه لكن حنا على قولتك أحياناً نستورد اللي ننتجه بشكل ولون آخر !!

ولا تستبعد بكرا نستورد الهاء أم ورده


تشكرااتي لك


_______________________

ماجد مقبل


هلا باخو قلبي الصباحي

إقتباس بس ياخي موضوعك مفروض تحطه في المنتدى الاقتصادي ثاني لفه على اليسار

صديقي عادل قايل لي سو كنك ما دريت وحط اللي أنت تبي بالمجلس لو تبي تفرش سجاده وتبيع مساويك >>> ورطه

إقتباس اعتقد ان لدينا مشكلة في عملية الاستيراد وارى انها يجب ان تقنن

حلوه تقنن يابومقبل، بس من هي الجهة التي يجب أن تكون مسؤولة عن ذلك؟!

إقتباس وعلى طاري البربري في تصريح استيراد مليون راس تبيه

بدينا بشغل السمسره

إقتباس والرابط بتاعك يطلبك الحل اخوي عبد الجليل

الرابط قوي ومتين وهو نفسه اللي نبي نربطه البرابر


تشكراتي لك و ك.ج أيضاً

_______________________

abo sager


هلا والله وسهلا

إقتباس تنوع رهيب في الواردات.. ولو رجعنا للصادرات نلقى البترول يشكل النسبة العظمى..

لسنا ببلد صناعي ولسنا ببلد زراعي، لذلك لاتستغرب تنوع ايرادتنات بين سيارات ولحوم..

إقتباس الملاحظ هنا ان الصين هو المورد الثاني.. في حين.. أكبر (زبون) للبترول هو الصين.. وهناك توجه كبير من دولتنا لهذه الدولة..

نعم، ولا أعتقد أنه توجه تجاري فقط بل حتى على النطاق السياسي خصوصاً بعد خروج الغرب عن النص..

إقتباس ومع نظرية نضوب البترول Oil Peak واللي تتحدث عن ان الفترة ما بين 2019 و 2029 سيتوقف العثور على آبار بترول جديدة..

الله يستر ، خصوصاً وأن هالنظرية تتكلم عن نضوب الاحتياطي النفطي كما أفهم!

ولذلك المفترض بنا الاسراع في دراسة البدائل الممكنة واعتمادها كمشاريع تنموية كبديل النفط مسقبلاً ورادفاً له في الوقت الحالي..


العفو ياغالي وشكراً على مشاركتك القيمة


_______________________


راااجع إن شاء الله

قريت العنوان حسبتك تقصد




خخخخخخخخ
بفهم الموضوع وبسوي عليه دراسه وبرجع

وعليكم السلام ورحمه الله وبركاته

هلا بالهاوووي القاطع القطووع الي يقطع كثير

عودا حميدا
سالفه الواردات والصاداارات
امنيتي اشوف شي عليه الكلام صناعه سعوديه كلها خرابيط والا عصير
حتى الكووور حقت الاطفال مستورده عجزانين يجيبون جلد ويعبونه هواء

وصناعتنا هنا مو ذاك الزود اذا اهل البلد مايشترون منها تبي غيرنا يشتري مننا
تخيل بس

احس حتى الاودام عندنا صارووا مستوردين
وصرنا نصدر عيالناا لهم علشان يرجعون لنا بمستوردين صغنونين

احس السعوديه من كثر مايتهزون بالجنسيه السودانيه صارووا مثلهم عجازين ومستحيل ينتجون شي

والله شينه بحقنا من اول مايقولووون صناعه وطنيه ماتشوف الا غبااار المشتري

حنا ناس مستهلكين بدرجه كبيرة وطبيعي اذا ماعندنا شي صاحي بنستورد من الدول الثانيه

الاقتصاااد بدولتنااا اتوقع مهمش بشكل كبير ومعتمد كلياا على النفط بس
ومن تشوف غلاء الاسعار تعرف ان ماحولك احد
>>>الا غلا الاسعار له دخل بالاقتصاد قوولوو ايه لو انه لا

سؤال
قريت رد هنا بس نسيت مين
النفط يخلص ....؟؟
يعني ممكن نطلع دوله فقيره يوما من الايااام

الهاوي
عودا حميدااا
ويالله شد حيلك انت وشباب ديرتك واثبتووا كفاءتكم علشان نقدر نصدر للدول الثانيه
متميــززز


ود يليق بقلمك

القيصر رهيب

هلا وغلا برهيب الحزن سابقاً

إقتباس طيب أتحداك تقولي شي ما نستو.ردهأعطيك ريال

الفقع، وخل ريالك عندك

تشكراات
____________________


الجاحظ


يا هلا والله وغلا

إقتباس الجدير بالذكر (يكمل الموضوع ) أنه كلما ارتفع سعر البترول زادت كلفة هذه الواردات وارتفعت الأسعار على المواطن الغلبان!!

ألا ترى معي أن هناك علاقة بين العبارات التاليه:

أعلى قيمة للواردات .. إدارة التحكم في أسعار ألنفط .. ربط الريال بالدولار !

إقتباس أخشى أن يأتي يوم نفرح فيه بهبوط سعر البترول أكثر من صعوده

تحت وطأة العَجله ، ظننت بأن مثل هذا اليوم قد مضى ، وما أجمل التفائل


دائماً ما أجد في إضافتك مذاقاً خاصاً بك
ولك تشكرااتي

____________________


abo_nasser


هلا وغلا بابوناصر

عساك لقيت برزنتيشن

إقتباس حتى غنم ابوي طلعت ما تكفي احتياجات الدوله

منشان هيك خلنا نستفيد من خبرتك بهالمجال وشاركتنا في الخيمتنا وادعم مشروع البرابر لعل به خيره


تشكرااتي لك ولا تسرف في استخدام الورود! شفهن قضن


____________________


الكــلاسيكي


ياهلا والله وغلا بمدسمين الشوارب

إقتباس كنت اتمنى ان ننافس الصين .. ما اعظمك ياصيننا

يحق لهم .. لنا اللـــــــــــــــه

إقتباس طبيعي ان تتقدم الصين بهذا المركز لاننسى ان لديها ايدي عامله ومن غير بطاله ..

صدقت ، وسبق أني تطرقت في أحد الردود لموضوع وفرة الايدي العاملة وتأثيرها الايجابي والمباشر على الحركة التنموية بشكل عام..

إقتباس حتى بعض الحاجات البسيطه نستورد.ها .. حتى السجاد ماعندنا وقت ننسج

على طاري السجاد، قبل فتره وقفت أتأمل في زوليه إيرانيه من النوع اللي يخليك من تشوفها تضمها منسدحاً ولا انتا حاااس ، وسألت نفسي أين مكمن الابداع فيها؟ هل هو في نسجها أم في خامتها ؟؟ أم هو إبداع ناتج عن وضع اسم جهة مصدرها؟!

إقتباس الهاوي .. انا ماعندي مشكله اصير شريك في تربية البراري ولو بنسبة 2% .. بس بشرط اني اكون شريك فقط في حاله الربح ... اما في حال الخساره على ظهرك

لا لا ، مكثور الخير ياعادل! ما يحتاج تشاركنا

ومتى ما فزنا أبرسل لك عدد 100 بربري تقطيع ثلاجه

إقتباس ولو اني بحس ان قايئمة الدخل المالي بتصير بالشكل التالي : المصروفات 300.000 الايرادات 500 ريال فقط لا غير ..

قاعد تتطنز !!

لاتحقر البربري ، اليوم تحوم تسبدك منه وبكرا تبيع الـ N95 عشان تشري ركبته


الله يوفقك يابعدي وتشكرااتي لك

____________________


آآي وِل كوم بااك آز سون آز بوسيبل إن الله أراد

مرحبا بالهاوي
موضوع رائع لكن اكثر شي شدني العنوان اللي هو مشروع البربري

لأني من فترة وهو يدور براسي خاصة لما رجعت من النمسا وشفت البربري اللي كبر الخروف النجدي مرتين من الخير اللي هو فيه هناك على جبال خضراء مثل جبال هايدي مو زي البربري اللي عندنا تقول هيكل عظمي يمشي



ومادام الكلام عن البربري عندي سؤال يدور في ذهني فيه احد قد شاف بربري راسه ابيض وجسمه اسود

والسؤال الأخر هل للون الخروف البربري الأسود والأبيض علاقة بالماركة الشهيرة burberry من ناحية الخطوط البيضاء والسوداء



عارف بتقولون والأحمر وين راح فأقول هو لون دم البربري بعد ماينذبح >>>> بيخلي البنات تحوم كبودهم ولايلبسونه


ملاحظة : ترى اللي لابس بيجامة مهوب انا>>> مسوي نفسه يشبه المملوح اللي فوق

G o L d E s T

هلا وغلا

إقتباس وقسم بالله يالهاوي إني عجزت أقرا الرقم

طيب وش تبين أسوي! قسم بالله تعبت نفسيتي من هرجكم عن الأرقام>>> وراه زعل ذا

الحين بديت أفكر بمشروع توريد جهاز كبر البيجر اسمه " قارئ الأرقام "

بحيث إنك تحط الرقم اللي أنت تبي وهو يقراه وأببسط به عند مسجد حارتكم

إقتباس اذا قريت الرقم لحاله يطلع ميتين وواحد وستين ألف واربع ميه وثنين يعني نقدر نقول 2 مليار و شوي

أنت تمزح ولاّ صادق؟! تراي صدز أسألك

يعني من ذاك الموضوع إلى اليوم وأنت ما تدري وين أنت به؟؟

حرام عليك يارجل

إقتباس يا ليت تكتب لنا الرقم كتابة وبالأرقام

أمون عليك وعشان كذا أبقول لك لأ، وكلش بحقه يازوول، أنا أكره ما عندي أقعد أشرح شي واضح

إقتباس من سادس ابتدائي وانا أسمع النهضة الصناعية والنهضة الصناعية

قصدهم طريق النهضة و الصناعية الجديده، وكلهن ولله الحمد موجودات

إقتباس حتى الخرفان صرنا نستورد.ها مع انه مليان عندنا خصوصا بهالمجلس

والله انك ما كذبت

إقتباس الشي الوحيد اللي أذكر اننا نصدره هو الدجاج والبيض

هذي معلومه جديده، وإن صحّت فحنا نصدر كرتون(1) ونستورد ثــلاثــو مــــــــائة وعشـــرون من الكراتين(320)>> كذا واضح الرقم

إقتباس الاعتماد على النفط كمصدر دخل وحيد مشكلة خصوصا اني سامع انه بيخلص

الله يكتب اللي به خير وضعنا ما يطمن..

أجل سامع إنه يبي يخلص أشوى إنك معنا أبروح أعلم أبوي يشري لنا مطـّاره


تشكرااتي لك وتحمل ملاغتي


______________________


الـمـشـاغـب

هلا والله وغلا بسلطان السجع وما جاوره

وش هالرد الموسيقي ذا ؟ تصدق وأنا أقراه بدأت حروف الكيبورد تتراقص أمام ناظري

إقتباس ان تكلمت جبت العيد .. ولا بينفعني ماجد ولا سعيد .. عشان كذاأقول .. ما عندي جديد ..!!

ليش وش حنا قايلين وإلا تبينا نمشي مغمضين!! ما سبينا المصلين ولاصفينا مع الجاحدين ..

إقتباس إلا يا عبدالرحمن أقول .. وراك كذا دايم عجول؟ .. صدقني الوضع ما راح يطول ..

عسى الله يكتب اللي فيه الخير

إقتباس راح ينتهي النفط ونرجع بدو ... وينقلب كل صديق لنا عدو ..

كلام جميل ، أجل ليش ما تبينا نحذر من هالعدو ، أو لازم ما نصحى لين يلفعنا..

إقتباس وخلك على مشروع الخرفان .. أبصم لك أنك فيه كسبان .. خصوصاً إذا شاركت فيه ( عشقان ) حاول أنك تكبر المشروع .. وتدخّل النعجات بصوت مسموع .. وتسمح في المشروع كل شي ممنوع

تصدق وناسه ما ودك تكمل


تشكرااتي يابعدي على المقطع الذروق اللي يفز له الخفوق

__________________


جاااءني انشغال ولاّ ودي أكمل!

راجع

إقتباس الرسالة الأصلية كتبت بواسطة تغريد قريت العنوان حسبتك تقصد خخخخخخخخ بفهم الموضوع وبسوي عليه دراسه وبرجع

قاايلك ما تحطمت من اول مرة بس انت بالك طويل

تغرييييد يقول (بربري) ما قال =(بيربري)=

هاوي ثاني مرة اكتب بالحركات

تعلم كتابة الفتحه والكسرة والضمة واسرار الكيبورد و اسرار اخري

<,<==== متعقد من الجبن االبلدي

إقتباس ================ طيب وش تبين أسوي! قسم بالله تعبت نفسيتي من هرجكم عن الأرقام>>> وراه زعل ذا الحين بديت أفكر بمشروع توريد جهاز كبر البيجر اسمه " قارئ الأرقام " بحيث إنك تحط الرقم اللي أنت تبي وهو يقراه وأببسط به عند مسجد حارتكم اقتباس: اذا قريت الرقم لحاله يطلع ميتين وواحد وستين ألف واربع ميه وثنين يعني نقدر نقول 2 مليار و شوي أنت تمزح ولاّ صادق؟! تراي صدز أسألك يعني من ذاك الموضوع إلى اليوم وأنت ما تدري وين أنت به؟؟ حرام عليك يارجل

هدئ من روعك يا رجل

/أخي الهاوي طرحت موضوعا رائعا يحمل في ثناياه الكثير..
موضوع مكتظ بالفائده وزاخر بالأرقام...
إن كان هناك مايستحق الرجوع وسيضفي على الموضوع الكثير فسيقتضي علي أن أرجع لامحاله ولكن إن لم يكن هناك مايستحق الرجوع فسأتابع بصمت وشغف..
راق لي التأمل هنا و احتمال الصمت قائم..
تقديري وامتناني على هذا الكم الهائل من المعلومات..
كل الشكر لك..