«¤¶`صاحب القلم الساخر /هلالي الظهران .. ضيفاً على حياة @ نت `¶¤» - صفحة رقم 2 - نادي الهلال السعودي - شبكة الزعيم

هلالي مدريدي 10 · #16 09/11/2007, 09:09 PM

فكرة : الماســـه الزرقاء . تصميـم : عاشق بويعقوب . اعداد&تنسيق : الكــلاسيكي .
الف شكر

فرصه ضايعه · #17 09/11/2007, 09:23 PM

ماشاء الله ... ماشاء الله

يعطيكم العافيه مشرفي واستشاري المجلس على الأختيار الرائع والمميز

...

أسعدك الله ياأبا سباستيان كما اسعدتنا هنا بحياتك النتيه

اللي كل مقطع مايقل ضحك عن اللي بعده

الله لا يضرك

بس اطلق ذبه ضحكت عليها ساعه هي ...

إقتباس


	كان نهار لابس بنطلون اخضر وفانيله صفراء.. وصادفنا وردتين ملكعتين.. قامت وحده منهم لبسته كاب أحمر والثانيه قالت: أنت الحين مشروع اشاره ناجح (ههههه الله ياخذ ابليسها ذبه في الثمانيات )..

هههههههههههههههههههههههههههههههههههه
ههههههههههههههههههههههههه
ياحليلهن يطلع منهن والله

فيه مقاطع ماتوقعت هالتناحه تصير بأحد

خذ هالمثال اللي يدل على أكبر تحشيش وتتنيح بالشرق الأوسط

إقتباس


	[صيف 2002: بعد نهاية التوجيهي]

قمة التناحه والبراءة بعد بهالمقطع

هذا من أوله الين آخره وأنا اضحك يالله ياربي لاتبلانا

إقتباس


	بالعربي حللت الايميل تحليل لدرجة اني سجلت بموقع "حواء" وعرفتلي كمن خلطه من هاللي يطول الشعر واللي يكبر مدري شنو واللي يجعل اظافرك براقه

وشلون على طول سجلوك

أنا عجزت اسجل فيه

كل ماكتبت اسم يقولون موجود

مليت منهم وقطيت مع يوزر اختي

مرة ثانيه شكرا على هالاستضافه الحلوة

,,
والحمد لله رجعت الأعداد من جديد

متشوقين للي بعده ... شيلوه خلاص يكفي قريناه

سلاااااااااااااااام ,,

"هلاليه أنا " · #18 09/11/2007, 10:34 PM

عضو مميز جداً

أسلوب رائع

الف شكر لكم

الهنوووف · #19 09/11/2007, 10:39 PM

إقتباس


	ضيفنا اليــوم .. ضيف عُــــرف بجرأته وشفافيته .. جعل له اسلوباً ونهجاً مختلفاً عن الجميع .. اشتهر بأسلوبه الساخر .. و بـصراحته في الطرح .. وبحسن اسلوبه ودقة اختياره للمواضيع .. لمع بقلمه الفريد من نوعه .. واصبح محبوباً من قبل الجميع .. دائما ماتكن لمواضيعه طابع خاص.. وتفاعل كبير من قبل الأعضاء .. يقنع الكثير بفن اسلوبه وبكتابته .. ويحضى بشعبيه كبيره من قبل الكثير من الاعضاء .. حتى اصبحت مواضيعه يشار لها بالبنان .. واصبح اسلوبه محبب لجميع .. ضيفنــا المتألق صاحب البسمه والقلم الساخر هو .. / «¤¶`هــلالي الظـهـران `¶¤»

سبحان الله احسب هالتعريف لي بس طلعت انت وش هالتعريف الزين لو منك اتلثم اسبوع من الحياء

إقتباس


	طيب بتسألوني وش صار على التسجيل.. ياطويلين الاعمار فتح معي الموقع بس ماعرفت وين اروح.. المهم ضغطت على ايميلهم ويفتح الاوت لوك وابدأ اكتب .. طبعا ماعرف وش كنت أسوي.. صرت افتح النت كل يوم انتظر ردهم .. نفسي اعرف وين كنت .. كنت متوقع ألقى منهم رد وانا حتى ايميل ماعندي:p .. ياالربع ومالكم علي يمين صرت ادور بالمستندات والمفضله على الرد.. حتى الوورد دورت فيه ومالقيت شي .. وفي النهايه قفلت الأخلاق ومابقى على التسجيل الا كم يوم واعطي بياناتي واحد من الشباب وجزاه الله خير ماقصر وسجلني..

ههههههههههههههههههههههههههههههههههههههههههههههه

..

الله يصلحك هههههههههههه

إقتباس


	عاد انا ماني بقليل.. دبرت عمري وحطيت ايميل وش زينه مميييييييز.. وقبله اخيرا في منتدى والله ماعاد اذكره:p .. كلها يومين واليوزر حقي مااقدر ادخل فيه .. اعنبوا القهر من اللي يكتب باسمي وصار عضو رسمي بعد .. هذا وانا جالس اتفنن بالايميل<< الخبل جايب ايميل من دميجته ويبي يسجل فيه (اللي بيقول سبيكه بتوطنى ببطنه )..

منت سبيكه

إقتباس


	لكن بعد انشغالي في الفتره الاخيره أيقنت بأن دوام الحال من المحال وانها لو استمرت لغيرك ماوصلت اليك وتذكرت أحبه كانوا معنا في فترات سابقه وابتعدوا.. والآن كل ما أتمناه أن تطول فترة تواجدي في هالمكان العزيز على قلبي ومع اخوه لهم في سويداء القلب منزلاً وشأناً.. والله يكتب الخير للجميع وجعل عيني ماتبكيكم ..

خنقتني العبره احس ودي اصيح

::::>>>

جاده
تذكرت ابو ساره الله على ذيك الاياام بعد كل مباره نجي نتلاحق ندور موضوعه

اذا شفته قول الهنوووف تقول ارجع تراك خساره كبيرة للجمهوور.....>>احلفي

بس ربي عوضناا بهلالي الظهران بالمجلس لاني احس اسلوبكم مقارب لبعض

طبعا مو استنقاص من هلالي الظهران لانه مايحتاج شهادتي بس لانهم كلهم اسلوبهم ساخرر على فكره مدري من قال لي ان اسلوبي ساخر وخفت احس كبير علي اسلوب ساخر
والظاهر غيرته

وصرت اسلوب بثر

يعطيك العافيه اما هيك حياه نت والا بلاهااا
ماشاء الله تفصيل مميز ماقصررررت

هلالي الظهران من الاعضاء الي اعتبرهم مقربين لي واعتبره مثل اخوووي

كان احد موصيني عليه

كنت افقده لمن يغيب

مع ان العدد كبير
و بالرغم من ان احتكاكي فيه قليل بس تعودنا الحين على غيابه
واحس اني شايله هم دراسته

احس اني انا الي اختبرر مالت بس >>>قلبت

ويمكن هو من اكثر الاشخاص الي عاشرتهم بالشبكة
يمكن ماعرفه اول زين بس اعرف هلالي الظهران

وشهادتي فيه مجرروحه
فقلمه غني عن التعريف وكلنا ننتظر موضووع له وننبسط

هلالي الظهران

لايمتلك قلماا فقط بل موهبه في الكتابه بـ القلم

>>>ماتعرف تمدح
ويعتبر علامه فارقه لمجلسنا واضافه كبيره

ومن الاعضاء الي اعجب بقلمه ومواضيعه
بس ماحب الجـراة في بعض المواقف

>>>>لازم اذم شوي

الله يحفظه

والله يوفقكـ ان شاء الله وتحقق طموحاتكـ

وووبس اخاااف اكمل ويكبر راسك

( مدري ليه اكتب راي بالضيف وماكتفي بالموضوع

مثل الباقي
اذا المووضوع مايتطلب راي بالعضوو علموني

ماتحمس ثانيه ..)

يعطيك العافيه جميعاااا وبانتظار ضيف اخررر

الهنوووف

كانت

هنا

ورحلت

حـــــــزش · #20 09/11/2007, 10:53 PM

اخي هلالي الظهران
كلعاده حظور مميز ورائع
اخي الغالي ارجو منك ان تراجع بريدك الخاص في المنتدى

badori999 · #21 09/11/2007, 10:55 PM

ما شاء الله .. ضيف مميز عن حئ وحئيئ<

حضور رائع واسلوب اروع وخفة لاتننهي << وربي صادق

شكرا مشرفي واستشاريي المجلس...

تقبل مروري البسيط....

الـمـشـاغـب · #22 09/11/2007, 11:30 PM

إقتباس


	ضيفنــا المتألق صاحب البسمه والقلم الساخر هو .. / «¤¶`هــلالي الظـهـران `¶¤»

يا هلا والله وغلا بالساخر المسخرة هلالي الظهران

أخييييراً جيت؟ اشتقنالك واشتقنا لمواضيعك يا شيخ يا مسخرة

إقتباس


	قلت: بس يبه أنت تحب البنات.. لاتفهمني غلط بس اذكر انك وصيتني قبل أسافر المره الماضيه وقلت.." اذا ودك تتقن اللغه تعرف على بنيه ترطن انجليزي وبترجع بلبل"

ــههههههههههههههههــ

أذكر مرة فتحت جهاز خويي اللي كنت أظنه عاقل وما كان موجود .. وما دريت إلا بنافذة تطلع لي .. أثرها حق

برنامج السكاي بي اللي ما كنت أعرفه .. المهم تلقفت بما أني أنا وخويي واحد .. ورديت على نافذة المحادثة ..

طلعت بنت أجنبية

بربرت معها شوي بالإنجليزي شي أفهمه وشي أمشيه لها

طبعاً كان كل شي كتابة بس ... بس حسيت بثقة وحسيت أني انقلش مان

عشان كذا نويت أشبكها وأطقطق

عليها بس عشان أتعلم انجليزي مو عشان شي ثاني صدقني

سألتها وين ساكنة ووين تدرس وكم بوي فريند معها

وأشياء كثيرة ... لحد ما وصلت إلى السؤال عن شكلها

ولون عيونها وشعرها

يوم وصلت لهالأسئلة الأخيرة خفت إنها تعتبرها لقافة مني وتحذف خويي اللي تحسبني هو

ما دريت إلا وهي ترسل لي ملف .. وتقول لي اقبل شف صورتي

يلعن أم الفلة يا حسام

... لو كنت أدري أن بناتهم كذا كان قلت لها من بداية الكلام : تطلعين معي؟

المهم استقبلت الصورة .. وليتني ما استقبلت

قسم بالله حرام أقول انها بنت

هذي لا بنت ولا ولد .. لا لا .. هذي مو آدمية أبد ... هذي غوريلا .. حمارة القايلة .. مسخ .. لو أقول عنها ما أقول

ما راح أوفي حقها من البشاعة قسم بالله

لا ومن زود الثقة تسألني عن رأيي في الصورة

طبعاً قلت لها .. مو حلوة .. كنت أبي أقول بشعة بس والله ما عرفت معناها

أرسلت لي صورة ثانية أقل بشاعة من الأولى .. بس تبقى بشعة ..!!

ما يحتاج أقول وش سويت بعدها

طبعاً قفلت البرنامج على طول وقلت .. أبوها لغة وأبوها بنات أجنبيات

إقتباس


	وان الحينا في مناقشته بدأ باستخدام طلاسم كأن يقول:" وجد في مكتباتهم العامه بين مؤلفاتهم بون شاسع ولمخطوطاتهم مطايفات متناقضات بنسخٍ متقطعات وخرومات في الافكار....." (سامحني أستاذ خالد والله اني احبك )..

فعلاً بعض مدرسين الدين من زود حماسهم .. يجيبون كلام مو مقنع أبداً ..

مثل ما ذكرت أنت .. أذكر مدرس عندنا كان بخامس ابتدائي .. يقول أن اللي يحارب الكفار دفاعاً عن وطنه

ما يعتبر شهيد .. لا بد يدافع عن الاسلام..

أذكر أني قلت له .. ولكنه يدافع عن أرضه يا أستاذ .!! قال لي : الأرض لله وليست للبشر ..!!!

إقتباس


	كان نهار لابس بنطلون اخضر وفانيله صفراء.. وصادفنا وردتين ملكعتين.. قامت وحده منهم لبسته كاب أحمر والثانيه قالت: أنت الحين مشروع اشاره ناجح (ههههه الله ياخذ ابليسها ذبه في الثمانيات )..

ــههههههههههههههههههههههههههههههههههــ

والله في التسعينات بعد

الله يهدينا وياك يالداشر

إقتباس


	عقبها علمني ان الرقم السري مغطى بطبقه لازم أكشطها:p

ــهههههههههههههههههههههههــ

أموووووت في الدلاخة يا ناس

داشر ودلخ وجحلط .. مدري وشلون تركب فيك يا عمر؟

إقتباس


	ياخي اعنبوا ثقالة دمك واعنبوا اللي علمك ترقم يا السطل.. أجل بامريكا ويسمع خالد عبدالرحمن

ياخي وش فيك على الرجال؟ محمل الأغنية من النت تراه

بس والله ضحكت ضحك على هالمقطع الله يسعدك ذكرني بموقف قديم

إقتباس


	وانقفل معه بوجهي اخر أمل بالاقلاع

هم اللي خسروك أخوي عمر مو أنت اللي خسرتهم

الاقلاع سجلت فيه ومدري متى فعلوني .. لأني سجلت عشان أحمل من عندهم فيلم كارتون بعد ما سويت بحث

في قوقل وحصلته عندهم

رجعت لهم بعد مدة مدري ليه .. ولقيته تفعل .. بس ما كتبت فيه ولا رد .. وبعد فترة طويلة جاني صديق بالماسنجر

وطلب موضوع زاحف عشان يفعلون له .. تذكرت أن عندي يوزر وعطيته اياه وقلت له اطلب تغيير الاسم عشان ما ابلش

بك إذا تخرفنت وشوهت سمعتي فوق ما هي مشوهة

عاد مدري عنه الحين تغير ولا ما تغير .. ما همني ..!!

الزبدة من كل هالكلام .. أن الموقع هذا ما جاز لي أبد .. أحس أن كل واحد فيهم يستخف دمه ويبي يطلع دمه خفيف

حتى لو كان العكس..!! ما أقول أن ما فيه أقلام تجبرك على الاستمتاع بقراءة ما تكتب .. بالعكس ..لكني أقصد أنك

وأنت تدخل هناك وتقرأ بعض الردود تحس أنك داخل مسرحية سامجة تجيب لك الغثا

إقتباس


	يبدأ الاستلكاع والنصبه الأزليه ان مالهم يوزرات بالشبكه لكنهم متابعين فقط .. بالمناسبه أعتذر لأي شخص انصك ببلوك خلال دقيقتين ..

يا كثر ما يغثك هاللي يستلكع

كنت مثلك أستخدم البلوك .. بس الحين اكتشفت طريقة جديدة

جربتها مرة واحدة .. بس حسيت بالذنب وتراجعت عنها مؤقتاً

الطريقة هي أنك تحط إيميل الشخص المستلكع على التوبيك .. وتكتب : " إيميل أضيفوه وإن ندمتم فأنا المسؤول "

بعدها بتجيه الإضافات من كل حدب وصوب على أساس أنهم مضيفين بنت

وبهالطريقة بيكره الساعة اللي أضافك ويمكن يحقد عليك .. بعدها صكه بلوك أو بكيفك

إقتباس


	ولا أجد حرجاً أن اقول انه من خلال بعض الاصدقاء في الشبكه جاني عرض من أحد الملاحق الاسبوعيه لاحد الصحف السعوديه بالكتابه معهم

ما شاء الله .. بس ليه ما قبلت؟

بس غريبة طلعت صحيفة سعودية؟

كنت متوقع أن العرض بيجيك من احدى المجلات الأوربية المتخصصة مثل ****

<<< تم حجب اسم المجلة من قبل مدينة الملك عبدالعزيز

إقتباس


	ومن هذا الباب تواجهت خلال احد الجلسات مع زميلي الجامعه..صاحب الابتسامه الدائمه والروح المرحه المطوع "المشاغب"

بكل أمانة .. هلالي الظهران " الداشر" من الشخصيات اللي أفتخر بالتعرف إليها من عالم النت ..

كنت أظن أني بأشوف داشر طعس قدامي .. لكن تفاجأت بشخصية عمر خارج النت ..!!

رجل بمعنى الكلمة .. خلوق .. هادئ .. يقدر الشخص اللي أمامه .. صريح .. جريء .. صفات كثيرة أعجبتني فيه

وأحببت أن أقول بعضها ..

صح أن المدح في الوجه مذمة .. لكن لازم أقولها في وجهه عشان يدري أني أمدحه ولا وشو له أمدح فيه؟

مثل ربعنا اللي ما يعطون الشخص حقه إلا بعد ما يطس ويموت ثم يقعدون يبكون عليه ويجيبون فيه معلقات المدح

الزبدة : تراي مدحتك يا عمر .. لا تنسى تمدحني بردك

<< وربي أمزح ياللي تصدقون على الريحة

إقتباس


	ختاماً.. أعلم اني أطلت كثيرا وأكثرت من الغث ومالا يفيد فالعذر والسموحه منكم واستروا ماواجهتم .. بالتوفيق للجميع..

بالعكس يا عمر .. والله حلقتك من أجمل الحلقات وأروعها .. قرأت كل حرف فيها واستمتعت بدون مجاملة ..

وبصراحة .. أعتذر ان كان ردي طويل حيل .. والله كنت أبي أقتبس شوي وأرد رد خفيف .. بس ما دريت إلا وكل

شوي يجيني كلام وأكتبه الله يخسك

الله يعطيك العافية أخوي أبو سباستيان .. ونتمنى رجعتك القوية للمنتدى

----------------

فل ستوب .

قرأت الردود وأعجبني رد وأحب أن أعلق على على سطر واحد منه.. وهو رد أخت الجميع الهنوووف :

إقتباس


	بس ماحب الجـراة في بعض المواقف >>>>لازم اذم شوي

أصفق لهذا السطر من اليوم لين بكرة وأرفع لصاحبته علم أزرق

بعض التجاوزات تحصل من أي عضو مهما كان .. أنا أو عمر أو الهنوووف أو ماجد مقبل أو أي شخص يكتب ..

ما فيه أحد معصوم من الخطأ ..!!

لكن المشكلة في البعض .. أنه اذا حصّل شطحة من المشاغب أو أي شخص آخر يقوم بالرد عليه .. ( وهذا شيء طيب )..

لكن إذا حصّل شطحة من شخص معين حتى وإن تكررت شطحاته .. يقوم يمدح موضوعه ويشكره على كتاباته ويبدي

اعجابه بهذا الشخص ويتغاضى عن شطحاته

نقدر نقول عن هذا غير المنصف أنه يعاني من مرض نفسي أو انفصام في الشخصية؟

أكرر اعجابي برد الهنوووف .. وما أقصد من اعجابي توريطها مع عمر .. بالعكس عمر صدره وسيع وما يزعل من

أي كلمة يعرف أن صاحبها ما قالها عن حسد أو غيرة وإنما قالها من باب الصراحة وعدم المجاملة

هامور البورصه · #23 09/11/2007, 11:42 PM

اختيار رائع ومميز

لي عوده

ـــــــــــــــ

هلا والله وغلا عمر

إقتباس


	بعدها رجعت للبالتوك مره ثانيه بس الوضع ماش تغير وصار قمه في الانحطاط الاخلاقي وجات فتره الله لايعيدها .. ياناس تغيرت حالتي وامتلى وجهي حبوب وصرت راعي هواجيس وأفهم بالشعر .. والحمدلله ماطالت الفتره وطلقنا هالبالتوك بالثلاث..

هههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههه

عمر يااخي انت مهبوول قسم بالله ضحكت ضحك

بشكل ماتتخيله

قسم بالله اني يوم قريت هالسطرين اني منسدح جمب الجهااز اضحك

الله يرجك

كل الشكر على القائمين على حياة نت

الداود · #24 09/11/2007, 11:43 PM

إقتباس


	المهم وادخل اليوزر والباسوورد وفتح معي.. ياشباب ماأوصفلكم حالتي حزتها حسيت اني ألعب في البرازيل (على طاري الشباب انتم جالسين تقرون والا جالس اكتب لعمري )..

انا وصلت هنا وحبيت اقولك اني جالس اقرا كمل

برب اكمل الخبال

يمكن يصير لي رجعه ويمكن لا, لكن الأحتمال الثاني هو الأقرب

Bnt alzaeem · #25 10/11/2007, 12:04 AM

ياهلا هلالي الظهران

وين الغيبه <<<< اللي يشوفها يقول كل يوم مرتزه

إقتباس


	ولا أجد حرجاً أن اقول انه من خلال بعض الاصدقاء في الشبكه جاني عرض من أحد الملاحق الاسبوعيه لاحد الصحف السعوديه بالكتابه معهم ..

ياحركات كان وافقت

علشان تطلع صورتك في الجريده

.
.
.

leo messi · #26 10/11/2007, 12:19 AM

هلا والله ابو سباستيان

الحمدلله عظيم السلطان قوى عباده ولو ضعفوا بالايمان واصطفى خير الخلق للرساله فجاء بأحسن بيان <--- مسوي مدرسكم

حياة نتيه جعلتني اتأكد من كلام المشاغب يوم يقول لي ترا عمر من ادلخ الناس

اللي قابلتهم بحياتي ان لم يكن ادلخهم <--- يبي يشبها بينك وبين المشاغب

بحق استظافة رائعه وعضو رائع مافيه اروع منه الا هدف المفرج

على فكرة ان ماخاب ظني ان البستان ذا مقهى

في النهاية ماعندي شيء اقوله الا شكرا ابو سباستياااااان وشكرا لمن كان خلف هذه الاستظافه ..!!

واذا تذكرت شيء برجع

تانكيو بنك مصر ...!!

.

كاريزمـا · #27 10/11/2007, 12:23 AM

حياك الله ابو سبستيان >> عليك لقب خخخخخخخخخ

ذكرتني بكلمه ............

بلاش منها

والله من زمان ياابو سبستيان ( كلافه هاللقب

) خبري بك ايام التاريخ يقص شعره كوكتيل

حياة نتيه رائعه وساخره يالساخر

والله انها سواليف وبربره ماشاء الله عليك
كم جلست وانت تبربر بالورقه

المهم ياعمر السبستيان وش اخبار اسماعيل الحين

والله شكله أجودي

بس ماش انت اللي بك البلا

انت متأكد انه هو اللي وصف لك الكيبورد

او انت اللي متخيل الشكل وجالس تلطها بظهره

سؤال يدور بدميجتي :

س - وراه كلنا نبدأ النت مع عطلة الصيف ؟؟؟؟ يحتاج أجابه

(( يعني معقول بعد هالعمر أروح أخذ جحه مقفله مادري هي حمراء ولا بيضاء.. بعدين انا وش يدريني انها جحه؟! يااخوان امكن انها تصير قرع او حتى كوسه

..))

!!! ؟؟؟ !!! لا تعليق ...

مع أني مااعرف وش طريقةالشات ... لكن ابي اعرف وش تستفيدون منه!!

******

على طاري سالفة الايميل :

اذا تعرف المثل اللي يقولك ( تعبر بأم شوشه لين ماتجيك المرشوشه )

جالس تزرف من الخلق خخخخخخخخخخ

بشر الحين عرفت تسوي إيميل ؟

((هاللي يطول الشعر واللي يكبر مدري شنو واللي يجعل اظافرك براقه))

هالحين من زين اظافرك يوم تبيها تبرق حلف لو اشوفها تلاقيه متكسره

وصفراء وكلها وععععععععععععععععععع

>> أظافر ضب مجلس

المهم ياعمر السبستيان :

حياة نتيه مرحه وحلوه وقميله ولا يكثر يابنت

والله يخليكم لبعض انت واللي قابلتهم من الزعيم ويحفظ الموده بينكم
ويوفقك بالاسهم ..

ولا تصيف علينا نبي موضوع ذبااات

( دبه - سنون صفراء

وش بعد ياربي أمممممممممممممممممممممم

والله كان ودي اقتبس وأعلق أكثر بس والله تعيبانه ومافيني شده

وبأمان الله سبستيان

كل الشكر لمن قام على هذه الفقره ..

هلاليه كووول22 · #28 10/11/2007, 02:06 AM

هلا والله أبو سباستيان
منــــــــــــــور المجلس
دخلت اتصفح المجلس عالسريع شفت استضافتك
قلت مايبغالها نسجل دخول ونرد على السوالف الروعه

إقتباس


	حيث انه مره من المرات كنا نمارس هوايتنا بقرية النخيل.. كان نهار لابس بنطلون اخضر وفانيله صفراء.. وصادفنا وردتين ملكعتين.. قامت وحده منهم لبسته كاب أحمر والثانيه قالت: أنت الحين مشروع اشاره ناجح (ههههه الله ياخذ ابليسها ذبه في الثمانيات )..

لووووووووووووووووووووووووووول
قرية النخيل وماأدراك ماقرية النخيل

والله ودي أقتبس وارد على كل سالفه
بس الامتحانات الله يغثها

سوالف ماتنمل ضحكتني من كل قلبي

الله يسعدك وين ماتكون

ألف شكر
ل مشرفي واستشاريي
منتدى المجلس العام
على استضافة هلالي الظهران

مَاهِينُورْ · #29 10/11/2007, 09:31 AM

حياك الكريم ابو سباستيان ..
الله يعطيك العافية ..
حيات نتيه رائعة ماشاء الله

..
الله يوسع صدرك بالعافية

...
من أروع الضيوف على حياة @ نت

..
بارك الله فيك عمر ..
*
*
الغالية / الماســـه الزرقاء ..
عاشق بو يعقوب ..
الكلاسيكي ..
بارك الله في جهودكم ،، وجزاكم الله خير الجزاء على ماتقدمون ..
*
*
*
في أمان الله ..

راكان _20_ · #30 10/11/2007, 10:02 AM

يعطيكم العافيه على إختيار المتميز