هلا والله بأبو طلافارس
والله تبي الصدق ولا أبن عمو
اليوم قبل ما أروح المدرسة .. الباقي مشفر

ابو شلاخ طلبتك خلك صريح .. ولاتشلخ علينا

كلنا سعوديين وفاهمين بعض

اوصفلنا الحدث ؟؟ هع هع هع

لي عوده ولكن بطلع شوي وبرجع وأمخمخ على موضوعك..
لأن مازال جاري التفكير..
موضوعك راااااااااااائع ولكن بجي أنا وخشتيتي وأسدح فيذا طقاقي
يالله كتبت الموضوع وأنا ملحوووووووووقه لي عوده أخي أبو طلال

هلا وغلا اخوي ابوطلو<<<والله توني احصل خط مواصل

ــــــــــــــــــــــــــــــــــــــــــــ

إقتباس الشي اللى ظحكني .. وللحين اظحك منه وانا حاط رجلي اقول لاخوي والله لاردها له ( تردها لمين ياورع ) اخوي يهديني بس ميت ظحك .. وانا اقولها هين اوريكم

نو كومنت

اما عليك موضوع ما له داعي...تبي نطلع المستور
فيه ضرب وفيه تكفيخ...وش تبي منها

اخر مره يا طويل العمر تكفخت من الشايب واتذكرها ولا انساها...كانت في الصيفيه اللي بعدها اصير في اول متوسط
لكن احسن ما في الشايب لما يضرب يخلي الضرب جماعي
يعني موانا لوحدي اللي انضرب ...كل اخواني انضربوا معي الا اخواني الكبار

والسبب هو ان الشايب الله يحفظه من الناس اللي ما يضرب اول ما تخطي
يجلس يجمع الاخطاء الى يوم متنيل بستين نيله من ثم يمارس رياضته الغير محببه على جميع اخواني وانا واحد منهم
لكن والله لو تدري وش ضربنا به بشيء غير متوقع ...ولا اقدر اقوله لكم عشان لا تقولون ابوك متوحش
لكن اتوقع انه اكتفى بعدها واعتزل هذي الرياضه الاليمه الى يومك هذا
ولكن لا باس من التوبيخ باسلوبه الخاص


الله يعطيك العافيه خيوووو ابوطلو على موضوعك الماساوي








سلااااااااااااااااااام

عبث طفله .... ننتظر العوده لاتبطين علينا .. وخلك اول انثى تعترف بالتصفيق ( عاد البنت دايم مع الجدايل )

إقتباس abo_nasser هلا وغلا اخوي ابوطلو<<<والله توني احصل خط مواصل

اجل غيروا اسمه من الخط الكوفي الى خط ( مواصل ) هع هع هع

هلا والله ابو ناصر .. يسعدلي مساك يالغالي

إقتباس لكن والله لو تدري وش ضربنا به بشيء غير متوقع ...ولا اقدر اقوله لكم عشان لا تقولون ابوك متوحش

عندنا وعندك خير .. عموما الموضوع عن اخر ضربه .. مو اقوى ضربه جتك من ابوك .. والا كان بلاوي واسلحه خفيفه وثقيله استخدمت ضدنا وانا بزران


شاكر لك ابو ناصر ... وسير علينا بهالموضوع .. وتفرج على سوالف الاعضاء .. ( فضايح الاعضاء )



للحديث بقيـــــــــــه :

وعليكم السلام ورحمة الله وبركاته

هلا بك اخوي ابو طلال..

الصراحه مااذكر متى اخر طقه
بس اكيد ماكانت من الوالد الله يحفظه ويخليه
لانه مايعترف بشي اسمه ضرب
الا مع العيال طبعا
اذا كان في ضربه بالصغر فهي شد الجديله من الوالده ايام الابتدائي

لكن والله لو تدري وش ضربنا به بشيء غير متوقع ...ولا اقدر اقوله لكم عشان لا تقولون ابوك متوحش

اللي يشوف << ضرب الناس >> يهون عليه ضربه
ههههههههههههههه
جالسه أتفرج وأضحك عليهم
أبو طلال يعطيك العافيه موضوع في وقته

مالها داعي الفضايح ولا فيه كثير

والله يا ابو طلال مدري وش اقولك
ابوي ماعمره مد يده علي
عودني على الكلام او الصراخ
وهو والله تأثيره اقوى من الضرب
الضرب تأثيره مؤقت ثواني وينتهي
اما الكلام يبقى فالنفس مايمحي
اسلوب سيئ في التربيه
اتمنى ياابو طلال انت وغيرك من الأباء ما تستعملونة ضد ابنائكم

عوافي خيو

ابو طلال ماشاء الله عليك مواضيعك دايم جميله وتشد الانتباه

بالنسبه لموضوع الضرب ابوي فيه ميزه مايضرب قدام أهلي يحشرني بغرفتي ويعطيني المقسوم
وفي الضرب طبعا مايستخدم غير العقال ( بس عليه عقال تقول عجره )

كنت في أول متوسط ندرس انا وواحد من عيال عمي في نفس المدرسه
نغزنا الشيطان قبل تبدأ الحصه الأولى وانحشنا من المدرسه ورحنا لبيتهم ورقدنا في الملحق
عاد انا مسوي ذيب ومعطي المدرسه رقم البقاله لأنه مايفتح الصبح بس ابوي طلع اشطر مني
رايح لهم من وراي ومعطيهم جواله ،،

طبعا اتصلو على رقم البقاله محد رد ثم اتصلوا على جوال ابوي
بعد مانمت وشبعت نوم رحت للبيت < من زد الدلاخه طبعا وجهي كله نوم

امي شافت وجهي باين عليه النوم وماقالت شي ( ياحبي لها ماتبي تضلمني )
وابوي في العمل طبعا ومحد يدري عن نحشتي من البيت

رجع ابوي العصر وشافني عند اخواني قال لي تعال وراح لغرفتي ،،،

عاد انا طاح قلبي

بعد مادخلت الغرفه سكر الغرفه وقفلها ( الباقي مشفر اذا عندك بروكسي ادخل ههههههههه )

بعد مادخلت نزل عقاله بكل هداوه وأريحيه وقال وين كنت الصبح ؟
عاد انا ووجهي مسوي ابي اجحد قلت في المدرسه
ويعطيني الأولى ثم قال وين كنت اليوم الصبح
عاد وانا اخووور قلت له في بيت عمي ويعطيني الثانيه قال قسم بالله لو تكذب علي لـ اعلقك في المروحه
وانا احلف له اني كنت نايم في بيت عمي ونكبت ولد عمي معي وهو يعطيني المقسوم ويطلع

بعد ماطلعت مريت من جنب امي قالت لي وانا اشوف وجهك بعد ماجيت من المدرسه كله نوم

من عقبها الله يجزاه خير ويخليه ماعاد افكر انحاش حتى ولد عمي سحبت عليه ( طبعا سحبت عليه اسبوع بس هههههه )

هذا إللي ناوي يفضحنا

بالنسبة للوالدة ماعمرها طقتني
أما أبوي حدث ولاحرج

آخر طقه ما أذكر متى كانت بس كل الطق إللي جاني يوم كنت في الإبتدائي ومن خشيت المتوسط ما أذكر إنه طقني
يوم كنت في الإبتدائي عد واغلط
كم كف على كم رفسة على كم لشطة بالعقال

مرة طقني أنا مع أخوي بالعصا قمنا رحنا غرفته بدون ما يدري وكسرنا عصاته
بس أبوي حكيم ما قال شي


عوافي