كفيت وفيت ابو مشعل

شي يقهر الي يصير

وبالاخير يقولون سعود بن تركي ولا المصيبيح؟؟؟
وش يبونهم يسوون ، يطقون التكميلة ويسجلون اقوال ؟ ولا يحكمون المباريات؟ ولا ياخذون لاعبي المنتخب غصب؟

اعجبني الامير سعود بن تركي بقرار الانسحاب من البطولة العربية ، وليته يكملها وينسحب من الدوري بعد ، او على الاقل يرفض اللعب المباريات الكبيرة الا بكامل النجوم ، مع انه شي مستحيل!!

يقطعون اجنحة الهلال ويتفاخرون باصطياده؟؟ ، (وليته على كذا بعد ، بتدخل تحكيمي)

لكن ارثر جورج غريييييب
وش الصدف هذي؟
الله يستر على البطولة الجاية بس

تسلم والله يعطيك العافية

هلا اخوي كاتبنا القدير

يا قاهرهم يا سامي

والله انك صادق في كل اللى قلته

اجل الحين جزاء المعروف سبع كفوف

كل لا عبينا بالمنتحب الوطني اللى يطلع برى ويشرف الرياضه السعوديه والمسوؤلين والرياضين

ولا نقول لا ولا نعترض

والمفروض يكون لنادينا تنزلات من الاتحاد كتقدير لناوتقدير لاعبينا

ولكن حنا مانبي هذه المميزات نبي يعاملون مثل الانديه اللى تخبر

لكن للاسف



لا حياة لمن تنادي


وما نقول إلا
حسبي الله ونعم الوكيل

أولا : يعطيكم العافية وسلام للجميع

ثانياً : إذا كان سامي عبد الله الجابر هو نجم نجوم المنتخب السعودي فبلا شك أنك يا( قاهرهم ياسامي ) نجم نجوم هذا المنتدى وأعتقد أن الكثير من الزوار والأعضاء حينما تقع أعينهم على هذا الاسم الرنان وهو يكتب أو يعقب لا بد وأن تتسابق أعينهم لقراءة روائعك .

لا أقول إلا زادك الله علما وصحة ونضجا و وووووووو ...

أقف احتراما لكل ما كتبت ولكني أعتقد أن آرثر مدرب جيد من خلال ما تقدم من مباريات للهلال في هذا الموسم وخسارة مباراة أو مبارتين ليست مقياس سوء هذا المدرب ولكن أنت أتيت على الجرح ووضحت ولن أعيد فلدى الإتحاد .... السعودي الخبر اليقين

ختاماأنا ضد إنسحاب الهلال من البطولة العربية وأعتقد أن الهلال بصفه الثالث قادر على جلب البطولة وقولوا إن شاء الله ...

نعم والله انك قاهرهم ياسامي
اخوي كلامك في المدرب صحيح100000000000000000000%
ولكن في سعود0000000اسمحي لا والف لا
طبعا الامير صغير في السن ويجامل كثيرا مما اضر بالهلال ولكنه يحب الزعيم مثلنا او اكثر بس انا اعتقد ان صلته بالرئيس العام تسبب له احراج ومن هذا المنطلق يتغاضى عن بعض الامور من باب الحياء فقط0
لابد من رجوعه الي اعضاء الشرف والي اراء الامير هذلول0
ملاحظة
اتمنى ان نصاب بحالة هيستريه بسبب الهزيمة فالخطأ منا والينا0
الرجاء التماسك والكلام بعقلانية
تحياتي،،،،،،،،

والله اميرنا ما قصر
وبعدين ارثر اثبت انه كبير
وقدر يتصدر الدوري بدون نجوم
ويعطيك العافيه على كل كلمه كتبتها

اؤيد كل كلامك .. استاذي ابو هيا ..
واتمنى ان يتحمل الاتحاد السعودي جزءا من تكاليف مقدمات العقود زي ما قلت ...
وهذا اللي ما اتوقع يصير !!!!!


و يــــــــــــــا صـــــــــــــــــــــبـــــــــــــــــــر ايــــــــــــــــــــــــــــــــــــوب

على هالأتحاد الفاشل ..

اشكرك ...

والله معك حق مهزله وعلى فكره ترا المنتخب دافع مبالغ عشان يجيبون البرازيل تصكنا 5-0 وتمشي والله مهوله نبي لعيبتنا

أبو نواف : مرحبنبك .. جميل استطرادك .. وساقف معك ما قلت ..

إقتباس ويجب أن نرفع صوتنا ممثلا بالأمير سعود بن تركي ولا ننسى بعض أعضاء الشرف اللي حول النادي مثل بندر بن محمد ، لكي يحصل الهلال على حقوقه المهضومه ، وثق أنهم كانوا على وشك أخذ الشريده وحسين العلي ولكن خوفهم من ردة فعل الهلال أجلوا الموضوع.

اقول الله يعافيك بس على هالكلام .. صدقني هذا المطلوب منا كجماهير هلالية الوقوف مع الامير سعود بن تركي .. ومساندته لتشكيل صوت هلالي مسموع .. ولكن
مارأيك بالهلالي الذي يستغل هذه النكسات ليسل سيفه على الامير سعود والمدرب ولاعبي الفريق !!!
ياغالي بالنسبة لشريدة فصدقني انهم ليسوا على وشك استداعائه بل هو من ضمن الطاقم المختار ولكن استحوا على وجيههم وخلوه .. هذا اذا افترضنا ان لهم وجيه
!!

إقتباس ومشكلتنا الرئيسيه ليست كثرة المشاركات ولا كثرة المعسكرات مشكلتناالأسباب ورائها ولماذا يحرصون عليها وأفهم يافهيم.

انا اقول لك السبب النهب والشرق والتمشي على حساب الاتحاد السعودي !!!! بالسابق كنت المعسكرات مدتها اربع اشهر حتى ولو كانت استعداد لتصفيات تمهيدية
سنقابل فيها ماليزيا واندونيسيا وبنقلاديش - وذاك الوقت كنا ندخل مثل ذيك المبارايات والنتيجة 6 صفر لنا قبل يبدأ الشوط الاول .. والشوط الثاني اذا كانت المباراة
بالملز تلقى نجوم هالمنتخبات ما نزلوا للملعب لانهم منشغلين بغسيل سيارات الجمهور بالمواقف !!! ..

ياغالي اقول لك هذا سابقاً اما الان فالسرقة والنهب والسرق المدرس صار صعبة يصير في استعداد بطولة صغيرة فالفرصة مناسبة لكأس العالم نحتاج واحد معسكر
داخلي واثنين معسكر خارجي وكثر (الشطة) !!!!!!

وعساك سالم بس !!!

إقتباس أما تحمل الهلال وأدارته المسئوليه في هذه الهزيمه ... فلا نستطيع تحميلهم ألا جزء منها يصل الى 25 % فمثلا سكوتهم وعدم جرأتهم على اشراك اللاعبيين كماهو حا الشباب عندما شارك لاعبيين من متخب الشباب في مباراة الهلال الماضيه ، وحال الأهلي والنصر والأتحاد في الأعوام الماضيه ، فالقوه تولد أحترام الغير لك ، ومسئولين عن مستوى اللاعب الجديد هل هو بمستوى الفريق أم لأ (لم اشاهده حقيقة) ، ولاننسى حبيبك المصيبيح برضه مسئول يعني مسئول عن أي هزيمه يعني مدير بلاش

لا تستشهد بالشباب فقط يا ابو نواف .. حتى الاتحاد ضد ابها اشرك محمد ثور هوساوي كاحتياطي رغم وصول التبليغ بالانضمام ظهراً والمباراة اقيمت مساءً !!!!!!
اما نواف التيماط الله يحفظه لنا فهو مصلي العصر بالمعسكر !! خايف لا يقولون خائن .. ( يسوونها والله )

انا اقول ان نور تواجد على الدكة وشاهده الجميع .. ولم يتم اتخاذ اي اجراء بل ان الصحف لم تكتب ولم تشر الى هذا الامر !! بينما لو شارك التمياط اقسم بالله ان
يطالب بشطبه ويرفع احتجاج من الطائي ويقبل قبل ان يصل الى الاتحاد السعودي ..

اخطاء الادارة والمدرب و(حبيبي) المصيبيح .. يابو نواف يابعد قلبي .. تعرف رأيي زين .. من قال انهم بدون اخطاء ومن قال ان عملهم كامل !!؟؟ نعم هناك قصور
وجل من لا يخطئ .. ولكن لماذا نسل السيوف بوجه من اهدانا صدارة الدوري بفريق يغيب عنه منتخب كامل .. !!
ثم صدقني قد لا نشعر بالنقص لو ان ادميلسون متواجد والصويلح والمفرج والتمياط !! ترد الاربعة فقط لان الهلال في اخر مباريات الدوري بدأ ينسجم وبدأ يظهر
بصورة تكتيكية رائعة ..
ضد النجمة قبل 5 ايام تم قلب الطاولة والهلال يلعب بـ 10 لاعبين فقط .. والسبب ان ارثر كان يملك قنيلة اسمها التمياط على الدكة نزل نواف فتغير الفريق وقلب الخسارة الى فوز ..
ياغالي .. النقص الذي تعرض له الهلال بعد لقاء النجمة من اللاعبين المتواجدين سبب مطالبتنا بنجوم المنتخب .. فالفريق افتقد للانسجام وافتقد للبديل الكفؤ بعض
المراكز شغلها لاعبو من الصف الثالث !!

اختصار لهده النقطة .. ادراة الهلال والجهاز الفني والاداري لهم جوانب قصور لكنها دون ادني شك لا تتجاوز 30% أو كما قلت 25 % كسبب لهذه الخسارة الموجهة ..

اللاعب الجديد .. كان بأمانة (يدربيها) خلال اللقاء وحسنة الوحيدة الهدف .. ولكن الفريق بشكل عام لا يساعد للحكم على أي لاعب !

إقتباس ابوهياوراك عجل اصبر شوي وبعدين رد على الردود .. تراك مالك الا ربع ساعه منزل الموضوع

.. جاد ومتوقع مداخلات صراحة تحتاج وقفة ورد .. فقلت ابقعد بعد الموضوع بنص ساعة وابشوف اذا فية ردود اتبدى فيها .. بس هذا كل شئ

بالنسبة للشباب وين خيموا فيه يابعد حيي .. ناوي اكلم ارثر يرسل عندهم القحطاني والنزهان والمسعري

تحياتي ..

@@@@

عنيد 2000 : هلا بك .. ياغالي محمد نور بقى مع الاتحاد وطنش قرار الاتحاد السعودي والهلال لم يعتاد على مثل هالامور ونجومه وطنية اكثر من هوساوي وانت جاي !!!

بالنسبة لارثر .. اذا انت شفت لقاء النجمة صدقني راح تتاكد ان ارثر خلق فريق قوي .. بس غاب عن الهلال 5 نجوم غير غير نجوم المنتخب وهذا سبب التعثر ..
وبعدين ترى كل كشوفات الفريق 38 لاعب بس .. منهم 15 غياب اجباري وهم .. ومنهم 8 من القحطاني وانت جاي .. ومنهم الصفوة الثنيان والشريدة وتوليو ولكم
هذولاء صعب تعلبهم كل 5 ايام مع تشكيلة جديدة وتطلب منهم مستوى وعطاء ثابت !!

تحياتي لك ..

@@@@

عاشق هلالي : كلش على ربنا ياغالي ..

@@@@

msk12 : الله يستر .. بس ..

نتمنى الامير سعود يتدارك الوضع قبل المشاركات الخارجية ..

تحياتي ..

@@@

النــ(15)ــمر : هلا بك مرة ثانية .. ياحبيب قلبي النادي جلس اربع اشهر بدون رئيس .. ولو الامير نواف يبي الرئاسة ترس من سنة جدي .. بس صدقني هذي
امنيتك كمشجع بس لا تحلم فيها ..النعيمة .. ما اعتقد ابو فهد يبي يكرر التجربة السابقة كمدير للكرة .. وبعدين من راح يقبل هالمكان مع هالمصائب اللي تصير فيه .. اقول الله يخلي ابو محمد الحين و مثل ما تقول جدتي اذا جت تدعي لأحد ( عسى ما يذوقنا يومه ) قل آمين ..
تحياتي ..

@@@@

شبروكي : وسع صدرك يا مشرفنا عساك سالم بس ..

تحياتي ياغالي ..

@@@@

الجنتل سامي : انت اروع صدقني وموضوع الاول والثاني بعد اللقاء فيها منطقية وعساك تسلم ياغالي ..

تحياتي ..

@@@

جاكم الذيب : والله ما ادري وش نوع الحطب .. بس نقدر نسأل حسين الشمري اللي ما لقى غير السلوه !!!!

تحياتي ..

@@@

أبو بدر : متأثر باوربيت يا بو بدر ( والقادم أمر) خبرنا القادم مذهل !! ..

يا بعدي يا بو بدر .. لمن نتوقع ان يصل التخبط الى هذا الحد صدقني .. وكما على قدر كبير من التفائل بان الاتحاد السعودي بدأ يدرك اهمية اشعال المنافسات المحلية
وتزويد الاندية بنجومهم .. ولكن خاب الظن والتوقع والله الهادي الدليل !

إقتباس ــ التحكم مخزٍ للغاية والمستوى أخزى .

جدا جدا .. وشاهد موضوع الرائع سور الصين لتدرك ان سور الصين تنبأ بهذا السيريلانكي قبل اشهر !!!!!

إقتباس ــ أجانب الطائي حسموا اللقاء .

صدقني لو ان اجانب الطائي يرتدون القميص الازرق ويعانون من عدم الاستقرار الفني لما فعلوا ما فعلوه بالامس !! ومع ايماني التام بقدراته الفردية الرائعة خصوصا
ا لمعصقل الافريقي !!

إقتباس الانسحاب من البطولتين العربية والآسيوية أمر لا بد منه حتى لو أعطانا الاتحاد نصف اللاعبين

قل غيرها يابو بدر اقلها البطولة الاسيوية اللله يرحم والديك ,, صعب الانسحاب من الاسيوية يابوبدر .. وعساك تعيش وتشوف الكاس الا سيوي يرفع ابو نزهان ;)

إقتباس آرثر لم تسعفه ظروف الفريق المتتابعة في إظهار ما لديه لكن لا بأس من إلغاء عقده إذا كان سيفيد الفريق نفسياً فقط .

ابو بدر ليس امامنا مباراة او اثنين وينتهي الموسم لكي نبحث عن دعم نفسي ! ارثر يتم الاستغناء عنه اذا كان هناك بديل جاهز وكفؤ لقيادة الفريق بالعربية والاسيوية ونهائي الدوري .. والاهم ان يكون يعرف الهلال والدوري السعودي جيداً لانه لاوقت لانسجام المدرب وتعريفه بالفريق والنججوم ..

باختصار الغاء عقد ارثر يعني ان يقودنا المنصور حتى نعاية الموسم .. وقل ما قاله الرشيق ابو هيا !!

إقتباس ــ بعد خروج الزعيم ستكون الفرصة مواتية للنصر لتحقيق الكأس خاصة وفرق الاتحاد والأهلي والشباب ليست كما هي .

اقول اذا حجت البقرة على شبحات وبي ام دبل يو !!

إقتباس عندما كنا طلاباً في المرحلة المتوسطة والثانوية كنا ننظم دورات حواري بعضها تصل إلى عشرين فريقاً ونسير الدورات بدقة ومنافسة شريفة ولا زال الحواريون كذلك ،،، صورة لأمانة اتحاد تداخل البطولات غير المسبوق .

يكفيك ان جدول المبارايات كان ثابت ما كان كل ساعة يتغير ..

تحياتي ..

@@@@

ميلا اسيا : الشكوى لله ..

احياتي ..

@@@

للردود بقية ..

مشكور وماقصرت ...انا معك بكل كلمه ...


وش ذنب لاعبين الهلال ,,,يفرحون جماهير الانديه ويزعلون جماهيرهم ..هذا هو السؤال ..

ومشكوور اخوي

اخوي
لاخلاف على حديثك عن الاتحاد السعودي.... والكل متفق معه

لكن ومن شخص نرى ان المامه بالامور المحيطة للنادي كبيرة ورؤيته وارائة جيدة .... يبعد رئيس النادي عن اسباب خسائر الهلال فهذا يخلينا نطلب الاجابه منك عن هالاسئلة لعل لديكم ما يزيل اللبس لدينا .

1-زمن ادارة الهلال بلارئيس (تكليف للاستاذ فواز المسعد وادارة كاملة من قبل الاخ فهد المصيبيح) كانت نتائج الهلال رائعة جدا ولم يوجد اي تطاول من اي لاعب او عضو على احد اداري الهلال او مدربية ؟

2- كثرة المهازل من قبل قلة قليله من اعضاء شرف الهلال بان يطلب ويصرح بطرد المدرب الفلاني او الاداري الفلاني حتى لو نتائج عمله ممتازة والسبب عنده ( مهوب جايزلي ) خلال فترة رئاسته . وهذا سبب خسائر كبيرة جدا جدا منها مسلسل خرج ولم يعد (بلاتشي) ومنها كثرة تصاريح الفاهم لحاله فيصل ابواثنين ... استقالت اعضاء الشرف ....الخ
... فرائينا ان صغر سن الرئيس لم تسعفة في التحكم والصيطرة على اراء اعضاء الشرف ... وتذويبه في بوتقه واحدة تخدم النادي وتكون بارضاء اكبر مجموعة من اعضاء الشرف .
3- استبشرنا خير بالتعاقد مع الكونسلت التدريبي لبراعم الهلال .... ولكن وضح ان الدعوى ماصارت مدرسة الهلال بقد ما صارت روضة تحتاج الى سنين لخروج الثمار .. والسبب سؤ التقدير للرئيس وعدم الاستمرار على نهج الهلال القديم بتسليمها للعضو واعطائة جميع الصلاحيات ؟؟
4- اللاعبين الاجانب ؟؟ ** ضحك احد مكتب السمسرة وغشهم للهلال بجلب لاعب مزور ** مسرحية " الكاتو مانبيه .. لا لا نبيه .. ولاتدرون شرايكم نعلقه " ** الروماني العالمي + البرازيلي الروماني الفلته وهداف من الطراز الاول ** البرازيلي الثاني ولد عمة خالة جدة توليو !!!!
5- الاعلام العكسي من قبل الرئيس للاداري فهد المصيبيح تصاريحه ( غصب عليكم بيقعد ؟ ) بدون احتوى للمشكلة من جذورها .
6- البعد الشبه كامل عن النادي ... عارف ان الرئيس الرائع نواف بن محمد كان بعيد ايضا ولكن كان دائما قريب للادارة وموفر لهم الجو الصحي للعمل.
7- وش رائيك في طريقته ومماطلته للتجديد للاعبي الفريق الاساسيين ( اسلوب نادي النثر .... ماطل في التجديد للاعب لين يخافون اعضاء الشرف ان اللاعب يطير وديفعون او ان الاعب يخفض القيمه ):p
كثيره الاسئلة بس ودي على هذي تجاوب

**** تشويت مع الخشة ****
@@ ارثر @@
لا اعتقد انه يوجد مدرب في الدوري السعودي بمثل العقلية التدريبية للمدرب العالمي ارثر ... فجميع ما وجهه من نقص في اللاعبين وعدم وجود الجو الصحي للعمل... قدر ان يسير الفريق لنائع مبهره

الحل الوحيد سبق وان كتبته بعنوان (اسلوب ناجح لرئيس النصر ) ارجومن جميع القراء الاطلاع عليه للوصول للكثير من الحقائق وشكرا.

وعلى فكره كل هذي خطط علميه مدروسه
عااااااد افهموها

مانقدر نسوي شي

ناخذ الدعيع والدوخي وسامي ونترك نواف والجمعان وسليمان

والله انها قمة الظلم

وسلم لي على خطط علمية مدروسة

تسلم والله كلمات معبرة عنا جميعا باسم كل الجماهير الهلالية يشرفنا ان يكحون ملقيها هو ياقاهرهم ياسامي ...

تسلم والله كلمات معبرة عنا جميعا باسم كل الجماهير الهلالية يشرفنا ان يكون ملقيها هو ياقاهرهم ياسامي ...