#1  
قديم 20/10/2007, 07:45 PM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224
يــوم فــي حــيــاة ابـو داحــــــــم ( 1 ) ..!!

بسم الله الرحمن الرحيم ..
السلام عليكم ورحمة الله وبركاته ..
هذا يا جماعة الخير ..
انا من الناس اللي ما عندهم افكار جديدة للمواضيع .. لكن لعيون الحبايب اللي كلموني على الخاص .. يطلبوني انزل موضوع ..
واللي وصل عددهم حتى الساعة 3496 شخص ..
وما ادري بعد ما اخلص الموضوع كم بيصير العدد..
قررت اني اشوف اقرب واحد عشان اكتب يوم من ايامه ..
طبعا لقيت لكم واحد اسمه عبد الرحمن ..
وهذي حكايته من بدايتها ..
*********************************************************************
ندخل في حياة الموضوع ..
هالموضوع يا رعاكم الله يحكي قصة يوم واحد في حياة ابو داحم ..
فيه كثير من الاحداث اللي تمر علينا ..
وتختلف نظرتنا لها بإختلاف موقعنا في الحدث نفسه ..
فهيا بنا ..
وطبعا عشان تكونون في الصورة لازم نعرف بشخصيات الاوادم المشاركين في اليومية ..
<<< مدري اشلون جات شخصيات والاوادم ..
بطولة ابو داحم ..
هالادمي .. فيه شوية تناقض ..
يكون خجول احيانا ..
واحيانا وجهه اقوى من الصبة ..
صبره قليل ..
ولا يتحمل يكثر هرج مع احد ..
لذلك يحاول يخلص اموره بأي طريقة ..
بالاشتراك مع : شليويح ..
درج .. خبل .. لوح .. شاكوش ..
كل هالصفات السابقة تقف عاجزة امام هالادمي ..
ما توفيه حقه ..
ودوره في حياة ابو داحم انه خويه اللي ما يفارقه ..
والسبب انه شليويح على ما فيه مما سبق الا انه قوي وجه ويجي منه احيانا ..
لكن عنده مشكلة مهيب عند احد غيره ..
على حد علمي ..
اللي هي ان كثير من الكلمات عنده لها معنيين ..
وهو ما يعرف المناسب للموقف منها ..
الكومبارس : مشخط .. والشحرورة ..
ابو عبد الرحمن وامه ..
طبعا لا احد يطلبني احدد بالضبط ..
لأني ما ادري ..
بس اظن ..
ان الشحرورة ابوه .. ومشخط جدته ..
<<< ..
ملاحظة كبر رأس البعير ابو سنامين ..
كثير من التصرفات المذكورة ..
هي مما شاهدته بعيني ..
او سمعت عنه من صاحبه مباشرة ..
بالفصيح .. الاحداث صحيحة ..
لكن مو شرط تكون بوقت واحد او مع شخص واحد . ..
في بداية يوم حبيبنا ..
كان عنده مشاوير كثيرة بحكم ان محفظته ضائعة في اليوم اللي قبله ..
فكان من الضروري انه يقوم بدري ..
فقام بتوقيت المنبه على الساعة 30: 6 الصباح ..
وطبعا بسم الله عليه ..ما جات الساعة خمسة ..
الا وراسه صافق السقف على اثر ركلة من القدم اليسرى لوالده ..
اعقبها تمتمة غير واضحة ..
لكن بحكم معرفته بأبوه يدري انه قال كالعادة ..
" قم يا مال الوجع " ..
طبعا قام ابو داحم مفجوع ..
ويناظر الساعة .. لقيها قريبة من الخمسة الا خمس ..
قال يا دين الله وش يصحينا هالحزة ..ولا دائرة حكومية مفتوحة ..
وين تبيني اروح ..قال ابوه قم صل ..
ابو داحم لحظتها تذكر ان المسلمين عندهم صلاة هالحزة ..
طبعا قام الرجال وصلى ثم توضأ
<<< كني بديت اضيع ..
خلص اموره وانتهى من لبسه وتجهز انه يخطو اول خطوة في ماراثون اصدار بدل فاقد ..
نزل حبيبنا وجلس بالصالة ..
<<< البهو على قولة عيال الكاش .. ولا لا يالهاوي ..
والرجال جالس ع الكنبة وهو شبه منسدح .. والرجلين فوق بعض على الطاولة ..
الشحرورة : صباح الخير ..
ابو داحم : صباح النور والسرور ..
طبعا امه مسيكينه رايحة جاية من قدامه تجهز الفطور لأبوه اللي ما بعد رجع من المسجد ..
طبعا ابو داحم سمع صوت المفتاح بالباب .. وهو اللي يعدل جلسته ويضبط اموره..
دخل ابوه وسلم ..رد عليه ..
مشخط : هاه يا ولدي وين بتروح اليوم ؟
ابو داحم : والله يا ابتاه انا اليوم بروح للأحوال ثم بمر على المرور واذا بقي وقت رحت وطلعت بطاقة التأمين ومنها ع الجامعة و بمر ع البنك واطلع بطائق الصراف وفيه كم شغلة يبيلي اقضيها ..
وعاد الله يعين ..
مشخط : ارهوم اريغرلبم ..
<<< يتكلم وهو يأكل ..
ابو داحم : عاد دعواتك ..
مشخط : الله يوفقك ويعينك ..
طلع صاحبنا .. وشغل سيارته وتوكل على الله .. ومر على شليويح..
لأنهم متفقين انهم يروحون سوا .. ركب شليويح وسلم ..
بعدها سأل : هاه وين رايحين ؟
ابو داحم : الاحوال ..
شليويح : الاحوال يعني الاحوال المدنية .. ولا الاحوال يعني الاحوال الجوية.
ابو داحم وهو يحرك رأسه يمين يسار يبي يعبر عن انه غسل يده ان هالادمي يفهم من مرة وحدة : لا .. الاحوال المدنية ..
وصلوا اول مكان اللي هو الاحوال وحصلوا قدامهم مجموعة يمكن خمسة او ستة اشخاص ..
طبعا باقي على بداية الدوام ساعة الا ربع والناس بدت تزيد ..
قام شليويح اقترح ان الناس من انفسهم يوقفون سرى قدام الباب ..
ولما يدخلون .. يدخلون بالترتيب ويسحبون ارقام ..
وبكذا يصير اللي جاء من بدري استفاد من جيته .. الناس كلهم قالوا كلام سليم ..
وقاموا صفوا سرى .. وقبل ما تجي الساعة ثمانية بربع ساعة ..
جاء واحد وحصل قدامه سرى ولا اطول منه ..
راح بكل قوة وجه وقف عند الباب على طول ..
الناس يقولون له ياهوه امسك سراك ..
قام هو يرد : اللي يبي يمسك سرى يمسكه في بيتهم ..
هو قالها ولا ما قالها ..الا وكل الناس اللي في اخر الصف .. يزاحمونه عند الباب ..
طبعا قمة اللعانة والدف والسب والكتمة قدام الباب لمدة ربع ساعة ..
فتح السيكيورتي الباب ..
والعالم ما ترحم ...
القوي يدوس الضعيف ..
والشاب يدف الشايب ..
ولا عندك مشاكل ..
دخل ابو داحم و شليويح ومسكوا سرى ع الارقام ..طبعا في نهاية الصف ..
ويناظرون قدام الا والحبيب اللي جاي وخرب السرى اول واحد ..
شليويح : يا خسارة الجلسة ساعتين قدام الباب ..
طبعا مشى السرى حلاوة وصح انهم تأخروا شوي ..
وصلوا عند موظف كان مروق ع الاخر ..ومبسوط ذاك اليوم..
المهم هالموظف كل ما جاه واحد يقول له ..
اذا حلو تعال واذا منت حلو ارجع ..
الناس ما احد له مزاج اول النهار وهذا جالس ينكت ..
طبعا اول ما قالها لـ ابو داحم و شليويح قال له شليويح
آآآآآه ... لو انك لحقت علي وانا صغير بس ..
المهم جلسوا عنده تقريبا ربع ساعة ..
وخرجوا من عنده وهم يقولون ..
" يا شين بعض الموظفين وهو متضايق والا وهو مروق "
لكن ومع كذا ..
خلصوا امورهم بدري شوي ..
وطلعوا على موعد تصوير بعد 15 يوم ..
طبعا دار الحوار التالي بين الاثنين وهم رايحين الى ادارة المرور ..
ابو داحم: شفت الموظف خفيف الدم ؟
شليويح: شفت يعني رأيت .. ولا شفت يعني الزر اللي فوق الكنترول في الكيبورد..
ابو داحم: يا خوي لا تصير سامج ..
شليويح: سامج يعني قليل ملح .. ولا سامج يعني ثقيل دم ..
وقتها اقتنع ابو داحم ان خويه مضيع واذا ما علمه عن الشغلتين ..ولا ما راح يفهم عليه ..
ابو داحم: شفت يعني رأيت .. وسامج يعني ثقيل دم ..
شليويح: " ايه هذا قصدك ... أي والله شفته ..يا صبر الارض على بعض هالموظفين ..
المشكلة انك تحصل موظف الجوازات متضايق ويقول انه مستأذن من عمله ساعتين ..
عشان يخلص له معاملة بالاحوال ..
وزعلان من تعامل الموظفين ومن اخلاقهم ..وهو في عمله يسوي نفس الشيء ..
وقس على كذا موظفين شركة الكهرباء ..
والاتصالات ..
والوزارات ..
والبلدية ..
والشرطة ..
و ... و ... الخ .. "
ابو داحم: بس لا تظلمهم .. ما هم كلهم ..
شليويح: يعني اغلبهم .. لدرجة انك تستغرب اذا لقيت واحد يشتغل صح ..
ودخلوا في سكوت عميق <<< يمديكم ع التعبير ..
ولا قطع هالسكوت الا صوت فرامل ..
ابو داحم مسكها بسرعة لأن فيه واحد قطع الطريق ..
شليويح قام يصيح وهو زعلان ..
" يا خوي انتبه .. ترى اليوم ثلاثاء وبكرة آخر يوم دوام ..
والله ان تقعد وتتنقع بالتوقيف الى بعد الاجازة ..
على مهلك يا خوك .. "
ابو داحم في محاولة لإستخفاف دمه .. وتغيير الجو ..
قال : تقعد يعني تجلس .. ولا تقعد يعني تبقى ..
شليويح: درجها بس .. الا كم باقي الين نوصل ادارة المرور ..
ابو داحم: خلاص قريبة ..
شليويح : قريبه يعني يصير له .. ولا قريبة يعني مهيب بعيدة..
ابو داحم: وربي مدري انت امك اشلون تحملتك وانت صغير ..
قريبة يعني مهيب بعيدة ..قالها بعد تأفف ..
شليويح: خلاص اذا وصلنا انزل انت وانا بدور موقف ..
ابو داحم بعد ما اعجبته الشغلة .. وحس انها حلوة للاستهبال ..
قال : خلاص يعني انتهى .. ولا خلاص اللي هو التمر ..
نزل بعدها ابو داحم وهو يمسح اثر مداس شليويح – اكرمكم الله – من على قفاه ..
دخل ابو داحم المرور ..وسأل الاستقبال ..
وش يحتاجون من اللي يبي يطلع رخصة بدل فاقد..
قال ما يحتاجون شيء ..بلاغ لو كانت مسروقة ..وبطاقة التأمين ..واثباتك ..
قال ابو داحم: بس الاثبات ضائع .. وعندي ورقة موعد التصوير .. تمشي ؟ ...
قال له الموظف : تمشي ما عندك مشاكل ..
وراح وسحب رقم ..وعشان الوقت ..
ارسل شليويح لمكتب التأمين ..
وصل شليويح للمكتب ..وطلب من الموظف اصدار بطاقة ..
قال الموظف يدك على 50 ريال ..
شليويح: " يا شيخ .. اتق الله .. السيارة كاملة .. بـ 360 ريال ..
وهالبطاقة بـ 50 ريال .. "
قال الموظف : تبي ولا لا ؟
شليويح: هات الله حسبنا ونعم الوكيل ..
رجع شليويح للمرور ..واول ما شاف ابو داحم قال له ..
حرام ان تجيب الخمسين ولا ان يسيل الدم للركب ..
فهم ابو داحم السالفة ..ووعده انه يعطيه ..وهو ناوي الجحده ناويها ..
وبعد انتظار تقريبا ساعة ..
ولما وصل ابو داحم الى الموظف ..واخذ واعطى معه ..
طلب منه الموظف اثبات ..عطاه ورقة التصوير ..
قال وش اسوي بها ذي ..رح هات اثباتك الله يصلحك..
ابو داحم: طيب خويك قال انه ...
الموظف : ما لي علاقة بخويي .. انت عندك اثبات هاته .. ما عندك .. توكل على الله .. المراجعين واجد ..
شليويح: " الله .. عرفت المراجعين الحين .. وانت ما تدري عنهم لما بغيت تاخذ لك زقارة ولا تشرب لك شاهي .. " :mad:
ابو داحم: يا خوي كل تبن انت .. تبيه يعقدها..
خلاص يا خوك ..طيب عندي جواز تقدر تمشيها به..
الموظف : هاته اخلص علي ..
عطاه النماذج يعبيها ما بين يجيب شليويح الجواز من السيارة ..
مشت الامور بدون أي شيء يذكر ..
الين بدأ الموظف يكتب البيانات على الرخصة الجديدة " القديمة " ..
ابو داحم: طيب بس انا رخصتي من الجديدة اللي هي الصغار ..
الموظف : ايه ادري .. بس النظام ما فيه بدل فاقد الى الان ..
شليويح: " الله ... وش ذا النظام اللي يصدر جديد ... ويعجز عن بدل فاقد .. "
ابو داحم: يا خوي فكنا الله يعلك ... خلاص ..
خلصت امورهم من المرور ..وطلعوا وهو يأذن لصلاة الظهر ..
وطبعا ابو داحم زعلان بقوة على شليويح الدلخ ..
وقال له : يا خي وش قصتك انت .. اقسم بالله لو انه يبي انه ما يعطينا اياها الا على نهاية دوامه ..
ركبوا السيارة ..
ودار بينهم الحوار التالي ..
<<< شليويح: الحوار يعني النقاش ... ولا الحوار يعني صغير الناقة..
<<< الخبيث جالس جنبي وانا اكتب الموضوع..
المهم قال ابو داحم بالسيارة ..
هالحين انتهينا من الرخصة ومن الاحوال ..
وبقي لنا كم مشوار لازم ننتهي منها قبل الساعة اثنين ..
شليويح: اقول هات الخمسين وبلا كثر هرج ..
ابو داحم: خلاص بعطيك اياها .. يعني جالس اسوق عليك انا ..
شليويح: اسوق يعني اقود .. ولا اسوق يعني اطقطق ..
ابو داحم : يا لييييل العنا .. عز الله اللي بنبطي على هالحالة ..
وقاطع شليويح خويه ..يقول : اربط اربط حزامك .. قدامك التفتيش ..
ابو داحم: يا خوي شايف ... اربط انت وريحيني ..
شليويح: لا انا ما يسألون عني .. اهم شيء السائق ..
ابو داحم في محاولة ثانية للتنكيت .. واستغلالا للموقف .. بما ان شليويح ما يقدر يمد يده قدام التفتيش ..
قال : السائق يعني اللي يسوق السيارة .. ولا السائق اللي هو زوج الشغالة ..
وصلوا للجندي ..
قال شليويح: ورى ما تربط حزامك ؟ .. ما قالوا لك انه لازم تربطه ..
في اللحظة اللي كان شليويح يبي يتكلم ..
قاطعه الجندي قائلا : جنّب .. جنّب ..
طبعا و ابو داحم يدور موقف عشان يجنب ..
سأله شليويح: هقوتك وش يقصد يوم قال ورى ..
ورى يعني للخلف .. ولا ورى يعني ليه ..
ابو داحم: اسأله وهو يكتب لك الورقة الصفراء ..
شليويح: يا رجال انا اوريك .. اتحداه يحررها بس ... انت ما تدري اني واسطة . ..
وصلوا عند الجندي ..
وقام شليويح وطلع من جيبه بطاقة العمل ..
وقال : انا من اخوياكم في شركة المجال سيرفس ماستر برتبة حارس امن.. ..
ابو داحم سحب نفسه وراح للسيارة يتلوى فيها من الضحك ..
شليويح اكلها مخالفة 100 ريال ورجع ..
ركب السيارة شليويح..
وقال : حرك حرك .. جعلك تضحك بدون سن.. ..
ابو داحم وبحس النذالة عنده ..ورغبة في زيادة المصخرة بشليويح..
قال : حرك يعني امش ... ولا حرك يعني اخلط ..
شليويح: اقول .. وين الخمسين .. ترى ما لقيت من وراك الا الخساير. ..
ابو داحم: يا رجال ابشر بعزك .. الخمسين وقيمة المخالفة . ..
ويقول في نفسه : لا قدني ناوي اسحب عليك ف الخمسين .. ما تفرق معي اسحب عليك ف قيمة المخالفة بعد . ..
ورجع يكلم شليويح : بالله اشلون تعطي العسكري بطاقة موظف بالاتصالات وتقول انك حارس امن بالمجال . ..
شليويح: " والله انا مرة مع واحد اخوياي .. نفس الموقف .. خوينا عطى العسكري بطاقة ..
وقال انا من اخوياكم في امن المنشآت ..
والعسكري قال له : توكل على الله ..
بالله جاوبني .. وش دخل امن المنشآت في المرور ؟ ".
ابو داحم: يا رجال .. مشي حالك .. حالك يمشي ..ما معك الا الصبر. ..
اهم شيء شف لنا صراف الحين احتاج فلوس ..
وبعد برهة من الزمن .<<< يسمع بالتشويق ..
حصلوا صراف ..
بس طابور السيارات محترم قدامه ..وقف ابو داحم في الصف ..
شليويح: يا خوك من جدك انت .. فاضي .. ولا ما تبي تخلص شكلك اليوم ..
ما تدري ان عبيط بيحطها يوميات ..
اقول .. اطلع اطلع بس وقف ورى الصراف . ..
مشى ابو داحم .. ووقف ورى الصراف ..
شليويح: كم تبي تسحب ؟ وأخذ البطاقة ونزل ..
مرّت سيارة وحدة بس ..وسقط شليويح في الدور ..وسحب وخلص ..ورجع وركب السيارة ..
شليويح: هاه خلصنا .. ولا طابوري ولا طابورك ...
ابو داحم: وربي انه تخلف .. واسلوب غبي . ..
شليويح: اقول لا يكثر .. انت شفت بعينك وش صار اليوم بالاحوال .. اللي يستحي ما يعيش يا الحبيب . ..
ابو داحم : " ايه .. احنا كذا نلتزم بالنظام ونحبه لا صار في مصلحتنا ..
اما اذا عرفنا اننا بنتأخر لو التزمنا فيه .. نتذكر وقتها ان اللي يستحي ما يعيش .. " .
شليويح: يا شينك لا صرت تنصح .. وقف وقف هنا خلنا نصلي ...
*********************************************************************
بصراحة ..
خفت من الاطالة ..
ويضيع التركيز عن الاشياء اللي ابي اوصلها ...
لذلك راح تكون بقية يومهم ..
وسالفتهم في الجامعة .. وخويهم اللي قابلوه .. وقصتهم مع البنوك ..
في مكان آخر ..
الى حين اكمال اليومية ..
نوما هنيئا ..
وعلى طريق الملك خريص نلتقي احبه . ..
العبيط كعباطة العبيط ..!! 1867 م :D ..


ملا حظة / تم تعديل الموضوع لعيون طارق .. وخرب التنسيق وضاعت الابتسامات وانا رجال وراي دوام الحين .. اذا رجعت ان شاء الله عدلتها ..
كله ولا زعل طارق

اخر تعديل كان بواسطة » المـشـاكـس في يوم » 21/10/2007 عند الساعة » 09:44 AM السبب: لا لا لا تضايقونه .. طارق لا تضايقونه ..
اضافة رد مع اقتباس
  #2  
قديم 20/10/2007, 07:46 PM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224
وش ذا المشاهدات وصلت 6 الاف ..
والردود ما احد رد ..
وين التفاعل ؟

ثواني وانزل ما يستفاد


**************************************************************

ما يستفاد ..

*

*







لأن فيه ناس ما يقدرون يستننبطون الفوائد ..



ومع كذا بيستقعد لي ..



لذلك ..



حبيت اوضح هنا بعض الفوائد اللي ما كانت صريحة بالموضوع ..











1 / كثير منا يوقت جواله او المنبه على موعد او دوام او غيرها .. ويسحب على الصلاة ..









2 / ان كثير من الاباء والامهات ما يعرفون الدعوة الصالحة لأبنائهم او غيرهم .. وكثير من الشباب اللعنة على لسانه اسرع من غيرها ..













3 / كثير منا يكون بره بأمه أقل من أبوه ... مع ان الشرع امرنا ان برها يكون اكبر ..حتى لو كانت اقسى من الاب ..









4 / فيه ناس تستهين بدعوات الاب او الام .. ولا تعطيها اهتمام ..مع انها سبب بعد الله في زيادة التوفيق ..









5 / في معـنى الحديث ان من تـدين وهـو يـنوي القـضاء .. ادى الله عنه ..ومن تـدين وهو ينوي ان يجحد .. لم يؤدي الله عنه ..









6 / اذا انت يالـشاب اليـوم قـوي ومتعافي .. فتـرى النعـمة ما تـدوم .. بكـرة بتـصير شايب ضعيف .. لذلك ارحموا الشياب .. خصوصا في الزحمة ..

اخر تعديل كان بواسطة » المـشـاكـس في يوم » 20/10/2007 عند الساعة » 08:23 PM
اضافة رد مع اقتباس
  #3  
قديم 20/10/2007, 07:46 PM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
اقسم بالله.. عجزت افهم وش السالفة.. مخي مضرووووووب.. حسافة الحركة اللي سويتها انا

بس صدقني يا عبيط أفندم.. حارقع لك أريب

اخر تعديل كان بواسطة » صقر فيصل في يوم » 20/10/2007 عند الساعة » 09:15 PM
اضافة رد مع اقتباس
  #4  
قديم 20/10/2007, 07:52 PM
الصورة الرمزية الخاصة بـ Hilali88
زعيــم مميــز
تاريخ التسجيل: 28/02/2007
مشاركات: 5,535
يا سلام عليك يا عبيط
دام هذي مواضيعك وراك نايم طول هالمدة
بس الصراحة الخط صغير تعبت عيوني وأنا أقراه

سردك للقصة كان جميل >>>جميل أبوأحمد جميل ولا جميل يعني حلو
أما مسألة الطابور إللي ذكرتها الصراحة في الصميم
هذي دايما نعاني منها والشكلة إن فيه ناس ما عندهم دم ولا إحساس ويعتدون على حقوق الغير
والمشكلة لازم تتهاوش معاهم ولا ما ينظبطون
مرة أخوي كان واقف في طابور (أظن إنه في بنك) ويجي واحد ويسولف مع خويه (خويه واقف في الطابور قدام) ويخش معه كنه محد شافه
بس أخوي ما سكت كلمه وجوا السكورتية وطلعوه
والمشكلة فوق شين وقوي عين قام يدعي على أخوي
وبعد الموظفين في الدوائر الحكومية وغيرها
عندنا في الكلية موظفين الإدارة السعوديين أكثرهم سيئين وقليلين حيا أما الأجانب حبيبين


يعطيك العافية على القصة الطريفة
وترا الفوائد إللي أنا اسنبطتها غير عن إللي أنت استنبطتها
بس يوم قريت الفوائد إللي أنت كتبتها أعبت أكثر بالموضوع
عجبني شليويح المنسم >>> منسم يعني زي الكورة ولا منسم يعني مفهي

اخر تعديل كان بواسطة » Hilali88 في يوم » 20/10/2007 عند الساعة » 08:28 PM
اضافة رد مع اقتباس
  #5  
قديم 20/10/2007, 07:56 PM
زعيــم مميــز
تاريخ التسجيل: 19/10/2006
المكان: شبكة الزعيم
مشاركات: 2,167
الصور ما طلعت عندي
___________________________
اضافة رد مع اقتباس
  #6  
قديم 20/10/2007, 08:12 PM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,234
هلا وغلا بالمشاكس

اخيرا شفت لك موضوع يا راقل <<<<بالمصري

إقتباس
بالاشتراك مع : شليويح ..

*
.
درج .. خبل .. لوح .. شاكوش ..
كل هالصفات السابقة تقف عاجزة امام هالادمي ..
ما توفيه حقه ..
ودوره في حياة ابو داحم انه خويه اللي ما يفارقه ..
والسبب انه شليويح على ما فيه مما سبق الا انه قوي وجه ويجي منه احيانا ..
لكن عنده مشكلة مهيب عند احد غيره ..
على حد علمي ..
اللي هي ان كثير من الكلمات عنده لها معنيين ..
وهو ما يعرف المناسب للموقف منها ..

مهايطي ما تدخل من ضمن مواصفاته

إقتباس
3 / كثير منا يكون بره بأمه أقل من أبوه ... مع ان الشرع امرنا ان برها يكون اكبر ..حتى لو كانت اقسى من الاب ..

هذا ليس بر بابوه او امه ...يعمل كذا مع ابوه بسبب هيبته وخوفه منه فقط



وفي الاخير باهدي لك بيت شعر تحيف

والا اقلك خلها بعدين


يعطيك العافيه خيووووووووووووو





سلااااااااااااااااااااااااااااااام

اخر تعديل كان بواسطة » abo_nasser في يوم » 21/10/2007 عند الساعة » 09:43 AM
اضافة رد مع اقتباس
  #7  
قديم 20/10/2007, 08:13 PM
الصورة الرمزية الخاصة بـ أول العنقود
زعيــم مميــز
تاريخ التسجيل: 29/04/2005
المكان: ســـــواح ...!!
مشاركات: 2,869
.
إقتباس
بصراحة ..
خفت من الاطالة ..
ويضيع التركيز عن الاشياء اللي ابي اوصلها ...
لذلك راح تكون بقية يومهم ..
وسالفتهم في الجامعة .. وخويهم اللي قابلوه .. وقصتهم مع البنوك ..
في مكان آخر ..
الى حين اكمال اليومية ..
نوما هنيئا ..
.
.
.
.
.
وعلى طريق الملك خريص نلتقي احبه . ..
.
.
.
.
.
.
.
.
العبيط كعباطة العبيط ..!! 1867 م ..



يا خي شليويح تووووووووحفة



ننتظر الجديد منك يا العبيط كعباطة العبط 1867 م

اخر تعديل كان بواسطة » أول العنقود في يوم » 20/10/2007 عند الساعة » 08:37 PM
اضافة رد مع اقتباس
  #8  
قديم 20/10/2007, 08:40 PM
زعيــم مميــز
تاريخ التسجيل: 05/05/2005
المكان: R ! y a d h
مشاركات: 2,831
عبيط الخط صغييير مره حاول تكبره
<<<<<<< ارحم اللي يلبسون نظارات وافهمها
_____________________________________
بعد ما نقلت الموضوع لـ الوورد رجعت ارد
اول شي وعليكم السلام ورحمة الله وبركاته
عبيط انا احب هـ النوعيه من المواضيع
المواضيع اللي تندرج تحت المقوله الشهيره [ دس السم في العسل ] <<<<<< لا عمرك تتفلسف
لا جد موضوعك اقدر اقول عنه [ شراب الفيفادول في رضاعة طفل ]
اشرح لك المقوله
الاطفاء ما يحبون العلاجات فـ يقومون اهاليهم بـ مزج الدواء بـ الحليب او لاعصير
<<<<<<< واصل في فلسفتك ونحن وراك <<< وراك اي خلفك or وراك اي وش بك
الرد على ما يستفاد بـ رد سـ يستفاد منه بـ إذن المستعان <<< تذكر الرد الكاوي على الكـ ... العاوي
إقتباس
1 / كثير منا يوقت جواله او المنبه على موعد او دوام او غيرها .. ويسحب على الصلاة ..

يقول لي صديق انه سمع في برنامج في احدى القنوات استضاف داعيه or عالم ما اتذكر والله
لكن يقول ان بعض المشائخ يرون ان توقيت المنبه لـ الدوام وتجاهل صلاة الفجر كبيره اكبر من شرب الخمر .
واتذكر كتيب صغير موجود عندي بـ ابحث عنه ان شاء الله وبضع لكم فتوى الشيخ ابن باز رحمه الله عن هذا الامر
إقتباس
2 / ان كثير من الاباء والامهات ما يعرفون الدعوة الصالحة لأبنائهم او غيرهم .. وكثير من الشباب اللعنة على لسانه اسرع من غيرها ..



A - ما اعرف وش اقول ..!! << الاباء والامهات
B - للاسف هذا شي نشووفه كل ساعه ، وازداد الامر سؤى بـ انها اخُذت من باب المزح وقوة الميانه .
إقتباس
3 / كثير منا يكون بره بأمه أقل من أبوه ... مع ان الشرع امرنا ان برها يكون اكبر ..حتى لو كانت اقسى من الاب ..

اسأل من امرنا ببرهم ان يرزقنا برهم ورضاهم عنا
إقتباس
4 / فيه ناس تستهين بدعوات الاب او الام .. ولا تعطيها اهتمام ..مع انها سبب بعد الله في زيادة التوفيق ..




اخوي عبيط هـ انا مثال حي قدامك
الوالده الله يعطيها الصحه والعافيه 24 ساعه تدعي لنا
وصل بي الحال في الترم الثاني من الجامعه ان انسدت نفسي من الجامعه ومن فيها
والله العظيم اطلع من البيت بعض الاحيان على اني بداوم ، اوصل لـ الكبري اللي عند الجامعه وارجع
ضيقت صدر موب طبيعيه ، ما ادري هي ضغوطات او ... والله ما ادري ، قررت اترك الجامعه ، لكن كان للوالد والوالده دور في تغير رأيي ووصالت
جات العطله الصيفيه ورحت اعتمر انا والوالده ، هناك استخرت الله في الامر ،
وكانت الوالده لسانها يلهج بـ الدعاء لي ولـ اخواني وان كنت انا اوفرهم حظ في الدعاء
ما ان رجعت للرياض الا و صديق لي يدق علي ويبي صورة من الشهاده وبعض البيانات
وعطيته اللي يبي ، بعد فترة جاني اتصال اسعدني وابكاني ، كنت وقتها صايم [ قبل رمضان بـ اسبوع ] يقول لي مبروووك تم قبولك ، اليوم الثاني راجعتهم وقابلت مدير المركز وقال لي بـ الحرف الواحد [ اللي ينقبل هنا امه داعيه له ] ... ما اقدر اكمل



اخر تعديل كان بواسطة » جرح يشكي في يوم » 21/10/2007 عند الساعة » 05:09 PM
اضافة رد مع اقتباس
  #9  
قديم 20/10/2007, 08:47 PM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224
إقتباس
الرسالة الأصلية كتبت بواسطة جرح يشكي
عبيط الخط صغييير مره حاول تكبره

<<<<<<< ارحم اللي يلبسون نظارات وافهمها


والله ان التنسيق رفع ضغطي ..
وهذي غلطة اللي يكتب بالوورد ..
انت تشوف بعض الابتسامات ما طلعت ..
وانا حاولت اعدلها .. على طول التنسيق يخرب ..
والا انت تامر امر يا محمد ..

لكن الله يعينك تنقله للوورد ..
وكبر الخط زي ما تبي ..
ان شاء الله 72 ..


لقد انني اسف ..
اضافة رد مع اقتباس
  #10  
قديم 20/10/2007, 09:22 PM
زعيــم مميــز
تاريخ التسجيل: 11/10/2004
المكان: الريــ ( حيث الزحمة ) ـــاض
مشاركات: 7,051
أما شليويح هذا مصييييييييييييييبة


اللي يقهرك أن دمه ثقيل ولا يسمح لأبو داحم يصير دمه ثقيل مثله





إقتباس
جاء واحد وحصل قدامه سرى ولا اطول منه ..
راح بكل قوة وجه وقف عند الباب على طول ..
الناس يقولون له ياهوه امسك سراك ..
قام هو يرد : اللي يبي يمسك سرى يمسكه في بيتهم



هالأشكال ودك تنفيهم من الوجود


قلة أدب






إقتباس
" ايه هذا قصدك ... أي والله شفته ..يا صبر الارض على بعض هالموظفين ..
المشكلة انك تحصل موظف الجوازات متضايق ويقول انه مستأذن من عمله ساعتين ..
عشان يخلص له معاملة بالاحوال ..
وزعلان من تعامل الموظفين ومن اخلاقهم ..وهو في عمله يسوي نفس الشيء ..
وقس على كذا موظفين شركة الكهرباء ..
والاتصالات ..
والوزارات ..
والبلدية ..
والشرطة ..
و ... و ... الخ ..



عامل الناس بمثل ما تحب أن يعاملوك





إقتباس
وبعد انتظار تقريبا ساعة ..
ولما وصل ابو داحم الى الموظف ..واخذ واعطى معه ..
طلب منه الموظف اثبات ..عطاه ورقة التصوير ..
قال وش اسوي بها ذي ..رح هات اثباتك الله يصلحك ..
ابو داحم: طيب خويك قال انه ...
الموظف : ما لي علاقة بخويي .. انت عندك اثبات هاته .. ما عندك .. توكل على الله .. المراجعين واجد



تقهرك الحركات هذي من الموظفين


يعني يضيع عليك ساعتين بعدين يقولك ناقص أوراق


طيب ليش ما قلت من أول شي !!
اضافة رد مع اقتباس
  #11  
قديم 20/10/2007, 09:45 PM
زعيــم مميــز
تاريخ التسجيل: 05/10/2006
المكان: فـــي عيــــن أبــــــــوي :)
مشاركات: 1,673
إقتباس
الرسالة الأصلية كتبت بواسطة المـشـاكـس
.
.
.
..السلام عليكم ورحمة الله وبركاته




وعليكم السلام ورحمة الله وبركاته




إقتباس
الرسالة الأصلية كتبت بواسطة المـشـاكـس




إقتباس
الرسالة الأصلية كتبت بواسطة المـشـاكـس



[/center]



[COLOR=black]
إقتباس
الرسالة الأصلية كتبت بواسطة المـشـاكـس


ابو داحم في محاولة لإستخفاف دمه .. وتغيير الجو ..


قال : تقعد يعني تجلس .. ولا تقعد يعني تبقى ..











ههههههههههههههههههههههههههههههههههههههههه لا تقعد يعني تروووح




إقتباس
الرسالة الأصلية كتبت بواسطة المـشـاكـس

إقتباس
الرسالة الأصلية كتبت بواسطة المـشـاكـس




شليويح : قريبه يعني يصير له .. ولا قريبة يعني مهيب بعيدة ..














.



إقتباس
الرسالة الأصلية كتبت بواسطة المـشـاكـس

إقتباس
الرسالة الأصلية كتبت بواسطة المـشـاكـس



حرام ان تجيب الخمسين ولا ان يسيل الدم للركب ..







شراني شليويح



إقتباس
الرسالة الأصلية كتبت بواسطة المـشـاكـس

إقتباس
الرسالة الأصلية كتبت بواسطة المـشـاكـس


فهم ابو داحم السالفة ..ووعده انه يعطيه ..وهو ناوي الجحده ناويها ..












رهيب ابو داحم احسه يذكرني بمناحي



[/quote]
.


.


إقتباس
الرسالة الأصلية كتبت بواسطة المـشـاكـس


.



الى حين اكمال اليومية ..



نوما هنيئا ..




إقتباس
الرسالة الأصلية كتبت بواسطة المـشـاكـس







بالله كملها باسرع وووقت .



.



.



.



إقتباس
الرسالة الأصلية كتبت بواسطة المـشـاكـس

إقتباس
الرسالة الأصلية كتبت بواسطة المـشـاكـس

إقتباس
الرسالة الأصلية كتبت بواسطة المـشـاكـس



وعلى طريق الملك خريص نلتقي احبه . ..


.



.



.





.



.



.



.



.





العبيط كعباطة العبيط ..!! 1867 م :D ..







السامي وش عندك






موضوووع رهيب





مشكور عبيط بانتظار التكمله



[/FONT]
اضافة رد مع اقتباس
  #12  
قديم 20/10/2007, 09:46 PM
موسوعة المجلس العام
تاريخ التسجيل: 25/12/2005
المكان: حيث اجتمع الحب والوفاء ..!
مشاركات: 2,584
.
هلا وغلا عبطبط ماشاءالله تهورت ونزلت موضوع زي الحلاوة
.
ياليتك كذا دايم يا حبة عيني
.

بس شليويح ماكل شي .. شارب شي..!!
حسيت انه مضيع ومنلحس وعايش حياته شفت مثل للي تحت الكنترول ف الكيبورد
<<== حاس بيجيه كف من المشلوح
.
اما انت خلك من ردي شف للي فوقي يا عليهم حجوزات
.
وانا المسكين ما الاقي للي يداوي <<== شطح بقووة
.
.
اقول اعتبر ردي في محاولة منه لتحقيق الذات وزيادة الثقة بالنفس عند سيكولوجية عبيط المشاكس
<<== افهمها مايبي يقول الله يعطيك العافية
اضافة رد مع اقتباس
  #13  
قديم 20/10/2007, 09:52 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895

هلا وغلا اخوي الغالي عبيط المشاكس

ماشاء الله موضوع جميل يعالج قضايا واقعيه ...

من قلم رائع توسمنا فيه الخير

تصدق اول ما دريت انك منزل موضوع أتيت ركضاً الى هنا

حتى لقد انني كدت اطيح على نفوخي

طبعاً الموضوع فيه زحمه وتنسيقه يذكرني بطريق البطحاء العام في يوم جمعه مشمس

>>> عليك تشبيه

وما اقول الا الله يجعلك ذخراً للوطن ولهذا المنتدى ...

وان يرزقك الزوجه الناصحه والذرية الصالحه

ومشكور اخوي المشاكس جزاك الله خيراً ...

ك .ج .ك .هـ . ك .ق

اخر تعديل كان بواسطة » الهلالي دائماً في يوم » 21/10/2007 عند الساعة » 09:25 AM
اضافة رد مع اقتباس
  #14  
قديم 20/10/2007, 10:27 PM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,426
السلام عليكم

المشاكس ابي افهم الله يرضى عليك وش مدخل تاكسي الغرام بالموضوع !!
إقتباس

السلام عليكم ورحمة الله وبركاته ..*<<< والله اللي ما يرد لأنشب له مثل تاكسي الغرام :D

لو تكرمت عدل الفقره هذي

وبعدين ارد
اضافة رد مع اقتباس
  #15  
قديم 20/10/2007, 11:21 PM
الصورة الرمزية الخاصة بـ ~SaKaB
مشرف سابق في منتدى الإتصالات
تاريخ التسجيل: 28/10/2005
المكان: Khober / Jazan
مشاركات: 4,051
[QUOTE]
إقتباس
الرسالة الأصلية كتبت بواسطة f*y*d
.
هلا وغلا عبطبط ماشاءالله تهورت ونزلت موضوع زي الحلاوة

هذي على وزن سكبكب والا ؟؟!!
أقول يا شين التقليد بس

...........................


أقول يا فلان اللي منزل موضوع مرة عبطبط ومرة شكسكس
أعجبني شليويح الله يوفقه دنيا وآخرة
وكل ما ذكر جيد ويمشّي الحال في وقت الفراغ <<<<<< التعبير لك عليه

..........................

هذا ما استطعت أن أكتبه وإلى رجعة مع الجزء الثاني والرد الجاهز إن شاء الله
إلى ذلكم الحين تقبلوا تحيات :
سكبكب من الاإعداد والتقديم والإضاءة والإخراج وكل إشي


سكبكب
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:05 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube