وعليكم السلام اخوي
انا طالب جديد توني مخلص سمستر ماابي اتفلسف عليك هع هع
بجاوبك باللي اعرفه من اسئلتك وبس


المدينة معرفها الشباب الله يجزاهم خير تكلمو عنها
لكن داامها بالشمال تراها باااااااارده يعني كليوم ثلج على مخك
فيه هنا وفيه عندكم تنباع اببببعد عن الغالي بتتحسف عليه دور فروات لكن جاكيت موب فروه فروه !!
وخذ لك هودي غطا راس ووقفازات ،، هنا الملابس ارخص بكثييير لكن اذا جاي لحالك ترا بتكون صعبه عليك وضيق وقت لانك مو مرتب لا سكن ولا ناس ولا حاجه يعني خذ احتياطك ازين

الصيفي لا تفكر فيه ابد لا جيت هنا تنحل فيه ازين وارخص
الشعب هنا يحاول يفهم عليك ويفهمك كلامه مرره طيبين لكن لا تتفاهم مع مطعم وانت ما تعطيه زياده
المعهد جيب معك اطلس مترجم تحتاجه ووحاول انك ما تستخدمه وتتكلم كثير عشان تتعود عالانجلش

المطار اللي يبونه سوه لهم وافهم كللشي ان ما فهمت شي قول له واكيد طيارتك معك عرب ويدخلون بنفس غرفتك خلهم يساعدونك
اول ما توصل المطار انت بيقولك كم عندك فلوس قل له وبعدين بيدخلك غرفة الvip
غرفه مااشوف فيها الا عرب هع هع
يسالونك اسئله جيت من قبل تعرف احد هنا
انت بهالوقت تسوي روحك ما تدري وين ربي حاطك كلشي لا لا لانك لو قلت ايه يبثرونك ويسالونك عنه ويطلبون معلومات وكلللشي

عقب تطلع تاخذ شناطك وتتوكل
المباريات فرق ٨ ساعات بينك وبين السعوديه وفي شهر ٣ ماي يصير ٧ ساعات يعني صعب تشوف المباريات
لكن النت موجود هنا تشوفها من النت فيه مواقع تنقلها سهالات لا تشيل همها ،،



اللي ابكلمك فيه الهوم سك
اول ما تجي هنا اول اسبوعين حلاااوه ،، بعدها تخيس وتقفل معك وودك تنتحر
حاول تتعرف على عرب وتكون معهم بالويكند بس احرص على دراستك لا تخلي همك الطلعه
انت بس تتعرف وتروح وتجي ينسونك شوي لين تتعود وانت تتعود بعد شهرين تقريبا يعني قد ما تقدر تحمل الوضع


اتمنى ما قصرت معك واي سؤال انا حاظر
بس ملاحظه اخيره ،، مششششششششكله لو تنسى تجيب بيجامات داخليه خصوووصا البنطلون

السلام عليكم

الله يوفقك اخوي

الشباب ما قصرو

ومثل ماقالو ترا الشعب الامريكي طيب ولا عندهم سالفة
كل الخبث في حكومتهم

اهم شي لا تكثر ملابس من السعودية لان الملابس هنا رخيصة

وغير كذا استدلخ بالمطار زي ماقالو الشباب كل شي ما اعرف , وبخصوص تفتيش الشنطة فشي عادي جدا واحيانا ما يفتشونك , انا بمطار نيويورك ما قربو لشنطتي رغم ان فيها قهوة وهيل وعدة الزكرررت بس كتبت بالبطاقة حقت الجمارك ان مافيه food بالشنطة وصدقوني تعرف الهيبة والوقار لها دور <---- ايه هين

بعدين المعيشة هنا مهي غالية مرة مثل اوربا لو نقارنها ببريطانيا وفرنسا ,

واحرص وانا اخوك انك تحتك بالاجانب والامريكان اكثر علشان تقوي لغتك , لا تصير تيتي تيتي مثل مارحتي مثل ماجيتي , ولاهو معناته تسحب على السعوديين

لكن سددو وقاربو , هذولا لهم وقت وذولا لهم وقت

وبخصوص الامن والامان فما ادري لان كل ولاية لها سيستم معين , هنا في تكساس ما احس ان فيه امان تاااام واحتري الشهرين الجاية تخلص علشان اهج منها لولاية ثانية

وخذ معك فلوس كاش من السعودية علشان ما تتورط هنا , انا اخذت معي 1800 دولار كاش ويالله قدرت اضبط الامور وبعدين دقيت على اخوي بالسعودية وطمر للبنك وحول لي , يعني خل معك ناس ستاند باي يفزعون لك باي وقت

والحديث يطول وانا اخوك وهذا اللي عندي ولو حصلت شي ثاااني ابقوله لك
واعتذر اني ما قلت شي عن كنساس لان ما عندي خلفية عنها واكتفيت بمعلوماات عامة

شكرا للجميع

الله يوفقك في سفرك

وترجع بالسلامة ان شا الله

الله يوفقك ويحفظك أن شاء الله

وأهم شي الدارسه ولا الهلال مو نافعك !!!

بالتووووفيق للجميييييييع

انا اسف ممكن ماقدر افيدك لاني في شيكاقوا حاليا واذا تبي شي من شيكاقوا انا حاظر