|
هاّم لـ طلاب امريكـــا ..ضروري ..ادخلوا السلام ع ـليكم كل عام وانتم بخير ومن العايدين قبل الزحمه والدوشه.. بخش بالموضوع دوغري .. انا جاني قبولـ في جامعتينــ وانا اخترت جامعــة وشتـا ستاتي يونفيرستي .. بسألكم عن المدينه كيف هاديه واهل المدينه تعاملهم وهل هم عنصريينــ ؟؟؟ انا جاي لـ امريكــا بعد العيد بـ 3 شهور .يعني ع جينوري .. ابيكم تتكلمون عن المدينه اي شي تعرفون عنها اكتبوهـ تكفوون.. اانا سمعت ان بعد العيد الجو بيكوون بارد يعني ثلج.. تنصحوني اشتري ملابس شتويه من هنااا ولا صيفيه .ولا انوع من الثنتين افضل .. وياليت اللي بنفس مدينتي يحط ايميله ؟؟؟؟؟؟؟؟؟؟؟ وابي اعرف بهالمدينه فيها سعووديين او خليجيين .. لأني دخلت ع سايت جامعة وشيتا مافيها سعوديين الا 24 واحد .. ومافيها خليجييين الا بحريني واحد؟؟؟؟؟؟؟؟؟ والباقين من دول العالم ومنها واحد اسرائيلي:sick::sick: ولاتنسوون راح اجي لأمريكـا ولغتي مش ولا بد اقدر اتلكم بالاساسيات فقط ؟؟ مدري هل اعاني باللغه هناكـ ولاتنسون اني بكون بمعهد معاي صيني ومن دول العالم وانا لغتي ماتساعد اني اتكلم معهم فـ شالحل اتكلم معهم بالاشارات ولا أألف لهم قاموس انجليزي من عندي..وهل الامريكان بالمطار بيمشوني بسبب لغتي؟؟؟:sick: وتعرفوني انا عاشق للهلال ومستحيل افوت مبارياته بأمريكـا تخبرولي مقهى هناك بنفس مدينتي ينقل الدوري السعودي او شباب سعوديين مسوين قروووب وواحد منهم حاط اي ار تي عنده يقووولي s13ss13s وتنصحوني اتابع مباريات الهلال بالبالتوك او بموقع تي في سبورت ؟؟؟؟؟؟؟؟؟ شبااااااب تكفوووووووووووون انا مدينتي اسمها وشتاااا عطوني اي اخبار عنها واجوائها وألخ..حاولت القى منتدى عن مدينتي مالقيت ؟؟؟؟ شوفولي حل. انا طالبكم ياعيال ديرتي s13s |
اول شيء ونا خوك مبروك لك والله يوفقنا وياك وانا بلحقك عقب فترة إن شاء الله . . الحاجة الثانية . . شف أنا بفيدك من ناحية الملابس لاتشتري إلا شتوية بس ! ولا اوصيك لاتشتري شيء غالي أبدا ترا اخوي العام الماضي راح وشرا أطقم على 400 و500 ريال وتوهق الضعيف يوم راح مالقاهم يلبسون إلا جنوز بس . .والملابس الفخمة خذ لك طقم او طقمين بس لا يكون فيه حفل هناك ولا شيء وإلا الدعوى كلها جنوز خذ لك كم لون وكم شكل وبس @ ومن ناحية اللغة لاتشيل هم ونا خوك فيه ناس مع أخوي جوا ما يعرفون إلا الحروف ويس وناو وأجتهدوا وصاروا من احسن ما يمكن باللغة بس اهم شيء انت تثابر ولا تجلس مع سعوديين واجد وبعدين المدينة إذا ما صار فيها سعوديين أزين لك هذا يخليك تجبر جبر كامل على اللغة وتتعلمها بسرعة عجيبة لذلك لا اوصيك ونا خوك . .ولو تاخذ لك دورة تقوية لغة مثلي لمدة شهر بواحد من هالمعاهد مهيب شينة تستغل وقتك وتستفيد . . وأسمعني كانك رجال بتقلبها فلة ووناسة وهاذي الصراحة ياخوك تراك منتب فالح أبد وهذي تجارب خاصة السنة الاولى لتعلم اللغة والسنة الأولى للجامعة يبغالهن مثابرة وأجتهاد مضاعف من البداية عشان ترتاح بالنهاية . . وممكن يفيدونك ملتقى الطلاب السعوديين بامريكا هناك كثير . .لو تدخل لموقعهم أبحث عنه وبتلقاه . . وجب معك فلوس غحتياط وأسال ناس راحوا هناك عن كل شيء وخذ خبرة أستفد من وقتك أزين وأعرف كل شيء هناك عشان ترتاح بالنهاية . . والله يوفقنا وياك يالغلا , اخوك : عاشق الأزرق 20 |
انصحك انك تشترك بالقنوات عربيه ازيلك |
مشكور وماقصرت اخي عاشق الازرق ..والله حلوه نصايحك .. بس مثل ماقلت لي لازم اقضيلي ملابس شتويه اّكثر..يعني تنصحني بالرخيص لووووووووووول .. بس بغيت اسألك انتي بتجي لأمريكا نفس مدينتي ولاّ؟؟؟؟؟؟؟؟؟ ويعطيك الف عافيه ع هالكلام الحلوووو ...وانشالله نثبت وجودنا هناك انا بحط حيلي بالدراسه بس مقدر استغنى عن الزعيم ؟؟؟؟؟؟؟ اخوي طلال.. مشكور ع كلامكـ..انا مابي قنوات عربيه ابي قناه تجيب مباريات الهلال تكفيني انتظر ردود اكثرر يا اخوان افيدوني |
كلام الاخ عاشق الأزرق 20 عين العقل كانك رجال بتقلبها فلة ووناسة وهاذي الصراحة ياخوك تراك منتب فالح أبد وهذي تجارب خاصة السنة الاولى لتعلم اللغة والسنة الأولى للجامعة يبغالهن مثابرة وأجتهاد مضاعف من البداية عشان ترتاح بالنهاية . . هذا الكلام الصحيح ، بالنسبه للملابس اشتري من هنا أفضل لك و ملابس عاديه بعد ولا تنسى انك رايح في وقت في عز البرد ( شهر يناير ) يعني جمده فخذ حذرك ، و خل لبسك عادي جدا وما يحتاج انك تشتري ماركات ، و على فكره ترى اكثر لبسهم في الصيف تي شيرت و هافات و اكثرها جينز مثل ما ذكر الاخوان ، ولا تشيل هم اللغه ، انت ابذل جهدك و ان شاء الله بتمشي بسهوله لكن بشرط انك تشد حيلك ، بالنسبه للناس في و تشيتا و ولاية كنساس عموما طيبين وودودين و يحبون الاجانب ، و كذلك ابشرك ان المدينه الولايه عموما ماهي غاليه حيل ، لذلك ان شاء الله بتنبسط فيها ، و مدينة وتشيتا تعتبر اكبر مدينه في ولاية كنساس و تقع على نهر ميسوري شوف يا خوي هلالي 292 أهم شيء انك تشد حيلك من البدايه و تتفادى الغياب و خلي الاجتماعات مع الشباب في نهاية الاسبوع ( السبت والاحد ) اما ايام الدراسه فلازم لازم تتفرغ للدراسه ، وصدقني نصيحه من محب انك تمشي في الجامعه مثل الحلاوه متى ما نظمت وقتك و انتبهت لدراستك . |
نصائحي *أشتر ملابس شتوية ولا تكثر وخل الباقي من أمريكا *للأسف ماني من نفس مدينتك *اللغة أنا جيت ما أعرف أتكلم بس الحروف ومن فضل الله الحين أنا في الجامعه ومرتاح جداً *الهلال لاحق عليه أهم شيء مستقبلك والموقع مو مقصرين الشباب والبالتك مافي أحسن منه تقبل تحياتي |
اخوي ترى في امريكا اظن ان فيها اكثر من وتشا وحده بس المعروفه هي وتشتا الي في ولاية كانسس انا مريت على المطار حقه هي تعتب احسن مدينه في الولايه المدينه حلوه وفيها كل المتطلبات بس باررررررررررررررده موت يعني احسب حسايك زين للبرد و اللغه ما عليك الناس جت وما تعرف ولا كلمه بس مشة امورها زين بس نصيحه في البدايه لا تخطلط مع السعودين صحيح انه يساعدون بس ترى يصعبون عليك تعلم اللغه اللغه ما تجي الا اذا انحديت وصرت ما تتكلم الا انجليزي فانصحك ركز على الاختلاط باهل البلد و لا تخاف من العنصريه الامريكان شعب اطيب بكثير من الاوربين و اذا واجهة اي عنصريه وقدمة شكوه بيوقفون معك الشرطه هنا وقفه قويه و الناس هنا يخافون من العنصريه و ينتبهون لكلامهم كثير انا هنا سنه كامله وما في اي احد قد تكلم علي بكلمه وحده ويعرفون اني سعودي و عندي كثير من الاصدقاء الامريكان لا تخاف ابدا من ناحية العنصريه ولو اني افضل لو انك ما كنت في ولايات الوسط بس تضل امريكا بعيده عن العنصريه و اذا مشيت على النظام ما في احد يقربلك بكلمه وحده اما اذا خالفة مافي يمه ارحميني ترى النظام ماشي على الكل يعني النساله راجعتلك النظام نظام امشي هليه ما في احد يكلمك و لا يقولك كلمه وحده |
مشكوووورين يـ اخواني ياعيال ديرتي والله ماقصروتوا بالردود كلكم ..الله يحفظكم يارب.. ردودكم افادتني كثير وعطتني معلومات اكثرـر .. تسلمون واتعبتكم معاي..وانشالله اشوف شباب من ديرتي بمدينة وتشتا بولاية كانسس.. واذا كان في ردود ومعلومات اكثر افيدوني لاهنتم.. تحياتي لكم |
إقتباس:
انا والله ما اعرف المدينة بس اعرف منهاتن بولاية كانساس واحد من الشباب يدرس هناك :rolleyes: انا في كولورداو ........... اول شي تسويه هالحين انك تروح لاقوى معهد لغة وتاخذ دورة مكثفة وصدقني منتب حاس باهميتها إلا اذا وصلت لامريكا الدخول للولايات المتحدة : مدري اذا اخذت فيزا ولا لا؟ لكن نصيحة عامة ادخل مع المطارات الصغيرة خاصة اول مرة مثلا تجنب نيويورك وواشتن حاول تدخل من دنفر هيوستن أو ديترويت # كل المطارات توفر فورمات جمارك باللغة العربية اطلبها ولا توقع على شي ما تفهمه :sick: # ايضا الاكل غير مسموح باستثناء المجفف يعني لو تبي تمر خذ مكنوز ومن محل عليه تاريخ انتهاء الصلاحية واعلم الجمارك بوجوده معك عن طريق الفورمة اللي بيعطونك اياها بالطيارةو لا تحاول تكذب عليهم ابد. # غالبا ما يفتشون الشنطة امامك لكنهم يفتشونها يدويا بعدين # لانك طالب ستقضي 3أو 4 ساعات مع الجمارك وغالبا ستقضيها منتظرا :dلاتخاف و هذا شي طبيعي وعادي # بيسألونك كم سؤال اذا ما فهمت اعلم موظف الجمارك انك ما فهمت ولا تحاول تتوقع السؤال بالاخير بيعطونك جوازك و (I-20) حقتك و معها مجموعة اوراق حاول انك تترجمها ثم تقراها # بعدين تطلع لولايتك ولاحد بسأل عنك ولا يدري عنك بعدها :d ========================================================================= في الحقيقة انا ما اعرف الولاية جيدا إلا انها ولاية زراعية بسيطة ورخيصة ولكن اعرف شباب هناك ممكن اسألهم لك لكن على العموم جانوري العن شهر بامريكا وثيابنا غالبا ما تأكل عيش s96s وفيه شركتين مشهورتين بالغرب للملابس الشتوية هم نورث فيس و كولومبيا لذلك انا اقترح انك تاخذ اثقل شي تلقاه بس شرط ما يكون غالي لانك بتصرف ما يقل عن 600 ريال على الملابس الشتوية وترى فيه شي بامريكا اسمه (اوت ليت) يبيعون ملابس العام الماضي احيانا بنص السعر حاول انك تسأل عن اقرب واحد لك s41s عشان لا تفلس بسرعة. المهم لا تكثر و اشتر من هنا لانهم ابخص بشتاهم. ولا تنس تاخذ معك جنزات 2 أو 3 مو اكثر و تي شيرتات وبرمودا للصيف s94s ============================================================================ بالنسبة للناحية الاكادمية : اذا كنت جاي تفلها وتغير جو فانصحك لا تجي وتعذب نفسك وتخسر الحكومة :upset: اما اذا كنت جاي تتعلم فزي ما قلتلك اول شي ادخل معهد لغة عشان تمشي امورك واذا وصلت امريكا وديرتك حاول تاخذ روميت غير عربي عشان تتمرن على اللغة معه ولا تقعد بالبيت ! روح ................................ روح للسوق ولا يفوتك الستيودنت سنتر هذا مركز بكل جامعة وحسب الجامعة يكون المركز مثلا عندنا هو ممتاز جدا ودايم عنده دورات ونشاطات و فيه شيء مميز وهو قهوة الجمعة حيث يتجمع الطلاب من انحاء العالم للتحدث فلا يفوتك اي فرصة للحديث بالانجليزي سجل بمنظمة الطلبة المسلمين بيساعدونك من ناحية الدين من ناحية اللغة ايضا :wink: وهناك العديد من الامور الثانية ممكن اعلمك اياها بعدين ........ لكن احذر من انك تسيء المعاملة مع السعوديين قصدي انك لا تلزق فيهم وتدشر مع البعض الله يصلحهم وبنفس الوقت لا تسحب عليهم لان السعوديين هم الوحيدين اللي ممكن يقفون معك اذا كان عندك مشكلة لا قدر الله وهم بيساعدونك على التخلص من الهوم سيك لذلك احرص على انك تسجل بنوادي الطلبة السعوديين. ================================================================================ نصيحة مني : بعد ما تستقر بالديرة حاول انك تروح لمركز اصدار بطاقات العوية وممكن تعرفه من المعهد خذ جوازك وآي توني وطلعلك ستيت آدي = بطاقة الاحوال عندنا هذي تغنيك عن حمل الجواز وممكن تستأجر سيفتي بوكس بالبنك وتودع جوازك فيه وهذا شيء مهم لانك ما ودك تعلق مع الاف بي آي اذا ضاع جوازك ووقع على ايدي غير امينة s30s ============================================================================== وحياك الله وان شا الله تنبسط بامريكا s13s |
|
حبيبي انا في عسكري ودخلت مع المطار مااخذ مني وقت نزلت في نيورك وبعدين طلعت على واشنطن ولا صار اي شي يمكن عشان فيزتي كانت تعتبر نوع من الدبلوماسيه بس عندك مشكلة الملابس الشتويه اشتر ملابس بس لا تكثره وعاديه يعني خل عنك الشياكه وبعدين الملابس هنا ارخص واتوقع على وقتك بيكون في تخفيض والملابس هنا احسن وارخص ونظام الامريكان اللبس العادي جينز وبلوفر ومش حالك بالتوفيق وشد حيلك وخل عنك الخربطه لووووووول |
السلام عليكم اخوي اللي تبي معلومات اضفني المسنجر واعطيك اي معلومات تبيها محنا مقصرين عنك ولدنا ولد الزعيم ادخل معلوماتي و تحصل ايميل الهوتميل وا ضفني وعطني خبر انو انت عشان اقبل واعطيك كل المعلومات اللازمه لو تبي نجيك للمطار بعد ههههههههه دمتم بود |
الله يوفقك ويوفق الجميع امين يارب العالمين والله يعينك على الغربة ياخوي |
الله يعينك |
ضروووووري لهلالي مرحبا هلالي ان شاء الله تكون بصحه وعافيه انا جاني قبول على نفس جامعتك .. لذلك اذا مافيه احراج لك .. ترسلي ايميلك ابغى استفسر منك بعض الاشياء في الجامعه والمدينة نفسها واكون جدا شاكر وممون لك:rose: الله يوفقك ويوفق طلابنا و يردهم سالمين |
| الوقت المعتمد في المنتدى بتوقيت جرينتش +3.
الوقت الان » 06:00 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd