السلام عليكم ..



الزبدة :


ياسر على عيني وعلى راسي .. لاعب فنان ومهارات ..........الخ


ياسر اول ما جاء الهلال .. اول موسم كان قممممممممة الابداع في لعبه .. لكن مين اللي خربه ؟؟ مين اللي خققه ؟؟ مين اللي رفعه فوووق بزيادة ؟؟


الجواب .. انتم يا جمهور الهلال ..


فيه ناس صارت تحب لاعب اكثر من حبها للنادي ..


الهلال كيان كبيرررر .. و مايوقف على اي لاعب كان .. كثير نجوم مرت على الهلال ..

ما اجامل لاعب او اجامل اداري او رئيس على حساب الهلال ..

لما لاعب يقعد يلعب في الملعب بإستهتار .. وبدون حماس .. او يخرب الهجمات عشان بس يطقها بالكعب والا يفر بلاعب ..
وتنتهي المباراة بدون اهداف وتضيع البطولة .. و يطلع 70 الف متفرج زعلانين .. وش الفايدة من اللاعب !!

انا ما اعاتب ياسر على اضاعته البلنتي .. يا ما بلنتيات ضاعت في نهائيات بعد .. وحتى لو ما كان للهلال بلنتي اصلا .. انا كنت بنزل هالموضوع ..انا اعاتبه على مستواه في المباراة ككل .. مستسلم لرقابت دفاع الوحدة !!

ليش ما ترجع ورا طيب وتحاول تاخذ كور .. مو لازم راس الحربة اللي يسجل !!

عادي .. اللاعب الممتاز نقوله احسنت وشكرا لك .. والسيئ نقوله اخطأت ونعاتبه .. مافيها شي ..

ما ادري فيه ناس فاهمه النقد خطا .. انه عيب وسب للاعب .. لا مو عيب .. من مصلحته عشان يعرف عيوبه ويعدلها

واللي الكلام عاد اللي يقهر ويفقع المرارة مثل :

إقتباس ياســر أغلى من ألف بطــولة آسيويه فهــو لاعب الجميع يحســـد الزعيـــم عليــه !!

هههههههههه ليش اغلى من الف بطولة اسيوية !! .. خلاص اجل ماله داعي يلعب الهلال مادام عندنا لاعب اغلى من الف بطولة

صحيح كلن يحسدنا عليه .. بس هالكلام هو اللي بيضيع ياسر وينزل من مستواه ..

ليش ما تعاتبونه .. ليش دايم تدافعون عنه .. حتى لو كان مستواه شين في كم مباراة ..

ليش في المنتخب يلعب زين ويبدع .. وفي الهلال لا .. لان فيه فرق في رئاسة المنتخب ورئاسة الهلال المجامليييين .. الطيبين بزيادة .. وفيه فرق بين جمهور الهلال العااااااااطفي .. وجمهور المملكة اللي يبي لاعب يلعب صح بدون دلع واستعراض

ما اقول الا وينك يا بندر بن محمد .. اللي ماعنده يمه ارحميني ..


الخلاصة .. لابد من العتب مو الزعل والسب .. شوية عتب على ياسر .. عتب المحب .. والغيور على ناديه

.. واتمنى اني اشوف ياسر .. مبدع في جميع المبارياة .. لاني في الاخير هلالية ..

اختلاف الراي .. لا يفسد للود قضية ..

ياسر لاعب لا يختلف عليه اثنان ..
ولكن ..

جُعل منه انسان مقدس .. لا يريدون من احد انتقاده ..
وكأنه معصوم من الخطاء ..

انا ضد قول ان ياسر يكون افضل حالا ً عندما يلعب مع المنتخب
فـ هذا الذي نريده لأنه المنتخب ونعشقه اكثر من الهلال ..
لأنه من يرفع شعار لا اله الا الله محمد رسول الله .. ويدافع من اجله ..
ولكن ياسر (وقف) طموحه كلاعب بتقديس الجماهير له ..
وجعل منه اسطوره لم تشهد الملاعب لها مثيل ..
فهو اللاعب الذي يستطيع انتشال فريق والفوز به بأي بطولة كانت ..
وهو اللاعب الأغلى صاحب التسحيبات (اللي ما مثله احد)
ولكن نراه دوما ً يستسلم للرقابه بشكل رهيب ..
لاعب لا يستطيع ترويض نفسيته بعد خروجه عن طوره ..
ولنا في مباراة العراق مثال .. واخيرا ً بعد البلنتي .. وقول فيصل ابو انثين
بين شوطين المباره عن ياسر خير دليل ..

فـ بيكهام عندما انشغل بالفلاشات والاستعراض .. استغناء عنه ريال مدريد ..
حتى وهو يعود لمستواه عندما علم بأمر التخلي عنه ..
انقسموا عشاق الريال منهم من يريده ومنهم من لا يريده ..


ياسر يحتاج ان يراجع نفسه كثيرا ً..
فالبقاء للأفضل ..

إقتباس ليش في المنتخب يلعب زين ويبدع .. وفي الهلال لا .. لان فيه فرق في رئاسة المنتخب ورئاسة الهلال المجامليييين .. الطيبين بزيادة .. وفيه فرق بين جمهور الهلال العااااااااطفي .. وجمهور المملكة اللي يبي لاعب يلعب صح بدون دلع واستعراض

إقتباس الرسالة الأصلية كتبت بواسطة عشقي 7 كريستيانو صح ياسرمكينة اهداف متى مابغيت هدف على طول ارسل رساله له واكتب فيها هدف ويسجل

طيب سؤال واحد ليش يتم تحميل ياسر كل شي ياسر ، سجل لنا ، ياسر دافع ، ياسر لايطلع الجمهور زعلان طيب واللي معه وش يسوون
يرعون في الملعب ولا ايش القصة ؟؟؟؟

المشكله ان ياسر جا الهلال وهو على باله انه الثنيان او النعيمه .. ما يدري انه يبغاله كثيييييييير عشان يوصل مواصيلهم ..

رسالة لياسر : يمكن سهل انك تدخل قلوب الجماهير .. لكن صدقني صعب تحافظ على قلوب الجماهير ..

إقتباس عشان المباراة هذي ماقدم شيء خلاص ياسر فاشل ياسر مايصلح

مو عشان هالمباراة .. من نص الموسم اللي راح وهو نازل .. وليس فاشل .. فيه فرق ..

لا تقولني شي ماقلته يا الغالي ..

وانا عارفة انها توافيق من الله .. بس نبي روح .. نبي حماس .. الصويلح اصغر منه وتحس انه وده يقطع نفسه

شف سامي .. ناس تلعب للهلااااااااااااااااااااااال حباااً ..

وانت ويش اللي ضرك !!!
إختلاف أراء لا يحق لأيا كان مصادرته
نعم عتب لكن إن كان العتب من وجهة نظرنا غير مناسبة
فنوضحها ، فما ذنب ياسر وخلال المباريات الحاسمة أن يترك وحيدا في المقدمة
بلا صناع لعب ، فما أن فرحنا بذهاب وإندثار خطة باكيتا أمام لإتحاد
الا وأكدها كوزمين في خلل واضح امام الوحدة الإماراتي
مشكلتكم انكم تشاهدون ياسرا كصانع لعب ومهاجم ومدافع ويمكن حارس .
اعطوه مثل ما وفر لغيره من نجوم في خط المنتصف امثال الثنيان والتيماوي وأبو اثنين والغشيان
وبعدها طالبوه بتقديم المستوى المأمول .
ترك وحيدا وتطالبوه بالمستحيل .
عجباًً !!!!!!!

إقتباس صح ياسرمكينة اهداف متى مابغيت هدف على طول ارسل رساله له واكتب فيها هدف ويسجل

لا تعابط ..

دارية انه مو مكينة .. صدقني لو اني شايفته يلعب بحماس ما طلعت ونزلت هالموضوع ..

لكن انا اعتب عليه .. ولا اظن فيها شي

ماادمره الا المديح الزااايد وياااسر الكاااسر بس المنتخب مااعندهم تلعب شين على طوول برااا

عشان كذا مااشي عدل ....هناك لكن بناديه ...مااخذ راااحته ......

وبالنهاايه من امن العقوووبه اساااء اللعب ............

غيث .. الجليد الازرق ...محامي الفيلسوف15

اشكركم .. لانكم فهمتوا اللي اقصده .. اقنعتوني .. وتفكيركم بالعقل قبل القلب .

يا عالم ياناااااااااس مواضيع زي هذي تهدم ؟؟؟ ماتبني ؟؟

يااسر لاعب ضحى بالملايين كله من اجل حب الهلال ،،.؟

بعدين اختي الجوهرة ،، مااحد قال ياسر فوق النقد واتمنى عدم إثارة مواضيع بالية وسميجه بنفس الوقت ؟؟؟؟؟؟؟؟؟؟؟؟؟؟؟؟؟

عشقي 7 كريستيانو .. عاشق 10 ادريانو ..

وجهة نظركم .. وانا احترمها ..

إقتباس طيب سؤال واحد ليش يتم تحميل ياسر كل شي ياسر ، سجل لنا ، ياسر دافع ، ياسر لايطلع الجمهور زعلان طيب واللي معه وش يسوون يرعون في الملعب ولا ايش القصة ؟؟؟؟

انا ما حملت ياسر الخسارة .. ويييييين ..
واصلا من الغلط انك تحمل ياسر الخسارة .. لاني اعتبر ان الغلطان الاول هو المدرب .. تشكيلته فاشله ..

لكن اقول وين الروح .. يعني ياسر لاعب دولي .. انا شفت فيه برود ..

على العموم مشكور على المشاركة

إقتباس يا عالم ياناااااااااس مواضيع زي هذي تهدم ؟؟؟ ماتبني ؟؟ يااسر لاعب ضحى بالملايين كله من اجل حب الهلال ،،.؟ بعدين اختي الجوهرة ،، مااحد قال ياسر فوق النقد واتمنى عدم إثارة مواضيع بالية وسميجه بنفس الوقت ؟؟؟؟؟؟؟؟؟؟؟؟؟؟؟؟؟

يالغالي .. ليش تهدم .. معاتبتنا للاعب تهدم .. نقوله راجع حساباتك تهدم !!!

طيب ضحى بالملايين على عيني وراسي .. بعد احنا دفعنا فيه مبلغ كبير وملايين .. يعني خلاص ضحى نسكت عن اخطائه ..

حلوة ذي .. نسكت وننطم ويغلط على كيييييييييفه .. ياناس ترا هذا ضحى بالملايين ..

كل لاعب يتمنى انه يلعب في الهلال .. لانه هو المسفيد الاول ..