#1  
قديم 18/09/2007, 01:29 AM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
سواليف ابو ساري الرياضية

السسسسسسسسسسسسسسسسلام عليكم ورحمة الله وبركاته ..

هورررررررر يو أصدقائي ..

اكتب هالموضوع وانا توي متسحر وفي أوج عطائي الفني ..

بقعد اسولف لمين يجين النوم ..


بصراحة وانا اتصفح بين جنبات المنتدى .. شد انتباهي بعض المواضيع ..

واللي أكيد يعني تؤكد اختلاف الرأي الي مايفسد للود قضية < والله يانا عرّقت يوم قلت هالجملة

هههههههههههههههههههههه بس اهم شي اننا هلاليين وزي كذا يعني ..


ياجماعة صرنا مثل حال النصراويين ..

وصار عندنا شك وريبة من أي شي يمر علينا .. ونقول هذولا بيحاربوننا .. وهذولا وهذولا ..

ونبدأ نعطي العذر للاعبين والادارة ان ماجابوا بطولة والا شي ..

بيقولون حنا محاربين وحنا وحنا ..

ثم حنا نبي نصير مثل اخواننا المستضعفين في النصر وافغانستان .. الله يفرج همهم ..



انا معكم قضية عزيز الاخيرة .. كان عزيز له الحق كل الحق فيها وعقوبته كانت قاسية ..

وانا من قرّا جميع المنتديات الرياضية .. سواء نصراوية او اتحادية او اهلاوية ..

ومهب لشي .. بس لأني متابع زين للكورة عندنا ..

وثاني شي مرّات أقرأ أخبار عن الهلال هناك حصرية ههههههههههههههههههههههه

ثلاث ارباع مواضيعهم عن الهلال .. فشي جيّد اني اوسع صدري ..



ياجماعة .. مهما حاولوا .. ماراح يقوون يوقفون الزعيم ..

عزيز كتيبة لحاله .. ولاعب مهم جدا .. بس الهلال يحتاج عزيز بالاسيوية اكثر من المحلية ..

والعقوبة جت لصالح الاتحاد والاهلي والشباب والنصر .. بحكم ان عزيز ماراح يلعب في مبارياتهم



قريت في منتديات النصر .. مطالبات تضحك منها .. بشطب عزيز .. وايقافه ..

كن عزيز سارقن لهم حلال والا ناهبن لهم ارض ..

ماتوقعت المرض اللي مبتليهم الله به .. وقسمن بالله اني اقرأ منتدى النصر بدون تعصب ..

بس شدّن التعصب المبالغ فيه ..

أحس لو أقول أنا هلالي بيطبون كل الاعضاء علي ..



واللي ضيق صدري سطحية افكار المنتدى .. وأتوقع غالبية الاعضاء هناك من المراهقين ..

ويؤمنون بالخرافات ..

والله ان ودي النصر يرجع مثل قبل عشان التنافس يرجع بينه وبين الهلال ..

بس الحين صار ودي أكثر .. لأن فيه جماهير نصراوية تقريبا صاروا نفسيّات ..


واحد يقول اشطبوا عزيز واتمنى مايجاملونه ..

وش يجاملونه ابو راسك وهو طالع كم ساعة لظروف ..

غيره يسحب على المنتخب وغيره يسوي اشياء بالدوري ماشفنا كلام ..

ومحمد نور وعبدالغني اللي الواحد ماتنشف براطمه من التفال على خلق الله ...

وين خرابيطكم ومطالباتكم بالعدل والمساواة ..



يتهمون الاتحاد السعودي بمحاباة الهلال ..

والله شي يضحك من القهر ..

يعني معقولة .. معقولة الواحد مريض لهالدرجة انه يكتب شي وهو يدري انه عكسه ؟؟

ميخالف نصراوي ماقلنا شي .. ماتحب الهلال بقريح يطير بك لا تحبه ابد ..

بس مسألة تصير غبي بحياتك .. وتقول اشياء الواحد يسمعهن منك يتحمد ربه على العقل والنعمة

هذا شي يحتاج لوقفه بينك وبين نفسك .. وتحاسب روحك قبل تكتب اي حرف ..



السنة اللي راحت فيه كم قرار صار لمصلحة النصر ..

وكم قرار لمصلحة الاتحاد واولهن رفع الايقاف عن نور ..

الاهلي استفاد .. وكل الفرق استفادت ..

الهلال وش استفاد ؟؟ .. اذا تقولون يحابون الهلال وش استفاد الهلال ؟

11 لاعب ومدرب وطاقم طبي .. كله لعيون المنتخب السعودي .. والمتضرر الهلال

ضاعت الاسيوية وضاع الدوري ..



انا مستعد أناقش اي نصراوي عاقل .. بس المشكلة مالقيت

مدري وش صار بالدنيا .. اذكر لي اخوياء نصراويين وش زينهم ..

شكلي بدق عليهم قريب هههههههههههههه بس المشكلة يدرون اني هلالي ..



والله يوم دخلت منتدى النصر وشفت المرض اللي به ..

حتى مصطلحات يطلقونه ورب الكعبة حرام يوصلون للانحطاط هذا ..

ياجماعة ابوها كورة اللي بتخلينا نقول كلام ونطعن بخلق الله ..




بس .. اللي اشوفهم منتدانا صايرن يراكض مثلهم .. صح مهب كثير بس شوي ..

لا من ناحية الاخبار .. ولا من ناحية الافكار .. يعني بعض الاعضاء صار بهم مرض النصر ..

يمكنهم نصراويين ( مقلعين ) عن تشجيع النصر .. الله يهديهم وجميع النصراويين..



على طاري مقلعين .. تذكرت مقال مقلع ..

يقولك هذي مقابلة مع دنيلسون .. بمجلة برازيلية .. بعد ماراح من النصر ..

يقول ياخي انا كل ليلة أقفل باب غرفتي بعد المباراة واقعد اصيح ..

يقولون يادنيلسون وش بك .. عساه مامات لك احد والا شي ..

مير يقول ياخي انا يضيق صدري من جمهور النصر ..

هالجمهور غريب .. كل ماينهزم القاه اكثر من اول ..

سبحان الله ..


وسألوه يعني وش احسن فريق .. ولا قال الهلال هههههههههههههههه

وقال ان النصراويين بس يتعرضون لظلم تحكيمي ..

ههههههههههههههههههههههههههههههه وقال اسماء لاعبين بعد

والله لو اسأل دينلسون من رئيس النصر قال مادري .. بس الله يهديهم جماهير النصر ..

حتى باللقاءات الصحفية يتسذبون .. نسأل الله السلامة





الوكاد .. وش نطلع من الموضوع حنا ...؟

نطلع بأشياء كثيرة ..


ون / ان منتديات النصر به أرانب واجد ..

تو / ان شبكة الهلال صار به ارانب ..

ثري / صرنا كلنا نقول ارانب وهذا مهب كويس .. لازم نصير مانقول ارانب ..

فور / فكونا من اي كلام عن خالد عزيز وعن الادارة العامة لرعاية الشباب والاتحاد والنصر والاهلي

فايف / ماجد عبدالله أحسن من مردونا ..

ستة / ماجد احسن من سامي بعد .. عشان ماجد سجل كبري على صالح السلومي

سفن / صالح السلومي دخل مرماه 325 هدف .. 300 هدف كلهن كبري .. يعني لاجديد

ايت / لازم نتلف حول فريقنا .. هذا اللي يبونه .. يتشتت تفكيرنا بقضايا ماتفيد دامها حكمت ..

ناين / دينلسون يعرف رئيس النصر .. يقول والله محسن الحارثي رئيس النصر كويس




شكرن تعبت قسم هههههههههههههههههههههههه بس براسي سواليف ..

ومالقيت الا النصر حاليا ..
اضافة رد مع اقتباس
  #2  
قديم 18/09/2007, 01:38 AM
زعيــم متألــق
تاريخ التسجيل: 13/07/2007
المكان: قلب الهـــلال.
مشاركات: 1,177
سواليف مصرقعه
اضافة رد مع اقتباس
  #3  
قديم 18/09/2007, 01:42 AM
الصورة الرمزية الخاصة بـ White Blue
زعيــم مميــز
تاريخ التسجيل: 22/08/2005
المكان: Ёāŝtĕяи Яĕĝīộи
مشاركات: 12,640
هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههه


الله يرررررررررررررررج سموك الكرررررررررريم


<<< انشــق بطني من الضحك ياشييييخ .
اضافة رد مع اقتباس
  #4  
قديم 18/09/2007, 01:56 AM
زعيــم جديــد
تاريخ التسجيل: 06/06/2007
مشاركات: 48
والله موضووع جميل
واشكرك على المجهوود
بس عندي سؤال محيرني


وش متسحر؟

تقبل مروري
اضافة رد مع اقتباس
  #5  
قديم 18/09/2007, 02:05 AM
زعيــم فعــال
تاريخ التسجيل: 06/08/2007
المكان: الرياض
مشاركات: 244
والله انك منسم
يبيلنا جلسة سوا



ههههههههههههههههههههههههههههههههه
اضافة رد مع اقتباس
  #6  
قديم 18/09/2007, 02:15 AM
زعيــم مميــز
تاريخ التسجيل: 14/11/2006
مشاركات: 3,273
ههههههههههههههههههههههههههههههه
الله يقطع سواليفك
اضافة رد مع اقتباس
  #7  
قديم 18/09/2007, 02:17 AM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: في قلب (ســامـي)
مشاركات: 2,906
ههههههههههههههههه والله سواليف تووسع الصدر الله يوسع صدرك

ميير ذكررتني على هالسواليف بابوسارة الهلالي الله يذكرره بالخيير
اضافة رد مع اقتباس
  #8  
قديم 18/09/2007, 02:26 AM
زعيــم فعــال
تاريخ التسجيل: 22/08/2006
مشاركات: 214
ههههههههههههههههههههههههههه

موضوع راااااااااايق

تشكرات اخوي
اضافة رد مع اقتباس
  #9  
قديم 18/09/2007, 02:45 AM
زعيــم مميــز
تاريخ التسجيل: 24/01/2007
مشاركات: 2,239
هههههههههههههههههههههههههههه

موضوع رائع
اضافة رد مع اقتباس
  #10  
قديم 18/09/2007, 03:40 AM
زعيــم نشيــط
تاريخ التسجيل: 24/04/2005
المكان: المدرجات الهلالي
مشاركات: 899
الله يوسع صدرك مثل ما وسعت صدري

الله يرزقك من حيث لا تحتسب

مع خالص الحب والتقدير
اضافة رد مع اقتباس
  #11  
قديم 18/09/2007, 04:04 AM
موقوف
تاريخ التسجيل: 13/03/2007
مشاركات: 37
الله يرج عدوك ياشيخ بس نسيت
ألفن/ النصر احسن فريق لعب بكأس العالم للأنديه
توالف/ الخوجلي احسن حارس بالعالم
ههههههههههههههههههههههههههههههههههههههههههههههههههههههههههههه
وخوان لابورتا يغار من ابوسماعه بلوتوث
خخخخخخخخخخخخخخخخخخخخخخخخخخخخخخخخخخخخخخخخخخخخخخ

ولاتشرب شاهي بعد السحوووووووووووور
ههههههههههههههههههههههههههههههههههههههههههههههههههههههههههه


تقبل مروري
اضافة رد مع اقتباس
  #12  
قديم 18/09/2007, 04:17 AM
الصورة الرمزية الخاصة بـ عاشقه الزعيــم
زعيــم مميــز
تاريخ التسجيل: 21/07/2004
مشاركات: 12,730
وربــــي موضــوع خطيــــــــــر

إقتباس
يقول ياخي انا كل ليلة أقفل باب غرفتي بعد المباراة واقعد اصيح ..

يقولون يادنيلسون وش بك .. عساه مامات لك احد والا شي ..

مير يقول ياخي انا يضيق صدري من جمهور النصر ..

هالجمهور غريب .. كل ماينهزم القاه اكثر من اول ..

سبحان الله ..

اضافة رد مع اقتباس
  #13  
قديم 18/09/2007, 05:10 AM
الصورة الرمزية الخاصة بـ الخبراوي
زعيــم مميــز
تاريخ التسجيل: 06/08/2005
المكان: الرياض
مشاركات: 2,523
ههه

موضوعك رايق

خصوصاً للي عنده دوام و يقراه بعد صلاة الفجر

بس ابعقب على كلمة وحده و امشي اخمد ( اي انام ) ( سليب للي مايفهم الكلام الهلالي ) << مايقصد المندسين ترى

إقتباس
قريت في منتديات النصر .. مطالبات تضحك منها .. بشطب عزيز .. وايقافه ..

و بعد تزوير نور عقده طالبو الإتحاد السعودي الرأفه باللاعب و هذي اعتبروها زلت قلم

و طالبو بإيقافه شهر او شهرين كأقصى حد

لكن غاب عزيز

عندنا الغنام و الخثران خصوصاً الخثران ينفع يلعب محور و شفناه قدام مسقط محور ارتكاز مع الغنام

و الغنام رجع لنا مستواه يالله لك الحمد

وش نبي اكثر من كذا

على فكرة ابوساري

يقول لك

النصر يفكر يجيب حارس اجنبي وهم يخططون على ديدا

يبون ديدا اصلي مايبون ديدا تقليد << ترى مايقصد شريفي
اضافة رد مع اقتباس
  #14  
قديم 18/09/2007, 05:55 AM
زعيــم مميــز
تاريخ التسجيل: 14/08/2007
مشاركات: 2,004
اول شي بالعافيه ثاني شي وش متسحر عليه <<<< مات ضحك
اضافة رد مع اقتباس
  #15  
قديم 18/09/2007, 06:08 AM
الصورة الرمزية الخاصة بـ Naif_farhan5
زعيــم مميــز
تاريخ التسجيل: 26/04/2007
المكان: الرياض
مشاركات: 1,793
ااااااايه صح كلامك<<<<<<<<<< تراه نايم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:51 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube