نادي الهلال السعودي - شبكة الزعيم - الموقع الرسمي

السسسسسسسسسسسسسسسسلام عليكم ورحمة الله وبركاته ..

هورررررررر يو أصدقائي .. :d

اكتب هالموضوع وانا توي متسحر وفي أوج عطائي الفني .. :d

بقعد اسولف لمين يجين النوم :stoned: ..

بصراحة وانا اتصفح بين جنبات المنتدى .. شد انتباهي بعض المواضيع ..

واللي أكيد يعني تؤكد اختلاف الرأي الي مايفسد للود قضية < والله يانا عرّقت يوم قلت هالجملة

هههههههههههههههههههههه بس اهم شي اننا هلاليين وزي كذا يعني ..

ياجماعة صرنا مثل حال النصراويين ..

وصار عندنا شك وريبة من أي شي يمر علينا .. ونقول هذولا بيحاربوننا .. وهذولا وهذولا ..

ونبدأ نعطي العذر للاعبين والادارة ان ماجابوا بطولة والا شي ..

بيقولون حنا محاربين وحنا وحنا ..

ثم حنا نبي نصير مثل اخواننا المستضعفين في النصر وافغانستان .. الله يفرج همهم ..

انا معكم قضية عزيز الاخيرة .. كان عزيز له الحق كل الحق فيها وعقوبته كانت قاسية ..

وانا من قرّا جميع المنتديات الرياضية .. سواء نصراوية او اتحادية او اهلاوية ..

ومهب لشي .. بس لأني متابع زين للكورة عندنا ..

وثاني شي مرّات أقرأ أخبار عن الهلال هناك حصرية ههههههههههههههههههههههه

ثلاث ارباع مواضيعهم عن الهلال .. فشي جيّد اني اوسع صدري ..

ياجماعة .. مهما حاولوا .. ماراح يقوون يوقفون الزعيم ..

عزيز كتيبة لحاله .. ولاعب مهم جدا .. بس الهلال يحتاج عزيز بالاسيوية اكثر من المحلية ..

والعقوبة جت لصالح الاتحاد والاهلي والشباب والنصر .. بحكم ان عزيز ماراح يلعب في مبارياتهم

قريت في منتديات النصر .. مطالبات تضحك منها .. بشطب عزيز .. وايقافه ..

كن عزيز سارقن لهم حلال والا ناهبن لهم ارض :d ..

ماتوقعت المرض اللي مبتليهم الله به .. وقسمن بالله اني اقرأ منتدى النصر بدون تعصب ..

بس شدّن التعصب المبالغ فيه ..

أحس لو أقول أنا هلالي بيطبون كل الاعضاء علي .. :d

واللي ضيق صدري سطحية افكار المنتدى .. وأتوقع غالبية الاعضاء هناك من المراهقين ..

ويؤمنون بالخرافات .. :d

والله ان ودي النصر يرجع مثل قبل عشان التنافس يرجع بينه وبين الهلال ..

بس الحين صار ودي أكثر .. لأن فيه جماهير نصراوية تقريبا صاروا نفسيّات :d ..

واحد يقول اشطبوا عزيز واتمنى مايجاملونه ..

وش يجاملونه ابو راسك وهو طالع كم ساعة لظروف ..

غيره يسحب على المنتخب وغيره يسوي اشياء بالدوري ماشفنا كلام ..

ومحمد نور وعبدالغني اللي الواحد ماتنشف براطمه من التفال على خلق الله ... :d

وين خرابيطكم ومطالباتكم بالعدل والمساواة ..

يتهمون الاتحاد السعودي بمحاباة الهلال ..

والله شي يضحك من القهر ..

يعني معقولة .. معقولة الواحد مريض لهالدرجة انه يكتب شي وهو يدري انه عكسه ؟؟

ميخالف نصراوي ماقلنا شي .. ماتحب الهلال بقريح يطير بك لا تحبه ابد ..

بس مسألة تصير غبي بحياتك .. وتقول اشياء الواحد يسمعهن منك يتحمد ربه على العقل والنعمة

هذا شي يحتاج لوقفه بينك وبين نفسك .. وتحاسب روحك قبل تكتب اي حرف ..

السنة اللي راحت فيه كم قرار صار لمصلحة النصر ..

وكم قرار لمصلحة الاتحاد واولهن رفع الايقاف عن نور ..

الاهلي استفاد .. وكل الفرق استفادت ..

الهلال وش استفاد ؟؟ .. اذا تقولون يحابون الهلال وش استفاد الهلال ؟

11 لاعب ومدرب وطاقم طبي .. كله لعيون المنتخب السعودي .. والمتضرر الهلال

ضاعت الاسيوية وضاع الدوري ..

انا مستعد أناقش اي نصراوي عاقل .. بس المشكلة مالقيت :d :d

مدري وش صار بالدنيا .. اذكر لي اخوياء نصراويين وش زينهم .. :d

شكلي بدق عليهم قريب هههههههههههههه بس المشكلة يدرون اني هلالي ..

والله يوم دخلت منتدى النصر وشفت المرض اللي به ..

حتى مصطلحات يطلقونه ورب الكعبة حرام يوصلون للانحطاط هذا ..

ياجماعة ابوها كورة اللي بتخلينا نقول كلام ونطعن بخلق الله ..

بس .. اللي اشوفهم منتدانا صايرن يراكض مثلهم .. صح مهب كثير بس شوي ..

لا من ناحية الاخبار .. ولا من ناحية الافكار .. يعني بعض الاعضاء صار بهم مرض النصر ..

يمكنهم نصراويين ( مقلعين ) عن تشجيع النصر :d .. الله يهديهم وجميع النصراويين..

على طاري مقلعين .. تذكرت مقال مقلع ..

يقولك هذي مقابلة مع دنيلسون .. بمجلة برازيلية .. بعد ماراح من النصر .. :d

يقول ياخي انا كل ليلة أقفل باب غرفتي بعد المباراة واقعد اصيح ..

يقولون يادنيلسون وش بك .. عساه مامات لك احد والا شي ..

مير يقول ياخي انا يضيق صدري من جمهور النصر ..

هالجمهور غريب .. كل ماينهزم القاه اكثر من اول ..

سبحان الله .. :d

وسألوه يعني وش احسن فريق .. ولا قال الهلال هههههههههههههههه

وقال ان النصراويين بس يتعرضون لظلم تحكيمي ..

ههههههههههههههههههههههههههههههه وقال اسماء لاعبين بعد

والله لو اسأل دينلسون من رئيس النصر قال مادري .. بس الله يهديهم جماهير النصر ..

حتى باللقاءات الصحفية يتسذبون .. نسأل الله السلامة :d

الوكاد .. وش نطلع من الموضوع حنا ...؟

نطلع بأشياء كثيرة ..

ون / ان منتديات النصر به أرانب واجد ..

تو / ان شبكة الهلال صار به ارانب ..

ثري / صرنا كلنا نقول ارانب وهذا مهب كويس .. لازم نصير مانقول ارانب ..

فور / فكونا من اي كلام عن خالد عزيز وعن الادارة العامة لرعاية الشباب والاتحاد والنصر والاهلي

فايف / ماجد عبدالله أحسن من مردونا ..

ستة :d / ماجد احسن من سامي بعد .. عشان ماجد سجل كبري على صالح السلومي

سفن / صالح السلومي دخل مرماه 325 هدف .. 300 هدف كلهن كبري .. يعني لاجديد :d

ايت / لازم نتلف حول فريقنا .. هذا اللي يبونه .. يتشتت تفكيرنا بقضايا ماتفيد دامها حكمت ..

ناين / دينلسون يعرف رئيس النصر .. يقول والله محسن الحارثي رئيس النصر كويس :d

شكرن تعبت قسم هههههههههههههههههههههههه بس براسي سواليف ..

ومالقيت الا النصر حاليا .. :d