|
«¤¶` رئة المجلس " الكناري الأزرق" ضيفاً على "حياة @ نت" `¶¤» http://upload.alhilal.com/img/006/7ayah-net4.jpg تصميم المبدع / عاشق بويعقوب . فكرة و إعداد / الماسه الزرقاء. http://vb.alhilal.com/news/1div.gif نعود إليكم أحبتي مع (حياة @ نت ) وكما تعلمون فهي عبارة عن سلسلة ستستمر معنا بإذن الله لفترة ما في مجلسنا العام إعتماداً على تفاعلكم الكريم, يحكي فيها ضيفنا عن سيرته وحياته في العالم الافتراضي , عالم الشبكة العنكبوتية وعالمه في شبكة الزعيم . http://upload.alhilal.com/img/006/fasel-7ayah-net-s.jpg ضيفنا السابع من الأعضاء المتميزين في المجلس العام عُرف بحبه للأسلوب الفكاهي , مبدع ومميز بمواضيعه و متواجد دائماً , شعلة من النشاط ويستمتع بالرد على المواضيع كما ذكر ذلك من خلال سرده لحياته النتية:yes: حتى أن القاضي سماه " رئة المجلس" نظراً لعدد مشاركاته التي جاوزت المليون:D تجاوز اسوار المجلس وأبدع في المنتديات المجاورة وقد صدق حينما وضع مسمى " رحّال" في مكان اقامته.s60s . ضيفنا لسابع عدد من هذه السلسلة هو الرحالة:D «¤¶الكناري الأزرق `¶¤» نترككم مع كاتبنا وضيفنا الغالي .. ليُبحر بكم في عالمه الافتراضي .. http://upload.alhilal.com/img/006/fasel-7ayah-net.jpg ايييييييه الله يذكر هالايام بالخييير , تصدقون اني اذكر اول ليله بالانترنت , كنت اجيب مجلة ماجد اعداد قديمه حقت عام 2000 قبل الميلاد و اشوف المواقع الزينه فيها و اذا كتبت الرابط ما اعرف وش اسوي .. قعدت احوس ساعه لين عرفت اضغط انتقال :D دخلت هالعالم من تاريخ 2005 شهر 9 ,, <<---- وش رايك تقول لنا اي يوم :d ؟ و بديت بمنتدى الزعيم بمربع الردود .. و تميت عليه سنة لين جيتوا انتم الله يبلشكم و رحت لمربع الرسايل الخاصه :D , لو اني قاعد اشارك الحين كان يمكن زدت مية مشاركه :( <<--- :D http://upload.alhilal.com/img/006/fasel-7ayah-net-s.jpg ((( بداية معرفتي بشبكة الزعيم ))) [] السوداني وسيارة الرياضية [] يا طويلين العمر في ليله خميس هادئة و الجو مغيم و السماء صافيه <<---- يرحم امك انطم يا شيخ ,, كان الهلال يلعب مع فريق ما اذكــره , و طبعا زي عادتي اذا لعب الهلال مباراة تلقاني مرابط بالبقاله احتري جريده الرياضيه ! و انا معتكف بالبقاله جت سياره من بعيد قلت هذي سياره الرياضيه هلا و الله .. قالي السوداني و هو يتثاوب يا زووول هذا سياره الشرق الاوسط .. قلت له يرحم امك انطم انا اعرف سياره الرياضيه لونه احمر و اللوحة [ ج هـ خ 495 ] و الاستماره يبي له تجديد ,, جاء السوداني و وقف و جيته مسرع قال تصدق يا زووول احبك في الله ! قلت له ليش .. قال عشان تشيل عني الجرايد و تدخلها البقاله داير انا تعبان شديد .. قلت ايييه من يوم ما عرفتك و انت تعبان اتوقع لو يقومونك من النوم قلت دقيقه ابستريح ! الا يا عثمان يقولون انك اكلت منشطات و قدرت تمشي خطوتين ورى بعض ! ضحك الزول و قال الاخبار بنتتشر .... <<----- انتهت لياقه الزووول :D رحت للزول حق البقاله قلت له سجل الجريده عالحساب .. فتح السوداني الدفتر حق الحساب يبي يدور ببسي فصفص حفايظ بامبرز .. كل اللي موجود [ جريده الرياضيه 2 ريال , جريده الرياضيه 2 ريال , جريده الرياضيه 2 ريال ] :D احس اني مصختها و هي ما تستاهل ,, http://upload.alhilal.com/img/006/fasel-7ayah-net-s.jpg [] أبي انترنت وراه ما علمون ![] المهم رحت للبيت و قعدت القم فصفص و مضبط ابريق الشاهي و كالعاده قطعت الجريده تقطيع حتى التاريخ ما سلم مني ,, و انا قاعدن اقرآ خبر تعاقد ضمك مع اللاعب الشهير منيف بن بطيحان الا و اناظر تحت و القى مكتوب مواقع انديه ! لقيت موقع النصر و الاتحاد و الشباب [ تصدقون يوم دققت بمنتدى الاتحاد و منتدى الاتحاد الافريقي لكره القدم لقيتهم نفس الرابط :D ] .. ما دريت الا عيني تجي على موقع الهلال الرسمي - الزعيم - www-vb.alhilal.com قلت الهلال له موقع :eek: , شف عيال اللذينا وراه ما علمون ! نطيت لاخوي الفاهم بالكمبيوتر [ تصدقون كنت اتتطنز عليه و انا اشوفه يقعد ساعتين عالكمبيوتر و الحين انا اقعد ساعتين في 60 تربيع :D ] .. قلت له ابي انترنت :mad: قال يا قروي اسمه كمبيوتر .. قلت له طيب من وين اجيب هالكمبيوتر ؟ يبيعونه بالبطحاء ؟ صك اخوي باب الغرفه بوجهي و رحت و انا مقفله معي http://upload.alhilal.com/img/006/fasel-7ayah-net-s.jpg [] جيت ابكتب الاسم و هنا كانت الفاجعه [] دارت الايام و نسيت موضوع الانترنت و ما دريت الا و كمبيوتر يدخل البيت :eek: قلت يا ولد فرصتك .. و صار الكمبيوتر لي .. صحيح اني اول اسبوعين فزت بوزنك ذهب ستين مره بس معليش :d ناديت اخوي و قلت له سجل لي بالزعيم .. كان مستعجل وراه مشوار قال ابروح قلت له و الله ما تروح الا و انت مسجل لي :mad: قال و هي مقفله معه طيب .. جاء سجل لي عالسريع و كتب لي الاسم و الباسورد بورقه و راح .. جيت فرحان ابسجل دخـوول .. كتبت الباسورد اول شي من الهداره :D [ الباسورد كان 123456 شفتوا البراءه وش لون :D ] المهم جيت ابكتب الاسم و هنا كانت الفاجعه ناظرت .. مسحت عيوني .. لبست نظاراه ابوي ! لا يا ولد انا بعلم منب بحلم ,, تدرون وش لقيت الاسم ؟! لقيته [ ابو **** ] .. تدرون وش ال **** ؟ معيارتي :( نعم فعلها الماصل الوصخ الاحمق المتبجح و كتب معيارتي :D الحين مقدر اشارك واااااخزياااااهـ :D قعدت اتصفح و مليت و نمت .. بعدها جاء بالليل و تهاوشت معه لين قرر يسوي لي ايميل و يعلمن وش لون اسجل .. http://upload.alhilal.com/img/006/fasel-7ayah-net-s.jpg [] خرابيط العالمي وهمزة الكناري [] طبعا اول شي قلت خل اجرب هالتسجيل .. و على طول لمنتدى العالمي و اسجل بإسم [ خرابيط ] ! نعم لا تعجبو فالاسم هو هكذا .. [ خرابيط ] ! من العجله عجزت اكتب [ الفقر ؛ المسيار ؛ السلام عليكم :D ] ضاقت علي الاسامي ,, المهم نجح التسجيل و انا فرحان حسيت اني نيوتن يوم اخترع قانون الجاذبيه :D و رحت لمنتدى الزعيم .. فكرت وش اسمي نفسي ؟! و مدري وش لون طرآ على بالي اسم الكناري الازرق .. قلت يا ولد مهوب شين .. و سجلت بهالاسم و الحمد لله ,, [ طبعا قعدت اكتب الكناري الأزرق ساعه لاني بإختصار قاعد ادور الهمزه :d ] .. و حياتي بشبكه الزعيم كانت اكثر من رائعه , قضيت فيها اجمل الاوقات بدون مجامله و الله , اعضاء مثل الاخوان و تحطهم عالجرح يبرى .. يا حبي لكم s45s و نوع الكتابات اللي افضلها طبعا الفكاهية :p ومن المواقع التي أدخلها شبكه الهلال, http://upload.alhilal.com/img/006/fasel-7ayah-net.jpg ((( إشراف بالنسخ واللصق))) كنت مشرف بمنتدى الشلهوب , قصه الاشراف هي بإختصار نسخ و لصق من هالمواضيع اللي بالمنتديات :D [ طبعا هالكلام زمان و لا الحين اكـره ما علي النقل ] و الصعوبات اللي تواجهني نادر ما تشوف مواضيع من كتابه الاعضاء كلها منقوله <<----- أتأمرون الناس بالبر و تنسون أنفسكم أفلا تعقلون :D عموما ,, انا المنتدى تركته و تنازلت عن الاشراف لاني حسيت اني منب كفو ! <<---- احس لو ابوي قرآ هالكلام قال هذا و هو منتدى ما تحملت المسؤوليه وش لون لا صرت ابو عيال :mad: ؟ http://upload.alhilal.com/img/006/fasel-7ayah-net.jpg &&& معرفتي بالأعضاء &&& يوميا اتعرف على اعضاء , لكن ابقول الاعضاء اللي تعرفت عليهم من بدايه معرفتي بالنت و الى الان اكلمهم [ واحد منهم تو مزعجني و انا اكتب حياتي الانترنتيه و ترأ اول حرف بإسمه ما يبدى بخفايا الهلال :D ] .. الاعضاء هذولا هم من الاقدم و الاغلى على قلبي ,, المركب الازرق هلالي القرعاء خفايا الهلال M E T O o و فيه اعضاء تعرفت عليه من تالي و ما ينقصون عن سابقيهم شي :) مثل الخروف سولتان " المشاغب " ؛ هامور البورصة ؛ جرح يشكي ؛ ماجد مقبل ؛ هتلر الرياض ؛ اعتذر ان كنت نسيت احد ذاكرتي مثل خشتي :( و لا يهونون الاعضاء الباقين , كل واحد يقول للثاني طس انا ابقعد بمكانك :D http://upload.alhilal.com/img/006/fasel-7ayah-net.jpg ((((( ذكريات @ نت ))))) []منتدى اعضاء شبكه الزعيم ,[] كانت ايام حلوهـ ,, كنت ازيد باليوم مية مشاركه يا رب يرجعونه عشان ازيد مشاركات :D [ على طاري المشاركات , ترى بعض الشباب اخذين فكره عني انا اموووت بشي اسمه مشاركات و ما همني غير زيادتها , ترى و الله عادي و ما همني لكن انا اتونس بالردود ] ,, http://upload.alhilal.com/img/006/fasel-7ayah-net-s.jpg [] ميتووو علمني الإستئذان [] انا و خفايا الهلال و هلالي القرعاء و ميتووو دايم نسوي محادثه جماعيه , و انا كنت كل ما مليت طلعت بدون استئذان , و يرجعوني و يعصبون يقولون ثاني مـره استاذن ! و مره من المرات كنا مجتمعين [ انا , هلالي القرعاء , ميتووو ] ,, عاد جاني هلالي القرعاء بالخاص و قالي شف انت اطلع و انا ابي اهاوشك نبي نشوف وش يسوي ميتو ,, قلت اوكي , طلعت و يا ليتي ما طلعت !! دخلني هلالي القرعاء و قال ليييش تطلع يالمغرور يالمدري ايش يا .. يا .. [ طبعا يمزح لانه متفق معي ] ,, رديت عليه قلت ياخي خلني براحتي ,, بدآ يكتب ميتو ,, قال خله يطلع طز به مدري ليش شايفن نفسه علينا اقسم بالله مصخها :rolleyes: انا قلت شكل الشباب حاقدين علي و انا مدري ,, قلنا له السالفه , و من بعدها مستحيل اطلع بدون ما استاذن عشان ما يصجوني , قبل فتره طلعت بدون استئذان رجعت بخمس ثواني قلت اسف نسيت اقول ممكن اطلع :d ؟ http://upload.alhilal.com/img/006/fasel-7ayah-net.jpg **** إضافـــــة من حياة الـــواقـــع *** ]] سنشيرو والبيت المسكون [[ @ اتذكر بيتنا القديم .. يوم كنت ارابط بالمجلس على الفيديو الصغير و اقعد اشوف النمر المقنع و عدنان و لينا و سانشيرو :cry: @ اتذكر يوم ما كنت داشر , كان فيه بيت مهجور بالحاره و بجمب الجبل , الساعه 10 و نصف ليلا .. عاد مع الجبل و الهدوء تحس الساعه 2 بالليل ! قلنا يا شباب نبي ندخل هالبيت المهجور , و اللي يصير يصير , طبعا نعرف ان البيت فيه جن و اتذكر ان فيه هنود سكنوا بالبيت و قاموا الساعه 2 بالليل يصيحون و راحوا لشيخ الحاره و يقولون الجن قاموا علينا و قعدوا يضربونا بالمواعين حقتنا و .. و .. و .. و وجه خايف ! و مره دخلوا خوياي و ما كنت معهم يحلفون لي بالله انهم دخلوا غرفه و لقو جني التفت عليهم بعدين هج ! طبعا مدري هم صادقين و لا لا .. بس احسهم كلاكين ! اصلا لو شافوا جني كان ما نحروني و قالوا لي المفروض ينحرون بيوتهم يغيرون سراويلهم لانهم من الخوف عملوها :D نرجع لمحور حديثنا ,, قلنا يا ولد خل ندخل , و كان عددنا 8 تقريبا ,, كل واحد اخذ خشبه اطول من لسان هلاليه و كلي فخر , و اعرض من جبهة الظهراني ! وحطينا عليها ديزل و ...... اشتعلت النار ! دخلنا البيت و طلعنا من الدرج و قلن يقول [ هو , هو , هو , هو , كننا الهنود الحمر ] :D ,, يوم قربنا ناصل السطح اللي قدام خاف و رجع عاد الشباب كلهم هجو معه من الخوف ,, الا انا جيت ابهج لكن طحت ,, يا ويلي ,, حسيت انا ابعملها على نفسي من جد من الخوف :cry: بيني و بين اخوياي متر واحد و احسها كيلو كامل من الخوف و احسهم مركبين مكاين من سرعتهم ,, قمت و حطيت رجلي وراهم عاد تعرفون شعور واحد يكون اخر واحد ,, يحس جني يلحقه :D ! ما صدقت على الله طلعنا من البيت .. و بعدها حلفت ما عاد ادخله ,, http://upload.alhilal.com/img/006/fasel-7ayah-net-s.jpg ][ اللياقة ماش ][ من الذكريات الحلوه , ابوي كان عنده معرض سياراه مشترك فيه مع عمي , كان بطرف المعرض ملعب صغير , كنا نجي انا و عيال عمي و نلعب كوره هناك , و الله يا شباب اني قبل كم يوم لعبت كوره و بعد خمس دقايق قعدت اشاهق لين بغيت اقول الله لا اله الا الله , تذكرت يوم كنا نلعب بالمعرض , تذكرت يوم كنت اقول لولد عمي و الله لياقتنا ماش , يبي لنا نتدرب ! كنت اقوله هالكلام و انا لي 3 ساعات العب :rolleyes: http://upload.alhilal.com/img/006/fasel-7ayah-net-s.jpg [] ابو عبدالله والسطل بألف[] انا كنيتي ابو عبد الله , و واحد من اخواني كنيته ابو عبد الله بعد ,, عاد كان اخوي المدعو ابو عبد الله عازمنا ,, و بعد العشاء قال ابوي : اكرمك الله يا ابو عبد الله ,, انا قلت لا شعوريا صحه و عافيه يبه :D قعدوا يضحكون قالوا انت وش دخلك ؟ انا وجهي صار طماط تصدقون جاء واحد يحرج علي قال سطل الطماط بخمسه سطل الطماط بخمسه :D ,, [ حرام عليه .. من كثر الحياء صار وجهي طماطن طبيعيٍ مية بالمية يستاهل السطل الواحد الف ريال :D ] .. http://upload.alhilal.com/img/006/fasel-7ayah-net.jpg اتمنى اكون وفقت بالسرد ,, و ........ خلاص لياقتي انتهت ! <<------ الزوووول :D ! ميسو ان كان للابداع عنوان , فهو حتما انت [ اقول لا يكون احد مساعدك و انا و خشتي منب داري عنه :d ] ,, السلام عليكم و رحمة الله و بركاته ,.,. بقلم المميز النشيط : الكناري الأزرق http://upload.alhilal.com/img/006/fasel-7ayah-net-s.jpg ونحن بدورنا نشكر الكناري الأزرق الغالي المبدع لإٍستجابته لدعوتنا :yes: ولا ننسى أن نشكر المصمم المبدع عاشق بو يعقوب على تصاميمه الخاصة بالموضوع:yes: وانتظرونا في العدد القادم بإذن الله في ( حياة @ نت ) مع ضيفنا القادم صاحب القلم السلس المميز ا لأديب والكاتب الهلالي " السامي كسمو الهلال "s13s http://upload.alhilal.com/img/006/lo...et-alzaeem.jpg تقبلوا أرق التحايا وأطيبها :) من مشرفي واستشاريي المجلس العام http://upload.alhilal.com/img/006/fasel-7ayah-net.jpg «¤¶`1- مشرف منتدى الجمهور " الغريب" ضيفاً على "حياة @ نت" `¶¤» «¤¶` 2- مشرف منتدى المجلس العام " البارق " ضيفاً على "حياة @ نت" `¶¤» «¤¶` 3-خنفشاري المجلس العام " ماجد مقبل " ضيفاً على "حياة @ نت" `¶¤» «¤¶` 4-فاكهة المجلس العام " المشاغب " ضيفاً على "حياة @ نت )" `¶¤» «¤¶`5- صاحب الإحساس المرهف " مطيع الهميمي " ضيفاً على "حياة @ نت" `¶¤» «¤¶`6- الفراشة " الهنوووف " ضيفة على "حياة @ نت " `¶¤» http://upload.alhilal.com/img/006/fasel-7ayah-net.jpg |
حجز @@@@@@@@@ عدنــا @@@ السلام عليكم ورحمة الله وبركاته .. (حياة @ نت ) «¤¶` رئة المجلس " الكناري الأزرق" ضيفاً على "حياة @ نت" `¶ ماشاء اختيار موفق لعضو مميز بمواضيعه وردودة :yes: فمرحبا بك يا ابن بطوطة ;) الكناري : حياة نتية رائعة وحافلة بكل ماهوجميل s60s ولكن لاتخلوا من الطرافة كالعادة وهذا مايميز نايف عن غيره :yes: حاولت ان اعلق ولكن لم اجد تعليقا سوى ان اشكرك على روحك المرحةو التي تجعلنا متابعين لمواضيعك وردودك لما فيها من تميز :yes: ورائع اضافتك لمواقف من الواقع .. @@@@@@@@@@@ ابو عبدالله لقد لاحظنا قلة مشاركتك في الاونة الاخيرة ياترى مالسبب في ذلك ؟؟.. قبل مدة كنت تكتب موضوع بليلة الاختبار والحين ماتنشاف الا نادرا ،،نتمنى عودتك كما عرفناك :yes: انتبه لعدد مشاركاتك ترا منافسك الوحيد ادارة نقل المباريات ماشاء الله تعدتك الحق على عمرك ترا بينكم ثمان مية مشاركة يمديك تاصل :d @@@@@@@@ جزيت خيرا اخي وبارك الله فيك .. تقبل تحياتي @@@@@@@ http://upload.alhilal.com/img/006/7ayah-net4.jpg تصميم المبدع / عاشق بويعقوب . فكرة و إعداد / الماسه الزرقاء. الله يعطيكم العافية على المجهود :) بانتظار المبدع السامي كسمو الهلال.. @@@@@@@@@@@@ فمان الله اختكم |
حجززززززززززززززززززززززز |
هلا وغلا بالكناري نايف s13s أبي أمدحك بس أخااف يكبر راسك:p :p ولا اقول انت الصراحة تستحق والله :clapping: :d انت عضو مو مميز انت عضو فووووووووق التميز:yes: وعداد المشاركات يشهد .. لاحظت فيه كثير يقولون وينه الكناري غايب عننا ...:confused: :confused: أنا أقول الحين صيفية وإجازة فلها :d ;) وهذا يشبه الهدوء الذي يسبق العااااااااااصفة :d لازم عاصفتك تكون موضوع متميز :d :p --------------- بداية نتّنتية راااائعة يا بو عبدالله :d الصراحةانت أثريت المجلس بمالديك يكفي انك الرئـة:d وبالعافية ................ عوااااافي خرابيط .s13s شكر خاص للماسة على مجهوداتها الرائعةs60s وشكرا بو يعقوب على تصاميمك ...:clapping: |
هلا وغلا برئة المنتدى وروح الفريق ودينمو الوسط ..:clap: >>> حاشا هذا التيماوي مو الكناري :razz: بصراحة استمعت مع المشرف المستقيل الكناري الأزرق (( خرابيط )) :razz: ـخخخخخخخخخخخخخخخــ ماشاء الله حياة نتيه جميلة بس زي عادة ابو كناري لازم يشطح برا الموضوع :d ههههههههههههــ.. بس قسم بالله شطحاته أحلى شطحات شفتها في حياتي .. s60s حقيقة الكناري شاب ظريف للغاية ودمو زي العسل وانا احبهو بشغفن كبير .. :clapping: وعلى قولة الحكماء .. ;) اذا كان حب الكناري جريمة فليشهد التاريخ اني مجرم :D ـهههههههههههههههههههههــ بس اللي يقهرني انه اذا طالع من الماسنجر ما يستاذن هههههههههـ :clapping: :clapping: وكما ان الكناري يستمتع بكتابة الردود فأنا استمتعت بقراءة ردوده .. :yes: لكن إذا كتب قصيدة بصراحة تحوم تسبدي هع هع هع :razz: الا عيارتك ابو ......... ؟؟ >>> ملقوف :d تسلم ابو عبد الله والله يعطيك العافية :thumbup: شكرا اختي الماسة الزرقاء هذا الابداع والتميز .. وشكرا اخي الحبيب عاشق بو يعقوب مصممنا الرائع .. وبنتظار كاتبنا المبدع السامي كسمو الهلال .. :yes: |
يالله ان تحيي عداد المشاركات:thumbup: بداياتك بالنت بدايات انسان بريء بس متأكد أنك ما كنت تحوس بهالمواقع ؟؟ :D بصراحة أشوفك قاطع المنتدى الفترة الأخيرة ان شاء الله خير ؟؟ بس والله يا ( S7EVA ) حق العالمية حطك بابطه من كثر مشاركاته:laugh: إقتباس:
ههههههههههههههههههههههههههههههه لو أنا منك كان أطلع من البيت بدون ما أغسل:D مشكلة اذا صار الواحد مفهي :laugh: |
السلام عليكمـ ..,, الأخ الكناري الأزرق من الاعضاء المتميزين حقيقة .. s60s ويعجبني انه انسان يوسع الصدر من اول ما تشوفه .. واحس والله اعلم أنه راقي جداً .. بتعاملة , بكلامه , بأسلوبه مع الكل ...,, ضحكت كثير وانا اقرأ كلامه ..صراحة فرفوشي حيل :clapping: الله يديم هالوناسه عليه وعلى الجميع يا رب .. ولا يحرمنا مثل هالمشاركات الحلوة.. في شيء ودي اقوله للكناري ..: أنه يظل على الاسلوب الخطير هذا s60s الضحك والفرفشه تكون وقتها .. والجد يكون بوقته .., مو طول الوقت ضحك ضحك ضحك .. :yes: واظن الكناري يمشي بهالأسلوب الرائع بعنف .. :yes: وللأمانة مافي واحد يضحك بالشبكة كلها ويعجبني ضحكه غير هالمسيكين :d الباقين ما تعجبني طريقتهم وتمر من عندي مرور الكرام .. أحسها طرق تقليدية مُملة ..! Dr.Sara |
إقتباس:
مو لما تجي تكتب بالاخير تكتشف انهاغير متصله:cry: ودي اروح بيتهم واذبحها واجي:D إقتباس:
إقتباس:
الكناري الازرق اعتبره اخوي الصغير :D >>مسوية عجووز بما ان الكناري من بني جيلي :D وكان معاي بالاعضاء وهنا واحس فيه وفاء مثلي:D كلن يروح ويجي الا حنا:D ولايهون الكلاسيكي طبعا الكناري معرف يجبرك على احترامه بالرغم من صغر سنه الا انه ماشاء الله يذهلك بتفكيرة ومحافظتهs60s الله يكثر من امثاله امتاز بخفه الرووحs60s ( وكانت في حدود الادب والرقي والاحترام ..)) وبس عندي شي لاحظته قله مشاركتك في الفتره الاخيره:yes: وشوي من طريقه الكناري الي عهدناه:yes: ياترى مالسبب:D نتمنى يرجع نشاطك ولياقتكs13s الكناري صحيح مشاركتة كثير بس اتوقع السبب مثل ماذكر لاني مالفت انتباهي رد له يوحي بانه يسعى لزياده الاسهم:D إقتباس:
يعطيك العافيه ميسووو وعاشق s60s ماقصرتوو الهنووف كانت هنا ورحلت |
وناسه شكل الموضوع فله < اخير في موضوع نقراه :d << جآآآري فصفصة الموضوع :razz: |
تكفى يا بو عبدالله لا عاد توصف مرة ثانية :d الواحد يبي مكان بجنبك وانت تخليه يآخذ جولة سياحية في ربوع بلادي لين يوصله :d يعني حياتك النتية في سطرين والباقي كلوا عزآآآب عزآآب <<<حسبي الله على بليسك شطحنا مثلك :d :d بوعبدالله جيب لك http://lunita./normal_ereaser.jpg وامسح اللي انكتب فوق كنت ومازلت قلم رائع وانسان يتسم بسمو اخلاقة تمر على الانسان لحظات يعيد ترتيب اوراقة ليكمل بنفس الحماس الذي بدأ به وانا أعتبر قلة تواجدك في الفترة الأخيرة ماهو الا هدوء يبشر ان شاء الله بعودة قوية ومستمرة للمنتدى بشكل عام وللمجلس بشكل خاص الله يعطيك العافية ... وفي الختام كل الشكر للقائمين على هذه الاستضافة |
الكناري ،،، اسم فرض حضوره ( بسجية حضوره ) الغير متكلف .. اسم باتت ردوده مطلباً للجميع خلال زمن يسير .. مؤخراً خفت نجمه ربما ليعود أكثر إشعاعاً و إن شاء الله .. لن أطيل و لكن سأكتب أن الكناري من المعرفات التي يرتاح لها الشخص .. |
الكناري الازرق اسم احترمه واقدره شخص مميز بكل معاني الكلمة أتمنى للجميع التوفيق كل الشكر لكم |
حجز لي عوده ان شاء الله ما اقول الا الله يشغل العدو راجع |
الكناري الأرزق .. اسم لامع في سماء المجلس العام أسلوبه رائع وطريقة سرده للمواضيع والردود حلوووة وخير من استضفتوا في هالموضوع الحلوو .. الضيف المناسب في المكان المناسب s60s والله يعطيك العافيه الكناري تعرفنا عليك أكثر وتشرفنا فيك .. الغدير الأزرق .. |
هــلا و الغــلا الكناري الأزرق عضو فعال و نشيط و طيب يعطيك العافية أبو عبد الله على الحياة النتية الحلوة لو كتبت أنك صديقي و أني كنت أعلمك كيف تكتب القصيدة كان رديت عليك أكثر هههههههههههههههههههههههه مشكور يا الدب على هالأطلالة الجميلة مشكورة الماسة الزرقاء أفكار رائعة و حضور متجدد أحس أنك تشعرين بمسؤولية الأسم اللي تحمليه و يسلم عاشق بو يعقوب على التصاميم و يسلم الأعضاء |
| الوقت المعتمد في المنتدى بتوقيت جرينتش +3.
الوقت الان » 06:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd