مطلـــوب أمنــي يختفــي في ظـــروف غامـــضه!! - صفحة رقم 3 - نادي الهلال السعودي - شبكة الزعيم

Je t'aime Hilal · #31 10/08/2007, 03:22 AM

هلالي الظهران كتبت فأبدعت سلمت أناملك

وضعت يدك على الجرح الذي لاندري متى سيندمل نسأل الله أن يكون قريبا

أعان الله شبابنا ويسر أمورهم ورزقهم من واسع فضله

M e T o O o · #32 10/08/2007, 03:50 AM

قسم بالله انك فله

< < وش عنده جااي متحمس :p

,,

هلالي الظهراان .. أزعجني كثير اللي كتبه .. بالفعل قصه شاب من بين الاف الشبااب .. اللي لجأوا لما يُسمى بالارهااب ( بالغصب ) .. يا ما تكلمنا وتكلم ( الاعلام ) عن ان التطرف هو سبب الارهااب .. ولا يقصدون الا الدين و ( المشاايخ ) .. بينما التطرف له وجهاان .. غلو بالدين .. أو الانسلاخ عن الدين .. وهذا اللي صااير الحين .. لو بحثنا عن اسبااب الارهااب ( بصدق ) و ( حياديه ) لوجدناا ان للإعلام يد طُولى فيه .. شبابنا ولله الحمد غيورين على دينهم ومتحمسين .. وجت البطااله ووضعت في وضع نفسي حرج .. ثم يأتي الاعلام و ( يفجرهاا ) بإسلوب علمااني حقيير .. لا يمت لـديننا بأي صله ,,
للأسف .. رموز المتطرفين العلمانيين ( لا ) يعااقبون مثل المتطرفين الدينين .. بكلامي ذا مو معناهـ اني مع التطرف الديني .. لا أبداً .. بس ( وين العدااله يا حكم

) ,,
االله يصلح الحاال .. هذا وقت فتن .. الله يكفينا شرهـ .. ننتظر وقفه خااصه من ابومتعب .. لان الشعب سوا اللي عليه .. برقياات لمكااتب المسئولين وأرسل .. موااضيع بالنت كثيييره .. و ( لو ) فتح الاعلام للشعب ( كله ) .. لأمتلت صفحاات الجرايد بمطالبات لـ وضع حد .. لـ شخصياات معروفه جداً < < ما يقصد ابو مدني وطيب الذكر غاازي

عموماً .. اللهم اكفنا شر الفتن ,,

مشكور عمر خليتني أفضفض .. صح أني أحس اني جبت العيد

.. الله يسستر بس

والله يكفينا شر المتطرفين ( بأنوااعهم ) !!

نااايف

SAM 6 وبس · #33 10/08/2007, 03:58 AM

يالغالي موضوعك روعه ,,

هلالي الظهران اتعب وانا اقول موضوعك خيال وانا اوافقك بكل نقطة قلتها ,,

وبيض الله وجهك والله يوفق كل شاب يتقدم للوظايف..

عاشقة الزعيم15 · #34 10/08/2007, 12:39 PM

إقتباس


	اخر الاخبار اللي وصلتنا عن مازن .. انه راح لأهله ومالقى احد!! سأل ودور عليهم وكانت الفاجعه.. أمه توفت بحسرتها وابوه جاه شلل وصار عاجز عن الحركه ودخلوه أهل الخير دار للمسنين.. اما اخته سحر.. آآه ياسحر.. بعد وفاة امها ومرض ابوها واختفاء اخوها مالقت احد تلجأ له الا الدكتور اللي عطاهم مازن عنوانه! لكن الواطي كان ظاهره غير باطنه وكان عديم المسئوليه والضمير وسلم سحر الى ابنه اللي طيحها بالممنوعات واستغلها ابشع استغلال..

والله انها قصه حزينه ومؤثرة وحسبي الله ع الدكتور بعد كل الثقه اللي اعطاه اياها يطلع كذا
ولا هو اللي الله اعلم بحاله الله يرحمه سواء حي او ميت ولا ابوه اللي بدار العجزة وامه اللي ماتت يوو العيله تشتت
الله يعينهم ويصبرهم
والله يساعد شبابننا ويلاقوا وظايف
وحسبي الله ع اللي كان السبب

تحياتي،،،

عريب عبدالله · #35 10/08/2007, 07:38 PM

صراحة
أقرا القصة ودموعي اربع اربع خلصت كرتون المناديل

بجد أسلوبك الجديد روووووووووووووووعة وأكثر إمتاع

يبقى هلالي الظهران الكاتب الأكثر تميز بأسلوبة الممتع

مابيضتها مع ابلتكم أقصد استاذك
الا بيضتها مع الكل وسودتها مع الرقابة ههههههههه

يعطيك كل العافية
ولاعطر بعد عروس
أكتفيت بصمت وافر الأعجاب بك وبقلمك

بالحب والإشراق

ياقاهرهم يالهلال · #36 10/08/2007, 08:16 PM

حجـــــــــــــــــــــــــــز

كونتراتاك · #37 10/08/2007, 08:32 PM

هههههههههههههههههههههه

مرجووج !

شـــذى · #38 10/08/2007, 10:05 PM

وعليكم السلام ورحمة الله وبركاته ..

إقتباس


	راجعت المدير وقال اني غايب يومين والنظام يقول اللي يغيب يومين نخصم نصف راتبه!!

واربعة ايام يطير الراتب سلام الله يالقطاع الخاص صورة بدون

تحية لمعالي الوزير ..!

إقتباس


	اغلب حلقات البرنامج صارت عن حقوق المرأه!! وكل ماحاولت اتناقش مع المسئولين يقولون انت وظيفتك التقديم وبقية الامور مهيب من اختصاصك!! اكتشفت ان الاتصالات اللي تصل للبرنامج غالبيتها من اصحاب الفكر المنفتح بينما اتصالات اصحاب الفكر المحافظ شبه مغيبه!!

هو الله يصلحه مالقى غير الاخبارية << تمويه ماودها تقول غصب 1

إقتباس


	حاولت مناقشته وان المساله خلافيه بين العلماء لكنه زاد في تشدده وعناده

<<< وعندك وحدة من المتصلين على برنامج مازن

أعلم علم اليقين انه يوجد خلاف بين العلماء ولا ماكان تعددت المذاهب << كان الكل اتفق على مذهب واحد وخلااااص

بس والله يا أحياناً فيه شطحات مدري وش تبي وما فتوى إبطال السحر بالسحر عنا ببعيد

القرضاوي في برنامج الدين والحياة على قناة ( الجزيرة )

يقول مالمشكلة في تقديم واجب العزاء في وفاة بابتهم يوحنا بولس الثاني ( بابتهم تعود على المسيحيين )

معلل ذلك بأن ديينا دين سماحة واخلاقيات ..!

والله العظيم اني جالسه اسمع له وأقول كيف يعني نعزيهم

..

على طريقتنا الإسلامية ونقول عظم الله أجركم وأحسن الله عزاكم وغفر الله لميتكم

ولا على طريقتهم المسيحية ونقول لاتحزنوا فقد كان خادماً صالحاً أميناً

ابتهجوا فـ قداسة البابا يوحنا بولس الثاني يلتقي بالرب وجهاً لوجه

<< استغفر الله العظيم

ولا لاهذه ولا تلك ونقول لهم البقية في حياتكم

<< من جد أمر أثار دهشتي وحيرتي

وياليت بعض العلماء يتورعون قبل اصدار آي فتوى << من أنتِ عشان تطالبين بكذا .؟؟

>>> أنا أحد المتلقين ..!

هذي وجهة نظر وياليت من يثبت لي خطأها واكون له من الشاكرين

..

عموماً الله يغفر لي ولهم ولكم .

إقتباس


	لم تمضي 24 ساعه على البرنامج حتى جائني اتصال من الاذاعه واخبروني بأنه تم ابعادي!! سألته عن السبب.. رد علي باجابه مفادها ان عندي افكار دخيله وغير سليمه بالاضافه اني ظهرت في برامج مع المتبرجات الفاسقات!!!

ياحياة الشقى يامازن وين ماطقها عوجا .!

إقتباس


	وفي احد المرات كنت مع مسئول التحرير وطلب مني اركز على انتقاد المناهج والمراكز الصيفيه وحلقات التحفيظ وكل مراكز هالارهابيين!! هو قالها كذا!!

وأنا أشهد إن هذا هو ديدنهم ....

إقتباس


	قسما بالله شي يغبن.. يعني اذا الواحد يسوي الصح ويمشي على مبادئه السليمه اللي تربى عليها ينقطع رزقه واذا نافق وغش وضلل تمشي أموره

( والعاقبة للمتقين ) والعبرة ستكون في الأخير

إقتباس


	اذكر مره وقفت عند حرمه سعوديه تبي تركب.. ولما شافتني سألتني الاخ سعودي؟ قلت:ايه! قالت: اجل انقلع!!

والله ان الشاب السعودي هو من يعطي فكرة سيئة ولا تنسى ان الشر يعم << منطق غريب بس هذ الموجود ...

إقتباس


	اجل عادي تكشفون للاجنبي والسعودي عيب

والله ياكثرهم اللي يستحون من السعودي ولا الأجنبي صاير واحد من افراد العيله << قلبت مصري

ما اقول الا الله يصلح الحال ..

إقتباس


	فعلاً ياساده مازن كان ضحية لارهاب مجتمع بأكمله!!

لو ما جا من موضوعك الا هذي النقطة لكفى

و سقى الله ايام الفارسي

صدق ماراح تعرف خيري ياطيري حتى تجرب غيري ..

برايفت غازي

: لن يغني عنك من الله شيء .

إقتباس


	والله يابعض هالاخصائيين تسمع كلامه تقول هذا حياته مثاليه وبالواقع يكون اخر انسان يطبق اللي يقوله!!

بعضهم ينطبق عليه باب النجار مخلع ,,, مخلوع ,,, مكسور << كل الطرق تؤدي الى روما

أذكرة قبل فترة وحدة من خواتي اتصلت علينا تطلب منا متابعة

برنامج يستظيفون فيه أخصائي طب بديل واعشاب وتبينا نسجل لها ارقامه وعناوينه لأنها بتكون مسافرة ..

واذا رجعت تبي تتصل عليه لان عنده اعشاب مفعولها مفعول السحر في معالجة السمنة

والله ما كذبنا خبر واخذنا تردد القناة

وانتظرنا حتى جا اليوم الموعود اقسم بالله بغيت أموت قهر منها هي وين عقلها يوم تصدق

هذا الاخصائي تجاوز وزنه الـ 100 كيلو

وثيابه لسان حالها يقول سيأتي يوم وأهرب منك غير مأسوف عليك ..

وين اعشابه ما فادته

إقتباس


	الى معلمي: هاه تكفى قل اني بيضتها

وأنا اقرأ هذه النقطة تذكرت أن الطالب يتفوق على معلمه وبعنف واسأل معلمك

إقتباس


	الى امي: امي..امي.. نظر عيني وملهمة خيالي.. عسى ماتأخرت عليك عند عرس خوالك

مثل ما قالت لك الهنوف لا تشيل هم

فنحن معشر النساء لا نحقد الا على من يأتينا مبكراً

ماشاء الله تبارك الله مبددددددددددددع وقليلة في حقك ...

الله لا يضرك ياخوي

من أروع ماقرأت الله يزيدك من فضله ...

واعذر لي اطالتي فموضوعك مثير للشجون

سؤال خارج البث << عايشه أجواء الاعلام

أنت تكتب في ساحة الاقلاع

لان الأسلوب مو غريب عليّ هذا اذا ماكنت واهمة ..

تاكسـي الغرام · #39 11/08/2007, 12:31 AM

هلا اخوي عمر

اه اه شي محزن

اقسم بالله لو مهوب انت اللي كاتبها كان قلت مسلسل مكسيكي

شي يقهر بقوه

اقسم بالله اني احسبه مسلسل سعودي محزن \\

رعبوبة الزعيم · #40 11/08/2007, 07:26 AM

يــاهلا والله وغلا اخوي عمر ..

مواضيعك دايما ماتتسم بالابداع سواء كــانت هزليه ام جاده ..
فـ هلالي الظهران يفرض نفسه دائما من خلال كتاباته الرائعه والمتنوعــه ..;)

مازن هو ضحيه من ضحايا هذا المجتمع وهذه قصه واحده فقط ومـاخفي كان اعظم..
فمازن كانت لديه الطاقه الكافيه للعمل ولكن لم يجد مايرضي يطــموحه ولم يستطيع ان يتنازل
عن مبادئه في سبيل عمله !!
وهذا هو الصحيح فأهم ماللإسنان سمعته بين الناس ..الباقي له حتى يحافظ عليها..
ولكن نهاية مازن كانت نهاية اليمه
نتيجه صدمه لم يكن ليتوقعها رغم انه من خريجي الجامعه ..!!:sad:

سلمت ..
وسلمت اناملك على هذا الطرح الرائـــع

القاضي · #41 11/08/2007, 11:10 AM

أحسنت أبا سباستيان.

كنت قد زورت في نفسي تعليقاً على بعض فقرات الموضوع لكنني عدلت عن هذا عندما قرأت إهداءاتك في الرد رقم 3.

منذ أحداث الحادي عشر من سيبتمبر و العالم - و السعودية بشكل خاص - يمر في فترات مخاض يبغي علينا كمجتمع التعامل معها بشكل أكثر واقعية و شمولية.

أخوك

هلالي الظهران · #42 12/08/2007, 01:48 AM

بدايه.. سلام من الله عليكم وتحيه.. تتبعها بوسةٌ ممردغةٌ بالاشواق الحيه.. ممزوجةٌ بسعابيل تقوطر من فاه حوريه.. وريحٌ ومسكٌ من محل عود العربيه

..

ثانيا.. اعتذر عن التأخر للظروف المناخيه السيئه..فالرؤيه الافقيه كانت غير واضحه للأسف!!

ثالثاً ورابعاً وخامساً وعشر طعشاً ومليوناً وسنكليوناً.. الف الف شكر على الاطراء اللي في ردودكم .. والله للحظات حسيت اني راضع مع ابو الدؤلي وابو ويه

.. عموما مشكورين على مجاملاتكم وانا والله لست الا بمبتدئ

..

نتوكل على الله ونشوف الردود.. بس قبل نشوفها ابي اوضح نقطه مهمه وهي ان القصه خياليه ومافيه احد اسمه مازن لكن عموما المواقف اللي حصلت لمازن صارت وتصير كثير.. مره ثانيه هالقصيصه من دميجتي وحاولت قدر الامكان تكون واقعيه..

بسم الله..

زعيم قحطاني

هلا ومرحبا ..

صادق وانا اخوك .. والله ابو متعب ماقصر ولا يقصر بس وش نقول غير الله يرزقه البطانه الصالحه..

اما سالفة انهم يجيبون ايهاب توفيق هذي تهون اذا صاروا يجيبون نور الشريف اللي مابقت وحده ما مطخها بكم بوسه

.. ويهون الشريف اذا صارت افلام يسرا تنعرض اللي مابقى احد ما.....

زعيم قحطان حياك وشرفتني..

عبيط..!!

هلا ومرحبا بالعبيط..

ياخي انا مشبه عليك! مهوب انت اللي لابس شورت بني مائل الى الحنطي هذاك اليوم يوم طبحت بالمسبح؟! الله يذكرهم بالخير اللي كانوا بالمسبح راحوا ضحيتك يا الدب ولاعاد اشوفك تطبح مرتن ثانيه ..
الا ع الطاري هو صحيح الشورت لونه بني لان هذا اللي اذكر اني شفته من ارطال اللحم

..

ماعلينا ..

اوووووه ياخي انت باقي واقف! ياخي تفضل استريح بس تكفى انتبه فيه اوادم لا تفغصهم..

عاد شفت شلون كاتب هالمقدمه طول بعرض بس علشان أمهد للسالفه يحسبوني اراجوز وانا اخوك .. ومع هذا جاء واحد يضحك ويقول الله يرجك:sad: ..

إقتباس


	ما اقول الا الله يرحم ايامك يا الفارسي صح انك كنت هكا بس على الاقل احسن من هالحبيب تم مسح الاسطر لاني توني عمري 21 ولا تهنيت

هههههههههههههههههههه

تهنى يا الدلخ تهنى وانا عنك صديقي ما اتخلى << ايه هين..

وانت الصادق من واحد حتى المباريات يقطعها الى الثاني اللي جلس يعيد بالمقاطع اللي تقطعت..

على الطاري.. والله اذكر زمان ايام القناه الثانيه كانت فيه مباراه شفناها على باب واحد! مهوب من قوة الفريق لا والله لان الباب الثاني وراه اعلان كبيييير وحاطين بطل ويسكي .. فالحبيب حالف انه مايجيبها والقهر ان المباراه انتهت 2-2

..

إقتباس


	والمصيبة فين في بعض هالحريم اللي في قنوات الال بي سي والحرة وغيرها واجد والله يا الوحدة منهم ما تستقدمها شغالة لا ومن زين الطبايع حاطة مكياج يعني انها ترقع بالمكياج ولا عندهم مواضيع الا سواقة المرأة ورياضة المرأة وحقق المرأة والعنف ضد المرأة عمل المرأة كخادمة

اثاره رخيصه بالاضافه للاهداف اياها..

إقتباس


	والله حرااااااااااااااااااااااااااااااااااااااااااااااااااااااااااااااااااااام وشلون اعيش بـ 2000 ريال كيف ابني مستقبلي كيف اتزوج كيف ابصرف على عيالي كيف ابني لهم بيت يسترهم كيف وكيف

ياخي انتم يا الشباب مدلعين!! وتدورون الرفاهيه!!

ياخي انتم ماتستحون!! حنا وحنا وحنا...!!

وبالنهايه هالــ2000 اللي يبونك تعيش فيها يصرفها ولده برمشة عين

إقتباس


	اشكرك هلالي الظهران والله العظيم انك جبتها على الجرح وانا اسأل الله ان يهيئ لهذه الامة امر رشد يعز فيه اهل طاعته ويذل فيه اهل معصيته آميييييييييييييييييييييييييييييييييييييييييييين

آآميين..

العفو وانا اخوك.. واتشرفت بطلتك يا القرنبيط..

abu riman

حيا الله ابو ريمان.. حيا الله المثقف الاديب ..

إقتباس


	الحمدلله على سلامتك .. أهلاً بهلالي الظهران الصديق القديم .. أهلاً بك بأسلوبك الجديد .. لي عودة بإذن الله .. @@@@@@@@@@@@@@@ ما راح أتكلم عن غيبتك لكن " ما هقيتها منك "

الله يسلمك استاذنا..

وحياك مره ومرتين والف .. يعني بالعربي هلا بالصديق القديم الجديد والاخ الكبير..

اما سالفة ان ابو ريمان ياخذ مكان حتى يرجع يكتب الرد فوالله انه شي يشعر الشخص بالاعتزاز!!

ابو ريمان وش سالفة الشرهه؟!!! انتظر منك رساله..

إقتباس


	لاحظ معي عمر ! العثيم قطاع خاص ! التلفزيون و الإذاعة قطاع حكومي ! العثيم منظمة رجل أعمال و التلفزيون و الإذاعة تحت قيادة وزير دولة ! العثيم كل يوم طالع في حفل تبرعات ! و مدني كل يوم يتكلم عن سياسة الإعلام !

ألاحظ!!

والله يابو ريمان القهر والغبنه انهم يستغفلونا!! يعني أبسط مواطن يعرف هالشي وهم مثل..... بس وش الدبره؟!

شعب ضعيف تكالبت عليه الامور من هنا وهناك.. ابو ريمان خلها على الله مثل مايقولون في فمي مااء!!

إقتباس


	وزير دولة و تاجر علم في القطاع الخاص و دكتور أكاديمي ؟! بالله وش خلى مدني و العثيم و الدكتور للشعب المغلوب على أمره ؟!

ماخلوا لهم شي! الا كانك تبي تعتبر الديون وضيق الحال من جهه والقهر والحسره من جهه اخرى تركه!!

عموما يبقى للشعب شي لافلان ولاعلان يقدر يصادره.. لو رفع المظلوم كفيه لربه بيجي الفرج ان شاء الله .. ومالفرج الا بعد الصبر!!!

إقتباس


	يمكن قصتك فيها مبالغة أو فيها جزء غير واقعي لكنها ما أبعدت كثير عن الحقيقة للأسف .

الحمدلله أن هيأ لنا في هذا المنتدى المبارك من يميز ويثق برأيه

.. ابو ريمان والله هالقصه ماهي الا نتاج معسل تفاحتين اثر في دميجة محدثك:sad: ..

إقتباس


	و الآن عمر لا ثكلتك أمك هل ما زلت تنتظر من غازي تقدماً غير التقدم في العمر ؟! أم من مدني مساهمة في مدنية ضمن إطار الشريعة ؟! عزيزي ابن باز عندنا بألف غازي و ألف ألف مدني ! و القول فيهم ما قاله ابن باز

والله اللي انتظره اشوفهم ببيوتهم .. لاتفهموني غلط بس القصد ابي اشوف كثافة الزوار لهم شكرا وعرفانا للجهود التي قدموها ولا يزالون!!

إقتباس


	اسمح لي ان أهنئك على هذا الأسلوب الأفضل من السابق و الفكرة القوية ، اسمح لي ان أبدي إعجابي بطرحك . مع أصدق تمنياتي لك بدوام التوفيق .

ماتقصر ابو ريمان .. لكن يمكن واقول يمكن هالموضوع يكون بيضة ديك .. فاكرام الناس اتباع هواها

..

واعذرني ابو ريمان على ردائة الرد فوالله ان الواحد يعجز حتى يعقب وراك .. يالله تعزي نفسي اني اجتهدت وماعلى المجتهد من حرج..<< ما تلاحظ من الصبح انك تألف امثال ع كيفك

ابو ريمان حياك الله وانتظر رسالتك..

أول العنقود

حياك الله أخوي .. يعافيك ربي..

للأسف هذا الواقع! ننتظر بكره على عسى يلوح بالافق امر جديد!

شرفت أول العنقود ويامرحبا..

هلالي الظهران · #43 12/08/2007, 02:35 AM

نكستن اخرى مادام للوقت بقية..

leo messi

حيا الله حبيب الشعب << صح كذا

منور ابو ميسي .. سلم على ليو وقوله هلالي الظهران يقولك يابو ثلاثه

..

إقتباس


	كذلك السجـــــن بدون اي دليل بدعوى الاشتبـــاهـ طوال هذه الفتره بالتأكيد انها ستنعكـــــس سلبا على الشخص وعلى تفكيره ونظرنه للمجتــــمع .

شي طبيعي .. تخيل انت مثلا لو تنظلم في المنتدى وش بيكون موقفك.. عاد تخيل سجن وظلم!!

بعدين حتى ولو قلنا ان نظرته ماتغيرت .. تتوقع ان نظرته بتبقى بعد المعامله اللي بيلاقها عقب مايخرج!!

إقتباس


	السؤال : من يتحمــل مايحــدث ؟؟؟ سواء من تطفيـــش للشباب السعـــــودي في الوظائــــف ؟ كذلك السجن بدون وجه حق بتهــــــــمة الاشتباه علما بأنـــه لوكانت عنده واسطــــه لأظن انه سيجـــــــلس اكثر مــــن ساعه داخل السجـــن

أسمح لي ارد على تساؤلك باقتباس من الغالي الجاحظ..

إقتباس

الرسالة الأصلية كتبت بواسطة الجاحظ


	أحب أن أتطرق لنقطة وهي أنه رغم الخلل والقصور الموجود في بعض جوانب معيشتنا، الا أن هذا ليس عذرا أو ذريعة للمرء أن يشذ عن الجماعة أو يسلك طرقا مشبوهة..

إقتباس


	فما بالك ( بالســـيــب الاســــود ) واعتقد انك تعرفه او ان الذي اخبرك بالقصـــه يعرفـــه جيداً

سيب أسود؟!!!!!!

اعوذ بالله من غضب الله .. والله وانا اخوك اني اول مره اسمع فيه! بعدين انا ماعرفه ولو ادري ان مازن الضعيف اللي ألفت عليه القصه من دميجتي بيدخل سيب أسود كان ماشفتني هنا لا انا ولا مازن

..
ياعيال احذفوا الموضوع

إقتباس


	اخوي هلالي الظهران مشكووووور على الموضوع المميز جدا ولاتعبت واعتقد انه من افضل المواضيع اللي قرأتها

العفو وانا اخوك..

ليو ميسي منورني يا الاطخم بس عسى يوم تقابلون انت وباقي الدروج ماحشيتوا في شخصي الضعيف

..

nor alshams

حيا الله نور الشمس.. نورتي الصفحه والمنتدى .. ان كنتي جديده ومارحبت فيك فانا اعتذر منك .. وان شاء الله المجلس موعود بقلم من العيار الثقيل

..

إقتباس


	يا الله قصة جدا محزنة ولا حول ولا قوة الا بالله ،، ولكن ماشاء الله استطاع الصبر على مصائبه رحم الله مازن ان كان حيا او ميتا اين سنجد شاب صبور كهذا الشاب ؟!.. << ترا ما ادري هل القصة حقيقة اولا ،، ولكن اعتقد انها فيها الكثيير من الواقع للاسف ،، << قاعدة تفكر كان فيه مذيع باذاعة القرآن اسمه مازن ولا لا بس مااذكر يعني ان شاء الله مب حقيقة ..

ان كان فيه اعتذار فهو للحزن .. وان كان فيه بشاره فان القصه مهيب حقيقيه..

لكن مثل ماقلتي لو اخذنا المواقف اللي تعرض لها مازن على حده نلقاها للاسف واقع وحاضر..

إقتباس


	والله اكثر شيء يقهر في هذه القصة هي موقف وزارة الاعلام والله كل شيء تغير بداية بالبرامج الدينية صرنا لا نراها او نسمع بها الا نادرا حتى الدعاة المفضلين لدى العامة امثال البريك والعريفي لا نراهم في القنواة الحكومية حتى اذاعة القرآن كنا نأمل خيرا في برامجها وضيوفها ولكن ايضا لا نسمع لهم صوت للأسف حتى بدأنا نسمع صوت المرأة يتردد كثيرا في برامجها ،، والله لولا القنوات الخاصة لما استمعنا لهم واستفدنا من علمهم

صادقه.. هم عندهم هدف .. بس السؤال يقدرون عليه او لأ؟!!

لكن الله يستر .. المجتمع يتعرض لموجة تغيير فكر من بعد احداث سبتمبر .. والله يستر من النتيجه.. اللي تربينا عليه وتربوا عليه ابائنا خلال 50 سنه يبون يغيرونه بخمس سنين!!

نور الشمس حياك الله وتشرفت بطلتك وبانتظارك معنا..

الهنوووف

حيا الله الهنووف .. أخبار السفره؟ ادري هنوووفه حاقده علي بس للحين ماكتبت التهنئه

إقتباس


	سبحان الله يقولون هالاخصائين حياتهم تعيسه وهوشه عكس كلامهم ولكن طبيعي الشخص يكون مثالي قدام الناس وخصوصا قدام الكاميرات الكارثة مو لما يصور حياته انها مثاليه وتصير عكس ذلك الكارثه لما يدعي الدين وهو بالواقع يسمع بالدين فقط

الغريب في الاخصائيين الاجتماعيين تلقاهم يحلون مشاكل الناس وهم مافلحوا يحلون مشاكلهم .. والله ياني اعرف عن واحد مشهووووووور ومافي قناه ماطلع فيها ودكتور في جامعه بعد حياته فوضى في فوضى وعياله كل واحد منطول بجه مادرى عنهم!!

اما اللي يدعي الدين هذا حاله ثانيه!!

إقتباس


	الحريم مايعصبون لما تتاخر يعصبون لما تجي بدري

ههههههههههههههههههههههههههههه

الظاهر داعيه علي انتي!! صارلي موقف بايخ وبغيت انسطر .. رحت اجيب الوالده بس بسياره غير اللي وديتها فيها.. ويوم دقيت عليها وقلت انا برا.. قالت نازله.. نزلوا حرمتين مع بعض وحرمه بلحالها.. وانتظر امي تركب بس ماجات!! قلت شكلها ماانتبهت للسياره وانزل واروح للحرمه اللي بلحالها وهيئتها الخارجيه مثل هيئة الوالده وامسكها من يدها واقولها يالله يمه .. الحرمه غصت وسحبت يدها هههههههه .. واشوف امي وخالتي يضحكون

.. اخخخ بس لو مهيب امي كان لي تفاهم ثاني

..

إقتباس


	ماشاء الله عليك دخلت كم قضيه او سالفه مع بعض مدري وش اعلق عنه

هههههههه هذي الحركه مخصوصه لك انت وفرصه علشان لاتكثر اقتباساتكم واتوهق

..

إقتباس


	وايضا لانخلي اللؤم على وزاره العمل في شباب يبون مكاتب وراتب مغري ودوام على كيفهم وبعدين احس شبابنا كثيرين ماشاء الله وين يوظفونهم

صح عليك.. لكن شوفوا نسبة الاجانب اللي يشغلون هالوظايف.. صدقيني بيتوظف الشباب كله وبتبقى اماكن شاغره بعد!!

إقتباس


	ومساله تفضيل الاجنبي صحيح هالشي حاصل ومثال حي الي هو سيارة التاكسي بس ماننكر ان بعض شبابنا هم من اساؤو لنفسهم ورسمو فكرة سيئــة التاكسي الى خذنا من المطاار نحسبه باكستاني لابس شي على شعره الي خلاني اشك انه سعوودي انه يناظر من المرايه للمرتبه الثانيه (وهذي سبب ان كثير مايفضلون يركبوون مع سعوودي ) ومشغل اغاني خليجيه وبعدين عرفنا انه سعودي لما تكلم

يعني الاجنبي ما يناظر في المرايه؟!

بصراحه ماجربت هالموقف حتى أحكم بس صدقيني وقت الجد الاجنبي مايفيد ولا بريال.. يمكن حتى يترك السياره ويخليكم لكن لو جيتوا للسعودي بيطق صدره وبيعدكم اهله حتى لو كان أدشر داااااااشر..

إقتباس


	السالفه كلها اني اوضح لكـ ان السعوودي احيانا هو من يجبرك على تفضيل الاجنبي وايضاا بالمجمعات البائعين السعودين يعطون صورة سيئه

مشكلتكم تتقبلون هالامور من الاجانب بس السعوديين لأ!!

يعني لو يجي اللبناني ويمدح .. هيدا بيلبئلك وهيدا بيناسبك وبيعئد عليكي.. ويمدح ويغازل بيكون عادي عندكم بالعكس تفررررررررح الوحده منكم بس لاجاء سعودي وقالها يناسب جسمك صقعتوه بالشنطه!!!!;)

إقتباس


	ان شاء الله يكون تعليقي في ايطار المووضوع لاني من تالي مدري احس ان ردي بوادي والمواضيع بوادي

لا أبشرك في اطار الموضوع وصلبه بعد.. اساسا لو تكلمتي عن اي شي بتلقين له علاقه بالموضوع

..

هنوووفه حياك الله .. وردك بالنسبه لي شي اساسي والموضوع اللي اكتبه ومايكون لك فيه بصمه اكيد بيكون ناقص..

هنوووفه ود يليق بروحك النقيه:p ..

هلالي الظهران · #44 12/08/2007, 03:00 AM

يا الربع وش ابشركم .. الظاهر هالمره بتحصلون ردودكم بدري

..

تخيلوا قضيت من الصفحه الاولى!!

ولد وايل

حيا الله ابو كحيلان .. انورت واسفرت سعد.. بشرنا عنك وعن علومك؟ هاه يقولون طالع تقنص بالجزاير يا سداح

..

ابو كحيلان والله انت خبرك قديم.. الربع قاموا يوزعون رينجات وانت توك على اللاندات.. بس احسك وانت تقول بلاش مستمتع ماشاء الله عليك.. اقول ولد وايل وش رايك تصقعنا بكم بيت .. والا تدري وش رايك نسوي حبة محاوره انت قل بيتين وانا ارد عليهم ومايهم الوزن والقافيه.. المهم المعنى <<سامح نفسك يا ضعيييف

إقتباس


	مااقول الا كما قال شايبنا طرحت الذيب يافلان

ذكرتني بسالفة "ياذيب أبنشدك لا تاكل الذيب"

إقتباس


	انا بس ودي اوجه رساله لابو شنب (( غازي القصيبي )) متيم رواية الصايغ ياخي متى تستحي على وجهك وتوظف الرجال مثل ماوظفت البنات في وظايف وراه ماتطرد هالاجانب اللي ياكلون من خير هالبلد مثل ماطردت الاجنبيات بالمستشفيات ووظفت بدالهن بناتنا عجيب امره هالادمي نفسي والله يوم اقابله واجره معي للشوارع يشوف الشباب مغير تكيات مايدرون وش يسوون الله يكون بالعون بس

والله ياابو كحيلان ان رواية الصايغ نقطه في بحر!! بس هذي اللي انشهرت..

ياخي بعدين كيف تبيه يوظف الشباب ومايوظف البنات.. وين المساواه ياخي؟!!! بس اللي يعجبني في هالادمي انه واضح .. ارجع لرواياته وبتعرف شخصيته اكثر

..

بعدين معقوله مايدري عن وضع الشباب؟!! اذا هو الوزير والمسئول الاول ومايدري!! ومثل مايقولون ان كنت تعلم فهي مصيبة وان كنت لا تعلم فالمصيبة اعظم << عفس أم البيت

حياك الله ولد وايل ومنور يا الاطخم..

الغدير الازرق

بالانتظار...

ملـــــ الهلال ــــك

حياك الله اخوي .. والله ياردك لك عليه والظاهر التركيز بالسالب

..

بس اللي لقطته ان الواحد لازم يشد حيله بدراسته .. وهذا الواقع ..

عقبالك ملك وبالرفاه والبنين!

منور يا الذيب..

شذى عين

انتظري لفتك بالدور الثالث

..

خالد8

حيا الله عزوز .. منور ياحلو من بعد غيبه .. علمني ماجد بالنك الجديد.. حتى لو ماعلمني أسلووبك معروف ياحلو

..

هاه بشر وش الاخبار؟ وعسى منت مطول وانت تستخدم الاستبنه

..

إقتباس


	باكو .. وش اقوووووووووووول ؟؟! الظرووووووف مواتية والطقس جيد .. فالى الارهااااااااااااااب يا سواعد البناء ..

هههههههههههه

شباب في رحله يعني

..

إقتباس


	خرجت من القصه /: 1-صاحب الضمير و الشخصية .. محاااااااااارب ... واسالوني مجرب ولا تسالوا طبيب.. 2- الواسطة فوق القانون .. الله يقدر ابو متعب وينفيها .. 3- مدح شخص لعمر بن الخطاب رضي الله عنه .. فقال للمادح ( هل عاشرته .. قال لا .. هل سافرت معه .. قال لا ....قال الفاروق رضي الله عنه فكيف تزكية ) او كما جاء في الاثر .. الاطباء والاخصائيون النفسانيون .. انما هم منظرون .. والتنظير يختلف عن الواقع .. بالضبط .. كما يفعل المحللون الاقتصاديون في سوق المال .. < < ياخي تشبيهاتك بيرفكت..

حلو ياحلو..

الاولى .. معك فيها وان كنت كشخص اؤمن بان مهما حاولوا يبعدوني عن هدفي او يعيقوني فلن يستطيعوا دامني سلكت الطريق الصحيح وبدون مااجاريهم في طريقهم الخطأ;) ..

الثانيه..معك فيها وهذي قاضين منها..

الثالثه..احترم وجهة نظرك وان كنت اخالفها.. اين هم من "تامرون الناس بالبر وتنسون أنفسكم"؟!

ثم اذا كان يملك هذه الوسائل للمساعده فلماذا لا يطبقها على نفسه؟! اما والله اذا كان يقول مالا يفعل فهو شخص جدير بعدم الاحترام!!

إقتباس


	هلالي الظهران ... ياخووووووووووك بقي سنة ونتخرج .. هات سالفة تشجعنا ...

عندي اقتراح حلو لك.. وش رايك تمطط هالسنه شوي وتخليها سنتين

..

حياك الله خالد8 ومنور..

الهنوووف · #45 12/08/2007, 03:47 AM

ترى برد بس اني خايفه

احس انك ماتصدق تخلص ردود

الحمد لله بخير والسفره الحمد لله عاد توقع من شفت

وترى ماحقدت ابد

لاعادي عذرك معاكـ

وماانتظرتك اصلا بس ارسل مجامله

عارفه ان ماعندك ماعند جدتي

إقتباس


	ههههههههههههههههههههههههههههه الظاهر داعيه علي انتي!! صارلي موقف بايخ وبغيت انسطر .. رحت اجيب الوالده بس بسياره غير اللي وديتها فيها.. ويوم دقيت عليها وقلت انا برا.. قالت نازله.. نزلوا حرمتين مع بعض وحرمه بلحالها.. وانتظر امي تركب بس ماجات!! قلت شكلها ماانتبهت للسياره وانزل واروح للحرمه اللي بلحالها وهيئتها الخارجيه مثل هيئة الوالده وامسكها من يدها واقولها يالله يمه .. الحرمه غصت وسحبت يدها هههههههه .. واشوف امي وخالتي يضحكون .. اخخخ بس لو مهيب امي كان لي تفاهم ثاني ..

تعيش وتاكل غيرها
وش له جاي بسياره ثانيه

كان قلت لهاا والا بس تبونا نركب سيارات الناس ونتفشل

إقتباس


	يعني الاجنبي ما يناظر في المرايه؟! بصراحه ماجربت هالموقف حتى أحكم بس صدقيني وقت الجد الاجنبي مايفيد ولا بريال.. يمكن حتى يترك السياره ويخليكم لكن لو جيتوا للسعودي بيطق صدره وبيعدكم اهله حتى لو كان أدشر داااااااشر..

بس مو مثل ربعناا

اخوي ماننكر ان فيه شباب فزعه بس فيه شباب ولاشي

ولنا بالقصص خير مثال

إقتباس


	مشكلتكم تتقبلون هالامور من الاجانب بس السعوديين لأ!! يعني لو يجي اللبناني ويمدح .. هيدا بيلبئلك وهيدا بيناسبك وبيعئد عليكي.. ويمدح ويغازل بيكون عادي عندكم بالعكس تفررررررررح الوحده منكم بس لاجاء سعودي وقالها يناسب جسمك صقعتوه بالشنطه!!!!;)