ҳ̸Ҳ̸ҳ مطبـخ المجـلس العآم ҳ̸Ҳ̸ҳ. - صفحة رقم 5 - نادي الهلال السعودي - شبكة الزعيم

هلاليه و افتخر · #61 02/08/2007, 07:52 AM

ههههههههههههههههههههههههههههههه

متاني اقوم بس عشان اسوي شي ..

بس ابشري يا بعدي باجيبلك حلاي ,, اتحدى احد يسوي مثله او ازين منه بعد

بس يوم الاحد او الاثنين ان شا الله باجيبه لك

,,

لأن كل يوم احد تجتمع اسرتنا الكريمه كلها ,, يعني بس ابوي و امي و اخواني و حريمهم و عيالهم

,,

[ هلاليه سنعه ] و [ تغريد ]

تسلمون عالموضوع اللي مدري وش يبي

,,

<< بـرااا ,, و يـالله بـرب

هلاليه@ميلانيه · #62 02/08/2007, 04:07 PM

احم احم << تجرب الميكروفون

ابشركم جت الهلاليه الميلانيه

وهذي الي قدرت أسويهـ بدون مساعدة أحد وإن شاء اللهـ يكون قد المقام :p

:: كيكة الآوريو ::

المقاديـــر :

كيك بنكهة الكاكاو باوند كيك أو سيرالي كيك

3 ظروف دريم ويب

4 علب قشطه

كاكاو سايل Chocolate Hershy's Syrup

وبسكوت أوريو

صينيه متحركه الجوانب

الطريقـــه :

الطبقه الاولى

نقطع الكيك لشرائح ونصفه بالصينيه

الطبقه الثانيه

نخلط علبتين قشطه مع ظرفين دريم ويب

ونكسر الاوريو لارباع أو أصغر مثل اللي في الصورهـ

نصب الخليط و نساويه فوق القاعده الاولى

وندخله الثلاجه على مانسوي الطبقه الثالثهـ

الطبقه الثالثه:

علبتين قشطه وظرف دريم ويب

نصب الخلطه الثالثه وطبعاً لازم تكون

الطبقه الثانيه متماسكه على الاقل من البرودهـ

نساويه بالشكل هذا وندخله الثلاجهـ

بعد مايتماسك

نطلعه ونحطه في صحن التقديم

ونفك الفريم الخاص بالصينيه التحركه الجوانب

بعد مانحطه نفك حبات الاوريو ونصفها حول الطبق

نأخذ سيرب الكاكاو (الكاكاو السايل)Chocolate Hershy's Syrup

ونرسم الشكل هذا نصب الهيرشي بشكل حلزوني ثم نقطعها بالسكين

أو ممكن عمل تموجات بالشوكه أو الشكل المرغوب فيه

والشكل النهائي :

إن شاء اللهـ تنافس كيكتي بقووهـ مع ان المنافسهـ بتكون قويهـ نوعاً ما

برايفت :

ترا الآسم المكتوب على الصور ((7nnan)) هو اسمي الحقيقي

وقد سبق أن وضعت هذهـ الطبخهـ في منتدى آخر بأسمي لذلكـ جرا التنبيه ;)

تحياتيــ

~بنت الزعيم~ · #63 02/08/2007, 11:27 PM

هلالي الظهران وش خليت شكلك بتغطي علينا كلنا وتصير طباخ المنتدى

عاد فضيحه ولد يتفوق على البنات في الطبخ << والله من رفالتكم:p ..
والحين تبيني احط الجبن على الصلصه الله يكرم النعمه بس

بس ما يخالف بجربها بس يا ويلك ويلاااه لا صار فينا شي
ورحت للمستشفى بقولهم بس وين القبله وادعي عليك

لين اسمع ان رجلك انكسرت بعد كتفك

<< قووويه:p
ولين اتحرم انك تطبخ مره ثانيه

والله يشفي كتفك يا شيف هلالي ويعطيك العافيه

..
تحياتي ..... الشيفه منااار

..

تغريد · #64 03/08/2007, 10:54 AM

هلاليه و افتخر
اهلين

لاان شاء الله الموضوع بيقومك

إقتباس


	تسلمون عالموضوع اللي مدري وش يبي

الله يسلمك

يبي سلامتك بس

نستناكي الاحد او الاثنين تــيـت

هلاليه@ميلانيه

يعطيكي العااافيه
خطوات وشرح ولا احلى

والتزيين

الحلى شكلو مره يشهي

لو حسويه بغير بحط شي غير الاوريو لاني مااحبو

عشاق الاوريو كثير

ان شاء الله يصوتولك ;)

~بنت الزعيم~

ولكموو منار
تخيلي يطلعون احسن مننا من جد فضيحه

شدو حيلكم ياشيفات

Dr.Sara
ولكمووو

شفتي كييف شكلها بتطيح سوق حلاكي

إقتباس


	اقول ما ودكم تقفلون المسابقة خلاص ترى بديت اخاف انا ..!

بنزل طبختي واذا عجبتهم بنقفل الموضوع على طول خخخخخخخخ

مشكورين عالردود

تغريد · #65 03/08/2007, 11:32 AM

صبااح الخيير

بصراحه احتررت كثيير مدري اش اسوي من اكله
بالاخير قررت اني اسوي اكثر شي احبو
اختكم في الله تموت في الاكل الايطالي

قررت اسوي
(( لازانيا))

المقادير

في شي ناقص بالصوره الشاطر الي يعرفو خخخخخخخخ
لاصدق نسيت اللحم المفروم ماصورتو!

تذكرتو بعد ماصورت

الطريقه

1\نقطع البصل والطماطم والثوم والفلفل
2\نذوب السمنه ونحمر البصل بعدها نحط اللحم المفروم والثوم
ونحط الطماطم والصلصه والملح والبهارات>>الاوريقانو يخلي الطعم احلى كمان

3\نسلق المكرونه >>> مويه+شويه ملح+زيت
4\ نعمل صلصة البشاميل
طريقتها
كوبين مويه
نص كوب حليب بودره
نص كوب دقيق
يذوب ويحرك على النار بعدين نحطلها حبة ماجي وشوية زبده
نفضل نحركو الى مايثقل بعدها نقفل النار
ونكسر عليه بيضه ونحرك بسرعه
>>>>او بكت خلطة اسرار خلطة البشاميل

5\لما تنضج المقادير نجيب صينيه يايركس عشان حتدخل الفرن
نحط طبقة من المكرونة فى الصينية وفوقها طبقة من خلطة اللحم وبعدها طبقة من البشاميل
كل مازادت الطبقات صارت احلى تحسونها مشوار؟ لا ترى بالعكس وناسه

اخر طبقه نحط عليها بشاميل ونرش عليها جبنة الموزاريلا المبشوره
كثرو جبنه

وندخلها الفرن تتحمر من الوجه شويه >>>شويه مو تنحرق

وطلعت كذا

لحد يضحك عالصور هذولا احسن شي

كانت في صور للطريقه بس حسيت انها ماتنفع للاسف

انا مصوراتيه مش ولابد

ومافي وقت للتزين

وقسم سويتها قبل الفجر

عالساعه 3ونص>>>غداء

يدوب صورتها صوره ورحت اكلت معاهم قبل ماتبرد

وبعدين اهم شي الطعم صح ولالا

وهذا اكبر دليل

ان شاء الله تجربونها وتعجبكم

احلى من الريف الايطالي كمان

صح نسيت! صوتولي

أسيرة الزعيم · #66 03/08/2007, 02:31 PM

متابعة لجميع ما عُرض من الطبخات !
أبدعتوا وتفننتوا ..
والله صعبتوا علينا التصويت

شكراً للسنعات تغريد وهلاليه سنعه ..
فكرة جميلة تنشيطية حماسية !
وما نزع جبيرة الظهراني إلا أكبر دليل

دمتن للمجلس شمعاته

عريب عبدالله · #67 03/08/2007, 03:54 PM

أنا كنت حاجزة الطبخة من زمان عشان كذا توي أجيبها اليوم
وعادي لو كان أكثر من شخص طابخ نفس الطبخة
يعطينا أكثر من فكرة
اليكم طبقي المفضل

مكرونة بالبشمل

المقادير...

كيس معكرونة
ملح
&&&
حبة لحم مفروم
بصلة كبيرة
حبة طمامطم صغيرة
حبتين بطاطس كبيرة
حبتين كوسة كبيرة
حبة بادنجان كبيرة
اربع حبات جزر
فلفل أخضر
معجون الطماطم"صلصة"
بهارات
&&&
كاس طحين
4 أكواب ماء
ملح
مكعب ماجي
نصف أصبع زبدة
ستة ملاعق حليب جاف
بهارات
&&&
بيضتين

الطريقة...

تسلق المعكرونة مع الماء وقليل من الزيت والملح
&&&
لعمل الحشوة
نقطع البصل ونحمسة في المقلاة مع قليل من الزيت والملح ثم أضيف
الطماطم المقطعة الى قطع صغيرة وتحمس معها قليلاً
بعد ذلك أضيف اللحم المفروم"أو الدجاج المفروم "
أو دجاج مقطع حسب الرغبة لكن اللحم المفروم أسهل
بعد ما أضيف اللحم وأحمسهم مع بعض أضيف الصلصة والبهارات
وأضيف ملعقة صغيرة زنجبيل وملعقة صغيرة هيل مطحون
كمية من الشطة وكمية من الفلفل المطحون<<حسب الرغبة
"لأخذ العلم أنا أحط من كل شي موجود بالدرج
يعني فيه أشياء ماعديتها مااعرف أسمها
وخفت أسأل أمي وتقول ماتصلح مع الأكل"
+++++
أقطع البطاطس والكوسة والبادنجان والجزر والفلفل الأخضر
الى مكعبات صغيرة وتقلى في الزيت
<<الكمية حسب الرغبة >>
"يمكننا أن نضيف أي نوع مفضل من الخضار مثل القرنبيط أو الفاصوليا
طبعاً القرنبيط بعد تتبيلة ومع القلي يصبح أطعم"
هذي الطريقة مالها أصل أنا أسويها حتى مع الرز
أهم شي يكون الأكل مقلي:p
+++++
بعد القلي نضيف الخضار الى حشوة اللحم ونخلطها مع بعض
وبكذا تكون الحشوة جاهزة
&&&&&&&
نحضر الصينية ونفرش القليل من المكرونة فيها
بعد ذلك نغطيها بالحشوة السابقة
ونقطع البيض المسلوق حلقات ونصفها على الحشوة
"البيض حسب الرغبة"
نغطي الحشوة بالمكرونة المتبقية
وبكذا ننتهي من الجزء الأول

&&&&&
خلطةالبشمل
بإمكاننا أستعمال خلطة البشمل اللي في السوق ونفك عمرنا من الغثاء
"أكيد ماجبت طاري الحلا هنا :p "
المهم نضع أكواب الماء في القدر ونضيف عليها البهارات
والزبدة والحليب والماجي بعد كذا نضعها على النار حتى تسخن
ونضيف لها الطحين بشوي شوي عشان ما تتلبد
إذا كان البشمل سايل مرة نزيدة طحين
إذا غليظ مرة نزيدة حليب أو ماء لما يصير طبيعي
&&&&&
نضيف البشمل على المكرونة المجهزة مسبقاً بسرعة قبل أن يتجمد
ونزينة بقليل من البهارات برشها فوقة
وندخلها الفرن حتى تحمر
إذا كانت الصينية زجاج نضع تحتها منشفة أو قطعة قماش
عشان ماتنكسر
وكلوها بالعافية
ملحوظة...الطريقة معضمها من راسي يعني ماشفت أمي
كل مرة أطبخ فيها أضيف شي وأشوف ردة فعلهم
لا تدققون كثيييييير

بالحب والإشراق

مملوحة نجد · #68 03/08/2007, 04:05 PM

فكرهـ رووووووووووووعهـ ..!!

وبحاول إني أشاركـ

..

ما حطيتوا المسابقهـ إلا يومـ سافرت الشغالهـ ..

::::::

يسلمووو هلاليه سنعه & تغريد ..

الله يعطيكمـ العافيهـ ..

تقبلوا مني كـل الود والإحترامـ ..!!

الـمـشـاغـب · #69 04/08/2007, 01:54 AM

^^^^^^^^^
يؤ يؤ

ولكم باك قمورة .. وينك يا رجالة؟

تتغلين الظاهر..!!

أقول يالله روحي المطبخ أنتي ووجهك ولا يكثر

مدري وش فيكم يالبنات ما تعرفون تطبخون؟ أمحق تدليع صاير لكم

نت وأكل ونوم .. وعلى قولة الكلاسيكي لي : أكل ومرعى وقلة صنعة :p

يالله يالقمر أنتي وباقي البنات اطبخوا لنا .. شوفونا الحين بنطبخ وحنا شباب .. وين الغيرة؟

------------------------

القمر الهلاليه : أمزح معك لا تصدقين .. بس حبيت أرحب بك .. وعاد تعرفين ترحيب التكارنة غير الأخلاق بايزة

شـــذى · #70 04/08/2007, 02:12 AM

السلام عليكم ورحمة الله وبركاته

هو متى راح ينتهي استقبال الطبخات .؟

أنا قرأت مدة الموضوع اسبوعين

بس رد د.هدف زغلل عيوني

<<< ناويه تسدح مفطح حاشي

...!

المهم أفيدونا ..؟

الهنوووف · #71 04/08/2007, 03:07 AM

الله يحي السنعات
ماشاء الله
شكلي بفتح لي مطعم والطباخين والطباخات جاهزين

اسجل حضووور ان شاء الله اسوي لكم طبق تاكلون اصابعكم وراه بس لاتزعجوني تقولون كل يوم سويه

ترا مرة بالسنه بس

تسجيل حضوووور

برايفت ياسنعات

تعرفون الناس اول مايجون من السفر وش تصير ثلاجتهم

يعني استرو ماواجهتوو وان شاء الله اسوي طبخه

تخطف المركز الاول وتجيب بطاقه مطيع الهميمي
بس جوالي مو بطاقه سوا وموبايلي

ابي تسدد فاتورتي بدال البطاقه والا بطاقه دي اس ال

>>>تحسون انها ضامنه الفوز

لي عودة بحول الله بس لاتسكرون المووضووع لين اجي

وترى لو اطبخ ولاافوزر بخرب

واحد يتبرع لي بجائزة ترضيه لو مافزت

اقول شكلي بفوووز رقم ردي مميز

100 بالصفحه الرئيسه
و

خلاص لحد يطبخ

عوافي هلاليه وتغريد

الهنوووف

كانت

هنا

وراحت

للمطبخ

(ترى مو الحين بروح المطبخ

بس تموية )

لميس الهلالية · #72 04/08/2007, 05:48 AM

فكرة الموضوع رائعة و الأروع هو الأكلات اللي شفتها

الله يعطيكم العافية هلالية سنعة و تغريد

التصويت راح يكون صعب شوي لإن الأهم هو الطعم

بإذن الله لي عودة إذا صلحت شي و إذا ما صلحت فلي العودة مع التصويت إن شاء الله

...الجنرال... · #73 05/08/2007, 12:21 AM

بسم الله الرحمن الرحيم

ههههههههههههههههههههههه

فكره حلوه

اجل ما ني داخل المنتدى الا اذا كنت عطشان

اشرب عصير

خخخخخخخخخخخخخخ

عسيريه · #74 05/08/2007, 03:04 AM

ماشاءالله تبارك الله وش هالسنع كله يا [هلاليه سنعه & تغريد]
قسم بالله انكم سنعات;) ولاّ محد قبلكم فكر هالفكره السنعه

بس تبون الصراحه ما اعرف اسوي شي الا ان كان تبون كآس عصير

ومش اي عصير;) عصير تانج

هذا اللي اعرف له ولا تبون اسوي لكم صحن فواكه

والله العظيم معرف اسوي شي ولو اعرف كان سويت لكن للأسف..بعدين تعالي انتي وياها تراني الحين مسافره
يعين مفيش مواعين ولا كنت باسدح لكم سفره كامله <~لا يكثر

بــ كتفي بالمتابعه والتصويت ان شاءالله
الله لا يحرمنا منكم ولا من ابداعكم يارائعآت;)

مع التحيه

~SaKaB · #75 05/08/2007, 03:51 AM

أخيراً تهورت وقررت أروح أطبخ

أو بالأصح أساعد في الطبخ

طبختنا اليوم تراثية من تراث منطقتنا الحبيبة جازان ;) وتسمى :

المفتوت الحالي

المكونات :
1- مقدار مناسب من الدخن المطحون مناسب لعمل رغيف ..
2- حليب ( من أي الأنواع سواء نيدو .. أنكور وغيرها )
3- سكر .
4- سمن بلدي .
5- عسل ( حسب الرغبة ) .
6- ماء .

طريقة التحضير :

1- الدخن المطحون يعجن مع كمية مناسبة من الماء حتى يصبح مثل عجينة الخبز تقريباً أو أكثر ثخانة , ثم يشكل على شكل رغيف من الخبز , ثم يوضع في التنور* أو في صاج ويعرض لنار هادئة حتى ينضج.
* في منطقتنا يسمى التنور ( ميفاء )

..
وبعد النضج يقطع إلى قطع بأداة تسمى المهرس * في وعاء يسمى الحيسية ** أو في أي وعاء أو صحن بأي شكل وبعد التقطيع أو التفتيت يسمى مفتوتاً .

صورة للطبخة بعد أن تم تقطيع الدخن المطحون الجاهز إلى قطع كبيرة تمهيداً إلى تقطيعه وتفتيته :p

أداة ( المهرس )

* قد لا تتوفر لذلك يمكن استخدام أي شيء يسهل التفتيت .
** هذا الوعاء ( الحيسية ) متوارث في المنطقة عبر الأجيال وتلاحظون الصور أثناء الإعداد .

2- يحضر الحليب بأي طريقة ( مين ما يعرف يسوي حليب )

.

الآن جاء الوقت الحاسم لرؤية الطبخة بصورتها النهائية :
يضاف الحليب إلى الحيسية ( أو الإناء الموجود به المفتوت ) ويخلط بأداة المهرس أو بأي أداة تسهل الخلط ,

صورة توضح هذه الخطوة

وبعد الخلط نصنع فتحة دائرية في منتصف الحيسيسة أو الوعاء ويسكب الحليب فيها ثم يضاف إليه قليلاً من السمن أو العسل حسب الرغبة ..

الصورة النهائية

وبالهناء والشفاء ..
ولا يفوتكم المذاق الرااااائع

كان معكم الشيف : سكبكب