#1  
قديم 08/07/2007, 03:02 PM
زعيــم نشيــط
تاريخ التسجيل: 21/11/2000
المكان: الرياض
مشاركات: 623
بلديات الرياض + مصلحة المياه + وزارة المواصلات = تبا

السلام وعليكم

منذ ان تم توحيد المملكه العربيه السعوديه وبعد اكتشاف النفط في سائر البلاد
وانتشار الدراهم والخير والنعمه مع ان البطاله واجد والطفارا ياكثرهم
ومع كل المعطيات السابقه من ناحية الازدهار والنمو وخاصه المدن الكبيره
اللي المفروض تكون هي الواجهه للبلد الا اننا نرى العكس في بعض الوزرات
الحكوميه من اهمال وتسيب وعدم اتقان العمل
ولو جينا للواقع المشاريع هذي مثل الحفريات والزفلته نجد الحكومه صرفت الاف الملايين
ومن ثم تقوم الوزاره بطرح مناقصه واللي بياخذ سعر اقل هو اللي يستلم المشروع
لوفرضنا ان المناقصه وقفت عند العشرة ملايين ريال كأقل سعر
يأتي المقاول ويستلم العشره يروح يدور له مقاول ثاني يقول له ابعطيك ااربع مليون وضبط الشغل
طبعا 6 ملايين راحت للمقاول الاصلي اللي استلم المشروع وبعدين تعال شف البربسه في الشغل
وهذا هو الواقع للأسف الوزاره ينتهي دورها بتسليم المشروع بغض النظر عن جودته

الحين اول مايزفلتون الشارع تلقاه يهبل ومتواسي ثمن تجيك شركة الكهرب وهات ياحفر ودفن ثم مصلحة المياه
حفر ودفن حتى التلفون صاروا يحفرون ويدفنون عشان قطعة سلك
وش بيصير الشارع عقب هالحفريات بيصير تسنه جندي مبقس في حركة مجاهدين خلق

قبل كم يوم كنت متوجه الى حي اليمامه جاي من الشمال وطاق هذاك المشوار
المهم خليت عتيقه على يميني ومسكت طريق الحجاز مدرعم لين وصلت المحطه اللي على اليمين

شفت ددسن قديم تحته مويه قلت مسكين الاديتر منشق خخخخخ



يوم قربت وقزيت زين ياولد الارض تنبع مويه واتكي ونا اتفرج وفي نفس الوقت
اقول ليت من جاب المقاول اللي زفلت الشارع وغرقه في هالحفره



تشوفون زادت المويه وانهار الشارع الظاهر مزفلتين على سفنج اجل هذا شارع وبالرياض




طيب لو كان الانهيار تحت الزفلت ومابينت المويه من فوق ونا مار
وهبدت انا وسيارتي في الحفره من المسؤول
من اللي بيعوضني عن الروعه


فت كو بعافيه






اخر تعديل كان بواسطة » نواااااااف11 في يوم » 08/07/2007 عند الساعة » 03:54 PM
اضافة رد مع اقتباس
  #2  
قديم 08/07/2007, 03:33 PM
الصورة الرمزية الخاصة بـ أول العنقود
زعيــم مميــز
تاريخ التسجيل: 29/04/2005
المكان: ســـــواح ...!!
مشاركات: 2,869
الله يعطيك العافية بس ترى الصور ما طلعت
اضافة رد مع اقتباس
  #3  
قديم 08/07/2007, 04:02 PM
الصورة الرمزية الخاصة بـ Hilali88
زعيــم مميــز
تاريخ التسجيل: 28/02/2007
مشاركات: 5,535
للأسف كل مناطقنا زي كذا (باستثناء الرياض )
شوف طريق الدمام _ الجبيل صارلهم سنين طويلة وهم يصلحون فيه وإلا ألحين ما خلصوا
ودي اتكلم أكثر بس أخاف أجيب العيد

عوافي
اضافة رد مع اقتباس
  #4  
قديم 08/07/2007, 05:26 PM
زعيــم نشيــط
تاريخ التسجيل: 15/04/2006
مشاركات: 983
إقتباس
الرسالة الأصلية كتبت بواسطة Hilali88
للأسف كل مناطقنا زي كذا (باستثناء الرياض )
شوف طريق الدمام _ الجبيل صارلهم سنين طويلة وهم يصلحون فيه وإلا ألحين ما خلصوا
ودي اتكلم أكثر بس أخاف أجيب العيد

عوافي

ما فية استثنااء والله
اضافة رد مع اقتباس
  #5  
قديم 08/07/2007, 05:52 PM
الصورة الرمزية الخاصة بـ فهد عاشق البرسا
زعيــم مميــز
تاريخ التسجيل: 29/11/2006
المكان: الـبـار
مشاركات: 3,137
يعطيك العافية

ماعندي اي تعليق على الموضوع
بس أحب اهنيك على جرئتك


تحياتي...
اضافة رد مع اقتباس
  #6  
قديم 08/07/2007, 07:26 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
والله ماقريت شي من الموضوع الخط مو واضح

بس شفت الصور وإستنجت الموضوع

وترى الدعوة عادي تبي أوريك صور شارعنا

اللي كل يوم نروح منه ؟
اضافة رد مع اقتباس
  #7  
قديم 08/07/2007, 08:28 PM
الصورة الرمزية الخاصة بـ ڪـيــف الـζــآل ؟
زعيــم مميــز
تاريخ التسجيل: 03/11/2005
مشاركات: 5,656
الشكوى لله .. يارجال .. هذا يرمز لتراثنا ..

وبعدين كل هذا لمصلحتك .. بعدين تراك تبي تشكرهم..

....the bast....

كتـــبت هنــا وذهــبت
اضافة رد مع اقتباس
  #8  
قديم 09/07/2007, 03:00 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
هلا اخوي نواف ..
البلديات والمصلحه والمواصلات مابينهم تفاهم والا شارع توه مزفلت ومزين
ماعندك باحسن منه مادريت الا وهم قاعدين يحفرون عندكم طاري تحطون مواصير
واسلاك .. الخ حطوهن قبل مايزفلت بس ماش ماهنا سنع وقل دبره ..
الله يكون بالعووون ..
مشكور اخوي على الموضوع المهم بصراحه .. يعطيك العافيه ..’’
دمتم بخيــر ..’’

..
اضافة رد مع اقتباس
  #9  
قديم 09/07/2007, 03:24 AM
موسوعة المجلس العام
تاريخ التسجيل: 25/12/2005
المكان: حيث اجتمع الحب والوفاء ..!
مشاركات: 2,584
http://2askt11.france.net.in/all/index.php .لا تعليق .......... لكن أهنّيك على كتابتك
اضافة رد مع اقتباس
  #10  
قديم 09/07/2007, 03:25 AM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
وعليكم السلام ورحمة الله وبركاته ،،،

هلا بـ نواااااااف11.

إقتباس
وهذا هو الواقع للأسف الوزاره ينتهي دورها بتسليم المشروع بغض النظر عن جودته

صدددددقت والله ، وإذا ضيعت الأمانه فـ أرتقب الساعة ...
المقاوليين للاسف نصااابين شغلهم أي كلام .. مافيه إخلاص بـ الشغل .

إقتباس
الحين اول مايزفلتون الشارع تلقاه يهبل ومتواسي ثمن تجيك شركة الكهرب وهات ياحفر ودفن ثم مصلحة المياه
حفر ودفن حتى التلفون صاروا يحفرون ويدفنون عشان قطعة سلك
وش بيصير الشارع عقب هالحفريات بيصير تسنه جندي مبقس في حركة مجاهدين خلق

لووووووووووووووووو ووووووووووووووول
هذا دليل ع أن فيه عملية إتصالات بينهم واتفاقيات :p ، المفروض إذا حفروا تجي شركة الكهرباء والاتصالات والمياه مع بعض ، موب بين فتره وفتره تجي شركة وتحفر .. يحفرون مره وحده .
يوووه يـ الشارع بيتقفل ويمتلي ! عمال هـ الشركات مجتمعين عز الله ماشتغلوا بيجلسون يسولفون هـ العمال ويتركون الشغل .

بعدين الله يهديهم تصريفهم لـ المجاري غلط بـ غلط أشوف احياء غارقه بـ المجاري المفروض يخططون ويصلحون تصاميم مضبوطه موب أي كلام ....!

وبـ صراحه الواحد إذا اشتغل المفروض يشتغل بذمة وضمير صحيح انهم بـ منظمة فيه منهم اللي عنده ذمة وفيه اللي ماعنده لكن الشر يعم والخير يخص ...

إقتباس

تورط .. راح فيها الرجال شلون بيطلع !!

إقتباس
وهبدت انا وسيارتي في الحفره من المسؤول
من اللي بيعوضني عن الروعه

محد مسؤول ..



صن كيو ع هـ الموضوع الوطني .








الفيروسه الزرقاء
اضافة رد مع اقتباس
  #11  
قديم 09/07/2007, 03:37 AM
الصورة الرمزية الخاصة بـ ~SaKaB
مشرف سابق في منتدى الإتصالات
تاريخ التسجيل: 28/10/2005
المكان: Khober / Jazan
مشاركات: 4,051


أقول قل الحمد لله بس ...
والله أنتو بنعمة ..
يا حبيبي التنمية في الرياض أكثر من أي مدينة ثانية ..
صحيح فيه أخطاء بس مو كثر الأخطاء اللي عندنا ..

عوااافي
اضافة رد مع اقتباس
  #12  
قديم 09/07/2007, 03:40 AM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,928
تعال حي الازدهار عشان تكره نفسك

تقول داخل نهر النيل

تدخل الحي وتطلع على طول للورشه تسوي تربيط للسياره

تصدق مره حفروا حفره على امتداد شارع تبوك بحي الازدهار أنا قلت بيسون شي بيحطون انابيب ولا شي
بس للاسف دفنوها بدون لايسوون شي شكل واحد من الهنود ناسي مفك يوم يحطون الكهرب في عام الفين وحطبه
اضافة رد مع اقتباس
  #13  
قديم 10/07/2007, 12:15 PM
زعيــم نشيــط
تاريخ التسجيل: 05/10/2006
المكان: في السنتياقو
مشاركات: 746
اشكرك أخوي نواف كل الشكر

وأزيد على موضوعك ومدعم بالصور الغريبة والنادرة

وأنا رايح للدوام الصباح شفت زحمة عند الشركة وقلت وش اللي حاصل ويوم

قربت شفت شنطة النترا قلت الله يستر لايكون حادث قوي والسيارة انقسمت نصين

ثم قلت لا الشارع ما يسمح بأنه تكون حوادث كبيره .. ويوم قربت إلا والليموزين طايح في الحفرة

وأنا أناظر يمين يسار إلا والباكستاني ماشاء الله عليه ماجاه شي والسيارة راحت وطي

بس رحمت الباكستاني

ما أطول عليكم ولكم الصور









الصورة الأولى من تصويري والثانية من تصوير أحد الموظفين عندنا بالشركة


ههاااااههه وش رايكم ؟؟

اترك لكم التعليق
اضافة رد مع اقتباس
  #14  
قديم 10/07/2007, 01:21 PM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,928
^
^
من متى حطوا حفريات عند هالاشاره من زمان مامريت من هووون

بس الحين من يتحمل تكاليف اضرار السياره ؟!

الباكستاني؟ او البلديه ؟
اضافة رد مع اقتباس
  #15  
قديم 10/07/2007, 01:36 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
إقتباس
تعال حي الازدهار عشان تكره نفسك

تقول داخل نهر النيل

تدخل الحي وتطلع على طول للورشه تسوي تربيط للسياره

تصدق مره حفروا حفره على امتداد شارع تبوك بحي الازدهار أنا قلت بيسون شي بيحطون انابيب ولا شي
بس للاسف دفنوها بدون لايسوون شي شكل واحد من الهنود ناسي مفك يوم يحطون الكهرب في عام الفين وحطبه

تشوف انت يا سالم ..!!

يحفرون حفريات ولا يحطون فيها شي ..!! .

والحيين بيرجعون يحفرون مرة ثانية على غير سنع ..!!


والحيين شارع الحسن بن علي بداو يحفرون فيه شكلهم ناسين هندي يوم يحفرون المرة الاخيرة ..!!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:16 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube