|
بلديات الرياض + مصلحة المياه + وزارة المواصلات = تبا السلام وعليكم منذ ان تم توحيد المملكه العربيه السعوديه وبعد اكتشاف النفط في سائر البلاد وانتشار الدراهم والخير والنعمه مع ان البطاله واجد والطفارا ياكثرهم :D ومع كل المعطيات السابقه من ناحية الازدهار والنمو وخاصه المدن الكبيره اللي المفروض تكون هي الواجهه للبلد الا اننا نرى العكس في بعض الوزرات الحكوميه من اهمال وتسيب وعدم اتقان العمل ولو جينا للواقع المشاريع هذي مثل الحفريات والزفلته نجد الحكومه صرفت الاف الملايين ومن ثم تقوم الوزاره بطرح مناقصه واللي بياخذ سعر اقل هو اللي يستلم المشروع لوفرضنا ان المناقصه وقفت عند العشرة ملايين ريال كأقل سعر يأتي المقاول ويستلم العشره يروح يدور له مقاول ثاني يقول له ابعطيك ااربع مليون وضبط الشغل طبعا 6 ملايين راحت للمقاول الاصلي اللي استلم المشروع وبعدين تعال شف البربسه في الشغل وهذا هو الواقع للأسف الوزاره ينتهي دورها بتسليم المشروع بغض النظر عن جودته:mad: الحين اول مايزفلتون الشارع تلقاه يهبل ومتواسي ثمن تجيك شركة الكهرب وهات ياحفر ودفن ثم مصلحة المياه حفر ودفن حتى التلفون صاروا يحفرون ويدفنون عشان قطعة سلك :upset: وش بيصير الشارع عقب هالحفريات بيصير تسنه جندي مبقس في حركة مجاهدين خلق :confused: قبل كم يوم كنت متوجه الى حي اليمامه جاي من الشمال وطاق هذاك المشوار المهم خليت عتيقه على يميني ومسكت طريق الحجاز مدرعم لين وصلت المحطه اللي على اليمين شفت ددسن قديم تحته مويه قلت مسكين الاديتر منشق خخخخخ http://www.alqnas.com/vb/attachment....8&d=1183898170 يوم قربت وقزيت زين ياولد الارض تنبع مويه واتكي ونا اتفرج وفي نفس الوقت اقول ليت من جاب المقاول اللي زفلت الشارع وغرقه في هالحفره:mad: http://www.alqnas.com/vb/attachment....0&d=1183898236 تشوفون زادت المويه وانهار الشارع الظاهر مزفلتين على سفنج اجل هذا شارع وبالرياض :D http://www.alqnas.com/vb/attachment....1&d=1183898236 طيب لو كان الانهيار تحت الزفلت ومابينت المويه من فوق ونا مار وهبدت انا وسيارتي في الحفره من المسؤول من اللي بيعوضني عن الروعه:cry: فت كو بعافيه |
الله يعطيك العافية بس ترى الصور ما طلعت :) |
للأسف كل مناطقنا زي كذا (باستثناء الرياض :d) شوف طريق الدمام _ الجبيل صارلهم سنين طويلة وهم يصلحون فيه وإلا ألحين ما خلصوا ودي اتكلم أكثر بس أخاف أجيب العيد :d عوافي |
إقتباس:
|
يعطيك العافية ماعندي اي تعليق على الموضوع بس أحب اهنيك على جرئتك s60s تحياتي... |
والله ماقريت شي من الموضوع الخط مو واضح بس شفت الصور وإستنجت الموضوع وترى الدعوة عادي تبي أوريك صور شارعنا اللي كل يوم نروح منه ؟ |
الشكوى لله .. يارجال .. هذا يرمز لتراثنا .. وبعدين كل هذا لمصلحتك .. بعدين تراك تبي تشكرهم.. ....the bast.... كتـــبت هنــا وذهــبت |
هلا اخوي نواف .. البلديات والمصلحه والمواصلات مابينهم تفاهم والا شارع توه مزفلت ومزين ماعندك باحسن منه مادريت الا وهم قاعدين يحفرون عندكم طاري تحطون مواصير واسلاك .. الخ حطوهن قبل مايزفلت بس ماش ماهنا سنع وقل دبره .. :( الله يكون بالعووون .. مشكور اخوي على الموضوع المهم بصراحه .. يعطيك العافيه ..’’ دمتم بخيــر ..’’ .. |
http://2askt11.france.net.in/all/index.php .لا تعليق .......... لكن أهنّيك على كتابتك |
وعليكم السلام ورحمة الله وبركاته ،،، هلا بـ نواااااااف11. إقتباس:
المقاوليين للاسف نصااابين شغلهم أي كلام :upset: .. مافيه إخلاص بـ الشغل :mad: . إقتباس:
هذا دليل ع أن فيه عملية إتصالات بينهم واتفاقيات :p ، المفروض إذا حفروا تجي شركة الكهرباء والاتصالات والمياه مع بعض :eek: ، موب بين فتره وفتره تجي شركة وتحفر :upset: .. يحفرون مره وحده :eek: . يوووه يـ الشارع بيتقفل ويمتلي:D ! عمال هـ الشركات مجتمعين عز الله ماشتغلوا :yes: بيجلسون يسولفون هـ العمال ويتركون الشغل s13s . بعدين الله يهديهم تصريفهم لـ المجاري غلط بـ غلط :yes: أشوف احياء غارقه بـ المجاري المفروض يخططون ويصلحون تصاميم مضبوطه موب أي كلام :upset: ....! وبـ صراحه الواحد إذا اشتغل المفروض يشتغل بذمة وضمير صحيح انهم بـ منظمة فيه منهم اللي عنده ذمة وفيه اللي ماعنده لكن الشر يعم والخير يخص ...:) تورط .. راح فيها الرجال شلون بيطلع :rolleyes: !! إقتباس:
صن كيو ع هـ الموضوع الوطني s13s . الفيروسه الزرقاء |
أقول قل الحمد لله بس ... والله أنتو بنعمة .. يا حبيبي التنمية في الرياض أكثر من أي مدينة ثانية .. صحيح فيه أخطاء بس مو كثر الأخطاء اللي عندنا .. عوااافي :) |
تعال حي الازدهار عشان تكره نفسك تقول داخل نهر النيل :d تدخل الحي وتطلع على طول للورشه تسوي تربيط للسياره :d تصدق مره حفروا حفره على امتداد شارع تبوك بحي الازدهار أنا قلت بيسون شي بيحطون انابيب ولا شي بس للاسف دفنوها بدون لايسوون شي شكل واحد من الهنود ناسي مفك يوم يحطون الكهرب في عام الفين وحطبه :( |
اشكرك أخوي نواف كل الشكر وأزيد على موضوعك ومدعم بالصور الغريبة والنادرة وأنا رايح للدوام الصباح شفت زحمة عند الشركة وقلت وش اللي حاصل ويوم قربت شفت شنطة النترا قلت الله يستر لايكون حادث قوي والسيارة انقسمت نصين :upset: ثم قلت لا الشارع ما يسمح بأنه تكون حوادث كبيره .. ويوم قربت إلا والليموزين طايح في الحفرة :eek: وأنا أناظر يمين يسار إلا والباكستاني ماشاء الله عليه ماجاه شي والسيارة راحت وطي :eek: بس رحمت الباكستاني :cry: ما أطول عليكم ولكم الصور http://www.7mbc.com/up/upf8/7mbc_1179248808.jpg http://www.7mbc.com/up/upf8/7mbc_1088652580.jpg الصورة الأولى من تصويري والثانية من تصوير أحد الموظفين عندنا بالشركة ههاااااههه وش رايكم ؟؟ اترك لكم التعليق |
^ ^ من متى حطوا حفريات عند هالاشاره :d من زمان مامريت من هووون بس الحين من يتحمل تكاليف اضرار السياره ؟! الباكستاني؟ او البلديه ؟ :( |
إقتباس:
يحفرون حفريات ولا يحطون فيها شي ..!! . :d والحيين بيرجعون يحفرون مرة ثانية على غير سنع ..!! والحيين شارع الحسن بن علي بداو يحفرون فيه شكلهم ناسين هندي يوم يحفرون المرة الاخيرة ..!! :(<!-- / message --> <!-- sig --> |
| الوقت المعتمد في المنتدى بتوقيت جرينتش +3.
الوقت الان » 10:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd