اختبار صعب لجماهير الهلال - نادي الهلال السعودي - شبكة الزعيم

FATHI.mx · #1 22/12/2001, 05:45 AM

السلام عليكم ورحمة الله وبركاته

البارحة جلست أفكر في مبارات الغد(اللي هي اليوم) وهي مباراة الشباب السعودي مع السدالقطري, ومباراة الإتحاد السعودي مع الاستقلال الإيراني وجلست اقلبها في راسي من حيث المستوى والمحترفين, والنتيجة وحضور الجماهير

وسبحان الله توصلت إلى سؤال حبيت آخذ رأيكم فيه وهو:

لو كان النصر السعودي عنده بطولة خارجية مع فريق أجنبي (غير عربي) والبطولة أكيد لمصحلة المملكة.. فهل جماهير الهلال ستحضر المباراة أم تشجع الفريق الأجنبي أم النصر أم ستحاول اكتشاف اخطاء النصر للسخرية منه, ام ستتابع المباراة من التلفاز؟؟؟؟؟؟؟؟؟؟؟؟؟؟

أرجو منكم أن تعطوني رأيكم مع ذكر السبب. وشكرا

للتواصل عبر الماسنجر:
[email protected]

الازرق الصغير · #2 22/12/2001, 06:15 AM

عزيزى ..تبى رايي وبصراحة
اولا.. انى ودىيفوز النصر لسبب انة فوز للكرة السعودية وثانى علشان نسكت هااللى يقولون السعودية وانديتهم طاح كرتهم
ثانيا.. انى بشوف المباراة فى التلفزيون فقط
هذا اللى فى بالى واقول الصدق بدون نفاق
النصر فريق سعودى صح لكن ما يبط كبدك انهم بكرة بيقولون ما نبي تشجيعكم وهو مهوب حب فى النصر بس علشان انتصار للكرة السعودية واللى يتكلمون على السعودية ومنهم اليابانيين والايرانيين والكويتيين شافوا انفسهم شوى والله يوفق الاتحاد والشباب فى الاياب تحياتى للجميع......

FATHI.mx · #3 22/12/2001, 07:55 AM

شكرا الأزرق الصغير على صراحتك وردك الرائع جدا.

ولكن هذي وجهة نظرك وارجو من الجماهير الاخرى أن تبدي وجهة نظرها.

النمر الكاسر · #4 22/12/2001, 08:02 AM

يقول المثل :

العين بالعين والسن بالسن ............ والبادئ اظلم

الهلال اذا عنده مشاركه خارجيه كل جماهير الانديه السعوديه تشجع

الفريق الخصم ما تشجع الهلال لييييييييييييييييييييييييييه ؟؟؟

فانا ايضا بسوي زيهم لان البادئ اظلم

سبب اخر : هو عشان اجلس اضحك لانهم اكيد بيقولون التحكيم والتحكيم

FATHI.mx · #5 22/12/2001, 08:08 AM

مين قال لك يا النمر الكاسر أنهم يشجعون الفريق الخصم,انت حسبتهم كلهم, أو شفت كم واحد من أصدقائك شجعوا الفريق الخصم وقلت كل جماهير الأندية.

على العموم هذه وجهة نظرك وانا احترمها وشكرا جزيلا على مشاركتك معانا وعلى ردك الجريء

ريمانة · #6 22/12/2001, 09:17 AM

هلا اخوي
لا طبعا انا بشجع النصر لان الفوز باسم الوطن وصراحه انا اتعصب للوطن بقووه

اما لو اني ولد

مااظن اني بحضر المباراة

وحتى لو كانوا النصراوين يشجعون الخصم

واخرتها مع تشرين السوري

حنا المفروض نصير احسن منهم

توليو 17 · #7 22/12/2001, 10:02 AM

السلام عليكم
اما انا فاني ا تمنى هزيمة اي فريق سعودي ( طبعاَ غير الهلال ) يلعب مع الاندية الخارجية بسبب ما تحمله جماهير الاندية من حقد وبغض وكره للهلال

وهذه حادثه معي ووالله العظيم انها صدق وبكل مافيها
كنت مع احد اصحابي و هو يشجع احد الفرق المجاورة لنا وسالته هل ستشجع الهلال عندما يلعب خارجياَ فكان رده والله لو يلعب مع اسرائيل لشجعت اسرائيل

فعلى ماذا يدل هذا .

FATHI.mx · #8 22/12/2001, 10:31 PM

بصراحة أعجبني رد المشجعة الهلالية ريمانة , وكلامها المنطقي والرائع,
شكرا إخت ريمانة على هذه الآراء.

وبالنسبة لتوليو17 انا اقول لك شكلك ما قرأت الردود جيدا قبل أن ترد , شوف وش قالت ريمانة, لازم نشجع الفريق السعودي لأن البطولة للوطن وليس له فقط, (انا عندي سؤال لك: يرضيك ياخذ الكأس نادي ياباني أو كوري ويضحكون عليناوعلى تخلفنا؟؟؟؟؟؟؟؟)

وأكرر واقول حتى لو قال السعوديون إنهم سيشجعون الفريق الخصم عندما يلعب مع الهلال, لازم نصير احسن منهم ونشجعهم في مشاركاتهم الخارجية.

واحترم رأيك يا توليو17 .

للتواصل عبر الماسنجر:
[email protected]

سواح · #9 22/12/2001, 10:47 PM

انا بشوفها من التلفزيون و اقعد ساكت و قلبي مع الفريق الثاني .

و هذي الصراحه .

جنتل مان · #10 23/12/2001, 12:31 AM

نعم سأقف بكل عواطفي وأمنياتي بفوز أي فريق سعودي يمثل بلدي الحبيب وحتى لو كان نادي النصرشأشجعه ولا يجب علي أن أخذ تصريح رمزهم أو غيره تجاه الزعيم وحقدهم عليه ذريعه لي فقط الوطنية تفرض ذلك ويجب أن تكون أخلاقنا كذلك ,وشكرا لطرحك لهذا الموضوع الجميل والهادف,,,,

هلالي الشعراء · #11 23/12/2001, 01:33 AM

ايييييييييه هين .. افلقوني .!.!.

والله لو يلعب النصر مع شارون ماشجعته ..

انا الحين بعض المرات ما اتحمس مع المنتخب لأني ادري ان المنتخب اذا فاز بيفرحون النصراويين وبيفرح كل نصراوي .. وتبيني اشجع النصر ..

انا مرة وحدة بس شجعت النصر ..تدرون متى ؟؟؟ يوم لعب بالمشمش !!!!

الفتىالذهبي11 · #12 23/12/2001, 01:42 AM

والله مع النصر امس انا خايف ينهزم الاتحاااد بس الحمد الله

الفتى الذهبي[][email protected]

عنود الصيد20002 · #13 23/12/2001, 02:07 AM

بالنسبة لي , اعتبر المباراة مثل اي مباراة بين فريقين ما لهم أهمية ..

إلا اذا كانت نهائية راح أميل شوي للنصر , بس لو انهزم ماضاق صدري .. إيزي ..

تحياتي ,

يوردانيسكو · #14 23/12/2001, 04:53 AM

انا اشجع اي فريق يلعب ضد النصر

بعد الكلام الي قالوه عن الزعيم صدقني حتى لو يلعبون مع فريق من المريخ اشجعه ولا أشجع النصر.

انا واحد ماأحب ولا فريق سعودي غير الهلال

FATHI.mx · #15 23/12/2001, 11:06 AM

وش الكلام اللي قالوه أخ يوردانيسكو.