هلا اخوي الغالي راوؤل الهلالي
السؤال - ناديك العالمي وشو ؟ ازعل لو ماتقول ريال مدريد
- الحقيقة انا يعجبني اكثر من نادي عالمي منهن (( برشلونة - ريال مدريد - الهلال ))
بس اميل اكثر(( لبرشلونه )) لاني من اشد المعجبين باللاعب ريفالدوا ،،، احس انه يلعب بنفس اسلوبي
-------------------------------------------------
السؤال - وش رأيك بزيدان وفيغو ؟؟ ولو خيروك واحد منهم يجي للهلال ( مافي امل
) بس يالله تختار مين
؟
- ههههه كل واحد يقول الزود عندي
لحظه افكر
والله انا اتوقع ان زيدان بينفع الهلال اكثر ولو ان فيغوا هداف من الطراز الاول بس ابقولك ليش ،،، في ملاعبنا هنا ماعندك(( الا قصابـيـن ))
وفيغوا يعتمد اكثر على المهارات الفرديه اكثر يعني مايمديه يجي الا والاصابه جايته تمشي مليون
اما زيدان فيعجبني لعبه الجماعي وتمريراته العالميه وطريقته تخلي القصابين مايمديهم يسوون شي ;) يعني زيدان راح يفيد الهلال اكثر
هههههههههههههه تعجبني احلامك الكبيرة
اجل فيغوا وزيدان هههههه وش خليت :p
------------------------------------------------------------------------
هلا اخوي الغالي ابو منار
السؤال - ما الذي يطير بك في عالم التفكير .. شروق الشمس ام غروبها ؟ اخرى .. علل !
- هههههههه والله لا شروق الشمس ولا غروبها انا ما افكر الا عقب الظهر (( في القايله )) ادهن جسمي بفكس وانسدح بحوش البيت عشان يصير لوني (( برونزي )) واغط في تفكير عميق
------------------------
السؤال -كم متوسط المدة التي ياخذها منك الانترنت يوميا ؟ وماذا استفدت فعليا منها ؟
- تقريباً مابين 9 الى 10 ساعات اما الفائدة الكبيرة التي اخذتها منها فهي معرفت اعضاء طيبين وناس اعتز بصداقتهم (( مثلك وشرواك ))
كما استفدت اشياء كثيرة منها تعلمت تصميم المواقع وتعلمت الكثير من البرامج والاكثر من هذا اعطتني خبرة في مجال عملي (( على الحاسب الآلي ))
بس لا تنسى أخذت مني الكثير الكثير من الدراهم
------------------------------------------
السؤال -هل للانترنت مضار ؟؟؟ اذكر بعض منها .وخصوصا اللي عايشتها بنفسك .
- مضار الأنترنت كثير كثير ومنها :
1- تأخذ وقتك عن الناس والاهل والأقارب
2- تعدم عيونك
3- تسحب ماوراك ودونك من فلوس
4- تبعد المتزوجين عن حقوق زوجته وواولاده !!
5- وايضاً مشاكل الاختراق والهكر والفيروسات
6- كونه وسيلة اعلام غير مسئولة ومقيده بضوابط فهنالك مشاكل التشهير بالناس واثارة الشائعات
وغيرها الكثير لا يسع المجال لذكرها
---------------------------------------------------------
السؤال - رسالتك لكل من :
مدينة الملك عبدالعزيز للعلوم والتقنية .
(الانفصالات) السعودية .
- مدينة الملك عبدالعزيز للعلوم والتقنية :
والله اعتقد بانها تقدم كل ما في وسعها واكثر من حيث محاولتها جعل الانترنت مفيده لا ضارة وهذا تشكر عليه بس لماذا لا يتم تطوير الانترنت في السعوديه لتصبح مثل الدول الاخرى سريعه وباسعار غير مبالغ فيها
- (الأنفصالات) السعودية :
والله ما ادري وش اقول لهم هل اسئلهم عن سبب ارتفاع اسعار المكالمات الداخلية بالتلفون الثابت او الجوال ؟؟؟
رغم ان بعض الدول الخليجية لاحظ الخليجية المكالمات الداخلية بالهاتف الثابت مجانية مثل (( الكويت )) هل الكويت احسن منا ؟؟؟؟؟؟؟
ورسائل الجوال ليش مجانية في كل الدول الا السعودية
والغريب اللي مستغرب منه انا وشلون الجوال اول
كان سعر الشريحة (( 10000)) ريال والحين صار سعرة (( 400)) ريال
يعني اول ماكان يصلح باربعمية والحين صار يصلح والا الدعوه (( لهههـط ))
والا الانترنت تصدقون ياجماعة في الدول الثانية سرعتها خيالية وخدمة ممتازة واسعارها رمزية جداً
(( واحنا لا خدمه مثل الناس واسعار خيالية ))
(( يعني استغلال عيني عينك ))
تحياتي الغالي ابو منار ،،،، والله ضيقت صدري بالانفصالات
يوووووووالله فاتتني الحلقة !! 
الوضع العادي
