اشكر الاخ ابو سليمان على اتاحته الفرصة لنا بلقائك الذي دائما نتمناه وسؤالي لك :

س - في اي مدينة من مدن المملكة تسكن ؟
س - من هم الاعضاء الذين لاتدع اي موضوع لهم الا وتتجه فورا اليه لقرائته ؟

وبعدين وش قصدك يوم تقول للحبحر جيب معك الاسير وخله يمسك اصبعك لايضيع ؟؟؟؟؟؟؟ انت ما تدري اني انا اللي ادله واعلمه وهو بدوني مايسوي شي ؟؟؟؟؟

لك مني اجمل تحية حب وتقدير لشخصك الغالي والى جميع الاخوة الاعضاء .

هلا اخوي عاشق النمر
كل عام وانت بخير

* هل تخاف تركب الطياره بعد الاحداث اللي صارت ؟؟ وليه ؟؟
* وش اكثر اكله تحبها ؟؟
* وشهو العطر اللي تستخدمه دائما ؟؟
* وش المثل اللي دايم تقوله او الكلمه اللي دايم ترددها؟؟

اختك / توته

عزيزي عشـوق وسـوف.. .

قـصدي بالغـيره في سؤالي لك.. .

الغـيره ( غـيره الدلع ) , فهمت موغيره على المحارم لأننا عارفين

الشيء هذا بدون جوابك فهـمت..؟؟

هلا بعاشق النمر الغالي **** ياليت نمرك دايم قبالي
أنت وانا بعدالنمرمالنا والي*** احب العاشق والنمر مشغلن بالي

اهلين واخوي عاشق النمر هالبيتين اللي راحن
والله انهن طالعات من قلب
لاني احب واعشق واموت واتقطع على واحد اسمه
يوسف بن ناصر الثنيان واحب اللي يحبه واكره اللي يكرهه
طبعا كل هالكلام يبي يقودني الى سؤال
وهو الى اي مدى تحب يوسف الثنيان ؟ يعني وش كثر ؟
==============================
الثاني/
مرة صار لي موقف مع ابوناصر قابلته بالصدفة بمجمع الموسى التجاري
المهم اول ماشفته انهبلت لانه اول مرة اشوفه على الطبيعة ومن غير حاجز
مهو مثل تمارين الهلال . طبعا من حبي له بديت ارتجف تدري ليه ؟
لأني كنت منول احس ان الثنيان خيال ولاوجود له وانه من صناعة هوليود
بلمساته ومهاراته وفنياته حتى مشيته فكنت فعلا مااتوقع فيه لاعب يلعب مثل لعبه
الا بالافلام السينمائية كنت اي مباراة اشوف فيها الثنيان احس انها فلم
وكل اللعب اللي يلعبه الثنيان من صناعة السينما حتى لو انا حاضر بالملعب اقول انه سحر هذا مهوب صدق . اعذرني ياعاشق النمر على كلامي هذا بس والله من جد
أعشق هذا اللاعب من راسي الى اخمص رجلي .
المهم يوم سلمت على الثنيان وسألته : سلامات ابو ناصر ليه موقفينك عن المباراة الجاية وكانت المباراة الجاية قدام النصر وكانت ادارة الهلال موقفته عن هذي المباراة بس كان تذكر .
سؤالي لك ياعاشق النمر :
توقع وش كان جواب يوسف على سؤالي ؟... وإذا ما عرفت راح اقولك بعدين ؟؟

==================================
الثالث
كم عمرك ؟
===========================
الرابع/
وش رايك بمترو الانفاق (القطارات اللي تحت الارض)
لو يحطونه بالرياض ؟كم تتوقع يكون سعر تذكرة الركوب ؟
وين تتوقع يحطون المحطات الرئيسيه فيه ؟وليه؟
===========================
خمسة /
هل ترى ان الثنيان يستاهل كل الايقافات التي حصلت له من إدارة الهلال ؟ الا ترى ان لاعب بمثل شعبيته وجمهوره الكبير ان يتعامل معه عندما يستحق الايقاف معاملة خاصة ؟
===========================
خمسة / في سطرين عبر عن جمجمة الهلال ؟(الله الله بالمدح )
===========================
سته / اذا دخلت بقالة وانت تبي تشتري لبن معين ..
هل تروح للثلاجة على طول والا تسئل الهندي قبل ماتروح ؟ وليه؟
===========================
سبعة / وش اسم المذيع اللي قاله الثنيان كيف الحال؟
===========================
ثمانيه / لو انك بالصحراء لحالك ومسكك الكهرب ؟ وش تسوي:
- تقول للكهرب فك وافك
- والا تدورعلى الطبلون علشان تطفيه
- والا تروح لبيتكم
===========================
تسعة/ هالحين الحمار الوحشي هو اسود مخطط بأبيض والا ابيض مخطط بأسود؟!!
===========================
عشرة/ لو انك سواق طيارة وفجأة قرصتك عقرب (بسم الله عليك )
من تخلي يسوق طيارتك من اعضاء الشبكة ؟

===========================

ولك تحيات اخوك جمجمة الهلال

الاخت الغالية ماروكوا اول شي لا تقولين يالشين
لان امي تقول اني مملوح

ماعلينا يالله الحين انا جالس اتخيل

حووووونننننننوووووووووووون <------- صوت السيارة تمشي ،،،
قش قش تفو قش قش تفو <-------- صوتي وانا اكل فصفص هههههههههههه
معليش متعود انا ما اسافر الا وانا اكل فصفص :p
المهم الحين وصلت للطريق الضيق اللي تقولين عادي بركب الجمل معي في السيارة وبكمل الطريق لووووووووووووووول هههههههههه

هههههههه وبعدين تقولين لا تريوس ههههههه تصدقين اني من شريت السيارة ما استعملت الريوس ابدههههه للحين جديد بقراطيسه قال ايش قال ريوس هههههههههههه الله يخلي الجلنط هههههههههههههههههههههههههه لاتستغربين كل شي مع الجلنط يصير


تحياتي ياماروكوا الشينة

=============================================================

اخوي الغالي الصبحي وانت بخير وحة وسلامة


السؤال -لو انت حارس وجاء بيشوت عليك الجمعان بلنتي واول مباراه لك لانك كنت دايم في الاحتياط اش شعورك ؟

- شعوي شعو اي واحد جاء يشوت عليه الجمعان وهو اول مره يلعب بعد الاحتياط

اتصور بتحوم تسبدي وابصير كني وحده توها حامل واعتقد ان الحكم بيوقف المباراة شوي لاني ((ابجلس استفرغ )) جنب العارضة واذا قدرت اتمالك نفسي واوقف على رجيلني بحاول اركز على عيون الجمعان واشوف وين راح يشوت الكورة في اي زاوية عشان اطب في الزاوية الثانية وان شفت الجمعان مركز عيونه علي بنسدح على طول على الارض واسوي نفسي مصاب علشان يشيلوني في النقالة ويغروني ههههههههه العمر مهوب بعزقه ههههههههه وساعتها خلهم يقولون انحاش ولا يقولن الله يرحمه كان حارس


السؤال -اخوي ابو وليد شخص من المنتدي تتمني رؤيته ؟

- اللي اتمنى مقابلتهم في المنتدى كثير وصعب حصرهم صدقني ولا اكون مبالغ لو قلتلك حتى بعض العضوات اتمنى مقابلتهم لاننا بصراحة صرنافي المنتدى مثل الأخوان واكثر ،،،


السؤال - ماهي افضل مباراة شاهدتها ؟

- هنالك اكثر من مباراة شاهدها وسجلتها ولازلت اعيدها واشاهدها بين وقت وآخر ومنها (( مبارات الهلال وناقويا ))(( الهلال - الترجي التونسي )) والتي عمل فيها الثنيان عمايل لا تنسي ;) وايضاً مباراة الهلال والشباب النهائية على كاس الملك عام 1415هـ والتي لا ننسي فيها هدف سامي العالمي ،،، وطبعاً هنالك الكثير من المباريات من الدوري الانقليزي وغيرها التي لا يمكن نسيانها


السؤال : هدف عالق بذاكرتك من اهداف الدكتور ؟

- الهدف العالق والذي لايمكن ان ينساه اي شخص هو هدف ابو يعقوب في النصر والذي كان من فاول بعيد عن المرمى في الدقية اعتقد 48 من الشوط الثاني هههههههه يعني بعد ماركبوا احتياط النصر الباص
وصراحة انا من الهدف هذا صرت مااحب ابو يعقوب صرت احس انه ظالم ويحب يقطع قلوب النصـراويين ياوحيش انا بكرهك بكرهك

تحياتي اخوي الصبحي ;)

============================

هلا اخوي الغالي هدف بالمقص

السؤال - اول موقع تدخله بعد بريدك وشو ؟

- اول موقع ادخله بعد بريدي هو موقع (( الدكتور نت )) لانه بصراحة له الفضل الكبير في تعلمي الكثير والكثير عن الانترنت ولانني لازلت حتى الان في كل مره ادخل هذا الموقع استفيد شي جديد ولانه من المواقع العربية القديمه جداً على الانترنت !!


السؤال -هل قابلت اعضاء من شبكة الزعيم قابلتهم شخصيا ومن هم ؟

- للأسف لا لم اقابل حتى الآن اي واحد واتمنى ان يحصل هذا في القريب العاجل انشاء الله


تحياتي اخوي هدف بالمقص

===========================================================
هلا اخوي الغالي هلال العرب وانت بخير وصحة وسلامة


سؤال 1)
وش المكان اللي تحب تسافر له

- المكان اللي احب اسافر له داخلياً الوشم (( ولايتنا ))
اما الخارجيا فاتمنى زيارة (( اندونيسيا ))
ولاكن لم ازورها حتى الان الين ابلغ السن القانوي


سؤال 2)
السؤال - هل تمارس أي رياضة غير كرة القدم؟وماهي؟

- امارس رياضة الكيرم وايضاً البلاي ستيشن ههههه خصوصاً الدوري الياباني وامارس رياضة السباحة طبعاً اذا صار معي واحد كبير لاني ماعرف اسبح


سؤال 3)
ماذا تفعل إذا :فرحت ، إذا حزنت ,
إذا تحيرت في أمر من الأمور , إذا غضبت


- إذا فرحت اسمع اغاني البوب هههههه الرجه
اما اذا حزنت اسمع اغاني حزينه وخصوصاً المواويل العراقية
اما اذا تحيرت في امور من الامور اجلس في ركن غرفه مظلمة وافكر بهدوء
<----- مهوب عاقل الرومنسي
أما اذا غضبت الله لا يوريك عيوني تصير حمر وحواجبي تلتحم مع بعض واصير كني واحد توه منحاش من مستشفى الأمل واكسر اي شي قدامي

تحياتي اخوي هلال العرب
====================================================

هلا اخوي الغالي ابو راشد


1- ماهو اصل العرب

هههههه وش مناسبة هالسؤال الخاطم هذا

والله انا اللي اعرفه ان اصل العرب اليمن لاكن فيه معلومة ماعرفتها الا قبل فترة من صديق على الماسنجر يقول ان اصل العرب الخرج
بس ماهضمت هالمعلومة بصراحة


2- وش رايك في احلا اسم لبنت منيرة ولا مضاوي ولا صيته

- اعتقد ان اسم منيرة جميل وصيته ايضاً مهوب شين بس اتصور ان مضاوي احلى اسم بينهن ;)


تحياتي اخوي ابو راشد ،،،

============================================================
هلا اخوي الغالي الاسير الهلالي وانت بخير وصحة وسلامة

س - في اي مدينة من مدن المملكة تسكن ؟

- هذا السؤال انا جاوبته بس لعيونك اجاوبه ثانية وثالثه بعد
انا من سكان العاصمة (( الرياض ))

س - من هم الاعضاء الذين لاتدع اي موضوع لهم الا وتتجه فورا اليه لقرائته ؟

- والله كثير جداً جداً ومنهم الكاتب الرياضي العالمي (( صالح السليمان))
وايضاً من الاعضاء الفكر وسور الصين الأعصار وابراهيم النجيدي وعبدالله الموكاء وابو منار وmaks ومحترف توقعات وهاجس وابوسليمان والوصال وعاشقة الهلال وطبعاالكثير الكثير من الاعضاء اللي لا يحضرني اسمائهم الان
وطبعاً لا انسى المصممين البارعين الاخوين (( شقراوي هلالي و أزرقني ))
--------------------------------

السؤال -وبعدين وش قصدك يوم تقول للحبحر جيب معك الاسير وخله يمسك اصبعك لايضيع ؟؟؟؟؟؟؟ انت ما تدري اني انا اللي ادله واعلمه وهو بدوني مايسوي شي ؟؟؟؟؟

-هههههه قلتله جب معك الاسير عشان اشوفك يالغالي وطبعاً انا عارف انه توه مسوي عمليه بالمخ والله يخلف انلحس مخ اخوك هههههه خفت اقوله امسك اصبح اخوك الاسير ويزعل ههههههه قلتله خله يمسك اصبعك ههههههههه عشان مايضيع حبحور ;)

<--------- عاش مصرف وعاشوا السامعين

تحياتي اخوي الاسير الهلالي

=================================================

هلا الاخت العزيزة توته وانتي بخير وصحة وسلامة


* هل تخاف تركب الطياره بعد الاحداث اللي صارت ؟؟ وليه ؟؟

- بصراحة لا لان اللي كاتبه ربي بيصر لو اسوي اللي اسويه بس صحيح اني ماني مرتاح وراح اشرب قاروة كاملة من(( دوا الكحة ))هههههههه عشان انام من اول الرحلة الى آخرها ولا احس بشي
وطبعاً ليش لانه من كثر مانسمع ونشوف في وسائل الاعلام من خطف الطائرات وتفجير الطائرات لا والموضه الجديدة خطف الطائرات وصدمها في اكبر مبنى موجود


* وش اكثر اكله تحبها ؟؟
- ههههه احب ملفوف ورق العنب و المندي


* وشهو العطر اللي تستخدمه دائما ؟؟
- احب استخدم عطر مايستعمله احد غيري ولذلك اسوي تركيبه خاصة عبارة عن (( خلطة سرية ))من مجموعة عطور ;)


* وش المثل اللي دايم تقوله او الكلمه اللي دايم ترددها؟؟
والله انا دايم اردد بيت الشعر المشهور والحكمة في نفس الوقت

كل إبن انثى وإن طالت سلامته &&&&&& يوماً على آلة حدباء محمولٌ


تحياتي اختى توته

====================================================

اخوي نايف اسف اول مافهمت سؤالك

هههههه قصدك غيرة الدلع آها هذي عاد ماحبها وانا انشاء الله ناوي اصير مثل ((الحاج متولي )) ابتزوج اربع واذا غارت وحده من الثاني ماعندي تفاهم بطلقها واخلي مكانها شاغر الين القى غيرها

تحياتي اخوي نايف واسف مره ثانية

===================================================

هلا اخوي الغالي جمجمة الهلال

السؤال :
هلا بعاشق النمر الغالي **** ياليت نمرك دايم قبالي
أنت وانا بعدالنمرمالنا والي*** احب العاشق والنمر مشغلن بالي

الرد :
مرحباً مليون بجمجة الهلالي **** نور الموضوع بقدومك ياغالي
يوسف ترى هو جنوني وهبالي **** والله يعينا على فرقاه يوم الاعتزالي




السؤال : اهلين واخوي عاشق النمر هالبيتين اللي راحن
والله انهن طالعات من قلب
لاني احب واعشق واموت واتقطع على واحد اسمه
يوسف بن ناصر الثنيان واحب اللي يحبه واكره اللي يكرهه
طبعا كل هالكلام يبي يقودني الى سؤال
وهو الى اي مدى تحب يوسف الثنيان ؟ يعني وش كثر ؟


- حبي للثنيان ما اقدر اوصفه لك ولا يمكن ان يكون هنالك حد لحبي له لاني اعشقه بجنون لانه بصراحة نجم لا يعلى عليه ابداً ولانه ماشاء الله يملك جميع المهارات التي يجب توفرها في اللاعب مثل التسحب والمهارة الفردة التهديف التمرير بطريقه عجيبه وايضاًً يسدد ضربات الجزاء والفاولات وكل شي ماشاء الله كامل والكامل وجه الله
=========================================================

السؤال الثاني/
مرة صار لي موقف مع ابوناصر قابلته بالصدفة بمجمع الموسى التجاري
المهم اول ماشفته انهبلت لانه اول مرة اشوفه على الطبيعة ومن غير حاجز
مهو مثل تمارين الهلال . طبعا من حبي له بديت ارتجف تدري ليه ؟
لأني كنت منول احس ان الثنيان خيال ولاوجود له وانه من صناعة هوليود
بلمساته ومهاراته وفنياته حتى مشيته فكنت فعلا مااتوقع فيه لاعب يلعب مثل لعبه
الا بالافلام السينمائية كنت اي مباراة اشوف فيها الثنيان احس انها فلم
وكل اللعب اللي يلعبه الثنيان من صناعة السينما حتى لو انا حاضر بالملعب اقول انه سحر هذا مهوب صدق . اعذرني ياعاشق النمر على كلامي هذا بس والله من جد
أعشق هذا اللاعب من راسي الى اخمص رجلي .
المهم يوم سلمت على الثنيان وسألته : سلامات ابو ناصر ليه موقفينك عن المباراة الجاية وكانت المباراة الجاية قدام النصر وكانت ادارة الهلال موقفته عن هذي المباراة بس كان تذكر .
سؤالي لك ياعاشق النمر :
توقع وش كان جواب يوسف على سؤالي ؟... وإذا ما عرفت راح اقولك بعدين ؟؟


- ههههه والله ابو يعقوب صعب توقع اجاباته لانه هههههههه منسم
لاكن اتوقع انه كان موقف لاسباب تافهه لانه بصراحة ابو يعقوب ماادري ليه دائم مهضوم اعلامياً ومحارب من جميع النواحي
==================================
السؤال الثالث
كم عمرك ؟

- عمري فوق الطعشات بشوي

===========================

السؤال الرابع/
وش رايك بمترو الانفاق (القطارات اللي تحت الارض)
لو يحطونه بالرياض ؟كم تتوقع يكون سعر تذكرة الركوب ؟
وين تتوقع يحطون المحطات الرئيسيه فيه ؟وليه؟

- والله متروا الانفاق رهيبه وتصلح لنا خصوصاً في زحمات الدوامات !!
ولويحطونها في الرياض لو لو يحطونها فأعتقدراح تكون التذكرة (50ريال)يعني كالعادة الين يمصون دمنا ثم يخفضونها واتوقع ان المحطات راح تكون في (( البطحاء - شارع الستين بالملز - شارع التخصصي - حي الصحافة - الدائري الشرقي - طريق خريص بجنب استاذالملك فهد ))

===========================

السؤال خمسة /
هل ترى ان الثنيان يستاهل كل الايقافات التي حصلت له من إدارة الهلال ؟ الا ترى ان لاعب بمثل شعبيته وجمهوره الكبير ان يتعامل معه عندما يستحق الايقاف معاملة خاصة ؟

- الحقيقة وبعيدا عن حبي للثنيان انا ارى ان الثنيان لا يستحق الايقافات التي تعرض لها وراح اقولك وش السبب تعرض الثنيان في بداياته لايقاف هو واللاعب فهد الهريفي وذلك عندما كان في معسكر المنتخب الخارجي ولاكن لم يتم الاعتراض من قبل الصحافة ولا الجماهير لانني كنا نجهل السبب وكنا نتوقع بان السبب يستحق الايقاف ولاكن عرفنا سبب ايقافه بعد تعرضه لايقافات عديده بدون سبب وآخرهاالايقاف الاخير من قبل الاتحاد الاسيوي وعرفنا بان يوسف غير مرغوب به في ملاعبنا لاسباب من اهمها في نظري ان يوسف شخص مزاجي ورجل بمعنى الكلمه وليس كباقي اللاعبين يوافق على اي شي يملى عليه وهو غير مقتنع به ؟؟؟
وايضاً لان يوسف لايحب المجاملات والنفاق ولانه صريح ;)
(( وصدقني هذا العيوب اللي في نضرهم هي اللي جعلتني احترم هذا النجم احترام بلاحدود ))

===========================
السؤال السادس / في سطرين عبر عن جمجمة الهلال ؟(الله الله بالمدح )
- جمجمة الهلال منتج جديد انصح الجميع باستخدامه <--- دعاية
الحقيقة اخوي جمجمة الهلال انا في الاول كنت احترمك واقدره كعضو من اعضاء الزعيم ولاكن الان اصبحت اقدرك تقدير خاص لاني احسست بانك قريب لي بسبب حبك لمحبوبي الاول ابو يعقوب ،،،

===========================
السؤال السابع/ اذا دخلت بقالة وانت تبي تشتري لبن معين ..
هل تروح للثلاجة على طول والا تسئل الهندي قبل ماتروح ؟ وليه؟

- اصلاً اذا بغيت لبن ما اروح للبقاله اروح لشركة الألبان هههههههه حجرت لك

===========================
السؤال الثامن/ وش اسم المذيع اللي قاله الثنيان كيف الحال؟

- ههههههه والله اللي اعرفه انه ماقالها لمذيع اعتقد انه قالها لصحفي في مجلة عالم الرياضة يوم سئلة سؤال علمي ولا عرف يجاوبه ابو يعقوب ؟
بس في التلفزيون ما اذكر انه قالها

===========================
السؤال التاسع / لو انك بالصحراء لحالك ومسكك الكهرب ؟ وش تسوي:
- تقول للكهرب فك وافك
- والا تدورعلى الطبلون علشان تطفيه
- والا تروح لبيتكم

- فوضه يمسكني واخليه لو يمسكني صفقته بس وش بيجيب الكهرب في الصحراء الا كان مسكني ماطور معقوله
===========================

السؤال العاشر / هالحين الحمار الوحشي هو اسود مخطط بأبيض والا ابيض مخطط بأسود؟!!

- لا اخضر مشجر بوردي

===========================
عشرة/ لو انك سواق طيارة وفجأة قرصتك عقرب (بسم الله عليك )
من تخلي يسوق طيارتك من اعضاء الشبكة ؟

_ عادي بحط على مكان القرصه ((ابو فاس)) وابكمل السواقه <-- نشبه


تحياتي اخوي جمجة الهلال ;)

سؤالي لك ...




وش لابس يوم العيد . ثوب قلابي والا بدون ..

هلا اخوي عاشق النمر

بسم الله نبدا
1- انت متزوج والا لا ؟

2- وش رايك بعضوات المنتدى احم لاتنسانا:p

3-انت تدخن ؟؟؟ يقولون التدخين مضر بالصحه

4- كم مره تتحمم بالسنه ريحتك واصله عندي افففففف

5-لاحظت انك تتهرب اذا سالوك عن عمرك وانا اللي اعرفه ان الحريم بس الي يتهربوون والا

6- لو كنت لاعب في نادي الهلال في اي مركز تلعب؟ على اني اتوقع ان جسمك مايساعد على اللعب

7- وشو جدولك اليومي ووين تقضي اوقات فراغك؟

<------------ صايره تموووووووووووون بقوه :p

والله اختيار كنا ننتظره من زمان

والله الاخوان ما تركو ا اسئلة ماء الله عليهم

لاكن نقول


اللحين انت موظف طيب الدوام الساعة 7.30 انا تجي 7.30 حكم ولا ثمان فما فوق ؟


بالنسبة لمباريت الهلال بالرياض تحضرها بالملعب ولا التلفزيون؟
واذا كانت نهائيه ؟


ش رايك بالمطاعم السريعة ماك دولنز وطقته
واخيار مين يشبه هذا من الاعضاء

تقبل تحياتي;)

السلام عليكم جميعا
مشكور يا بو سليمان على اختيارك الموفق ( بصراحة فطست من الضحك
وأنا أقرأ الاجابات ) وما ودي أطول عليك عندي سؤال واحد
فقط ( واجب تجيبه بكره ) :
مانوع سيارتك ؟ وش تنصح الأعضاء يشترون ؟
( لأني مقدم على موتر ان شاء الله )...... تقبل تحياتي ,,,,

سؤالي هو1/ ماالنمر الذي تعشقه انت؟
2/مارأيك في الفنانه احلام ال00000؟
3/هل انت من مشجعين نادي الزراديه؟
وووووووووووووووووووووووووووووووووووشكرآ.