المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #16  
قديم 10/06/2007, 09:00 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,556
خخخخخخخخخخخخخخخخخخخخخخخخخخخخخخخخخخخ


كفو والله يابو مقبل .. اجل من اول مهجد الحارة ومهجد الفصل ..

بس منتب عاقل اجل حديقة الدولة صارت من املاكك ...
اضافة رد مع اقتباس
  #17  
قديم 10/06/2007, 09:54 PM
زعيــم مميــز
تاريخ التسجيل: 10/05/2005
المكان: (في السمــــاء الثامنة )
مشاركات: 3,596
هههههههههههههههههههههههههههههههههه ..

والله أنك خطير .. لا عادت على هالفطور .. ولو ماشاء الله عليك كريمن من صغرك ..

اييييييييه ياحلالي يا ايام الإختبارات والله له وحشه >>>> ما ابطيتي العام مثل هالوقت وأنتي تختبرين وهالسنة معلمه !!!!

ياحلال عيني ..

استانسوا ياللي تدرسون ونصيحتي لا تخرجوووووووووون ..

التعليم مغثة و دبلة كبد >>>>>> ذايقه الويل ..
اضافة رد مع اقتباس
  #18  
قديم 10/06/2007, 10:23 PM
زعيــم مميــز
تاريخ التسجيل: 29/10/2005
المكان: زمن اغبر
مشاركات: 2,790
هلا بأديبنا
بما أن بكره الاثنين آخر اختباراتي وطلع لي 3 مواد فتوقيت سليم للموضوع

تقدر تقول ياحظكم تنحفون مع الاختبارات ياحظكم ماتشتهون ياحظكم نومكم قليل اما ياحظكم لاننا مجرد نختبر لا قوويه.

المشكله بسالفتك كلها أنك ماخربت لحالك ماخذ الشله كلهم ومخربهم معك وعلى ذمتك وبنصبه محترمه وفيها ثقه..؟

وبالنسبه للمواقف أنا كل حياتي مساالمه ما اكتشتفت أن عندي جانب شرِي الا بالجامعه .

ننتظر باقي المواقف ,,

تحياتي لك
اضافة رد مع اقتباس
  #19  
قديم 10/06/2007, 10:47 PM
الصورة الرمزية الخاصة بـ leo messi
زعيــم مميــز
تاريخ التسجيل: 05/11/2006
المكان: تـحـت المكـيـف ..!!
مشاركات: 4,991
ايههههههب اثاريك شايب يابو مقبل وانا مدري


بس موضوع رائع ياخنــــفشارينا الموقـــر :p


عوااااافي يابو مقبل ولي عودة لاني مستعجل << مايخلي الطفاقه حقته
اضافة رد مع اقتباس
  #20  
قديم 11/06/2007, 12:46 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,711
هـــلا وغـــلا فيكـ اخوي ماجدونـــا ..

نورت المجلس بهالموضوع الخفيف الظريف اللطيف الخالي من الكوليسترول ..
الصراحه مدري وش اسوي فيكـ .. وراكـ تكتب والناس تختبر .. هاااه ..
الشي الثاني عنوانك يبي له تعديل .. وش ياحضكم .. الا ياقردنا قرداه

وصدقت اخوي ماجد ايام الاختبارات رغم انها ممله وصعبه وايام كئيبه إلا ان فيها
بعض المواقف اللي تحليها .. وتخليها تبقى بالذاكره ..

والصراحه موقفك فله .. بس وش دخل المدير يوم يقول لا تعزم ..
وبعدين وش هالجرائه تروح للمدير وتكلم وتقول صلحوا فطور .. :p
لو اان من مديركم لفعتك تلفيع وقلت طس عني ..

وياقوي لا تسوي فتوه وانت مدبوووغ دبغاً مبرحاً في المسجد ..
فيه احد يعلب في المسجد .. ياشطنك شطنااااه بس ..

اذكر موقف حزين اني في اول يوم الاختبارات شريت مسطره جديده ايام الابتدائي
وكانت بالطرف سنينه كانها مشرط .. وانا اختبر ومتحمس جرحت يدي وخربطت ام الورقه بدمي ..

ومره كان وراي مكيف .. وكل شوي طايره الورقه .. ورايح اجيبها .. صارت ثلاث مرات ..
والمراقب يقول آخر مره امسك ورقتك .. عاد انا مسكتها قوه من الخوف مادريت الا الورقه منفصله
عن خويتها .. :p

بانتظار المواقف الاخرى ..
دمت بخير ..
اضافة رد مع اقتباس
  #21  
قديم 11/06/2007, 07:28 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
يالله حي اديبنا



اجل هذي سوالفك وأنت صغير وشلون عاد في المراحل الثانيه

الله يستر منك:p


وبعدين وراه عليك المدير حاط دونه دونك ...
أخاف أنه تراكم قهر من بعض تصرفاتك وفجرها فيك قبل لا تتركه


احلى شي في أيام الأختبارات أن كل يوم تطيح ماده من راسك تكون شايل همها
وأنه تجي بعدها إجازة ياسلاااااااااااااام

اذكر يوم كنت صغيرة يوم كانوا يعطونا الجداول مصورة
كنت كل ماخلصت من امتحان اسفط الورقه واخلي بس باقي المواد اللي علي
الين مايبقى إلا يوم ولا جيت من امتحانه يازين تشقيق الورقه:p
تحس بطعم رائع <<< مشتهيه فطور الأخت



بإنتظار مواقفك حقات المتوسط والثانوي
الله يستر علينا وعليك





سلااااااااااااااااام ,,
اضافة رد مع اقتباس
  #22  
قديم 11/06/2007, 08:37 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893
Talking

" ياحظكم " عندكم اختبارات .. !!
2/3



هلا وغلا بالحبايب ومشكورين على الردود وان شاء الله برجع لردودكم حبة حبة
والان بتركم مع الحلقة الثانية من المواقف ..
وسوف ندعس فيها سوياً إلى مرحلة المتوسطة ثم الثانوية ...
فإلى هناكــ ,,,

,

في ثالث متوسط كانت مدرستنا حاطة اختباراتنا النهائية الساعة 8 صباحاً
وكان اخوي في الثانوي واختباره الساعة 7 صباحاُ وهو اللي يوديني المدرسة
فكنت أروح معه الساعة 6,30 من الروضة إلى الملز واجلس عند مدرستنا
وأنواع الدشرة والدجة إلى أن يحين موعد الاختبار .. :p

الوالد حس إني بديت انحرف فقرر انه هو يوصلني وقالي اقعد ذاكر في البيت
الى 7,30 وبعدين صحني اوديك للمدرسة ..

كان ذاك اليوم عندي اختبار توحيد وانا في غرفتي اراجع من دون نفس
ويهجم علي النوم واروح في سابع نومة ;)

وما قمت الا على صوت اختي تقول ما رحت المدرسة !!!
قلت وأنا اتمغط : ليه كم الساعة ؟؟
قالت 8 .. اكولك

وانقز اصحي الوالد .. وطلعت معه ناصين المدرسة
عاد أبوي تهور بالسواقة وصار مايكل شوماخر ذاك اليوم
و انا خفت من سرعته لا يجيب فيني العيد خخخخخخ :p
يوم وصلنا المدرسة 8,20 قالي رح ادخل بسرعة للاختبار
قلت ادخل مين يابو .. أقول صفط السيارة وخاوني لمكتب للمدير
وقله انك أنت السبب في تأخيري ;) والا ولله ما يدخلوني لو أحب السماء>>> قمة البجاحة
نزل الوالد ودخل معي لمكتب المدير وقاله انا السبب في تأخيره
عاد أنا انهبلت اول مرة الوالد يمشي معي صح خخخخخخخخخخخ :p :p
لكن على قولتهم الضرورات تبيح المحظورات
وأرسلني المدير مع احد المدرسين الى قاعة الاختبار ;)
ودخلت بكل ثقة وخوياي يناظرون منهبلين ودهم يعرفون وش السالفة ..
وسدح لهم السالفة بعد الاختبار ويقولون احلى ياقوي ..
المهم من بعد ذاك اليوم الوالد حرم يوصلني المدرسة


اما موقف الثانوي فهو ..

أني صباح يوم مشرق من ايام الاختبارات .. ركبت السيارة متجه الى المدرسة .. ;)
ويوم وصلت أكتشفت ( الله يكرمكم ) اني لا بس شبب دورة المياه !!
والمشكلة اني مشكلهم واحد احمر والثاني اخضر !!
طبعاً مستحيل ارجع البيت لان الاختبار ما بقى عليه الا دقايق ..
ومتسحيل اني ادخل المدرسة بهيك منظر يفرح الاعداء والشامتين ;)
وما في محل يفتح الساعة 7 أروح اشتري منه ...
لكن بحكم إني داج دبرتها ..
بس لا احد يقولي كيف .. ;)
بس الاكيد الطريقة كانت غيرمشروعة ...
وعفا الله عما سلف ...!!
,

,


في الحلقة الاخيرة غداُ ان شاء الله
سيكون الموقف الاعجب والاغرب في الجامعة !!!


دمتم بخير ,,,

اخر تعديل كان بواسطة » الهلالي دائماً في يوم » 11/06/2007 عند الساعة » 11:57 AM
اضافة رد مع اقتباس
  #23  
قديم 11/06/2007, 08:49 AM
زعيــم مميــز
تاريخ التسجيل: 16/10/2005
مشاركات: 15,355
ههههههههههه .. بالنسبة لموقفك الثاني ..
صار لي مره موقف مشابه ..

قمت الصبح دايخ ما اعرف كوعي من بوعي ..
و اجيك ابروح المدرسه .. و بدال ما البس الزبيريات لبست الشبشب

و يوم وصلنا للمدرسه و مير انتبه للشبشب !
و ما اقدر ارجع .. فالتفت عالسواق و عطيته درزن ابتسامات
قالي وش فيه ؟ قلت له نعالك الله لا يهينك
و قعد يضحك و عطاني اياها ..

الغريب بالموضوع اني قبل ذاك اليوم شفت واحد لابس شبشب
و قعدت اتطنز عليه .. و اليوم الثاني على طول الله ابتلاني

إقتباس
لكن بحكم إني داج دبرتها ..
بس لا احد يقولي كيف ..
بس الاكيد الطريقة كانت مشروعة ...
وعفا الله عما سلف ...!!

شكل اسمك ان ما خاب ظني /

ماجد مقبل العوفي
بس غريبه ما اخبر ان به صلاوات الساعه 7 الصبح !
الا اذا كان فيه واحد من الشياب ما زال يقرآ القرآن


<=== وجه الشايب و هو يدور نعاله خخخخخخ






التسناري
اضافة رد مع اقتباس
  #24  
قديم 11/06/2007, 09:00 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,062
حجز حتى أخلص اختبار اليوم.. ثم أتفرغ إن شاء الله لموضوعك يالتعبان

-----------------------

باااااااااااااااااكــ :


ــــههههههههههههههههههههههــ

والله مجرم مجرم مجرم


مهايطي من الدرجة الأولى يا أبوحديقة

<< يتخيل شكلك وأنت تهايط على المبزرة


أما موقف الشايب والله حرام عليك قطع قلبي

اسمح لي يا أبومقبل.. بس لازم أوضح للشباب الحقيقة اللي قلتها لي..!! <<< فضيحة


كنت مع ماجد بالماسنجر.. وكنت أكلمه وهو مطنشني وما يرد علي..!!

عصبت واتصلت عليه.. وألقاه فاطس ضحك..!!

قلت له: سلامات يا باشا ليه ما ترد علي؟ فيه أحد يدغدغك الحين يوم تضحك؟

قال: أشغلني عنك رد الكناري..!!

قلت: ليه؟

قال: الكناري الخبرة قال نفس اللي حصل بالضبط

قلت: سبحان الله..!! عاد الكناري ما يحتاج مساجد المدينة المنورة من ضمن نطاقه.. وأكيد يعرف التواقيت المناسبة للزرف


هذي القصة اللي حصلت لماجد مقبل ( المنحرف )


أما بالنسبة لموقف التأخر عن الاختبار..

فأذكر موقف في آخر يوم من اختبار ثالث ثانوي.. كنت مواصل أذاكر يوم بقى ساعة من الاختبار ما دريت نفسي

إلا نايم على الكتاب..!!

وبعد ما بدأ الاختبار بربع ساعة.. أحس بواحد يشوتني شوتة مع رجولي أتحدى الجمعان يشوت مثلها

المهم قمت وعلى طول مشيت عند ولد عمي في بيتهم أبي أتأكد إذا مشى للاختبار ولا لا؟!!

دقيت الباب بقوة وسألتهم إذا مشى أو لا؟ قالوا ما نظنه راح مع أحد..!!

ودورنا بالبيت وبغرفة المذاكرة.. وما حصلناه.. ويوم بغينا نمشي.. قلت خلني أتأكد من غرفة المذاكرة زين..!!

وأروح الغرفة وأناظر من تحت.. إلا والدب الغبي نايم والكتاب مفتوح ومحطوط على وجهه

وبسرعة أقومه وأقول له الاختبار راح علينا بسررررررعة..!!

ورحت أنا أنتظره بالسيارة..!!

مرت حول الخمس دقايق وهو ما جهز.. نزلت من السيارة ودخلت البيت.. لقيت الغبي قاعد يفطر بكل برود - قسم بالله-..!!!

سحبته مع رقبته وقلت له : ترى بأمشي عليك..!!

وأخيراً : ركب السيارة سالماً.... ( يقول أن الفطور كان بيض وشكشوكة وحركات وما يبي يضيع الفطور الحلو ) << شكله ما عمره شاف خير


( الدب ولد عمي هو نفسه اللي غششته بالاختبارات في موضوع سابق.. وهو الآن متزوج وعاطل باطل لا دراسة ولا شغل )

آسف طولت بردي مجودي.. بس ما أعرف أختصر بالقصص

اخر تعديل كان بواسطة » الـمـشـاغـب في يوم » 11/06/2007 عند الساعة » 05:06 PM السبب: تعديل الرابط..! خخ
اضافة رد مع اقتباس
  #25  
قديم 11/06/2007, 09:46 AM
زعيــم فعــال
تاريخ التسجيل: 16/12/2006
المكان: هنا وهناك
مشاركات: 397
حيه اما الموقف الثاني ياكثر ماصار لي بس المشكله اني انا مااتوب تلقاني دايم اغلط
والبس الشبشب
مشكور وبانتظار موقف الجامعه
اضافة رد مع اقتباس
  #26  
قديم 11/06/2007, 10:11 AM
زعيــم نشيــط
تاريخ التسجيل: 20/12/2004
مشاركات: 614
اما الموقف الثاني رهييييييييييب


بانتظار مواقف الجامعه
اضافة رد مع اقتباس
  #27  
قديم 11/06/2007, 10:11 AM
كاتب أديب بالمجلس العام
تاريخ التسجيل: 20/10/2003
المكان: جارة القمر .. الخبر
مشاركات: 1,650
إقتباس
لكن بحكم إني داج دبرتها ..
بس لا احد يقولي كيف ..
بس الاكيد الطريقة كانت مشروعة ...
وعفا الله عما سلف ...!!
,

اللقافة دقت سلف

سؤال المليون كيف ؟؟؟؟؟

ماجد

ما شاء الله عليك حياتك فيها انواع الدراما

يمكن كلنا مرينا بمواقف مشابهه بس الاختلاف باننا لا نملك أسلوب الاديب في صياغتها

والى أن يحين موعد موقف الجامعة

هذا مطيع الهميمي يحييكم ويتمنى لكم اوقاتا سعيدة
اضافة رد مع اقتباس
  #28  
قديم 11/06/2007, 11:16 AM
موقوف
تاريخ التسجيل: 17/05/2007
المكان: مع الكفيل
مشاركات: 178
هههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
الكناري الله يرجك

والله اني ضحكت من قلب
اجل عوفي هاه


اما الشايب اللي في المسجد ههههههههههههههههههههههههههههههههههههههههه


نجي لمواقفك يا ماجد

والله اما موقف المتوسطة
انا صار معي واحد زيه بس بالثانوي


جينا على الفترة الثانية متأخرين اكثر من نص الوقت


والمدير قام يطامر ما تدخلون ما تدخلون

طبعا الاختبار كان مادة ما تستاهل هذي الهيصة
كانت وطنية

بس احنا قلنا على الاقل نكتب اسمائنا
لانه الكل كان ناجح فيها

بس المدير كبرها في راسه

قمنا مشينا


وحصلناها في النتائج ثلاثين في الاختبار

دليل انهم ما صححوها ولا درو عنها
اضافة رد مع اقتباس
  #29  
قديم 11/06/2007, 11:38 AM
زعيــم متألــق
تاريخ التسجيل: 27/06/2005
مشاركات: 1,435
اقول الله يخلف اختباراتنا حنا يا ثالث ثانوي طبيعي الرياضيات والانقليزي الله اعلمبهن
اضافة رد مع اقتباس
  #30  
قديم 11/06/2007, 03:02 PM
الصورة الرمزية الخاصة بـ عسيريه
مُصممه محترفه
عضو استشاري سابق للمجلس العام
تاريخ التسجيل: 21/11/2005
المكان: في رجا اللي عيونه ماتنام
مشاركات: 2,402
آها بس..وشو ياحظكم.!!
أقول احمد ربك بس والله انك في نعمه وحنآ بنقمه
أمآ موقفك الثاني بالثآنوي تحفه الله يخلف عليك
معليـــــش الاختبآرآت تطلع البلآوي
بس لا يكون سويتها من جد وأخذت حقت الشآيب مثل ما قآل الكنآري والله تسويها
مآفي شي غريب عليك صرآحه اكتشفت انك"مغآمر"من الدرجة الأولى


يعطيك العآفيه مآجد..
بنتظآرك غداً..اذا سمح لنا الوقت ندخل نت

مع التحيه
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:35 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube