موضووووووووووع حلو وجميل وهاااادف

زي ما تعودنا من مواضييييعك يا الهاوي

يسلموووووووووووو

وهذي اضافتي...

فتوى الشيخ بن باز رحمه الله:

إقتباس السؤال : ما حكم العادات في العزاء، من الولائم وقراءة القرآن والأربعينيات والسنوات وما شاكل ذلك؟ الجواب : هذه العادات لا أصل لها في الشرع المطهر، ولا أساس لها بل هي من البدع ومن أمر الجاهلية، فإقامة وليمة إذا مات الميت يدعو إليها الجيران والأقارب وغيرهم؛ لأجل العزاء بدعة لا تجوز، وهكذا إقامة هذه الأمور كل أسبوع أو على رأس السنة كلها من البدع الجاهلية، وإنما المشروع لأهل الميت الصبر والاحتساب والقول كما قال الصابرون: إنا لله وإنا إليه راجعون، وقد وعدهم الله خيراً كثيراً فقال سبحانه: {أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}[1]، ولا حرج عليهم أن يصنعوا لأنفسهم الطعام العادي لأكلهم وحاجاتهم، وهكذا إذا نزل بهم ضيف لا حرج عليهم أن يصنعوا له طعاماً يناسبه لعموم الأدلة في ذلك، ويشرع لأقاربهم وجيرانهم أن يصنعوا لهم طعاماً يرسلونه إليهم؛ لأنه قد ثبت عن رسول الله صلى الله عليه وسلم أنه لما أتى نعي جعفر بن أبي طالب رضي الله عنه حين قتل في مؤتة في الشام أنه قال لأهله: ((اصنعوا لآل جعفر طعاماً فقد أتاهم ما يشغلهم))[2] فدل ذلك على مشروعية إرسال الطعام إلى أهل الميت من أقاربهم أو غيرهم أيام المصيبة.

عيون الزعيم


هلا ومسهلا ..

ترى أبغلي الحجز اذا مارديتي قبل يوم 25 الساعه أربع الفجر >>> متأثر بالخطوط


_____________________________


سمو الهلال الملكي


هلا ومسهلا ..

إقتباس فيه ناس تلاقيها موازنه جيتها على الساعه ثنتين والا ثنتين ونص بالكثير وهم مرتزين يحترون الغداء

هذولا قمل مهوب آوادم

إقتباس المصيبه انك تكون ماتعرفهم وهذا الي يغبن

هذا اللي يرفع الضغط!! لوهي عزيمه أو حفله كان معليش حياه الله لكن عزاء وناشب للناس!!


تشكراات لمشاركتك

_____________________________


سهل


حيا الله ابوحاتم ..

إقتباس ليس من السنه المكوث في العزاء .. بس ربعنا يبون يتجملون مع اهل المتوفي تسيف تبي يجونه الناس وما عنده احد

يارجل لوهي على الاعمام والخوال وعيالهم كان ماعندنا مشكله نمون عليهم ، بلاك ان فيه ناس ما تشوفهم الا بالسنه مره ويجلسون عندك من أول النهار لتالي الليل ولازم تكرمهم وتضيـّفهم ..

إقتباس ظاهره سيئه نتمنى زوالها .. وجزاك الله خير يا مطوع

واياك ياشيخ ، الله يسامحك تذكرت خطيب المحطات


تشكراات لمشاركتك


_____________________________



حفيد مؤسس الهلال


هلا ومسهلا بولد ابن سعيد..

تشكراات


_____________________________



عاشق الفيلسوف 15


هلا ومسهلا ..

إقتباس فأعتقد أخوي عندما تتكلم عن الاشخاص الذين ياتون فقط للاكل والشرب وأن كانوا موجودين فهم قلة ولله الحمد

ياغالي حنا ما نقول انهم يجون بس عشان الاكل والشرب، هم يقدمون العزاء وما يقصرون لكن الكلام على طول مكوثهم وجلستهم، ولا اعتقد انهم قله على الاقل في المحيط اللي أعيش فيه..

إقتباس فعندما تحدد وقت للعزاء فأنك تترك أهل الميت خارج أوقات العزاء يتذكرون ميتهم ، فعندما يكون الناس لديهم في البيت قد يخففون عليهم ويواسونهم بسبب فقدهم ميتهم

كلامك في محله، لكن أهل المتوفى عندهم أقاربهم المقربين منهم ويجلسون معهم طوال اليوم ، وصدقني ان تحديد وقت - للاجناب مثل مانسميهم - مثلا من بعد صلاة العصر الى اذان العشاء راح يكون وقت طويل وكافي ، لكن اني أحرج أهل الميت وأشغلهم بقهوه وشاهي وعشيات طوال اليوم هذا برأيي مرهق لهم بوقت هم محتاجين للراحه..


احترامي لرأيك ، وتشكراات لمشاركتك

_____________________________




راااجع ان الله شاء وأراد ،،

إقتباس الرسالة الأصلية كتبت بواسطة مغرور حدي حي الله الهاوي ... اتمنى انك تكون بخير بالنسبه للعزاء للأسف صار حفله عرس ... مافيه تقدير لأهل الميت .. يسولفون ويضحكون وياكلون ويمشون ويجونك ثاني يوم ونفس السالفه لين يخلص العزاء ... بالفعل أهل الحجاز يمكن عادتهم افضل بكثير منا .. بس عيبهم شي واحد .. قبل كم شهر كنت متواجد في جده وبالطريق مريت مكه اخذت عمره ... وانا راجع لفت نظري لوحه اعلانيه ع الطريق مكتوب فيها ... لتجهيز العزاء خيام وذبايح ومدري ايش بعد .. بصراحه ما ادري صار العزاء حفله عندنا وناس تتكسب من وراه ... والا هو مواساه لأهل الميت ... تحياتي

كفيت او وفيت

البارق


هلا والله وغلا بعبدالحكيم >>>> عندي اخ اسمه عبدالملك بلغ الـ34 من عمره ولازالت وحده من خالاتي ماتسميه الا عبدالحكيم ولا تسأل عن السبب

إقتباس لكن يا أخوي تذكر إنها رحمة وجود الناس بقربك وخصوصا القريبين حتى لا تتفرد بنفسك ..وخصوصاً الثلاث أيام الأولى ..صدقني أنها عصيبة جداً لو كنت لوحدك ..!!

صدقت ، لكن برأيي انه يكفي ان يكون حولك أقاربك الاقربون طوال الوقت ، و الباقين يمرون يعزون ويجلسون شوي ويتوكلون على الله..

إقتباس بمناسبة العشاء فهو يكون للقريبين فقط وهم الذين يجلسون وقت أطول في المنزل ..ودائما ما يكون على أهل الميت شيء بالعكس من ناس ثانين وبهذا ما يكون فيه كلفة ..!!

هذا هو المفروض ، لكن تشوف ناس (أجناب على قولتنا) تجلس وتتقهوى وتتعشى ، يحرجونك ولازم تكرم ضيافتهم!!

أما من ناحية العشاء صحيح يتكفل فيه الاقارب وأحياناً الجيران ، وانا هنا ما اتكلم عن تكلفة العشاء ، المقصد هو تبعاته وتصرفات بعض الناس ولجتهم وكأنهم في مناسبة زواج!!


تشكراات يابعدي



________________________________________


ماجد مقبل


هلا وغلا باخو قلبي ..

إقتباس وحقيقة قلوبنا لم تعد تتاثر فصرنا نرى في المقابر من يضحك ويسولف وينكت وصار العزاء فرصة للتجمع لا اقل ولا اكثر ..!!!

اي والله صدقت صار العزاء جمعه وتقهوي وسعة صدر وان حصل أكل مهيب شينه !!

إقتباس وفي اليوم الاول والثاني والثالث حضر شخص لا يعرفه احد من العائلة

انه يجي شخص ماتعرفه ويقدم واجب العزاء ويجلس شوي ويدعي للميت ، فهذا نقول له جزاك الله ألف خير وكثر الله من أمثالك..

لكن يجي واحد زي صاحبكم كل يوم وهو تاكي بالمجلس يتقهوى ويتعشى ويروق وما أحد يعرفه هذي اللي مالها سنع..

إقتباس فطلع يقرب لنا من بعيد وابو الشباب توه جاي من الديره وفاضي قال فرصة

سلم لي على حقين الديره زين اللي ماقال نزلوا لي فراش وبطانيه أبمرح بذا



ولا يضيق صدري يابومقبل

تشكراات يابعدي

________________________________________


المشاغب

هلا والله وغلا بالمخترش >>>>>> ما شاء الله

إقتباس يا أخي أنا بأحقد عليك..!!! ما جاك النشاط تكتب موضوع إلا بعز الأختبارات؟!!!!

سامحن ياحبيبي أرجوك ما كان قصدي أشغلك عن الدراسه والعلم

الحين يقالك تبي تذاكر أنت ووجهك ماغير متكي مع سالم وسواليف مع ساحر ابو ريالين


الله يوفقك ويسهل عليك وييسر أمرك

وان عدتم عدنا>>>>> يسمع به
________________________________________

راااجع ان شاء الله

إقتباس الله يرحم موتانا ويغفر لهم ، و يحفظ لنا والدينا وإخواننا وأخواتنا ومن يعز علينا ويطيل بأعمارهم على طاعته..

اللهم آمين

اخوي الهاوي

كلمة شكر فقط لتوضيحك لمشكلة يقع في الكثير للأسف

هي لن تبقى العادة الاجتماعية السئية الوحيدة التي نعاني منها

ولكن يبقى السؤال كيف نتخلص منها

الف شكر لك مرة اخرى

يا هلا والله بـ الهآوي ..

بصرآحه أنا أخالفك ان عادتنا انّا أهل نجد مكلفه وسلبيه ..
في عزآء جدتي الله يرحمها ويغفر لها قبل سنتين تقريباً دفنآها في ديرتنا ( الحآير ) بالليل تقريباً وفي الليل كآن فيه عشآء هنآك عند عيآلها الصغآر , والعزآء في بيتنا لان ابوي الكبير .. صح الـ 4 أيآم غدانا وعشانا فيها مفطحات بس صدقني انّا ما تكلفنا الا بـ القهوهـ والشآهي بس .. يعني ما فيها كلفه على أهل الميت .. ومن فوآيدها الجمعه .. يعني الحمد بيتنا في العزا ما يخلى .. اللي طالع واللي دآخل .. صدقني ان فيهآ أكبر سلوان لنا .. وفكتنا من التفكير , وهذي تبين قوهـ الرآبطه الاجتمآعيه بين عيآل العم والاقآرب ..
مآ أقول ان مآ فيهآ سلبيآت .. بس اللي أشوفهـ ان ايجابيآتها أكثر ,

Back

نأسف لتأخرنا وضياع فرصة الحجز وذلك لظروف الأختبارات والقلق

_____________________________________________

إقتباس بكبير من الأسى تنعي أسرة آل منحوت فقيدها الغالي " وسيم " الذي انتقل إلى رحمة الله اثر عين أصابته بينما كان يسير في شارع المحبين ، وفي هذه المناسبة ندعوكم لتناول طعام العشاء أيام 14، 15 ،16 من شهر جمادى الثانيه في قاعة الأسى في حي المعزين.[/FONT][/SIZE] *الدعوة عامة للرجال والنساء * يمنع دخول المغاتير وجوالات الكميره من نوع سوني أريسكون

أما بطاقة دعوة متعوب عليها

إقتباس اعتذر عن هذه المقدمة اللي لا أعلم ما ذا تبي ..

أتفق مع ماجد مقبل.. أنه بالعكس.. المقدمة تعرف ماذا تبي ;)

إقتباس ولأن من واجبنا الوقوف مع هذا الرجل الفاضل (خصوصاً وانه المدير )

ــــــهههههههههههههههههههههــــ

وأنا أقول ما شاء الله على الهاوي طلع رجال <<< طاااااحت الميانة مررررة

إقتباس ولأن والدي هو أكبر الأبناء فقد كان العزاء في بيتنا ، ويعلم الله كم تكبدنا العناء بسبب عاداتنا السيئة ، ويعلم الله كم زمزمية قهوة وشاهي صلحتها الوالده و اخواتي ويعلم الله كم ذبيحه انطرحت بالمقلط ..

تبي الصراحة؟

والله العزاء يخفف كثير... صح أنه متعب بهالطريقة.. لكنه يشغل أهل الميت عن التفكير في الميت..!!

ويخفف من أحزانهم..!!

ما أتكلم عن حرمة هذا العمل أو جوازه.. أنا أتكلم من ناحية نفعه أو ضرره..!!

إقتباس تخيلوا من بعد صلاة العصر إلى الساعة 11.30 بالليل وحنا قهوه وتمر وعشاء وذبايح رايحه وذبايح جايه وشي للرجال وشي للحريم ولمدة أربعة أيام!!! لا و آخر يوم خربناها وجبنا مع الذبايح حمص وفطاير

أما الحمص والفطاير خخخخخخخخخخخخخخخخ

ذكرتني العزايم هذي بجدي الله يرحمه..!!

كان يقول لنا: أنهم كانوا يفرحون إذا أحد مات.. لأنهم بيسوون عزاء ثلاث أيام وغداء وعشاء لحم ورز..!!

قال: كانت حالتنا صعبة وما نذوق اللحم إلا بالأعياد والعزاوات <<< جمع عزاء كذا؟

إقتباس وكنت متضايق جدا من هالناس اللي ما يستحون على وجيههم، يجونك كل يوم يتقهون و يسولفون ويلجلجون ويضربون باللحلم والرز بحجة أنهم يقدمون واجب العزاء!!

إذا كانوا من أقرباء أهل الميت.. فشي طيب منهم..!!

أما إذا كانوا من بعيد.. فيا شينهم

إقتباس والحمد لله انه فيه عدد من الناس المحترمين اللي يدركون أن وضع أهل المتوفى لا يحتمل الإثقال عليهم وبالتالي تلقاهم يدخلون البيت ويقدمون واجب العزاء ولا يجلسون أكثر من ربع ساعة..

هذا المفروض من (البعيدين)..!! وهذا هو الواجب الحقيقي..!!

أما الأقرباء والأصدقاء فالوضع في ظني مختلف..!!

إقتباس ما أدري وين راح الحياء ؟!

راح مشوار وجاي <<< يا مصلي

إقتباس الله يرحم موتانا ويغفر لهم ، و يحفظ لنا والدينا وإخواننا وأخواتنا ومن يعز علينا ويطيل بأعمارهم على طاعته..

آمين ... وجزاك الله خير يالغالي ابن الغالي.. <<< يتلزق بك ويبي يتعرف على الوالد إذا ما فيه مانع

إقتباس فماااان الكريم

تكتب كذا: في أمان الكريم :p


يعطيك ربي كل عافية يالهاوي المهوي..!!

وياليت تكثر لنا من طلاتك بالصيفية يالغلا..!!


خلك بخير :p

ما قريت شي غير اول فقره بس

لي عوده ان شاء الله

هلا بالهاوي ..

موضوع رائع .. وبصراحة حركة الشاي والقهوة والعزايم شابتن تسبدي منذ مبطي ..

الواحد ذاك الوقت ماله خلق لأحد وأخواننا يقعبون فنجان ورا الثاني ..

بصراحه فيه ناس عندهم دم يعزون ويطلعون دايركت ..

أما بالنسبة لأوقات العزاء بالقصيم عندنا من بعد صلاة العصر إلى العشاء وبإعتقادي هاذي أنسب الأوقات ..

دمت بخير ..


عساك ماتعدم غااااالي ..

بيني وبينك ((كثير اتأمل بتوقيعك)) .I think you have a sad story??!!!

تغريد

ياهلا والله ومسهلا ، الله مير يحييك..

إقتباس انو في شخص توفي قام الرسول امر اهل بيته رضي الله عنهم انهم يرسلولهم اكل اوشي طبعا اهل الميت يكونون بحاله صعبه اكيد

الله يجزاك خير ، وصلت الفكره بس حاولي ماتستشهدن مره ثانيه لأن الصراحه بتلت أضحك

إقتباس صارو يثقلون عليهم ويزيدون همهم هم! يشيلون هم المعزيين والقهوه والشاي والضيافه والغداء والعشاء

صدقتي وهذا هو الحاصل، والله اني اذكر الوالده مبتلشه وما غير واقفه بالمطبخ كن عندنا عرس

إقتباس وسمعت ان عند الحريم موضه جديدة للعزاء ميك اب عزاء

سخافه !! ما عندهم قلوب ذولا ؟!!

إقتباس وعباية عزاء >>>تكون مشكوكه بس شك اسود

استغفر الله العظيم بس! أجل مشكشوكه


تشكراااتي لك


__________________________________


ن و س 077

هلا ومسهلا ..

إقتباس ما أدري شكلك ما درست لغه عربية

لا دارس وطول عمري ماشاء الله علي الاول أو الثالث وعندي شهاده " أفضل تعبير " أخذتها بالمتوسط ، بس هيك بده المخرج;)

إقتباس المفروض تدخل وتسلم وتمشي على طول

صدقت أيها الرجل ، وياليت الكل يحذو حذوك ، فالأقربون هم من يخوّل لهم المكوث بجوار أهل المتوفى >>> وش رايك بالفصحى انبسطت


تشكراااتي لك

__________________________________


فهد عاشق البرسا

هلا والله ومسهلا ..

إقتباس مع اني علي امتحانات وظغوطات بس والله استمتعت بموضوعك

الله يسلمك ، وان شاء الله تمر هالايام عليك بسرعه وتجني خيرها

تشكراااتي لك


__________________________________


مغرور حدي

هلا والله وغلا براع الجوف ..

إقتباس لنسبه للعزاء للأسف صار حفله عرس ... مافيه تقدير لأهل الميت .. يسولفون ويضحكون وياكلون ويمشون ويجونك ثاني يوم ونفس السالفه لين يخلص العزاء

اي والله صدقت ، المشكله ان بعضهم يتعمد هالشي بغرض انه يخفف على أهل الميت!، صحيح مواساتهم والوقوف معهم مطلوب لكن استشعار الموقف واحترام الظرف اللي هم فيه مطلوب بعد، المهم الموازنه وعدم الافراط بالكلام ورفع الصوت بالحديث والاكل والشرب وكأننا في حفلة تخرج!!

إقتباس وانا راجع لفت نظري لوحه اعلانيه ع الطريق مكتوب فيها ... لتجهيز العزاء خيام وذبايح ومدري ايش بعد

سبحان الله الناس ماتت قلوبهم وصار الموضوع عندهم أداء واجب، لكن الله يصلح الحال..


تشكراااتي لك

__________________________________


جرح يشكي

ياهلا والله وغلا ..

إقتباس الصحيح أيضاً أنها عبارات تقال بطريقة آلية قد يشعر بمعناها الإنسان وقد لا يشعر.. وكثيراً ما رُددت تلك العبارات كواجب .

صدقت يابعدي ، قلت خلال الموضوع ان أغلبنا مايستشعر الموقف اللي هو فيه..

حنا مانقول انه لازم الواحد يكشر ويقعد يصيح، لكن لازم يتذكر ان المناسبة هي " وفاة " وانتقال روح ٍ الى خالقها ، وآخره وحساب وثواب وعقاب ، ويتعظ ويدعو للميت بقلب ليّن ، مهوب مثل ماقلت يردد عبارات حافظها لمجرد أداء واجب..

إقتباس لك هي العبارات المكرره لا تتغير ولا تتبدل فقط الناس هم الذين يأتون ويذهبون! وعندما يحل الظلام ويتلمس أهل الفقيد فراش فقيدهم ويبحث الأبناء عن أبيهم.. وتتلمس الزوجة آثار زوجها.. ويشم الوالدان رداء وليدهما عندها تثور الأحزان حقيقة..

حضور الناس وعزائهم لأهل الميت له أثر في نفوسهم ، حتى وان كانت الفاجعة مؤلمة فان وجود المعزين وبالذات الاقارب سيخفف الكثير ..

ولا ننسى نعمة النسيان في مثل هذه الاحوال..


مشاركه مميزه أخوي جرح، تشكراااتي لك

__________________________________

راجع ان شاء الرحمن،،

إقتباس الرسالة الأصلية كتبت بواسطة الماسه الزرقاء الهاوي كتبت رد وجهازي الموقر سوا ريستارت بنفسه وطاااار عظم الله اجري في إلي كتبته مليووون مرحبا لعودتك الهنوووف الحمدالله على السلامة

الله يسلمك بس تراني ماسافرت كنت اختبر بس :p >>> يقالك تنكت
لاترتاعين تراني راده قبلك بس عدلته علشان ارد عليك

,,,
,,
,







alhawey






ماذكرته عزيزي .. لامس الصواب في كل نقطة ذكرتها ,, فـ للاسف استقينا من هذه المواقف العبر ولكننا نقع في المحظور .. وفي مثل هذه المواقف اجدها لدى البعض استعراض في عضلاتِ الكرم .. واقامة الولائم التي لا تزيد الا اهل الميت بـ الوقوع في محظور شرعي ..
من الطبيعي ان يكون هنالكـَ اشخاص يأتون في ايامِ العزاء وذلكـَ لـ مواساة اهل الفقيد .. وهم من الاشخاص القريبين منهم .. ولكن لا يعني ان ترتسم الابتسامات والضحكات وتتابع المباريات في هذه الايام .. منشغلين عن ماهوَ اهم في الدعاء لـ الفقيد وذكر محاسنه .. فـ لقد مر علينا مثل هذه المواقف ولكن حاول دائما ان تحرص ان يكون وجودكـَ له الاثر الايجابي مهما كان الموقف .. وان كان العكس فـ ارتباط خطوتكـَ في ارضكـ بركة لـ نفسكـ ولـ الاخرين
لكـَ مني التحية الصادقه عزيزي .. وبالفعل موضوع له اثره فـ جزاكـَ الله خير الجزاء ونفع الله بـ حرف خطته يمينكـ وعانق بـ النقاء سطرا اهتنى بـ منزل كلماتكـ ,, فـ لكـ دعوة من القلب بـ دوام التوفيق ,,







****






كن بخير
...SoMe OnE...