والله هذا اللي حاصل يخوك

بس ترا هذي عادات وتقاليد يعني لو يجون ناس يعزون عند اهل المتوفي
ومايحصلون ربعه عنده بيقولون امحق ربع مايوقفون معه بمحنته

او بيقولون الرجال هذا فيه عيب حتى ربعه مايجون عنده بوقت محنته



وايضا عندما تذبح الذبايح فهي تقدير للي يجون لتقديم واجب العزاء

واعتقد انه مافيه شيء والله العالم وهذا حاصل عند كل القبايل في الوطن العربي .

واشكرك على موضوعك الرائع والقضيه المهمة التي طرحتها .

تقبل مروري

هلا والله وغلا بالهاوي

والله موضوع اكثر من راائع

وصرااحه اييدك بكل كلمه تقولها اقسم بالله يوم وفاة جدي ان فيه شيااب من السااعه ست الصبح يجوون

والله ان الدله شووي وتطيح من يدي من التعب بس شنسوي هذي عاداات والله يعينا عليها

صرااحه انا من اكثر المعجبين بمواضيعك يالهااوي وبكتابااتك والله يعطيك الف عاافيه

ومننحرمش منك

تسجيل حضور وان كان متأخر في متصفح الاخ ابو نظارات ورديه وقبله بريئه اطبعها على خده الايسر

اخبارك يابو الشباب واخبار خويك لايقين على بعض سبحان من جمع


الزبده ان عندي دلو بارأي فيه في موضوعك الموشح بالسواد والعياذ بالله ..

اولا: ياخي السالفه مو مقتصره على اهل نجد او ان الحجاز عكسهم.. اعرف مناطق بالحجاز ذبايح لاسبوع من بعد العصر الى 12 بالليل!!

ثانيا: انت تعترض على هالشي .. طيب ياخي افرض انت مثلا مت(بعد عمر طويل ) ويوم سووا لك عزا بدون مايعزمون الناس وبدون محد يجيك بالله عليك ساعتها مو بتحز في خاطرك << الله يخلف ع هالتفكير

ثالثا: صدقا صدقا سالفة ان الخلق يتجمعون ويغيرون الهدف من زيارة اهل المتوفى عاده سيئه جدا فالافضل ان تكون الزياره لخمس او عشر دقايق يأدون الواجب ويبلعون فنجالين قهوه ويقضبون الباب ولا مانع تصير ذبيحه لاهل البيت والقريبن جدا من المتوفى خصوصا للقادمين من خارج مدينة المتوفى ..

والله ولي التوفيق ..

ابو سباستيان خوي ابو ابراهيم

موضووووووووووع حلو وجميل وهاااادف

زي ما تعودنا من مواضييييعك يا الهاوي

يسلموووووووووووو

وهذي اضافتي...

فتوى الشيخ بن باز رحمه الله:

إقتباس السؤال : ما حكم العادات في العزاء، من الولائم وقراءة القرآن والأربعينيات والسنوات وما شاكل ذلك؟ الجواب : هذه العادات لا أصل لها في الشرع المطهر، ولا أساس لها بل هي من البدع ومن أمر الجاهلية، فإقامة وليمة إذا مات الميت يدعو إليها الجيران والأقارب وغيرهم؛ لأجل العزاء بدعة لا تجوز، وهكذا إقامة هذه الأمور كل أسبوع أو على رأس السنة كلها من البدع الجاهلية، وإنما المشروع لأهل الميت الصبر والاحتساب والقول كما قال الصابرون: إنا لله وإنا إليه راجعون، وقد وعدهم الله خيراً كثيراً فقال سبحانه: {أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}[1]، ولا حرج عليهم أن يصنعوا لأنفسهم الطعام العادي لأكلهم وحاجاتهم، وهكذا إذا نزل بهم ضيف لا حرج عليهم أن يصنعوا له طعاماً يناسبه لعموم الأدلة في ذلك، ويشرع لأقاربهم وجيرانهم أن يصنعوا لهم طعاماً يرسلونه إليهم؛ لأنه قد ثبت عن رسول الله صلى الله عليه وسلم أنه لما أتى نعي جعفر بن أبي طالب رضي الله عنه حين قتل في مؤتة في الشام أنه قال لأهله: ((اصنعوا لآل جعفر طعاماً فقد أتاهم ما يشغلهم))[2] فدل ذلك على مشروعية إرسال الطعام إلى أهل الميت من أقاربهم أو غيرهم أيام المصيبة.

leo messi


هلا ومسهلا ..

إقتباس بس ترا هذي عادات وتقاليد يعني لو يجون ناس يعزون عند اهل المتوفي ومايحصلون ربعه عنده بيقولون امحق ربع مايوقفون معه بمحنته

هذا البلا انها عادات وتقاليد!
الاقارب والجماعه المقربين من العائله هذولا مانختلف على ضرورة تواجدهم وحضورهم خلال أيام العزاء ..

لكن شغل الكشخه وجمع أكبر عدد من الناس عشان والضيافه الفاخره هذا اللي ماله سنع..


الله يسلمك ياغالي، وتشكراات لمشاركتك


_____________________________


أبوراس


هلا وغلا ..

إقتباس ولا حرج عليهم أن يصنعوا لأنفسهم الطعام العادي لأكلهم وحاجاتهم، وهكذا إذا نزل بهم ضيف لا حرج عليهم أن يصنعوا له طعاماً يناسبه لعموم الأدلة في ذلك، ويشرع لأقاربهم وجيرانهم أن يصنعوا لهم طعاماً يرسلونه إليهم؛

رحم الله الشيخ العلامه ابن باز واسكنه فسيح جناته..

اللي يقرأ السطرين اللي راحت بدقه، يفهم أن الشيخ -رحمه الله- لا يرى المبالغة في صنع الولائم ، ولا ضرورة صنع الطعام للضيف وانما أباحه لمن أراد ذلك ..

كما قال -رحمه الله- يشرع للاقارب والجيران أن يرسلوا الطعام لأهل الميت ، ولم يقل أن يشاركوهم في هذا الطعام.


الله يسلمك يابوراس، وتشكراات على اضافتك

_____________________________


فرصه ضايعه


هلا ومسهلا ، الله يحييك ..

إقتباس في العزاء ما أتوقع أن فيه ناس غريبين بيجلسون كثير

على حسب معنى " غريبين " ..

بالنسبة لنا يجون ناس هم من الاقارب البعدين (ان صح التعبير) والاصدقاء المقربين ، وهذولا ينحرج الواحد من تواجدهم ومكوثهم بحيث لازم يكرمهم ويقدم لهم ضيافة درجه أولى! بعكس غيرهم اللي نمون عليهم ولا ترهقنا ضيافتهم..

إقتباس أما سالفه تخصيص وقت ماأشوف لها سنع

الوقت يخصص للغربين على قولتك مهوب للأقارب..

ولو قلنا انه من بعد العصر الى العشاء فهذا وقت كافي ، وبهالحاله نكون ما خصصنا وقت بقدر ما نظمنا الموضوع شوي وعرفنا وش حنا عليه، أما أجلس أستقبل المعزين من أول النهار الى 11 بالليل فهذا متعب ومقلق جدا بالنسبه لي..

إقتباس بس عادي الرسول قايل ((اصنعوا لآل جعفر طعاماً فقد أتاهم ما يشغلهم))

انا ما قصدت انه ماله داعي يتكفلون بموضوع العشاء، بالعكس هذا شي ايجابي وفيه تعاون وتخفيف على أهل المتوفى ، لكن اعتراضي كان الوقت والمكان اللي كنا فيه (طرف المقبره) ، يتناقشون وكأن همنا الاول هو من يجيب العشا !! ، في تلك اللحظات المفترض على الناس السكينه والانكسار للخالق مهوب لجلحه بطرف المقبره..

إقتباس ناس الحين تجيب بوفيهات مفتوحه وحركات شوي ويصير عرس

سخافه وموتة قلب ، أجل يتوفى لي قريب أو عزيز وأروح أرتب بوفيه عشان أكشخ به قدام العالم!!!

إقتباس لو ما الواجب كان ماطبيت عليهم

بالعكس وانا اخوك ، تقديم العزاء شي ضروري والمفروض اننا نروح بطيب خاطر ورغبة أكيده في مواساة الناس والتخفيف عليهم بدون ما نثقل عليهم ، و أهم من هذا كله الدعـــــــاء للمتوفى وأهله ، وتذكير أنفسنا بأننا سائرون لهذا الطريق ..


واياك ، وتشكراااتي لك بس انتبهي اذا رحتي تعزين لا تقولين ياسفابه

_____________________________


الوسمي

هلا ومسهلا ..

وتشكراات لمشاركتك

على فكره اسمك زين

_____________________________


الكلاسيكي

يا هلا والله وغلا بالطبيب الخاص ..

إقتباس والعاده ان النساء هم الاكثر ضرر .. مايدرون يتقبلون التعازي ولا شغل في المطبخ !!

اي والله صدقت ، اذكر الوالده ماغير رايحه جايه من المطبخ الى مجلس النساء !!

إقتباس تصدق اذكر في عزاء عمي الله يغفر له يتكلمون عن مباراة الهلال والنصر !!

ياخي هذولا بغض النظر عن ان قلوبهم ميته، تحس ان مافيهم مرجله المفترض الواحد يحترم نفسه ويحترم الزمان والمكان اللي هو فيه ، اذا ما نسوا وسخ الدنيا بهاللحظات متى أجل ينسونه؟!

إقتباس وواحد من الشباب يقول احسن مافي العزاء .. العشاء .. قلت شكلك ناوي تسوي واحد من الشباب ضحيه علشان تاكل مفاطيح

والله مشكله، كأننا عايشين بالصومال مهوب بالسعوديه!!

إقتباس وكل مانشب سؤال بتسدحه .. راع ظروف المتقبل للسؤال الناشب

ياخي الاسئله الناشبه ذي مشكله ، واذا ما طيبت خاطرك وعرفت اجوبتها راح يجيك أرق وانتفاخ بالاذن الوسطى ، الله يكفينا الشر..


الله يسلمك يابعدي، وتشكرااتي لك

>>> أجل ما بوش شنب ، بالله ما بديت تحس انك ليبرالي عموماً أحسن ترى المستشارين دايم يحلقون شنباتهم موس
>>> ما يحتاج أحطه بالابيض كل العالم تبي تقرا

_____________________________


آآآي ول كوم باك سوون ان شاء الرحمن

^^^^^^^^

صدز ياشين كيدكم

إقتباس الناس عزاء وموت وآخره وحساب وانت قالبها خطبـــة !!

انا رديت على مشاركة الهنوف يوم قالت: "ضحك وسواليف وجمعه على غير سنع واستعراض جلابيات بالنسبة للحريم"

وكنت أقصد ان هذا صار زواج مهوب عزاء عشان كذا قلت أبخلي أمي تخطب لي، أو انتي ماتدرين ان الامهات يتشوفون لعيالهم بالزواجات

مهوب تروحين للعزا عشان تضحكين على وجيه اللي يصيحن

إقتباس استغفرالله وحاول ماتعرس الا اذا طلع لك قلب ..

عموماً ، استغفر الله العظيم بكل حين

وابشرتس مناااب معرس لين يطلع لي مليون ولا القلب ماعنا وعنه

العنـا

هلا والله وغلا ..

الحمد لله على السلامه >>> أتحداك يالعنا تكتب رد ولا أحد يقول لك هالجمله غيابك واااجد المفروض يرفع بك تقرير;)

إقتباس اهل الميت يتعبون واللي جايين مكيفين يشربون شاي ويسولفون وبعضهم يمصخها وتسمع ضحكته من وين

الشكوى الله ، والمشكله لو تقول مافيه داعي لكثرة الجمعات و القهاوي والعشيات يزعلون الشيـّاب!!

لعل الناس ترتقي تشوي ولاحقين على التقهوي والسواليف واللجه..


تسلم يابعدي وتشكراات على المشاركه ، وأهم شي لاتقطع;)

!!هلالي الرس!!


بالصيف دايم الحجوزات انتظار

تشكراات


__________________________________


هلالي الظهران


هلا وغلا باخو قلبي ، واحشنن ياراقل

إقتباس وقبله بريئه اطبعها على خده الايسر

كنك داري ان الخد الايمن فيه حبة خال

إقتباس اخبارك يابو الشباب واخبار خويك لايقين على بعض سبحان من جمع

تمام ولله الحمد، ننشد عنك..

وخويي يستاهل البوسات

إقتباس اعرف مناطق بالحجاز ذبايح لاسبوع من بعد العصر الى 12 بالليل!!

أكيد مهوب كل أهل الحجاز هذي طريقتهم ، لكني نقلت عن بعضهم وأظنهم الاغلبيه..

إقتباس ويوم سووا لك عزا بدون مايعزمون الناس وبدون محد يجيك بالله عليك ساعتها مو بتحز في خاطرك

استغفر الله العظيم

عموماً وقتها يكفيني حضور رجل واحد يدعي لي بقلبٍ صادق ، والله يحسن خاتمتنا

وش يبي ينفعونني اللي مالين المجلس بالسواليف الفاضيه!!

إقتباس فالافضل ان تكون الزياره لخمس او عشر دقايق يأدون الواجب ويبلعون فنجالين قهوه ويقضبون الباب ولا مانع تصير ذبيحه لاهل البيت والقريبن جدا من المتوفى خصوصا للقادمين من خارج مدينة المتوفى

ايـــه هذا الكلام المضبوط وهذا اللي من اليوم وانا أقوله بس أنت الله يهديك رحت دفنت الهاوي بدون لاتشاور


تسلم يابعدي على المشاركه ولا تقطع ;)

وانتبه لسباستيان قله ياوليدي لا تقرب مطعم الشرفه

MR.DL5


هلا وغلا بصديقي الشخط

هلا بملك قلقسة التصويت

إقتباس يعني في عزاء جدي الله يرحمه ويسكنه فسيح جناته .. من بعد صلاة العصر الى الساعة 12,30 بالليل وانا من دلة الى دلة

و يقولون لي انك تبالغ هذا الرجال من عقب العصر الى آخر الليل وهو يصب قهوه

إقتباس يعني لو ناس يقربون لك وتعرفهم كلهم كان ما يغلى عليهم حاشي

ونعم والله ، مملوح ابن كريم

إقتباس أخبر الواحد يجي يعزي وياخذ له فنجال قهوة ويدعي للميت ويتوكل على الله ..

صدقت ، هذا اللي كنا خابرينه ، بس ما ادري هالخلق وش جاهم ، الظاهر انه موتة قلب ناسين موضوع الوفاة والعزاء ومركزين على الضرب باللحم والرز..

إقتباس برضوا في عزاء عمي رفضوا عماني سالفة المفاطيح

هذا هو المفروض، ومثل ما قلت ما هو بخل فيهم ولكن يعرفون ان وضع الشيء في غير موضعه أمر غير مقبول..

إقتباس من بكرة ما جاء الا ربع الي امس جو ..

أجل صاروا جايين عشان العشا !! ياخي الله لا يعاقبنا بس!! تقل بالصومال مهوب لاقين شي ياكلونه

لعلنا نتخلص من بعض العادات اللي ما عادت علينا الا بالضرر..


الله يعافيك ياغالي وتشكراات لمشاركتك

عيون الزعيم


هلا ومسهلا ..

ترى أبغلي الحجز اذا مارديتي قبل يوم 25 الساعه أربع الفجر >>> متأثر بالخطوط


_____________________________


سمو الهلال الملكي


هلا ومسهلا ..

إقتباس فيه ناس تلاقيها موازنه جيتها على الساعه ثنتين والا ثنتين ونص بالكثير وهم مرتزين يحترون الغداء

هذولا قمل مهوب آوادم

إقتباس المصيبه انك تكون ماتعرفهم وهذا الي يغبن

هذا اللي يرفع الضغط!! لوهي عزيمه أو حفله كان معليش حياه الله لكن عزاء وناشب للناس!!


تشكراات لمشاركتك

_____________________________


سهل


حيا الله ابوحاتم ..

إقتباس ليس من السنه المكوث في العزاء .. بس ربعنا يبون يتجملون مع اهل المتوفي تسيف تبي يجونه الناس وما عنده احد

يارجل لوهي على الاعمام والخوال وعيالهم كان ماعندنا مشكله نمون عليهم ، بلاك ان فيه ناس ما تشوفهم الا بالسنه مره ويجلسون عندك من أول النهار لتالي الليل ولازم تكرمهم وتضيـّفهم ..

إقتباس ظاهره سيئه نتمنى زوالها .. وجزاك الله خير يا مطوع

واياك ياشيخ ، الله يسامحك تذكرت خطيب المحطات


تشكراات لمشاركتك


_____________________________



حفيد مؤسس الهلال


هلا ومسهلا بولد ابن سعيد..

تشكراات


_____________________________



عاشق الفيلسوف 15


هلا ومسهلا ..

إقتباس فأعتقد أخوي عندما تتكلم عن الاشخاص الذين ياتون فقط للاكل والشرب وأن كانوا موجودين فهم قلة ولله الحمد

ياغالي حنا ما نقول انهم يجون بس عشان الاكل والشرب، هم يقدمون العزاء وما يقصرون لكن الكلام على طول مكوثهم وجلستهم، ولا اعتقد انهم قله على الاقل في المحيط اللي أعيش فيه..

إقتباس فعندما تحدد وقت للعزاء فأنك تترك أهل الميت خارج أوقات العزاء يتذكرون ميتهم ، فعندما يكون الناس لديهم في البيت قد يخففون عليهم ويواسونهم بسبب فقدهم ميتهم

كلامك في محله، لكن أهل المتوفى عندهم أقاربهم المقربين منهم ويجلسون معهم طوال اليوم ، وصدقني ان تحديد وقت - للاجناب مثل مانسميهم - مثلا من بعد صلاة العصر الى اذان العشاء راح يكون وقت طويل وكافي ، لكن اني أحرج أهل الميت وأشغلهم بقهوه وشاهي وعشيات طوال اليوم هذا برأيي مرهق لهم بوقت هم محتاجين للراحه..


احترامي لرأيك ، وتشكراات لمشاركتك

_____________________________




راااجع ان الله شاء وأراد ،،

البارق


هلا والله وغلا بعبدالحكيم >>>> عندي اخ اسمه عبدالملك بلغ الـ34 من عمره ولازالت وحده من خالاتي ماتسميه الا عبدالحكيم ولا تسأل عن السبب

إقتباس لكن يا أخوي تذكر إنها رحمة وجود الناس بقربك وخصوصا القريبين حتى لا تتفرد بنفسك ..وخصوصاً الثلاث أيام الأولى ..صدقني أنها عصيبة جداً لو كنت لوحدك ..!!

صدقت ، لكن برأيي انه يكفي ان يكون حولك أقاربك الاقربون طوال الوقت ، و الباقين يمرون يعزون ويجلسون شوي ويتوكلون على الله..

إقتباس بمناسبة العشاء فهو يكون للقريبين فقط وهم الذين يجلسون وقت أطول في المنزل ..ودائما ما يكون على أهل الميت شيء بالعكس من ناس ثانين وبهذا ما يكون فيه كلفة ..!!

هذا هو المفروض ، لكن تشوف ناس (أجناب على قولتنا) تجلس وتتقهوى وتتعشى ، يحرجونك ولازم تكرم ضيافتهم!!

أما من ناحية العشاء صحيح يتكفل فيه الاقارب وأحياناً الجيران ، وانا هنا ما اتكلم عن تكلفة العشاء ، المقصد هو تبعاته وتصرفات بعض الناس ولجتهم وكأنهم في مناسبة زواج!!


تشكراات يابعدي



________________________________________


ماجد مقبل


هلا وغلا باخو قلبي ..

إقتباس وحقيقة قلوبنا لم تعد تتاثر فصرنا نرى في المقابر من يضحك ويسولف وينكت وصار العزاء فرصة للتجمع لا اقل ولا اكثر ..!!!

اي والله صدقت صار العزاء جمعه وتقهوي وسعة صدر وان حصل أكل مهيب شينه !!

إقتباس وفي اليوم الاول والثاني والثالث حضر شخص لا يعرفه احد من العائلة

انه يجي شخص ماتعرفه ويقدم واجب العزاء ويجلس شوي ويدعي للميت ، فهذا نقول له جزاك الله ألف خير وكثر الله من أمثالك..

لكن يجي واحد زي صاحبكم كل يوم وهو تاكي بالمجلس يتقهوى ويتعشى ويروق وما أحد يعرفه هذي اللي مالها سنع..

إقتباس فطلع يقرب لنا من بعيد وابو الشباب توه جاي من الديره وفاضي قال فرصة

سلم لي على حقين الديره زين اللي ماقال نزلوا لي فراش وبطانيه أبمرح بذا



ولا يضيق صدري يابومقبل

تشكراات يابعدي

________________________________________


المشاغب

هلا والله وغلا بالمخترش >>>>>> ما شاء الله

إقتباس يا أخي أنا بأحقد عليك..!!! ما جاك النشاط تكتب موضوع إلا بعز الأختبارات؟!!!!

سامحن ياحبيبي أرجوك ما كان قصدي أشغلك عن الدراسه والعلم

الحين يقالك تبي تذاكر أنت ووجهك ماغير متكي مع سالم وسواليف مع ساحر ابو ريالين


الله يوفقك ويسهل عليك وييسر أمرك

وان عدتم عدنا>>>>> يسمع به
________________________________________

راااجع ان شاء الله

إقتباس الله يرحم موتانا ويغفر لهم ، و يحفظ لنا والدينا وإخواننا وأخواتنا ومن يعز علينا ويطيل بأعمارهم على طاعته..

اللهم آمين

اخوي الهاوي

كلمة شكر فقط لتوضيحك لمشكلة يقع في الكثير للأسف

هي لن تبقى العادة الاجتماعية السئية الوحيدة التي نعاني منها

ولكن يبقى السؤال كيف نتخلص منها

الف شكر لك مرة اخرى

يا هلا والله بـ الهآوي ..

بصرآحه أنا أخالفك ان عادتنا انّا أهل نجد مكلفه وسلبيه ..
في عزآء جدتي الله يرحمها ويغفر لها قبل سنتين تقريباً دفنآها في ديرتنا ( الحآير ) بالليل تقريباً وفي الليل كآن فيه عشآء هنآك عند عيآلها الصغآر , والعزآء في بيتنا لان ابوي الكبير .. صح الـ 4 أيآم غدانا وعشانا فيها مفطحات بس صدقني انّا ما تكلفنا الا بـ القهوهـ والشآهي بس .. يعني ما فيها كلفه على أهل الميت .. ومن فوآيدها الجمعه .. يعني الحمد بيتنا في العزا ما يخلى .. اللي طالع واللي دآخل .. صدقني ان فيهآ أكبر سلوان لنا .. وفكتنا من التفكير , وهذي تبين قوهـ الرآبطه الاجتمآعيه بين عيآل العم والاقآرب ..
مآ أقول ان مآ فيهآ سلبيآت .. بس اللي أشوفهـ ان ايجابيآتها أكثر ,