السلام عليكم

يا سلام عليك يا ابومحمد بس لو خليته بعد النهائي وفرحة البطولة عشان الفضاوة بتزيد وقتها

أبعطيك أجوبة على حسب فهمي البسيط للتحكيم .. وطبعا ً بطبق فيها روح القانون

إقتباس 1- لاعب دخل بعنف على لاعب وكان في اقل الاحوال يستحق كرت اصفر .. فانت صفرت و رحت تجري للاعب وحطيت يدك في جيبك بتطلع الكرت الاصفر ...وقبل ما تطلعه قام اللاعب وشات الكوره بعيد...وهي تستحق كرت اصفر طبعا..فهل تنذره على الاول والثاني وبالتالي تصير حمرا.. او انك تعطيه الاحمر مباشره ..او تكتفي بالاصفر مره وحده..

هو على حسب ما أفهم وما سمعت أنه يستحق أن يعطى كرتين أصفرين ثم الأحمر .. لكن أنا بعطيه كرت أصفر واحد فقط

إقتباس 2- في ضربات الجزاء الترجيحيه..اللاعب سدد وضربت الكوره بالعارض وارتدت منه ..ولكن الحارس الله يهديه مع نقزته طقت الكوره فيه وخشت قول...فهل تحسبها هدف او لا..مع العلم ان ضربات الترجيح هي ضربه وحده فقط فارتدادها ممكن يكون معناه انتهاء الفرصه كهدف ولا كان ممكن ان الكوره لما يصدها الحارس يرد ويكملها اللاعب اللي سددها..

هـ النقطة يبي لها توضيح .. أنت تبي ركلات الترجيح أو ركلات الجزاء ....!!

ركلات الترجيح لا يحق للاعب تكملة الكرة في أي حال من الأحوال وإن اصطدمت بالقائم أو العارضة ثم اصطدمت بالحارس ودخلت للمرمى فإنها تحتسب هدف بالتأكيد

أما ركلات الجزاء فلايحق لـ اللاعب المسدد للكرة أن يكمل الكرة إن إصطدمت بالقائم أو العارضة ولكن يحق له إن تصدى لها الحارس .. وإن أكملها وهي مرتدة من القائم أو العارضة فإنها تحتسب ضربة حرة غير مباشرة ضده

إقتباس 3- الكوره في الطريق للمرمى وخلاص قول قول .. والا انه المدافع يطير للكوره ويصير حارس ويطقها بايده..ولكنه حارس فاشل فضربته باليد كانت خفيفه وخشت القول..خلاص الكوره هدف وانتهى الموضوع..ولكن هل بتحاسب المدافع على اللي سواه وتطبق فيه القانون وكرت احمر بحكم ان نيته كانت واضحه او تكتفي بالاصفر ولا انك تحسب هدف وخلاص ..

هدف بدون معاقبة .. أعتقد أن القانون يعاقبه في حال أنه منع الكرة بالفعل لكنه هنا حاول ولم يستطع ودخلت للمرمى هدف .. لذلك هي هدف بدون أي عقاب

إقتباس 4- هجمه خطيره والمهاجم يعدي من اخر مدافع بوسط الملعب وينطلق للمرمى وانت جاي من بعيد والا انك تشوف المدافع طاح وبدون حراك ..مغمي عليه والمهاجم مع الحارس وبيعدي منه وانت خايف على اللي صار للمدافع..فهل توقف اللعب وتسعف المدافع او تخلي المهاجم يكمل مهمته اول وبعدين تشوف ايش صاد المدافع..

والله هذي من الحالات الصعبة بالفعل .. لكن هي ترجع لـ حكم المباراة .. وأنا سأكمل اللعب لأن الهجمة مهيب مطولة

إيقاف اللعب هو الأولى حسب القانون .. لكن بهذا سيستغل اللاعبين هذا القانون لذلك سأكمل اللعب

إقتباس 5 - لاعب تكرهه كره غير طبيعي والكوره معاه ويشوتها بكل قوته ...وان الكوره جايه بوجهك وعافسه خشمك... تاخذها بشكل طبيعي وانها غير مقصوده او انك تستخدم سلطتك للانتقام من اللاعب

بدور عليه الزلة لكن في هالكورة على حسب يمكن أكون جاي في طريقه وهو استغل هالشي فـ في هذي الحالة انا غلطان وهو استغل غلطتي اما اذا منيب حوله وشاتها فيني بدون ما أدور كرت أحمر وارفع فيه تقرير


الله يعطيك العافية يا ابومحمد الهويمل

تحيتي للجميع ؛ ؛ ؛