إقتباس 1- لاعب دخل بعنف على لاعب وكان في اقل الاحوال يستحق كرت اصفر .. فانت صفرت و رحت تجري للاعب وحطيت يدك في جيبك بتطلع الكرت الاصفر ...وقبل ما تطلعه قام اللاعب وشات الكوره بعيد...وهي تستحق كرت اصفر طبعا..فهل تنذره على الاول والثاني وبالتالي تصير حمرا.. او انك تعطيه الاحمر مباشره ..او تكتفي بالاصفر مره وحده..

أتوقع بطاقة صفراء + تنبيه شفهي أخير = تكفي << قلبه أبيض ولكن طبعاً إذا اعترض زيادة عن اللزوم سيستحق البطاقة الأخرى وبالتالي الأحمر .. لأني تغاضيت عن البطاقة الثانية بدايةً .. وأيضاً أعتقد الموضوع يعتمد على زمن المباراة .. قد نكون في الدقائق الأخيرة ومتوترين .. يحسب هذا الشئ لصالح اللاعب

إقتباس 2- في ضربات الجزاء الترجيحيه..اللاعب سدد وضربت الكوره بالعارض وارتدت منه ..ولكن الحارس الله يهديه مع نقزته طقت الكوره فيه وخشت قول...فهل تحسبها هدف او لا..مع العلم ان ضربات الترجيح هي ضربه وحده فقط فارتدادها ممكن يكون معناه انتهاء الفرصه كهدف ولا كان ممكن ان الكوره لما يصدها الحارس يرد ويكملها اللاعب اللي سددها..

هدف .. بإعتبار أن اللاعب سدد الكرة مرة واحدة .. والكرة تجاوزت الخط بعد أن صفر الحكم .. أعتقد في هذه الحالة الحارس يعتبر جزء من الملعب

إقتباس 3- الكوره في الطريق للمرمى وخلاص قول قول .. والا انه المدافع يطير للكوره ويصير حارس ويطقها بايده..ولكنه حارس فاشل فضربته باليد كانت خفيفه وخشت القول..خلاص الكوره هدف وانتهى الموضوع..ولكن هل بتحاسب المدافع على اللي سواه وتطبق فيه القانون وكرت احمر بحكم ان نيته كانت واضحه او تكتفي بالاصفر ولا انك تحسب هدف وخلاص ..

لا أكيد بيتعاقب بالعقاب الي يستحقه .. بطاقة حمراء دون أي نقاش لأنه تعمد لمس الكرة باليد وهو آخر مدافع .. بغض النظر عما آلت إليه الكرة ..

إقتباس 4- هجمه خطيره والمهاجم يعدي من اخر مدافع بوسط الملعب وينطلق للمرمى وانت جاي من بعيد والا انك تشوف المدافع طاح وبدون حراك ..مغمي عليه والمهاجم مع الحارس وبيعدي منه وانت خايف على اللي صار للمدافع..فهل توقف اللعب وتسعف المدافع او تخلي المهاجم يكمل مهمته اول وبعدين تشوف ايش صاد المدافع..

امممم .. أتوقع شئ عائد لحكم المباراة ( قانونياً ) .. بما أن القرار عائد إلي وليس إلى إتحاد كرة القدم .. إذاً سأتخذ قراري على النحو التالي : إذا كان اللاعب راعي طويلة وبيركض لين خط المرمى بعدين بينبطح ويحطها براسه بأوقف المباراة << نذل أما إذا كان اللاعب خلاص مستعجل بأكمل وأرجع للمصاب
حالة استثنائية : بأسوي زي الحواري .. أوقف اللعب وأطلب المعالجين .. بعدين أقول للاعبين : كل واحد يرجع نفس مكانه يوم وقفت الكرة .. وأكمل

إقتباس 5 - لاعب تكرهه كره غير طبيعي والكوره معاه ويشوتها بكل قوته ...وان الكوره جايه بوجهك وعافسه خشمك... تاخذها بشكل طبيعي وانها غير مقصوده او انك تستخدم سلطتك للانتقام من اللاعب ...

طبعاً بأعطيه نظرة تخوف .. وأبتسم .. وأكمل عادي ماكنه سوا شي .. بس لو اعتدى على لاعب بياخذ أحمر لامحالة وبأطبق عليه القانون في مجريات المباراة بدون أي رحمة .. غير عن أني بأتحقطله بعد المباراة بغرفة تبديل الملابس .. طبعاً إذا كان متعمد وواضح بأنه متعمد بأوقف المباراة وأعطيه أحمر .. ( إعتداء على الحكم ) ..


وأخيراً .. الله لايحرمنا من مواضيعك المسلية ياريدزاوي

بإنتظار الحلقة القادمة ..

كان معكم .. ميدينا كنتليخو الإسباني

تحيتي .,,.