لبســنا الفنيلـــه وحطيت على ظهري رقم عمر المهنا
وخشــينا الملعــب اللي بتكون عليه قصص الف ليله وليله:p
بسم الله بديـنا
1- لاعب دخل بعنف على لاعب وكان في اقل الاحوال يستحق كرت اصفر .. فانت صفرت و رحت تجري للاعب وحطيت يدك في جيبك بتطلع الكرت الاصفر ...وقبل ما تطلعه قام اللاعب وشات الكوره بعيد...وهي تستحق كرت اصفر طبعا..فهل تنذره على الاول والثاني وبالتالي تصير حمرا.. او انك تعطيه الاحمر مباشره ..او تكتفي بالاصفر مره وحده..
هذي معقده نوعا ما  ...بس خلنا نتفلسف..<وش ورانا ..واللهي..انا بعطيه كرت اصفر..وبنذره شفهياً..يعني اقول تعيدها..الباب ياسع بعير<<بس اذا كان خال..بيتغير الكلام:p
2- في ضربات الجزاء الترجيحيه..اللاعب سدد وضربت الكوره بالعارض وارتدت منه ..ولكن الحارس الله يهديه مع نقزته طقت الكوره فيه وخشت قول...فهل تحسبها هدف او لا..مع العلم ان ضربات الترجيح هي ضربه وحده فقط فارتدادها ممكن يكون معناه انتهاء الفرصه كهدف ولا كان ممكن ان الكوره لما يصدها الحارس يرد ويكملها اللاعب اللي سددها..
اذا صكت الكوره العارضه او القائم..وصكت بالحارس ودخلت قول..تحتسب قول سليم....وكم مره شفنا زي كذا..واخرها يوم دورة الالعاب الاسيويه...يوم مباراة بين مدري من ومدري من بس فريق اظنه فيه طرف الصين مدري تايوان...الزبده انه صارت نفس الحكايه والحارس قام يناقز من الفرح ما يدري الا والحكم يناظره ويأشر على الكوره..ويلتفت هالمسيكين ويناظر الكوره بالمرمى
3- الكوره في الطريق للمرمى وخلاص قول قول .. والا انه المدافع يطير للكوره ويصير حارس ويطقها بايده..ولكنه حارس فاشل فضربته باليد كانت خفيفه وخشت القول..خلاص الكوره هدف وانتهى الموضوع..ولكن هل بتحاسب المدافع على اللي سواه وتطبق فيه القانون وكرت احمر بحكم ان نيته كانت واضحه او تكتفي بالاصفر ولا انك تحسب هدف وخلاص ..
احتسبها قول..ولا اعطي اللي لمسها ولا كرت...
4- هجمه خطيره والمهاجم يعدي من اخر مدافع بوسط الملعب وينطلق للمرمى وانت جاي من بعيد والا انك تشوف المدافع طاح وبدون حراك ..مغمي عليه والمهاجم مع الحارس وبيعدي منه وانت خايف على اللي صار للمدافع..فهل توقف اللعب وتسعف المدافع او تخلي المهاجم يكمل مهمته اول وبعدين تشوف ايش صاد المدافع..
اخلي اللاعب المنطلق يكمل انطلاقته...بس اذا مثلا شاتها وصدها الحارس..ورجعت...و وو ...يعني الهجمه السريعه تبآطئت...اصفـّر واوقف اللعب واشوف هاللي متبطح على الارض وش قصته...
5 - لاعب تكرهه كره غير طبيعي والكوره معاه ويشوتها بكل قوته ...وان الكوره جايه بوجهك وعافسه خشمك... تاخذها بشكل طبيعي وانها غير مقصوده او انك تستخدم سلطتك للانتقام من اللاعب ...
اذا كان قاصد...الاحمر بيشق عيونه شق ....اما ان كان مهو قاصد...اي دفعه لاي لاعب ثاني في المباراه حتى لو كانت خفيفه اصفـّر واحط فاول لما يعصب ...
هاه؟ كم درجتي...؟:p
فيه دف ولا استلعان بالدرجات؟
تشكــر اخوي على الموضوع
اخر تعديل كان بواسطة » ThE MaGiCiAn 10 في يوم » 22/05/2007 عند الساعة » 01:09 AM | 