الله يوفق الزعيم

إقتباس السلام عليكم .. أشك في هلاليتك في نقطتين

وانا معاك اخوي Canada's gallant وبضيف بعض النقاط لأن كاتب الموضوع لو صحيح هلالي وغيور على ناديه ماكان على الاقل كتب هالموضوع قبل النهائي بأسبوع

إقتباس لن أتكلم عن تشكيلة النهائي لأن من نطالب به مصاب ولا نستطيع استعارة لاعبين

ومن اللي تطالب فيه طال عمرك ؟ اذا تقصد الحربي ترى لاتنسى عندنا اللي يسد خانة التائب بأذن الله والهلال اخذ اكثر من 47 بطوله بدون التائب وياما راح لاعبين اللي اعتزل او هجر الكره( النعيمه - الثنيان - التيماوي - الحبشي - التخيفي - الرشيد - الشريده - لطف - ابو اثنين - سعد مبارك - الدعيع عبدالله - التمياط محمد - التمياط صفوق ) واللي انتقل لنادي اخر ( العويران - الدوخي - الغشيان ) وبالرغم من ذلك مازال الهلال على قمة هرم الكره السعوديه وانا لا اقلل من الكابتن طارق التائب بالعكس ولكن الهلال لم ولن يقف على لاعب واحد مهما كان اسمه فلدينا البديل لدينا (فهد مبارك - نواف التمياط )

إقتباس أتشوق لرؤية الهلال وهو يصعق حامل اللقب تشونبك بالخمسة على أرضه نعم نهزمهم على أرضهم هل الأتحاد أفضل منا يوم هزم أقوى الفرق الكورية بالخمسات على أرضهم

والله اذا عاجبك الاتحاد لهالدرجه روح اكتب هالكلام عندهم واذا انت سنك مايساعدك انك تتذكر ترى اتحادك اللي انت معجب فيه دقينا خشومهم مرتين وبالخمسه ولاتنسى اربعة الكرامه السوري

إقتباس عند الأتحاد نور عندنا الـــــــفــــان . عندهم منتشري عندنا الـــــــــمفرج . عندهم الدوخي لدينا الظهير العصري العنقري

من كلامك واضح انك ماتعرف من الكوره الا اسمها ولا احد يقارن نور لاعب الوسط بالفان راس حربه ؟؟؟
ولا بس تبي تشوف اي اسماء كثر عليها الكلام في المنتدى وتفرد عضلاتك وتسوي نفسك مورينهو زمانه
ليش ماتقارن مثلا نور بالشلهوب ( الشلهوب افضل صانع لعب في السعوديه ولا مجال للمقارنه بس للرد عليك )
ليش ماتقارن تفاريس ( افضل مدافع في الدوري السعودي الان ) مع المنتشري او تكر ( نكبات الكره السعوديه )
ليش ماذكرت الدعيع - التمياط - ياسر - سامي - فهد مبارك - عزيز - الغامدي ؟؟؟؟؟؟؟

إقتباس نعم سنتأهل لكأس العالم للأندية بكل سهولة وسنواجه الميلان وسنحرجه ..

ياحبيبي الهلال تأهل للعب في كاس العالم للأنديه قبل ما يتأهل ناديك المفضل وكانت البطوله مقرره في اسبانيا والغيت لمشاكل ماديه بالشركه الراعيه بعد صدور جدول البطوله

إقتباس لكن لو خرجنا من البطولة من دور الثمانية وهذا ما أتوقعه بناء على ما لدي من معطيات وأسماء .. نعم سنخرج لو قابلنا أصفهان .. نعم سنخرج لو قابلنا الكرامة .. نعم سنخرج لو قابلنا الوحدة ..

ان شالله الهلال كبير برجاله وياما وياما حققنا كاس اسيا ( زعامة اسيا ستضل هلاليه رضي من رضي وابى من ابى )
ولا تنسى ان الهلال حقق اسبقيه لم يحققها غيره عندما فاز على فريق باختاكور الاوزبكي على ارضه حيث انه لم يسبق ان هزم اي فريق اوزبكي على ارضه وحتى المنتخب الاوزبكي لم يسبق ان هزم على ارضه ومنذ عام 98 واتحداك اذا احضرت لي نتيجة اي فريق او منتخب اوزبكي هزم على ارضه منذ ذلك التاريخ من اي فريق او منتخب اسيوي غير الهلال

إقتباس نعم لن أجامل وأطبل مللنا وعود " أين ماجد العمري أين سعد الزهراني أين عبدالرحمن القحطاني أين أسامه هوساوي " أرجو أن تكون وجهة نظري قد وصلت لمن يقولون لا تنتقدوا المفرج والعنقري والفان ..

طيب ولا يهمك طال عمرك انت تامر امر بس ماودك ترشح نفسك لرئاسة نادي الهلال يمكن يتحسن الوضع بس اذا مسكت رئاسة النادي طال عمرك ركزلنا بالله على ( سعد الزهراني ) هو اهم لاعب نبيه يعني نبيه واذا فيه منه كثير جب لنا ( شر البليه مايضحك )

إقتباس رسالة إلى : الأمير محمد بن فيصل حفظه الله الموسمين الماضيين نأتي إلى النادي ونقابلك ونقابل الاعبين وتسمعون كلامنا بصدر رحب ولكن هذا الموسم إختلف الأمر هل مللت منا هل تشبعت إعلاميا هل أنت مخطئ وتخاف مواجهتنا أصبحت كل يوم تهدد بلأستقاله هل هو لمعرفة قدرك ومحبتك عند الجماهير . لا أظنك كذلك

والله شكلك من ربع ( المناظرات ) يعني تبي نسوي مثل ناديك المفضل ويسون مناظره عشان تشرح وجهة نظرك الله يحفظك
ترى رجال الهلال كثر ومتواجدين مع النادي ومع ادارة النادي قلبا وقالبا ومو انت اللي يعلمهم شغلهم ومحمد بن فيصل اللي تتكلم عنه حضرتك قدم للنادي الكثير واتوقع مافيه هلالي راح يهاجم الشخص اللي ضحى بماله ووقته في سبيل اسعاد الجماهير الهلاليه او يتمنى انه يترك النادي ( ولا زعلان عشان دق خشومكم ) واذا عندك اي اقتراح اتوقع مافيه احد راح يمنعك اذا تعرض اقتراحاتك بطريقه مؤدبه اما انك تسير على خطى ونهج جماهير النادي ( الجار ) من سب وقذف وتهجم على رؤساء الانديه واعضاء الشرف فخلك في بيتكم احسن

إقتباس أعرف أن ما سأقوله صعب علي قبل أن يكون على أي أحد غيري أستقل يا سمو الأمير أترك النادي حافظ على ما تبقى من حب الجماهير لك إذا كانت قدرتك المادية لا تتحمل (طلبات الجماهير) >> لا أقصد العنقري والياس بل اسامه هوساوي وكامل المر لا أريد مالك معاذ أريد دفاعا قويا أريد شراء بطاقة تفاريس لا التجديد لسنه فقط

لا واضح انه صعب عليك والدليل انك ماكتبت هالموضوع الا قبل النهائي بأسبوع !!!!!
وبعدين ترى مافيه نادي في العالم كله ملزم بأنه يحقق جميع مطالب الجماهير كلها االاداره تعمل على حسب ميزانياتها وبعدين انت تطالب ( بهوساوي والمر والعمري والزهراني وعبدالرحمن القحطاني وشراء بطاقة تفاريس ) وتقول اذا ماتقدرون على مطالبنا ارحلوا ومسوي كريم حضرتك وتقول مانبي ( مالك ) يعني خففت الحين ؟
انت عارف اللي طلبتهم بيكلفون النادي مايقل عن 50 مليون ريال ( الا اذا متكفل فيهم طال عمرك !!!!!! )
دائما في اولويات في الميزانيه نجدد عقود الموجودين اولا وبعدين نفكر في شراء عقود لاعبين من خارج النادي ( ولو اني متأكد من ان الفريق لا يحتاج اي لاعب من خارج النادي الموجودين فيهم الخير والبركه زياده على اللاعبين الشباب )

إقتباس لا أريد طارق التايب أريد أنت تعطى الفرصة لأحمد الفريدي لأنه في نظري أفضل بمراحل من التايب >> ليس تقليلا من التايب وإنما ثقة في قدرات الفريدي

وليش مو عاجبك التائب ؟
وبعدين حراام عليك تقارن لاعب توه طالع من درجة الشباب ونتأمل فيه خير ان شاء لله الموسم القادم بلاعب دولي له خبرته الكبيره في الملاعب وهذا من اكبر الاسباب في اختفاء النجوم الصغار ( اووه صح نسيت انكم متعودين هناك في فريقك المفضل على المقارنات كل مابدى لاعب يطقطق عندهم كوره قالوا هذا خليفة ماجد وضاع المسكين !!!!!!! )

اترك شباب النادي في حالهم وهذولي هم مستقبل الزعيم ان شاء الله تعالى والله يحرسهم من عيون الحساد

دامك تبي (( سعد الزهراني ))

أرفض المشاركة

مشكوووور اخوووي على الموضوع

إقتباس الرسالة الأصلية كتبت بواسطة أبوشلاخ الهلالي يسم الله الرحمن الرحيم السلام عليكم شف ونا اخوك اذا فكرنا بنفس الطريقه الى انت تفكر بها ترى كذا نحطم انفسنا يعني نفوز بمجهود لاعبين دربتهم انديه ثانيه مايصير كذا ترى فيه لاعبين في الشباب والله انهم احسن من الي ذكرتهم انت بس مالقو فرصتهم الهلال لازم يهتم بصغار السن والشباب مو يجيب لاعبين من خارج النادي ويخسر عليه واخرتها يمكن مانستفيد منه حنى نبي ناس من هم صغار وهم في النادي دربهم النادي الي نحتاجهم يلعبون بالفريق والي مانحتاجهم يمكن نرسلهم لأنديه ثانيه حتى لو باللاعاره وترى مولازم كل سنه بطولتين اوثلاث هذي وجهت نضري . وشكراً

وانا اتفق مع اخوي ابو شلاخ

سعد الزهراني طار وراح الوحده.... ريان بلال طار... كل الاعبين اللي طالبت فيهم راحوا... خلاص.... إدارة نايمة ماحولك احد... لن الوم ابو سلطان و لكن الوم اعضاء الشرف... ياخيييييييييييييي ذبحتونا اعطو فرصة للجمهور لدعم النادي... اجعلوا احد اعضاء الشرف الجمهور... ولكن لا حياة لمن تنادي....

وكل الكلام اللي انت قلتوا بخصوص الاعبين انا قلتوا ولكن على الفاضي.... بدل كلام الدعم المادي المنمق... لماذا لا نوقع عقد شركة MTC الكويتية او موبايلي... 250 مليون ما تفك ازمة..... الله اكبر 50 مليون كل سنة غير دعم الاعضاء و غير دعم الجماهير... والله تجيب اللي تبغى ... مو الفان اللي ما حولك احد...

احنا بدعمنا نطالب بمن نريد و انا متأكد انو كل لاعب راح نسير نقدر نجيبو من غير تطلع الادارة بحجة الدعم المادي... نعم نحن ....

بعدين هذا وجهي تاخذ الاسيوية... الكرامة السوري و ياويلكم مني ... والوحدة وما ادراك ما الوحدة .... الرديف خسر من العربي بفارق هدف على ارض الخصم.... ساباهان اصفهان ... و الفرق اليابنية المحترفه... وحامل اللقب كوري... و فريق اخر كوري..... يعني بالعربي وقعتنا سودة...... هذا اقوى ربع نهائي منذ انطلاق البطولة و حتى الان ... تبي تاخذها و عندك لاعبين ماعندهم روح و ماعندهم امكانيات غير الحماس.... نبغى لاعبين صح....

اجل الياس و المفرج والعنقري..... خط دفاع تقابل في فرق اشيوية كبيرة اوح حتى فرق عالمية اذا تأهلنا للعالمية... يا شيخ خليها على الله....

الله يوفق الهلال في الاسويه يارب

وكلامك صحيح 100%

ياناس ارحمو الاداره من طلباتكم وبعدين الموضوع ذا مو وقته لان الفريق عنده مباراه
مهمه وكذا تحطمون اللعبين قبل المباراه

اتفق معاك في كل شي ولكن

انك تخرج التايب وترحله وتحط بداله الفريدي والله صعبه

أنت نصراوي أصلي

أشكر كل من رد على موضوعي :


بالنسبه للي أيدني فشكرا لهم .
حتى من خالفني وجهة نظري بأدب واحترام اشكره شكرا عظيما .



أما بعض الأشخاص الذين تيقنت من ردودهم أنهم لا يعرفون حتى أدبيات الحوار .

وتيقنت أيضا من أنهم لا يفوتون حلقة واحدة من الفلم الكرتوني المحقق كونان

نصائح عامه مادمتم في مقتبل العمر :

أولا : ليس كل من أختلفتم معه في وجهات النظر أصبح مندسا .

ثانيا : لا تهاجم الشخص إلا عندما يكون لديك دليلا قويا .

ثالثا : ليس كل الأشخاص بنفس فكركم الرياضي العظيم فربما تجدون منهم أقل منكم فعليكم تحملهم .


ولي عودة للرد على كل من عقبوا على موضوعي .

والله اتفق معك في المفرج والعنقري والفان
بعدين ياشباب وسعوا صدوركم الاختلاف امر صحي واختلاف الراي لايفسد للود قضية موب اي واحد يعارضنا يصير مندس

اوافقك الراي

ووجهة نضرك سليمه لكن استقدام لاعبين لانريد

نريد فقط التجديد مع نجوم الفريق واعطاء الفرصه للشباب كالفريدي

الذي اعتقد انه اذا كان هناك خليفه لابو يعقوب فهو الفريدي