#16  
قديم 24/05/2007, 04:45 AM
زعيــم متألــق
تاريخ التسجيل: 10/07/2005
المكان: Canada
مشاركات: 1,257
ياخي وش ذا موضوعك كله تشاؤم بتشاؤم ><

الهلال بيجدد لتفاريس لمدة سنه ياخي احمد ربك مو تجي تلومهم ليييه مااخذتوه شراء عقد ...

الهلال بيقابل تشونبوك ان شاء الله يارب في اول مباراه بدور الثمانيه وتشووووف كيييف الرجال رجال !

الهلال بيلعب مع اي سي ميلان بنهائي كاس العالم الدقيقه 90 تعادل 1-1 ياسر قول وكاكا قول وفي الوقت بدل الضايع اذهبي نواف يجيب الثاني

شفت كيف التفاؤل :p

عن تحطيم اللاعبين خصوصا في هذا الوقت الحساس ياخوي تخيل العنقري ولا خليل ولا المفرج مروا عالموضوع هذا !

وبعدين ... اكيد حنا ودنا لاعبين اعاره يفيدون الهلال بالاسيويه ... بس ... اذا بتجيب العمري لازم تستغني عن واحد من الـ 25 لاعب الي دخلنا اسماؤهم بالقائمه الاسيويه (حسب النظام الاسيوي) هذا بحد ذاته تحطيم للاعب يعني تخيل نجيب العمري ونسقط الجري من القائمه الاسيويه تتوقع هاللاعب (الجري) بيستمر عنفس مستواه ولا بيطيح طيحتن شينه ؟؟

اخيرا الماراه النهائيه لو يجونها 10 % من جماهير الهلال بالرياض ملوا الملعب يعني الملعب ممتلي ممتلي واللي برا مالقولهم تذاكر اكثر من اللي جوا خصوصا اذا كانت المباراه هلال واتحاد ...


الله يوفق هلالنا بس
اضافة رد مع اقتباس
  #17  
قديم 24/05/2007, 04:54 AM
زعيــم فعــال
تاريخ التسجيل: 24/04/2005
المكان: 15*9*20*10
مشاركات: 294
الله يوفق الزعيم
اضافة رد مع اقتباس
  #18  
قديم 24/05/2007, 05:44 AM
زعيــم جديــد
تاريخ التسجيل: 30/07/2005
مشاركات: 38
إقتباس
السلام عليكم .. أشك في هلاليتك في نقطتين

وانا معاك اخوي Canada's gallant وبضيف بعض النقاط لأن كاتب الموضوع لو صحيح هلالي وغيور على ناديه ماكان على الاقل كتب هالموضوع قبل النهائي بأسبوع

إقتباس
لن أتكلم عن تشكيلة النهائي لأن من نطالب به مصاب ولا نستطيع استعارة لاعبين

ومن اللي تطالب فيه طال عمرك ؟ اذا تقصد الحربي ترى لاتنسى عندنا اللي يسد خانة التائب بأذن الله والهلال اخذ اكثر من 47 بطوله بدون التائب وياما راح لاعبين اللي اعتزل او هجر الكره( النعيمه - الثنيان - التيماوي - الحبشي - التخيفي - الرشيد - الشريده - لطف - ابو اثنين - سعد مبارك - الدعيع عبدالله - التمياط محمد - التمياط صفوق ) واللي انتقل لنادي اخر ( العويران - الدوخي - الغشيان ) وبالرغم من ذلك مازال الهلال على قمة هرم الكره السعوديه وانا لا اقلل من الكابتن طارق التائب بالعكس ولكن الهلال لم ولن يقف على لاعب واحد مهما كان اسمه فلدينا البديل لدينا (فهد مبارك - نواف التمياط )

إقتباس
أتشوق لرؤية الهلال وهو يصعق حامل اللقب تشونبك بالخمسة على أرضه

نعم نهزمهم على أرضهم هل الأتحاد أفضل منا يوم هزم أقوى الفرق الكورية بالخمسات على أرضهم

والله اذا عاجبك الاتحاد لهالدرجه روح اكتب هالكلام عندهم واذا انت سنك مايساعدك انك تتذكر ترى اتحادك اللي انت معجب فيه دقينا خشومهم مرتين وبالخمسه ولاتنسى اربعة الكرامه السوري

إقتباس
عند الأتحاد نور عندنا الـــــــفــــان . عندهم منتشري عندنا الـــــــــمفرج . عندهم الدوخي لدينا الظهير العصري العنقري

من كلامك واضح انك ماتعرف من الكوره الا اسمها ولا احد يقارن نور لاعب الوسط بالفان راس حربه ؟؟؟
ولا بس تبي تشوف اي اسماء كثر عليها الكلام في المنتدى وتفرد عضلاتك وتسوي نفسك مورينهو زمانه
ليش ماتقارن مثلا نور بالشلهوب ( الشلهوب افضل صانع لعب في السعوديه ولا مجال للمقارنه بس للرد عليك )
ليش ماتقارن تفاريس ( افضل مدافع في الدوري السعودي الان ) مع المنتشري او تكر ( نكبات الكره السعوديه )
ليش ماذكرت الدعيع - التمياط - ياسر - سامي - فهد مبارك - عزيز - الغامدي ؟؟؟؟؟؟؟

إقتباس
نعم سنتأهل لكأس العالم للأندية بكل سهولة وسنواجه الميلان وسنحرجه ..

ياحبيبي الهلال تأهل للعب في كاس العالم للأنديه قبل ما يتأهل ناديك المفضل وكانت البطوله مقرره في اسبانيا والغيت لمشاكل ماديه بالشركه الراعيه بعد صدور جدول البطوله

إقتباس
لكن لو خرجنا من البطولة من دور الثمانية وهذا ما أتوقعه بناء على ما لدي من معطيات وأسماء ..


نعم سنخرج لو قابلنا أصفهان .. نعم سنخرج لو قابلنا الكرامة .. نعم سنخرج لو قابلنا الوحدة ..

ان شالله الهلال كبير برجاله وياما وياما حققنا كاس اسيا ( زعامة اسيا ستضل هلاليه رضي من رضي وابى من ابى )
ولا تنسى ان الهلال حقق اسبقيه لم يحققها غيره عندما فاز على فريق باختاكور الاوزبكي على ارضه حيث انه لم يسبق ان هزم اي فريق اوزبكي على ارضه وحتى المنتخب الاوزبكي لم يسبق ان هزم على ارضه ومنذ عام 98 واتحداك اذا احضرت لي نتيجة اي فريق او منتخب اوزبكي هزم على ارضه منذ ذلك التاريخ من اي فريق او منتخب اسيوي غير الهلال

إقتباس
نعم لن أجامل وأطبل مللنا وعود " أين ماجد العمري أين سعد الزهراني أين عبدالرحمن القحطاني أين أسامه هوساوي "

أرجو أن تكون وجهة نظري قد وصلت لمن يقولون لا تنتقدوا المفرج والعنقري والفان ..

طيب ولا يهمك طال عمرك انت تامر امر بس ماودك ترشح نفسك لرئاسة نادي الهلال يمكن يتحسن الوضع بس اذا مسكت رئاسة النادي طال عمرك ركزلنا بالله على ( سعد الزهراني ) هو اهم لاعب نبيه يعني نبيه واذا فيه منه كثير جب لنا ( شر البليه مايضحك )

إقتباس
رسالة إلى : الأمير محمد بن فيصل حفظه الله


الموسمين الماضيين نأتي إلى النادي ونقابلك ونقابل الاعبين وتسمعون كلامنا بصدر رحب


ولكن هذا الموسم إختلف الأمر هل مللت منا هل تشبعت إعلاميا هل أنت مخطئ وتخاف مواجهتنا


أصبحت كل يوم تهدد بلأستقاله هل هو لمعرفة قدرك ومحبتك عند الجماهير . لا أظنك كذلك

والله شكلك من ربع ( المناظرات ) يعني تبي نسوي مثل ناديك المفضل ويسون مناظره عشان تشرح وجهة نظرك الله يحفظك
ترى رجال الهلال كثر ومتواجدين مع النادي ومع ادارة النادي قلبا وقالبا ومو انت اللي يعلمهم شغلهم ومحمد بن فيصل اللي تتكلم عنه حضرتك قدم للنادي الكثير واتوقع مافيه هلالي راح يهاجم الشخص اللي ضحى بماله ووقته في سبيل اسعاد الجماهير الهلاليه او يتمنى انه يترك النادي ( ولا زعلان عشان دق خشومكم ) واذا عندك اي اقتراح اتوقع مافيه احد راح يمنعك اذا تعرض اقتراحاتك بطريقه مؤدبه اما انك تسير على خطى ونهج جماهير النادي ( الجار ) من سب وقذف وتهجم على رؤساء الانديه واعضاء الشرف فخلك في بيتكم احسن

إقتباس
أعرف أن ما سأقوله صعب علي قبل أن يكون على أي أحد غيري


أستقل يا سمو الأمير أترك النادي حافظ على ما تبقى من حب الجماهير لك


إذا كانت قدرتك المادية

لا تتحمل (طلبات الجماهير) >> لا أقصد العنقري والياس بل اسامه هوساوي وكامل المر لا أريد مالك معاذ

أريد دفاعا قويا أريد شراء بطاقة تفاريس لا التجديد لسنه فقط

لا واضح انه صعب عليك والدليل انك ماكتبت هالموضوع الا قبل النهائي بأسبوع !!!!!
وبعدين ترى مافيه نادي في العالم كله ملزم بأنه يحقق جميع مطالب الجماهير كلها االاداره تعمل على حسب ميزانياتها وبعدين انت تطالب ( بهوساوي والمر والعمري والزهراني وعبدالرحمن القحطاني وشراء بطاقة تفاريس ) وتقول اذا ماتقدرون على مطالبنا ارحلوا ومسوي كريم حضرتك وتقول مانبي ( مالك ) يعني خففت الحين ؟
انت عارف اللي طلبتهم بيكلفون النادي مايقل عن 50 مليون ريال ( الا اذا متكفل فيهم طال عمرك !!!!!! )
دائما في اولويات في الميزانيه نجدد عقود الموجودين اولا وبعدين نفكر في شراء عقود لاعبين من خارج النادي ( ولو اني متأكد من ان الفريق لا يحتاج اي لاعب من خارج النادي الموجودين فيهم الخير والبركه زياده على اللاعبين الشباب )

إقتباس
لا أريد طارق التايب أريد أنت تعطى الفرصة لأحمد الفريدي لأنه في نظري أفضل بمراحل من التايب >> ليس تقليلا من التايب وإنما ثقة في قدرات الفريدي

وليش مو عاجبك التائب ؟
وبعدين حراام عليك تقارن لاعب توه طالع من درجة الشباب ونتأمل فيه خير ان شاء لله الموسم القادم بلاعب دولي له خبرته الكبيره في الملاعب وهذا من اكبر الاسباب في اختفاء النجوم الصغار ( اووه صح نسيت انكم متعودين هناك في فريقك المفضل على المقارنات كل مابدى لاعب يطقطق عندهم كوره قالوا هذا خليفة ماجد وضاع المسكين !!!!!!! )

اترك شباب النادي في حالهم وهذولي هم مستقبل الزعيم ان شاء الله تعالى والله يحرسهم من عيون الحساد
اضافة رد مع اقتباس
  #19  
قديم 24/05/2007, 06:09 AM
زعيــم متألــق
تاريخ التسجيل: 24/06/2005
المكان: السعودية - الرياض
مشاركات: 1,046
هلا11111لي

كفيت ووفيت يابعدهم
اضافة رد مع اقتباس
  #20  
قديم 24/05/2007, 09:33 AM
عرّاب التنس
تاريخ التسجيل: 11/07/2005
المكان: الدمام
مشاركات: 5,953
دامك تبي (( سعد الزهراني ))

أرفض المشاركة
اضافة رد مع اقتباس
  #21  
قديم 24/05/2007, 09:55 AM
زعيــم مميــز
تاريخ التسجيل: 21/04/2006
المكان: KFUPM....JUBAIL
مشاركات: 3,231
مشكوووور اخوووي على الموضوع
اضافة رد مع اقتباس
  #22  
قديم 24/05/2007, 10:34 AM
زعيــم مميــز
تاريخ التسجيل: 29/10/2006
المكان: الـوســطـــى
مشاركات: 4,444
إقتباس
الرسالة الأصلية كتبت بواسطة أبوشلاخ الهلالي
يسم الله الرحمن الرحيم

السلام عليكم
شف ونا اخوك اذا فكرنا بنفس الطريقه الى انت تفكر بها ترى كذا نحطم
انفسنا يعني نفوز بمجهود لاعبين دربتهم انديه ثانيه مايصير كذا
ترى فيه لاعبين في الشباب والله انهم احسن من الي ذكرتهم انت بس مالقو فرصتهم
الهلال لازم يهتم بصغار السن والشباب مو يجيب لاعبين من خارج النادي
ويخسر عليه واخرتها يمكن مانستفيد منه
حنى نبي ناس من هم صغار وهم في النادي
دربهم النادي
الي نحتاجهم يلعبون بالفريق
والي مانحتاجهم يمكن نرسلهم لأنديه ثانيه
حتى لو باللاعاره
وترى مولازم كل سنه بطولتين اوثلاث

هذي وجهت نضري .
وشكراً

وانا اتفق مع اخوي ابو شلاخ
اضافة رد مع اقتباس
  #23  
قديم 24/05/2007, 11:42 AM
زعيــم فعــال
تاريخ التسجيل: 26/10/2005
مشاركات: 448
سعد الزهراني طار وراح الوحده.... ريان بلال طار... كل الاعبين اللي طالبت فيهم راحوا... خلاص.... إدارة نايمة ماحولك احد... لن الوم ابو سلطان و لكن الوم اعضاء الشرف... ياخيييييييييييييي ذبحتونا اعطو فرصة للجمهور لدعم النادي... اجعلوا احد اعضاء الشرف الجمهور... ولكن لا حياة لمن تنادي....

وكل الكلام اللي انت قلتوا بخصوص الاعبين انا قلتوا ولكن على الفاضي.... بدل كلام الدعم المادي المنمق... لماذا لا نوقع عقد شركة MTC الكويتية او موبايلي... 250 مليون ما تفك ازمة..... الله اكبر 50 مليون كل سنة غير دعم الاعضاء و غير دعم الجماهير... والله تجيب اللي تبغى ... مو الفان اللي ما حولك احد...

احنا بدعمنا نطالب بمن نريد و انا متأكد انو كل لاعب راح نسير نقدر نجيبو من غير تطلع الادارة بحجة الدعم المادي... نعم نحن ....

بعدين هذا وجهي تاخذ الاسيوية... الكرامة السوري و ياويلكم مني ... والوحدة وما ادراك ما الوحدة .... الرديف خسر من العربي بفارق هدف على ارض الخصم.... ساباهان اصفهان ... و الفرق اليابنية المحترفه... وحامل اللقب كوري... و فريق اخر كوري..... يعني بالعربي وقعتنا سودة...... هذا اقوى ربع نهائي منذ انطلاق البطولة و حتى الان ... تبي تاخذها و عندك لاعبين ماعندهم روح و ماعندهم امكانيات غير الحماس.... نبغى لاعبين صح....

اجل الياس و المفرج والعنقري..... خط دفاع تقابل في فرق اشيوية كبيرة اوح حتى فرق عالمية اذا تأهلنا للعالمية... يا شيخ خليها على الله....
اضافة رد مع اقتباس
  #24  
قديم 24/05/2007, 11:52 AM
عضو سابق في اللجنة الإعلامية
تاريخ التسجيل: 06/04/2007
مشاركات: 4,127
الله يوفق الهلال في الاسويه يارب

وكلامك صحيح 100%
اضافة رد مع اقتباس
  #25  
قديم 24/05/2007, 11:53 AM
موقوف
تاريخ التسجيل: 31/03/2007
المكان: في قلب الزعيم
مشاركات: 916
ياناس ارحمو الاداره من طلباتكم وبعدين الموضوع ذا مو وقته لان الفريق عنده مباراه
مهمه وكذا تحطمون اللعبين قبل المباراه
اضافة رد مع اقتباس
  #26  
قديم 24/05/2007, 12:01 PM
زعيــم مميــز
تاريخ التسجيل: 22/10/2006
المكان: مع حارس النادي
مشاركات: 2,821
اتفق معاك في كل شي ولكن

انك تخرج التايب وترحله وتحط بداله الفريدي والله صعبه
اضافة رد مع اقتباس
  #27  
قديم 24/05/2007, 01:02 PM
زعيــم نشيــط
تاريخ التسجيل: 19/06/2001
المكان: من ديار أبو متعب
مشاركات: 509
أنت نصراوي أصلي
اضافة رد مع اقتباس
  #28  
قديم 25/05/2007, 01:21 AM
زعيــم فعــال
تاريخ التسجيل: 12/05/2005
مشاركات: 217
أشكر كل من رد على موضوعي :


بالنسبه للي أيدني فشكرا لهم .
حتى من خالفني وجهة نظري بأدب واحترام اشكره شكرا عظيما .



أما بعض الأشخاص الذين تيقنت من ردودهم أنهم لا يعرفون حتى أدبيات الحوار .

وتيقنت أيضا من أنهم لا يفوتون حلقة واحدة من الفلم الكرتوني المحقق كونان

نصائح عامه مادمتم في مقتبل العمر :

أولا : ليس كل من أختلفتم معه في وجهات النظر أصبح مندسا .

ثانيا : لا تهاجم الشخص إلا عندما يكون لديك دليلا قويا .

ثالثا : ليس كل الأشخاص بنفس فكركم الرياضي العظيم فربما تجدون منهم أقل منكم فعليكم تحملهم .


ولي عودة للرد على كل من عقبوا على موضوعي .
اضافة رد مع اقتباس
  #29  
قديم 25/05/2007, 02:25 AM
زعيــم مميــز
تاريخ التسجيل: 05/03/2006
المكان: الرياض
مشاركات: 3,623
والله اتفق معك في المفرج والعنقري والفان
بعدين ياشباب وسعوا صدوركم الاختلاف امر صحي واختلاف الراي لايفسد للود قضية موب اي واحد يعارضنا يصير مندس
اضافة رد مع اقتباس
  #30  
قديم 25/05/2007, 02:44 AM
زعيــم متواصــل
تاريخ التسجيل: 01/05/2006
مشاركات: 100
اوافقك الراي

ووجهة نضرك سليمه لكن استقدام لاعبين لانريد

نريد فقط التجديد مع نجوم الفريق واعطاء الفرصه للشباب كالفريدي

الذي اعتقد انه اذا كان هناك خليفه لابو يعقوب فهو الفريدي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:23 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube