بطــاقة حفــل نهــاية العــام .. الأم ماراح تحضر ..!! والمديرة تقول أســراف!! - نادي الهلال السعودي - شبكة الزعيم

سندريلا الهلال · #1 28/04/2007, 06:43 AM

بسم الله الرحمن الرحيم ..

هاهي الأيــام تعــلن عن قــرب نهـــاية المنــاسبات الريــاضية

....وايضــاً المـــراحل الدراسية..

بدأها الأهـــلي ويختمها الهــلال ان شاء الله

..ويبي يبداها التمهيدي ويختمها خريجين الجامعة ..

ونهاية اي عام دراسي .. شرط اساسي لكل مدرسة تقيم حفل نهاية العام

طبعا انا راح اتكلم عن حفلات نهاية العام بالنسبة للطالبات لأني عايشتها ..

هالحفل هذا له خاصية مميزه له رونقة الخاص الطالبات يحبون يشتركون فيه>>>> مهب لله عشان اطلع من الحصة

بالغصب بالطيب ابي اشترك ان شاء اللة استقبال

طبعا دائما الدعوات الخاصه بالحفل تكون مخصصه لأمهات المتفوقات

او اللي بناتهم مشتركات بالحفل

البنات يبدون يجتهدون اخر اسبوعين

قبل الحفل عشان المعلمات يمدحونهم عند امهاتهم>>>> بس المعلمات كاشفينا

وطبعاً لازم في حفل نهاية العام يكون فيه مسيرة لخريجين المرحلة سواء ابتدائي او متوسط او ثانوي

وامس كنت اسولف مع وحده من البنات طالبة في ثالثة ثانوي .. كانت تحكي لي عن معاناتهم مع مديرة المدرسة

تقول لي : انها منعتهم من لبس عبايات التخرج تقول انها تقليد لليهود

.

.تقول طبعا احنا ما اخذنا واعطينا

معها قلنا يمكن هي ادرى وهي تبي شيء ينفعنا مايضرنا

بعدين تقول طرحنا عليها كم فكره من ضمنها تاج الورد نسوي تاج من الورد ونلبسة

ويكون هالورد طبيعي بألوان تناسب لون لبس المدرسة ..

قالت لهم المديرة لا هذا أسراف

حطوا بلاستيك عشان يستفيدون البنات اللي بعدكم

اللي انا ابغى اوصلة ..

هي هالحين بزعمها انها زرعت شيء كويس في البنات

بالعكس هي نفرتهم

في رفضها الاول ما كانت على حق

..وكانت تظن انها زرعت في البنات الالتزام اكثر بس اللي حصل العكس

كل البنات تذمروا من رفضها واتهموها انها حرمتهم من تجربة حلوة يمرون فيها مع بعض

وفي الاخير راح يكبرون ويتذكرونها ..

وفي رفضها الثاني .

. ايضا ماكانت على حق اولا هم مجموعه كبيرة وراح يكون المبلغ مقسم على كل بنت راح تشارك

يعني المبلغ اللي بيكلف الطالبه بسيط .. وبيفرحها

تجين انتي وتقولين اسراف ليه

ويوم البنات اقنعوها .. قالت بلاستيك

صدق شر البلية مايضحك

يعني بجد بعض العقليات في بعض المدارس راح تقضي على كل شيء جميل يزرعه البيت في الطالبة ..

والمؤلم أكثر في حفلات نهاية السنة غــير طبعاً تشدد ادارات بعض المدارس ..الغير منطقي ..

هو اهمال الأمهات لمثل هاليوم

..

هاليوم هذا المفروض تحرص علية الأم أكثر من اي مناسبه خاصة فيها .

.

يعني البنت تفرح بشوفة امها وتحس باهتمامها

.. لكن بعض الامهات مهملة كثيير في هالجانب

وتشوفه مايضر ..

مع انه يضر كثييير في نفسية الطالبة

.. تجي البنت تقول لامها عن موعد الحفل

تقول خلي اختك او خالتك تروح معك

.. طيب انتي مو أم!!!

ودك تكونين أم!!! هذي ضريبة الأمومة

.. انك تروحين وتحضرين وتشوفين اللي حصدته بنتك نهاية السنة ..

لا تجيبين اذا كنتِ مو قادرة تراعين ..

وبصراحة موضوعي هذا كتبته بعد ماسمعت معاناة طالبتين في هالمرحلة وحده مع ادراة المدرسة

والثانية مع بروود امها من ناحية الحضور

.. والاكثر ألم بصراحة ان هالطالبة متفوقة ..في دراستها

.. بس أمها متفوقة في اهمالها ..

والبنت ماراح تنسى اي شيء جميل او سيء من امها .. وهالاشياء راح تظل في الذاكره وراح تتذكرها ..

فأستغرب بصراحة قلة اهتمام بعض الأمهات بهالناحية ..

ولما يجي بكرة والبنت تذكر امها بأهمالها حضور تكريمها ..

تقول الأم ما اتذكر انتي تبالغين

.. بس ترد البنت وتقول ينسى الصافع ولا ينسى المصفوع

في رعاية الله ..