مرحبا سندريلا
بالنسبة لحفلات نهاية السنة اعتقد انها من حقوق الطالب او الطالبة على المدرسة
مع الاسف في مدارسنا جانب التكريم منسي تماما العقاب يجي عندهم اولا وثانيا وعاشرا بعدين يجي التكريم
اما بالنسبة لكلام المديرة
اولا : هي تقول تقليد لليهود طيب وين الدليل؟ وهل مايلبس عبايات التخرج الا اليهود؟:
اللي اعرفه انها بكل العالم منتشرة والا على هالمنطق ( المتخلف ) حرام حتى لبس البدل لانها تشبه باليهود
استغرب من بعض العقول المتحجرة واللي يبغى لها توضيب
بعدين حنا فاهمين موضوع التقليد خطأ
احنا منهيين عن تقليد الكفار بالشىء الللي يختصون فيه او شىء اللي يعتبر جزء من عبادتهم مو الشىء العام اللي اصله حلال
اما بالنسبة لسالفة الورد
مدري الظاهر المديرة تحسب انها تبي تدفع من جيبها :p
طيب وهالفلوس اللي تبي توفرها وين تبي تروح؟
اخاف على قهاوي وحلا وفطور للمدرسات
مع الاسف مثل هالتصرف السلبي من المديرة ممكن يغرس بنفس هالطالبة الصغيرة نفس المفهوم وممكن بعد كم سنة لما تجي هالطالبة وتمسك مكان معين تتعامل بنفس الاسلوب وهذا اللي يضرنا اكثر من ماينفعنا
بعد الام لازم تراعي نفسية بناتها وتشاركهم افراحهم
اجمل شىء بهالدنيا لما تحس ان اقرب الناس لك يشاركك افراحك
لكن مع الاسف في امهات كثير مايراعون هالنقطة ويهملونها بعد ويمكن مايدركون تاثيرها على بناتهم
الله يعطيك العافية سندريلا
