نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - بطــاقة حفــل نهــاية العــام .. الأم ماراح تحضر ..!! والمديرة تقول أســراف!!

الهلالي دائماً · #15 29/04/2007, 08:23 AM

هلا وغلا بالمبدعة المميزة سندريلا ..

موضوع جميل الى درجة الخنفشارية ...

بس بصراحة والله انتم يالبنات لاقينها حفلات وبارتيات وتورتات ..

انا في حياة الدراسية >>> لا حظو حياتي :p

ما اذكر الا اربع حفلات ثلاث منهم ما فيها من الحفلة الا الاسم ;)

الاولى في سادس ابتدائي وسببها اننا حنا طلاب ساس /ا اتفقنا نروح هرفي نفطر بين الاختبارين وحنا في هرفي طب علينا المدير وقالنا ارجعوا المدرسة وفي المدرسة انجلدنا الين أذنا ..

عاد المدير حس بعد كم يوم انه ظلمنا ويناديني>> كنت العقل المفكر للطلاب

ويعطيني اربعمائة ريال فقط لاغير عشان نسوي حفلة لطلاب فصلنا
وأروح انا وواحد من المدرسين لهرفي >>> على ايامنا مافي الا هرفي

ونجيب همبرغرات وبطاطسات كثيرة .. وهذي يمكن اللي نقدر نقول عنها حفلة بمعنى الكلمة ..

والثانية كانت في المتوسطة حفلة بايخة بعد العشاء مالها طعم ولا لون وسلموني فيها هدية ..

الثالثة في الثانوية ورفضت احضرها اعتراض على نوعية الجائزة اللي رفضت استلمها لاني صدق انظلمت
وما قدروا جهودي في خدمة المدرسة >>> امحق جهودهههههههه >>> كنت مهايطي كبير

واخر حفل كان العام وهو حفل التخرج من الجامعة وما فيه الا استعراض
واستلمت فيها شهادة شكر وتقدير من الامير سطام بن عبد العزيز ... ;)

هذي هي حفالات في حياة@ طالب هههههههههههههههه

اما اخواتي ما شاء الله كل يوم والثاني طالعين بحفلة ...

لا حتى الوالدة الله يحفظه مسجلة في تحفيظ جنب البيت

وكل مرة تقول عندنا طبق خيري وتجيب انواع الحلا والمعجنات >> اتشقق على الطبق الخيري

الا وش رايكم نسوي طبق خيري في المنتدى ... ;)

سندريلا شكر لك على موضوعك الجميل واعذريني شطحت فيه شوي ..

والله يعطيك العافية استشاريتنا المبدعة ,,,

برايفيت سن سن

بصراحة توقيعك عجبني ودي أطب فيه هههههه