#1  
قديم 12/04/2007, 04:21 PM
زعيــم متواصــل
تاريخ التسجيل: 22/06/2005
مشاركات: 148
قطوة الأهلي

في اليوم نفسه اللي كانت مبارتنا مع الأهلي كنت قاعد العصر مع الأهل أشرب الشاهي وأقلب بالقنوات (فاضي)المهم رن الجوال وكان رقم غريب المهم رديت من صار اللي داق علي؟

صديقيتي قطوه هلا والله كيف الحال وبعدين وش هالرقم الغريب عسا ماشر قالت جوالي استقبال المهم اسمع بتحضر المباراه اليوم قلت والله ماأدري والله خايف شكلنا بنخمبق اليوم ردت معصبه وش دعوى ماكنت اتوقع انك خواف ياحبيبي هذا الزعيم ماخاب من حبه المهم ابأمرك اليوم ونروح سوا قلت شورك وهداية الله والله يعيين المهم بعد صلاة المغرب مرتني وكانت متحمسه كانت رابطه شال الزعيم على راسها وصابغه وجهها وحنا بالطريق سألتها وش تتوقعين النتيجه اليوم قالت بلغة الواثق اكيد اربعه للزعيم المهم وصلنا الملعب وصلينا العشا هنا ودخلنا الملعب وجلسنا بالواجهه وهي جالسه يميني وجالسه تحمس الجماهير وتشجع

بدت المباراه وجا هدف الهلال وبغت تطير من الفرحه وقالت لي ماقلت لك اننا بنفوز المهم قعدت تصفق وتشجع وتصفر وبعد عشر دقايق تقريبا طلع التايب مصاب ومن بعدها فقدت صوت قطوتي العزيزه يوم التفت شفتها قاعده تفرك يديها من التوتر حاولت اهديها واحمسها وارفع من معنوياتها المهم بدا جا هدف الاهلي وكل الجماهير أحبطت واللي طلع من الملعب واللي قام يبكي واللي يزاعق فقدت قطوتي قعدت ادورها ادورها وبعد بحث لقيت الشرطه ماسكينا وهي تحاول نتط الشبك المهم طلع العسكري خويي وتوسطت لها وأخذتها معي وكنت أحاول اهديها وهي تقول والله لاأطب والله لاأوريهم وأعلمهم هديتها وقلتلها ياحبيبتي انتي معك ضغط والله مايسوى عليك ترفعين ضغطك كلنا نحب الزعيم ونموت فيه بعد بس ألزم ما علينا صحتك حاولت وحاولت وحاولت أهديها بس كانت منفعله وتبكي وبعدين هدت شوي وجلست بجنبي وبعد ربع ساعه سمعت الجماهير تصارخ وتصيح وأنا مدري وش السالفه ويوم شفت الا قطوتي العزيزه الجريه جوا الملعب والعساكر يطارطونها وبعدين مسكوها وبهذلوها وعلى أثر ماجاها من تصفيق وطق وجلد وعلاوه على الضغط اللي معاها أغمي عليها ودخلت المستشفى وأنا حاير ماأدري وش أسوي المهم ذكرت اني أعرف واحد من عساكر الملعب دقيت عليه وسألته عنها قالي انها أغمي عليها ونقلوها لمستشفى القطوه السعيده أنا أنجنيت وطلعت من الملعب ورحت على طول للمستشفى ورحت للأسعلامات وسألتهم عنها قالوا لي أنها بالعنايه المركزه .....

أنا من هول ماسمعت ذرفت دمعتي وأنا مدري المهم سألت منهو الدكتور اللي باشر حالتها قالوا انه اسشاري أسمه (قطو مشورب) رحت له وسألته عنها وقالي أن حالتها أستقرت وبتطلع من العنايه المركزه الصباح ان شالله....

جلست بالمستشفى الين الصبح ويوم جت الساعه 7 الصبح طلعوها من العنايه المركزه وحطوها بغرفه الين يتأكدون أن حالتها أستقرت واللحين حالها أفضل وأن شالله بتطلع من المستشفى بكره


(ومن الجريه ماقتل)
اضافة رد مع اقتباس
  #2  
قديم 12/04/2007, 04:25 PM
زعيــم فعــال
تاريخ التسجيل: 28/12/2006
مشاركات: 492
؟؟؟؟؟؟؟؟؟؟؟؟؟؟؟؟؟؟؟
اضافة رد مع اقتباس
  #3  
قديم 12/04/2007, 05:09 PM
زعيــم مميــز
تاريخ التسجيل: 04/12/2006
مشاركات: 1,607
يعني أنت ( عري )هع هع هع
اضافة رد مع اقتباس
  #4  
قديم 12/04/2007, 05:11 PM
موقوف
تاريخ التسجيل: 06/10/2006
المكان: الريـ قصيميه ـاض
مشاركات: 5,823
وش قاعد تقول انت يا معاذ ..؟
اضافة رد مع اقتباس
  #5  
قديم 12/04/2007, 05:44 PM
زعيــم متواصــل
تاريخ التسجيل: 20/10/2006
مشاركات: 74
!؟!؟!؟!؟!؟!؟!؟!؟!؟!؟!؟!؟!؟!؟!؟!
اضافة رد مع اقتباس
  #6  
قديم 12/04/2007, 05:51 PM
عضو سابق باللجنه الإعلامية
تاريخ التسجيل: 06/09/2005
المكان: ميــلانو
مشاركات: 1,241
موضوع مدري شيبي ..؟؟
اضافة رد مع اقتباس
  #7  
قديم 12/04/2007, 05:51 PM
مطرود من الشبكة لأنه مندس
تاريخ التسجيل: 13/02/2007
مشاركات: 407
وش تقول انت الظاهر شارب لك شىء
اضافة رد مع اقتباس
  #8  
قديم 12/04/2007, 05:56 PM
زعيــم متألــق
تاريخ التسجيل: 27/05/2005
مشاركات: 1,478
وش دعوة اخي كلام لا فائدة منه
اضافة رد مع اقتباس
  #9  
قديم 12/04/2007, 05:58 PM
زعيــم متواصــل
تاريخ التسجيل: 19/09/2003
المكان: السعودية
مشاركات: 101
تسلم على القصه الطريفه

بس الحقيقه هذا حال عسكرنا من احساسم بالنقص يفرغونه على الجماهير وحتى الي يغلط ما لهم اي حق يعتدون عليه ومنهم قطوك الله يخليكم لبعض


معليش ملاحضه === بعض الناس مسوين فيها مراجل ولا يبون غير الكلام الجاد يا ناس وسعو صدوركم
اضافة رد مع اقتباس
  #10  
قديم 12/04/2007, 08:18 PM
زعيــم متواصــل
تاريخ التسجيل: 22/06/2005
مشاركات: 148
الفضاوه تسوي أكثر وبعدين هالقطوه ماتستاهل منكم وقفه؟
اضافة رد مع اقتباس
  #11  
قديم 12/04/2007, 08:26 PM
زعيــم نشيــط
تاريخ التسجيل: 24/09/2005
مشاركات: 947
العساكر عندنا مستحلين حرمة المشجع عكس الدول المتقدمة ودايم نشوف اللي يطب الملعب يمسكونه بهدوء وبدون أي ضرب أو إهانة ويطلعونه برا الملعب والعقوبة غالبا ماتكون حرمان من دخول الملعب مدى الحياة وهالكلام بالنسبة للبريمر اما الدوريات الباقية مالي علم بقوانينهم..

قصة فيها عبرة من بين السطور وأتمنى إصلاح حال عساكرنا
اضافة رد مع اقتباس
  #12  
قديم 12/04/2007, 08:29 PM
موقوف
تاريخ التسجيل: 06/10/2006
المكان: الريـ قصيميه ـاض
مشاركات: 5,823
يعني قصه حقيقيه :p
اضافة رد مع اقتباس
  #13  
قديم 12/04/2007, 08:37 PM
زعيــم مميــز
تاريخ التسجيل: 19/07/2006
المكان: ميدان كلية الملك عبدالعزيز الحربيه :D
مشاركات: 1,563
انت زاحف ... قوي .. بناتي
اضافة رد مع اقتباس
  #14  
قديم 12/04/2007, 08:51 PM
الصورة الرمزية الخاصة بـ عبدالمجيدالخالدي
زعيــم نشيــط
تاريخ التسجيل: 15/03/2007
المكان: في قلب الرياض
مشاركات: 961
افلام كرتون الحريه والمجد
اضافة رد مع اقتباس
  #15  
قديم 12/04/2007, 09:09 PM
زعيــم فعــال
تاريخ التسجيل: 25/09/2006
مشاركات: 476


بعض الناس مسوين فيها مراجل ولا يبون غير الكلام الجاد يا ناس وسعو صدوركم


لكن على الموضوع والله إنك منسم(مهستر) ههههههههههههههههههه
الله يرجك
خخخخخخ


تحياتي أبو ابرهيم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube