نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   قطوة الأهلي (http://vb.alhilal.com/t396837.html)

معاذ الشمري 12/04/2007 04:21 PM

قطوة الأهلي
 
في اليوم نفسه اللي كانت مبارتنا مع الأهلي كنت قاعد العصر مع الأهل أشرب الشاهي وأقلب بالقنوات (فاضي)المهم رن الجوال وكان رقم غريب المهم رديت من صار اللي داق علي؟

صديقيتي قطوه هلا والله كيف الحال وبعدين وش هالرقم الغريب عسا ماشر قالت جوالي استقبال المهم اسمع بتحضر المباراه اليوم قلت والله ماأدري والله خايف شكلنا بنخمبق اليوم ردت معصبه وش دعوى ماكنت اتوقع انك خواف ياحبيبي هذا الزعيم ماخاب من حبه المهم ابأمرك اليوم ونروح سوا قلت شورك وهداية الله والله يعيين المهم بعد صلاة المغرب مرتني وكانت متحمسه كانت رابطه شال الزعيم على راسها وصابغه وجهها وحنا بالطريق سألتها وش تتوقعين النتيجه اليوم قالت بلغة الواثق اكيد اربعه للزعيم المهم وصلنا الملعب وصلينا العشا هنا ودخلنا الملعب وجلسنا بالواجهه وهي جالسه يميني وجالسه تحمس الجماهير وتشجع

بدت المباراه وجا هدف الهلال وبغت تطير من الفرحه وقالت لي ماقلت لك اننا بنفوز المهم قعدت تصفق وتشجع وتصفر وبعد عشر دقايق تقريبا طلع التايب مصاب ومن بعدها فقدت صوت قطوتي العزيزه يوم التفت شفتها قاعده تفرك يديها من التوتر حاولت اهديها واحمسها وارفع من معنوياتها المهم بدا جا هدف الاهلي وكل الجماهير أحبطت واللي طلع من الملعب واللي قام يبكي واللي يزاعق فقدت قطوتي قعدت ادورها ادورها وبعد بحث لقيت الشرطه ماسكينا وهي تحاول نتط الشبك المهم طلع العسكري خويي وتوسطت لها وأخذتها معي وكنت أحاول اهديها وهي تقول والله لاأطب والله لاأوريهم وأعلمهم هديتها وقلتلها ياحبيبتي انتي معك ضغط والله مايسوى عليك ترفعين ضغطك كلنا نحب الزعيم ونموت فيه بعد بس ألزم ما علينا صحتك حاولت وحاولت وحاولت أهديها بس كانت منفعله وتبكي وبعدين هدت شوي وجلست بجنبي وبعد ربع ساعه سمعت الجماهير تصارخ وتصيح وأنا مدري وش السالفه ويوم شفت الا قطوتي العزيزه الجريه جوا الملعب والعساكر يطارطونها وبعدين مسكوها وبهذلوها وعلى أثر ماجاها من تصفيق وطق وجلد وعلاوه على الضغط اللي معاها أغمي عليها ودخلت المستشفى وأنا حاير ماأدري وش أسوي المهم ذكرت اني أعرف واحد من عساكر الملعب دقيت عليه وسألته عنها قالي انها أغمي عليها ونقلوها لمستشفى القطوه السعيده أنا أنجنيت وطلعت من الملعب ورحت على طول للمستشفى ورحت للأسعلامات وسألتهم عنها قالوا لي أنها بالعنايه المركزه .....

أنا من هول ماسمعت ذرفت دمعتي وأنا مدري المهم سألت منهو الدكتور اللي باشر حالتها قالوا انه اسشاري أسمه (قطو مشورب) رحت له وسألته عنها وقالي أن حالتها أستقرت وبتطلع من العنايه المركزه الصباح ان شالله....

جلست بالمستشفى الين الصبح ويوم جت الساعه 7 الصبح طلعوها من العنايه المركزه وحطوها بغرفه الين يتأكدون أن حالتها أستقرت واللحين حالها أفضل وأن شالله بتطلع من المستشفى بكره


(ومن الجريه ماقتل)

MiSs ReRe 12/04/2007 04:25 PM

؟؟؟؟؟؟؟؟؟؟؟؟؟؟؟؟؟؟؟

أشوى إني هلالي 12/04/2007 05:09 PM

يعني أنت ( عري )هع هع هع

MiSs Ro0oRo 12/04/2007 05:11 PM

وش قاعد تقول انت يا معاذ ..؟

الزعيم المخيف 12/04/2007 05:44 PM

!؟!؟!؟!؟!؟!؟!؟!؟!؟!؟!؟!؟!؟!؟!؟!

ABO 3LYAN 12/04/2007 05:51 PM

موضوع مدري شيبي ..؟؟

ثامر الهلالي20 12/04/2007 05:51 PM

وش تقول انت الظاهر شارب لك شىء

زعيم 44 12/04/2007 05:56 PM

وش دعوة اخي كلام لا فائدة منه

kmay 12/04/2007 05:58 PM

تسلم على القصه الطريفه

بس الحقيقه هذا حال عسكرنا من احساسم بالنقص يفرغونه على الجماهير وحتى الي يغلط ما لهم اي حق يعتدون عليه ومنهم قطوك الله يخليكم لبعض


معليش ملاحضه === بعض الناس مسوين فيها مراجل ولا يبون غير الكلام الجاد يا ناس وسعو صدوركم

معاذ الشمري 12/04/2007 08:18 PM

الفضاوه تسوي أكثر وبعدين هالقطوه ماتستاهل منكم وقفه؟

زعيـم هلالـي 12/04/2007 08:26 PM

العساكر عندنا مستحلين حرمة المشجع عكس الدول المتقدمة ودايم نشوف اللي يطب الملعب يمسكونه بهدوء وبدون أي ضرب أو إهانة ويطلعونه برا الملعب والعقوبة غالبا ماتكون حرمان من دخول الملعب مدى الحياة وهالكلام بالنسبة للبريمر اما الدوريات الباقية مالي علم بقوانينهم..

قصة فيها عبرة من بين السطور وأتمنى إصلاح حال عساكرنا :)

MiSs Ro0oRo 12/04/2007 08:29 PM

يعني قصه حقيقيه :p

العقل@ 12/04/2007 08:37 PM

انت زاحف ... قوي .. بناتي :D

عبدالمجيدالخالدي 12/04/2007 08:51 PM

افلام كرتون الحريه والمجد

ريكلمي@الشلهوب 12/04/2007 09:09 PM


http://www.alamuae.com/gallery/data/media/123/0100.gif
بعض الناس مسوين فيها مراجل ولا يبون غير الكلام الجاد يا ناس وسعو صدوركم


لكن على الموضوع والله إنك منسم(مهستر) ههههههههههههههههههه
الله يرجك
خخخخخخ

http://www.shathaaya.com/vb/images/smilies/i.gif
تحياتي أبو ابرهيم


الوقت المعتمد في المنتدى بتوقيت جرينتش +3.
الوقت الان » 09:47 AM.

Powered by: vBulletin Version 3.8.7
Copyright ©2000 - 2018, Jelsoft Enterprises Ltd