هل ؟؟ الشباب يعرضون أنفسهم للبنات؟؟! أوالبنات يعرضون أنفسهم للشباب ؟؟ ممنوع المضاربات - نادي الهلال السعودي - شبكة الزعيم

كوبي الزعيم · #1 10/04/2007, 10:11 AM

الســـلام عليكم ورحمه الله وبركاته :

أخواني وأخواتي الكرام , هذا الموضوع ليس للتقليل من قدر الشاب او الفتاه
وإنما خلاصه هذا الموضوع سؤال فقط ؟؟؟؟ واتمنى الإجابه والإضافة بالشيء المفيد
سؤال يدور في مخيلة الجميع وفي مخيلتي هل الشباب يعرضون أنفسهم للفتيات او العكس

قبل كل شي واهم شي

( انا شوله احتسي بالفصحى يقالي مدرس وانا دااج ) أبتكلم بالعامية

اتكلم عن الشباب :::::
الشباب وما ادراك ما الشباب بكل شارع وبكل مجمع وبكل سووق وبكل محل ابو ريالين

تلقاهم كادين القذله وحاطين كحل يقاله سكسوكه ( الي ما يعرف قصيمي يهج )

ولو يمر من عنده زووول رقمه يحسبه بنت ,

طبعا ما اتكلم عن الشباب كلهم ولكن
عن الي يخصهم الامر ,لو نبي نطلع لكل شارع او مكان تجمعات راح تشوووف
وش يسوون تحرش بالبنات المتزوجات والغير متزوجات والمطلقات والي تبي ؟
والي يزيد الطين بله فيه من الشباب الي يتميلحون متزوجين لكن صارت عاده عنده من قبل الزواج,وكم مقطع شفنا وكم قضيه اطلعنا عليها وكلها معاكسات الي يبي يتاكد
يروح اقساام الشرطه خميس وجمعه ويشووف كلها قضايا معاكسات
وكلكم راح تقولون الشباب عرضوا انفسهم على البنات والبنت مسكينه لا ناقه لها ولا جمل
اما البنات :::::
:p :p ( بنات الي تبي تزعل من كلامي لا تكمل ):p :p ...........

افلقن بعماره اذا البنت ما لها ناقه ولا جمل البنت وانا ما عمري صرت بنت !!

لكن كثر ما سمعت وقرأت , البنت اهم ما عليها سمعتها ولو الشاب مثلها ما كان عرض
نفسه للبنت . البنت لو كان ما يهمها شي اسمه ( السمعه ) راح تكوون اردى من الشباب
بالف مره لانها تملك العاطفه , والحين أي انسان مشهور او جميل بالعربي مملوح
او الله رازقه ومرخي عليه وله شهره , كم بنت تبي هذا المملوح والخ..
اما الداج المنتف ما يبغى ولا يناظر ولو بطرف عين لانه شين وداج ووجه تقل سطل

ما بوه بالزين ذره

( ما علي زود )

ما تلقى بنت تبيه الا يمكن بجوال

واشحن لي وافتح الشات وشوووف مجنوونه فلاااان عشيقه فلاااان منسدحه انا وفلان ببحر بالرياض , ويتفااخرون بين بعضهم

انا ادخل شات الصراحه واناقش بنات ودايم اسئل واناقش وتقول بالاخير انت منتب من مستواي اقولها ليش تقول (انا متعشيه امس مع فلان من الناس ) وفلان منهو واحد يغني ويرقص مع شله بنات وهي متفاخره بالشي هذا وانا ابصم بالعشر انه ما طلعت من عتبه البيت طبعا اذا ما كان

( تمساااح )

يعني ان البنت تعرض نفسه لكن مع ناس سبيشل
والشباب بعد فيهم حقهم لان هذي غريزه بنا من الله ( والله ادري ان ما بوه احد فاهم ) بس ارجع واقول انا بالاصل ابي جواااب مفيد ومسكت؟؟؟؟؟؟؟؟؟؟؟؟

وفي الختام احب ان اذكر بما قاله الرسول صلى الله علية وسلم ..ما اجتمع رجل وامراءةالا كان الشيطان ثالثهماوبالنهاية اقول لكم ان (درء المفاسد مقدما علىجلب المصالح)

والان مع نشره الاخباار

واتمنى ما احد يزعل علي لاني اشوف الواقع وكل واحد يبي يدافع عن نفسه

نـــــــ15ــــــمر · #2 10/04/2007, 12:31 PM

هذا يهون اما الشذوذ والعياذ بالله

تشـــــــــاو

ღهلابوليღ · #3 10/04/2007, 12:36 PM

اللهم ارزقنا الحور العين وأبعدنــا من بنات ام الركب السود وبنات الطين

الكناري الأزرق · #4 10/04/2007, 12:38 PM

و عليكم السلام و رحمة الله و بركاته ..

تراي مستعجل ! ..
معروف ان البنات هن اللي يعرضن انفسهم على العيال ..
مثال ..

قصه يوسف عليه السلام يو غلقت امرآة العزيز عليه الابواب !
و غير هذا البنت لا صرخت الولد يروح في داهيه ..
و الولد اذا جته بنت ما يقدر يقول شي !
يعني يبي يصرفها و انتهى الموضوع ..

و فيه قصه لرجل غلقت المرآه عليه الابواب زي امرآه العزيز ..
و ما فعل الفاحشه بحيله فعلها ..

الله يستر على بنات و عيال المسلمين ..
ياله سلام ..

التسناري

بنت فهد · #5 10/04/2007, 01:31 PM

أنت صادق بس مو كل البنات

هلالية حرة · #6 10/04/2007, 01:40 PM

حسب فيه بنات تلقااه ماغير تترزز عند العيااال ذي ودي افلقه ببلكه
وفييه عيااال اعووذ بالله ماغير واقف ويقزقز ويوزع ابتسامات اكبر مثاال عند مدارس البنات اعووذ بالله غاثيننا

Mr.DL5 · #7 10/04/2007, 01:50 PM

والله خلنا نتكلم بالواقع ..

كلن فيه حقه من الشباب او البنات .. اغلبهم يترززون .. واغلبهم يتميحلون ...

ما تقدر تحكم ع احد منهم .. لانهم كلهم وجهين لعمله واحدة وهي التميلح والترزز ..!!

رح الاسواق وتلقى كلن يتزز شباب او بنات ..

يعني بالعربي .. كلن فيه حقه .. ومهنا احد اضعف من احد ..

الـمـشـاغـب · #8 10/04/2007, 02:15 PM

لا

لا

لا

لا ما أصدق

كوبي الزعيم ما غيره؟

يا حركااااات أنت يا كوبي

المهم

بالنسبة للموضوع.. فأنا أشوف أن الشباب بالتأكيد هم اللي يجرووون خلف البنات..! وما يحتاج اثبات..!!

أما البنات.. فنسبة قليلة منهم تجري خلف الشباب..!!

وكل هذا يرجع للتربية من داخل الأسرة..!!

تقبل تحياتي كوبي الزعيم..

بااااااي

هلاليه من الرياض · #9 10/04/2007, 02:21 PM

شوف اخوي فيه بنات هم اللي يعرضون انفسهم على الشباب تلقاها تكلم فلان عشان يشحن لها وتطلع مع علان يعشيها والثالث يمشيها ويوسع صدرها.....

والشباب بعد فييه كثير منهم يبلون بنات خلق الله ويلاحقونهم ويشغلونهم بالإتصالات......

بس عموما الشباب كـ نسبة هم أكثر من يحتك بالبنات لسبب واحد وهو ان المجتمع يعطي الولد ألف عذر إذا أخطأ بعكس البنت اللي أي شي يشوه سمعتها عشان كذا تحاول تصون نفسها.....

الله يهدينا أجمعين ويستر علينا....

د.هدف · #10 10/04/2007, 03:02 PM

أهــلاً بـكــوبــي ,, :>

والله شـف مـن نـاحيـة المـوضـوع >> انبراااااش

الشباب 99% يعرض نفسه ,, والبنات 1% >> بعد دراسات طووويله طلعتها

صراحـة الي أعـتـقـدهـ ان قليل من البنات يعرضون نفسهم ,, ما يجون ربع الشباب الي يعرضون نفسهم ,,

عالعموم الله يهدي الجميع ,,

شاكر لك كوبي الموضوع الرائع !

رعبوبة الزعيم · #11 10/04/2007, 04:37 PM

هــلا والله خيو كوبي

موضــوع مهم بالنسبه للبنت والولد .. يعني الغلط ماراح تلقاه بالبنت بس
أو الولد الشي مشتركين فيه الاثنين .. يعني تلقى البنت بالسوق لاحسيب ولا رقيب
وعباية ضيقه ومكياج واحيان تكون كاشفه تبي الولد يشوف كل هذا ولا يســـوي شي

طبعا لكل فعل ردة فعل وبيرقم وبيسوي كل شي لأن مثل ماقلت هذي غريزه في الشــاب

بس الواحد يكون موقفه من هالشي انه يغض البصر لكن وين مافيه هالأيام من يغض البصر إلا القليل
يعني بعضهم من يشوف بنت حتى لو كانت كبر امه يلحقها ويرقمها

وبعضهم عساه يدق على وحده بالغلط
او تدق عليه بالغلط الا ويلعوزها صايره كثير هذي مايصدق يسمع صوت ناعم بس انا احيي الولد اللي ينعم صوته
ويلعب على الولد وياخذ منه اللي يبي:p لأنه يستاهل اذا كان مغفل
وانهم يعرضون نفسهم انا اشوف انه 50% للشباب والبنات

يعطيك العافيه كوبي على الموضوع الرائع

خيتك:رورو;)

لميس الهلالية · #12 10/04/2007, 08:38 PM

إقتباس

الرسالة الأصلية كتبت بواسطة الكناري الأزرق


	معروف ان البنات هن اللي يعرضن انفسهم على العيال .. مثال .. قصه يوسف عليه السلام يو غلقت امرآة العزيز عليه الابواب !

الكناري... لا يوجد مقارنة بين يوسف عليه السلام و شباب هذا العصر....
أولاً يوسف عليه السلام أوتي نصف جمال الكون.. ثانياً لديه عزة نفس الأنبياء و طهارة قلوبهم ..
لا تقل إن معظم من في هذا العصر يشبه يوسف عليه السلام في عزة النفس و الطهارة أو الجمال ..
ربما يكون للبنات دور في التعرض للشباب من ناحية المبالغة في التزين و المكياج و العبايات المخصرة ... لكن من النادر أن نرى بنت تعرض نفسها لرجل ... أي أن دور البنت يكون بشكل غير مباشر ...

وأنا شخصياً أوافق د.هدف في الإحصائية اللي طلعها

الكناري الأزرق · #13 10/04/2007, 08:56 PM

السلام عليكم و رحمة الله و بركاته ..

اول شي توضيح .. يوم كتبت الرد كان وقت الاسهم !
و الوالد ازعجني يقول حط شاشه التداول

فأنا ما قريت الموضوع بس اخذت الفكره .. و رديت " الرد " !

و انا الفكره اللي اخذتها ان المقصود بكلمة " يعرض نفسه او تعرض نفسها " هو [ المغازل او طلب الزنا و العياذ بالله ] ..

عشان كذا ذكرت قصه يوسف عليه السلام ..

و غير هذا يا لميس الان عمرك شفتي ولد يغازل وحدهـ متحجبه و اخذه ادبها ..
البنت بتبرجها تعتبر عرضت نفسها عالولد ! ..

هذا من ناحيه المغازل .. و منا ناحيه الزنا اعوذ بالله ..
لا في زمن يوسف عليه السلام .. و لا في زمنا .. مستحيل ولد يعرض نفسه على امرآهـ ..

الولد ممكن يغتصب .. لكن ما يعرض ! ..

لو فيه واحد متبرجه و لابسه لبس كاشف الولد ما يجي لمها ..
لانها لو صرخت راح يروح في ستين داهيه ..

التسناري

=مـاجــد= · #14 10/04/2007, 09:38 PM

هلا فيك كوبي الزعيم ذكرتني بأيام الشات وبلاويه (الله يرحم زمان أول) بس انصحك تبعد عنه<<<<اسأل مجرب

أما من ناحية أن البنات يعرضن انفسهن أنا اشهد انك صادق ومنها مواقف انا وقفت عليها بنفسي وأقسم با الله ما أكذب فيها ولا بحرف

أول موقف:

يوم من الايام كنا رايحين با لقطار لشرقية حنا والعائلة الكريمة وأنا وولد أخوي قاعد في جنب بعض

وعلى اليمين قدام شوي بنتين ومعهم ولد( ملحوس)كل شوي يجينا ويقول عطوني ريال والبنات هم اللي يرسلونه لنا

اتذكر كان معنا قهوه قاعدين نتقهوا لانه انت عارف القطار أنواع الفقر ويجي يتقهوى معنا والحلوات مطيرات عيونهن

شوي ويجن معاه.... والحقيقة ما أكذب عليك حنا شدنا الوضع شوي معاهن وخصوصا انهن يملكن عيون ساحرات

لكن مع الاسف قبل ما ناصل لدمام وقبل نزول الركاب كشفت وحده عن وجهها بتصلح نقابها وياليتها ما اكشفت

يعلم الله انه عبدات مكة ارحم لكن مع الاسف النقاب والمكياج يسوي أكثر........

الموقف الثاني:

بنت جيرانا مدري بنت ولا امهم اخذت لها فترة لمدة اسبوع كل ما اطلع الصباح للجامعة وأنا اسخن السيارة

تفتح طرف باب الشارع وتقعد (تويق) وما اخفيكم سر الموقف ازعجني كثير فضطريت أسوي حركة

غير مقبولة عند الناس ومالها داعي لكن كنت مجبور اني اسويها بحيث اني اتخلص من الموقف

ففتحت الباب (وبصقت با لشارع قدامها) وانتم بكرامة

ومن بعدها ما شفت وجهها...أعرف انها حركة شينه لكن عشان تكسر الشر لابد تكون حازم با الامر وتكون جريء

شوي

والموقف الثالث: والله انه بالمسجد الحرام لكن ما احب اذكره.........

والمواقف كثيرة لكن هذا ما اذكره

هذا ما عندي وما ننسى قول الله تعالى (إن كيدهن عظيم)

الزعيمة الحقيقية · #15 10/04/2007, 11:12 PM

في البدايه اتفق مع MR.DL5 الـمـشـاغـب د.هدف

واعتقد ان رعبوبة الزعيم قالت كل شي وبالمختصر المفيد
يعني تلقى البنت بالسوق لاحسيب ولا رقيب وعباية ضيقه ومكياج واحيان تكون كاشفه تبي الولد يشوف كل هذا ولا يســـوي شي لكن اذا احترمت نفسها وتحجبة وصانت نفسها ماراح احد يتعرض لها

وفي المقابل فيه شباب يتعرضون ويضايقون بنات خلق الله

ومثل ماقالت هلاليه من الرياض
يبلون بنات خلق الله ويلاحقونهم ويشغلونهم بالإتصالات
بس عموما الشباب كـ نسبة هم أكثر من يحتك بالبنات لسبب واحد وهو ان المجتمع يعطي الولد ألف عذر إذا أخطأ بعكس البنت اللي أي شي يشوه سمعتها عشان كذا تحاول تصون نفسها.....