نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هل ؟؟ الشباب يعرضون أنفسهم للبنات؟؟! أوالبنات يعرضون أنفسهم للشباب ؟؟ ممنوع المضاربات

كوبي الزعيم · #1 10/04/2007, 10:11 AM

الســـلام عليكم ورحمه الله وبركاته :

أخواني وأخواتي الكرام , هذا الموضوع ليس للتقليل من قدر الشاب او الفتاه
وإنما خلاصه هذا الموضوع سؤال فقط ؟؟؟؟ واتمنى الإجابه والإضافة بالشيء المفيد
سؤال يدور في مخيلة الجميع وفي مخيلتي هل الشباب يعرضون أنفسهم للفتيات او العكس

قبل كل شي واهم شي

( انا شوله احتسي بالفصحى يقالي مدرس وانا دااج ) أبتكلم بالعامية

اتكلم عن الشباب :::::
الشباب وما ادراك ما الشباب بكل شارع وبكل مجمع وبكل سووق وبكل محل ابو ريالين

تلقاهم كادين القذله وحاطين كحل يقاله سكسوكه ( الي ما يعرف قصيمي يهج )

ولو يمر من عنده زووول رقمه يحسبه بنت ,

طبعا ما اتكلم عن الشباب كلهم ولكن
عن الي يخصهم الامر ,لو نبي نطلع لكل شارع او مكان تجمعات راح تشوووف
وش يسوون تحرش بالبنات المتزوجات والغير متزوجات والمطلقات والي تبي ؟
والي يزيد الطين بله فيه من الشباب الي يتميلحون متزوجين لكن صارت عاده عنده من قبل الزواج,وكم مقطع شفنا وكم قضيه اطلعنا عليها وكلها معاكسات الي يبي يتاكد
يروح اقساام الشرطه خميس وجمعه ويشووف كلها قضايا معاكسات
وكلكم راح تقولون الشباب عرضوا انفسهم على البنات والبنت مسكينه لا ناقه لها ولا جمل
اما البنات :::::
:p :p ( بنات الي تبي تزعل من كلامي لا تكمل ):p :p ...........

افلقن بعماره اذا البنت ما لها ناقه ولا جمل البنت وانا ما عمري صرت بنت !!

لكن كثر ما سمعت وقرأت , البنت اهم ما عليها سمعتها ولو الشاب مثلها ما كان عرض
نفسه للبنت . البنت لو كان ما يهمها شي اسمه ( السمعه ) راح تكوون اردى من الشباب
بالف مره لانها تملك العاطفه , والحين أي انسان مشهور او جميل بالعربي مملوح
او الله رازقه ومرخي عليه وله شهره , كم بنت تبي هذا المملوح والخ..
اما الداج المنتف ما يبغى ولا يناظر ولو بطرف عين لانه شين وداج ووجه تقل سطل

ما بوه بالزين ذره

( ما علي زود )

ما تلقى بنت تبيه الا يمكن بجوال

واشحن لي وافتح الشات وشوووف مجنوونه فلاااان عشيقه فلاااان منسدحه انا وفلان ببحر بالرياض , ويتفااخرون بين بعضهم

انا ادخل شات الصراحه واناقش بنات ودايم اسئل واناقش وتقول بالاخير انت منتب من مستواي اقولها ليش تقول (انا متعشيه امس مع فلان من الناس ) وفلان منهو واحد يغني ويرقص مع شله بنات وهي متفاخره بالشي هذا وانا ابصم بالعشر انه ما طلعت من عتبه البيت طبعا اذا ما كان

( تمساااح )

يعني ان البنت تعرض نفسه لكن مع ناس سبيشل
والشباب بعد فيهم حقهم لان هذي غريزه بنا من الله ( والله ادري ان ما بوه احد فاهم ) بس ارجع واقول انا بالاصل ابي جواااب مفيد ومسكت؟؟؟؟؟؟؟؟؟؟؟؟

وفي الختام احب ان اذكر بما قاله الرسول صلى الله علية وسلم ..ما اجتمع رجل وامراءةالا كان الشيطان ثالثهماوبالنهاية اقول لكم ان (درء المفاسد مقدما علىجلب المصالح)

والان مع نشره الاخباار

واتمنى ما احد يزعل علي لاني اشوف الواقع وكل واحد يبي يدافع عن نفسه