هــلا والله وغلااا خيوو كلاسيكوو

إقتباس صباح الخير يا أغلى أحبــه .. مســاء الخير والاحساس والطيبه .. مســاء الفرحه .. والاجازات السعيده ..

مــساء الورد والجووري لهالطله الحلوة
اللي فقدناها وفقدنا حرفها من زماان عن مواضيعك;)

إقتباس قبل كل شي .. أهنئكم على الاجازه التي نستنا العنــا ..

الله يسلمك <<اللي يسمعك يقول مأجزه..:p

موضوع مهم اخي الغالي..الموضه وماادراك مالمووضه..
ماقلنا لاتتبعون الموضه بس المفرووض الوحده تاخذ الشي اللي يناسب معها ومع عاداتها
وتقاليدها يعني صح ان الله جميل يحب الجمال..لكن كل شي وله حدود سواء بالموضه او الاشيااء الثانيه
وحتى لو كانت التقاليد والعادات ماتهمها ..بعيد عن هذا الشي شريعتنا تقول هالمنطق ..
وكله بجهه واللو وست بجهه ثانيه وبمعنى آخر ((طيحني))ذااك اليوم شفت ولد خالتي لابسه قمت اضحك:p
قلت استغفر الله والاردى من كذا كان لابسه بزواج اخته ومطقمين هو وولد عمه
اظن هالبضاعه جايتنا من برى من بلدان غير اسلااميه ..بس انا مااشوفهم يلبسونه
يعني لاعبين عليينا وحنا خبر خير

إقتباس شاب يرتدي قلائد لا يعرف ماذا تعني .. ولكنها موووضه السنه !!

وهذا مايسمى بالخكري وش قلايده ..تقيد اعمى لو كان هالشي من السنه ولم يكن موضه السنه كان محد لبسها ..

إقتباس * شاب تراه بقصة شعر غريبه عجيبه دخيله في نفس الوقت .. "ويتحمل كل الانتقادات ..لعيــون الموضه "!!

هالكلاام يبيك تقوله لبعض الناس اللي يقصون قزع بالمباراه عاد من زين الشعر اللهم لاشمااته ;)
يصلح يغسلون فيه صحون كان بتطلع الصحوون تلق احلى ليفه شعر ولد نور:p :p
مدري وش راح يسوي لو كان حلوو استغفر الله

إقتباس قالوا : احنا مع الموضه .. قلت .. وربي انتم فوضه .. قالوا : ان الله غفور رحيم .. قلت : ان الله شديد العقاب ..

كلمات غايه بالروعه ..لافض فوه من قالها

إقتباس هذه ليست موضه .. هذه فوضه يراها البعض انها لُـجـه ولكنها في الحقيقه موجه تكــاد تنسف بديننا .. وتقاليدنا ... وذوقنا العام ..

تسلم يمينك على هالكلمات اللي اقل مايقاال عنها روووعـــه
بس وش ذا ثوب مفتوح من ورى الظاهر الولد خكري ويبي يفصل فستان مو ثوب:p
اول مره اسمع بهالموضه اللي مدري من وين جايه..

إقتباس وعرفت بعد ان لياقة المواضيع غير لياقة الردود << لعاد تذكر ولا تشبه

ايه والله وانت الصاادق..انا اذا جيت ابنزل موضوع افكر بالردود
احيان افكر اسحب بس اقول لابد من اكرام الضيووف;)

إقتباس * كيفكم ويا الاجازه .. انا احس اننا محسودين عليها .. اذكر اني مسوي جدول وين اروح وين اجي بس الوقت مر بسرعة البرق وانتهت الاجازه وانا افكر وش اسوي

ايه والله محسودين بقوة خصوصا من هالآدمه>>
احيان احس اني حقدت عليكم بس على طول اتراجع عن قراري واقول الله يهنيهم ياارب ;)
ان شالله القمه الجايه بالشرقيه وبالتحديد في بيتنا علشاان نهج ومانجلس بالشرقيه ..
بس جدوالله مسوين زحمه عندنا الفنادق اغلبها مكتوب عندها ان المكان ممتلئ وش دعوة ماصدقتوا
على الله تجيكم اجازه وتطلعوون من الرياض حتى جسر البحرين وانا جايه من المدرسه مكتوب ان الزحمه عاليه
<<تتابع الاخبار وهي جايه بالطريق
بس الناس يقولون ((ياحي الله من زار وخفف ))يعني يومين وارجعوا مو الاجازه كلها حياكم الله بس لاتعيدونها :p :p

إقتباس ماتحسون ان الشطحه طولت .. نسيت اعتذر من اهل الشرقيه والله اننا غثيناهم .. ناس تفترش الارصفه .. وناس المصطحات الخضراء .. وناس الشوارع <ماعندهم وقت اهل الرياض

لاتعتذر تمونوون شرقيتنا شرقيتكم ورياضكم رياضنا

إقتباس أعضــاء اختفوا .. ننتظر عودتهم ..

الله يرجعهم للمنتدى سالمين ان شالله ..بجد فقدناهم ..

إقتباس ســؤال واحد // وش سبب تردي الحال في " بعض الشباب والفتيات " ؟

ضعف الوازع الديني عن الشباب والبنات..وترك العيال على كيفهم من غير حسيب
او رقيب ..ويمكن بسبب الفضائيات واحيان النت للي مايتعمله استعمال في محـــله ..يعني عيالهم صغار
يعطونهم نت وجوال يخربون العيال من يومهم صغار ..وراعي الطبع مايتوب عن طبعه ..
يضل هالشي فيهم حتى يكبرون ..

إقتباس عموماً اعتذر عن الاطاله ..

والله انا اللي اعتذر عن الاطاله

تسلم يمينك كلاسيكوا على الموضوع الرائع ..
تقبل مروري ..
خيتك:رورو;)

إقتباس الرسالة الأصلية كتبت بواسطة الـنـادر صراحه والله الشباب و البنات يسون اي شي يبنونه في ملابسهم بدعوى انها موضه و تلقاهم يلبسون الاشياء لا تخطر في البال يعني انا حاليا في امريكا الموضه او الحركه اللي تشوفها على الناس كلهم انه ينزل بنطلونه الى ما تحت المؤخره <<معليش على الكلمه بس مع المشي البنطلون طاح في الارض و قعد يمسح الشارع معه اتوقع بسبب تردي الحال الشباب و البنات هو القنوات الفضائيه و ما يعرض فيها لانك تعرع في قنوات و برامج الله بالخير و شبابنا و بناتنا ما يشوفون شي الا و يبي يقلدهم تسلم يا الكلاسيكي على الموضوع و من زمان عن مواضيعك الحلوه يا هووووه سلامـ

هــلا وغــلا فيك خبيرنا النادر ..
نورت الموضوع ..
وتافق معك الشباب والبنات يفلون مايخطر ببالهم بدون رقيب ولا حسيب !!
وموضة طيحني الصراحه موضه تدل على اشياء كثيره .. الله يخلف بس ..

واكيد الفضائيات لها دوركبير .. والتقلد الاعمى اللي ذبحهم مثل ماقلت ..

في الختام .. معلينا الا ندعي لهم بالهدايه ..
والشكر كله لك على مرورك الجميل .. ورائك الرائع ز.

شكرا ..

إقتباس الرسالة الأصلية كتبت بواسطة مطران موضوع حضاري 7 7 7 انقر على 7 المحضارة شكراً لك اخوي مطران . جزاك اله الف خير .. الموضة فوضة

إقتباس الرسالة الأصلية كتبت بواسطة ...SoMe OnE... ,,, ,, , وما حظ من يعرض الغريب .. الا بـ ذاكـَ الغريب ..!! نقولها واضحة وصريحه .. ان الموضه للاسف ابقت رحالها هنا في مجتمعنا .. ولم يبقى لنا سوى ان نرتقب كيف سـ يكون التغيير .. ولعلَ الامر في بدايته يثير الاستغراب .. ولكن مايلبث الا وان يكون الامر عاديا .. ومتماشيا مع الذوق العام ...!! بالمناسبه .. موضة الرجال لها رائد في مجتمعنا السعودي ... واعني الموضه في الزي السعودي .. ولعلكـَ لاحظت ان الموضه تنطلق من ارتداء الملكـ عبدالله لها .. او اي شخصيه بارزه .. ولعلَ الملكـ في رأس القائمه .. ولربما في الشتاء كانت موضة ( الثوب الازرق ) ومن قبلها الشماغ الشتوي والمنشول .. وغيرها .. والتي احدثت نوعا من التحريكـِ بين اوساط الشباب .. / \ / عزيزي / الكلاسيكي لعلكـَ تتفق معي اخيا ان هنالكـَ نوع من الموضه يتماشى مع رغباتنا ومع عادة المجتمع الذي نعيش فيه .. ولقد ذكرت ذلكـَ في بداية موضوعكـ .. لكن للاسف ان الانجراف وراء التقليد الاعمى هو مايضع امام كلمة الموضه الف علامة استفهام .. اي يكون الخوف بـ ان يتبع الانسان مايناسبه من اطروحات الموضه .. وتناسب مجتمعه في المقام الاول .. وتجده شيئا فـ شيء .. ينجرف وراء هذا التيار دونما ان يشعر وفي الاخير تجده مابين قصة غريبه وسلسال اغرب ... هنا يكمن الخوف ولعلَ الحل عند البعض ان يبتر الموضوع من اساسه .. وبالتالي سـ يبقى في نظر الاخرين ( متخلف ) وياعجبي لـ هذا المبدأ ...!! بودي عزيزي .. ان تصنف موضة المجلس العام لهذه الفتره ...!! ربما كانت موضة الغياب هي الابرز .. ولكن ان كانت موضة المجلس العام هي الابداع فـ انتَ رائد الابداع بلاشكـ .. كـ عادتكـَ اخيا انيق في جميع الحالات .. ويروقني ماتكتبه وهذه حقيقة لا مجامله انتَ من الاشخاص اللذين يحدثون التأثير في اروقةِ هذا المجلس .. وشرفي هو وسام وضعته انتَ على بياض احدى صفحاتي .. لازلت وسـ اظل كذلكـ اعتز بهذا الوسام الاميري حقيقه .. لانه وبكل بساطه من امير الابداع .. فـ لكـَ الشكر والتقدير على ماتطرحه .. وكل الاماني لكـَ بدوام التوفيق ,, **** كن بخير ...SoMe OnE...

أهــلا بصاحب الفلم النيّر ..
اهلا برماد الحــرف ..

لا اريد التعليق كثيراً على كلامك سوى اني اتفق معك في كل كلمه سطرتها هنا ..
بالفعل الموضه تبدأ غيربه ثم تنتشر حتى يكون الامر عــادي جداً ..
وتذكرت هنا التلفاز في عهد اجدادنا بعد ان دخل في مجتمعاتنا كان منبوذ
حتى بدأ شيئاً فشيئاً ينتشر حتى اصبح مطلب اساسي ..

ولكن المحرم شرعاً يبقى محرم .. رغم ان انه انتشر .. يبقى الحكم .. عليه ..
وبعض لامبادئ تثير العجب .. فأي شاب لا يتماشى مع الموضوه حتى ان كانت شيئه
فهذا شخص قيم .. غير متطور !!

في الختام اشكرك على المرور اللي دائماً مايكون مفيد . . واضافه رائعه للموضوع ..
ولو مر بالموضوع انت فقط لاكتفيت
شكرا لك على حضورك المميز ..
دمت بخير ..

إقتباس الرسالة الأصلية كتبت بواسطة الاعصار الاسيوي والله انك صادق الموضه طلعت قله حيا

الاعصار ..

مثل ماقلت . قلة حياء ..
شكرا لك .. على المرور العطر .

[/CENTER][/QUOTE]

إقتباس الرسالة الأصلية كتبت بواسطة مقدر الهلال هلا والله الكلاسيكي موضوع حلو ومفيد للآسف ان الكبار قعدوا ينافسون الصغار والله انا ماحمل الصغار على هذا التصرف لأن الصغير لايعي مثل مايعي الكبير والشرهه على( كبير المهابيل) اللي من جد خربها ونحمد الله على نعمة العقل وأهــــنــيك على اختيار اسم الموضوع (( تقدر تقول : الموضه صارت فوضه "سبع مرات "! !))

هــلا وغــلا فيكـ اخوي مقدر الهلال ..
نورت الموضوع بتشريفك ..

بلافعل اخوي تطرقت لنطقه سقطت سهواً مني وهي في غاية الروعه وهي ان
القدوه قد يئثرون على من يقتدي بهم .. فاذا كان الاب "سفيه " فعلى الابن السلام .. ولا يلام ..

اهنئ نفسي على حضورك هنا ..

تقبل ارق التحايا .. واشكرك على المرور العطر .. وابداء رأيك ..

دمت بخير

إقتباس الرسالة الأصلية كتبت بواسطة الهنوووف \ \ وعليكم السلام ورحمة الله وركاتة بقوووة فيه فرق مير انا لما كتبت موضوع حسيت انه انجاز واحس اني مستحيه مدري انزله او لا حركات منزل موضووع من زمان عن كروتكـ الحمراء اللون كل ذا لاني نزلت موضوع اجل بنزل كل ابودايم:p علشان تسوي مثلي ماش ماحسيت فيها احس انها اربعاء وخميس يتكرر مرتين لاول مره بس للاسف ماحسيت فيها مرة من قدهم اهل الرياض عندهم لو ينامون بغرفهم بعد ترى اهل الشرقيه ينبسطون من جيتنا بس خلو عنكم هالكلام >>>خنفشاريه على طاري خنفشاريه وين ماجد مقبل ماله حس تهقون رايح للشرقيه وش نملك وماسوينا تقطعت حلوقنا واحنا ننادي عاد اسمعو وتعالوو ولكن تبقى الظرووف بينـنا هي السبب ماذكرتة القليل من الكثير الذين تغيبو ولكن اسال الله الذي حمعنا بكم فيه دنيا فانيه لايحرمنا من لقياكم بجنة عاليه قطوفها دانيه ســؤال واحد // وش سبب تردي الحال في " بعض الشباب والفتيات " ؟ اممممممم والله مدري بس التربية للاسف لها دور الحين الاب والام مايدرو عن عيالهم في الرياض او بالشرقيه الام ماتدري بنتها بالبيت او طالعه للسوق مع صديقاتها ضعف الوازع الديني وعدم التقيد بالاحكام الدينية والعادات والتقاليد والتغني بتلك الكملة العقيمه (معقدين ) التقليد الاعمــى الحرية بالراي واللبس والخرابيط مالت عليكم وحريتكم حب الظهور حتى يكون محط االاعجاب من بني الجنس الاخر تتعدد الاسباب ولكن مالحل [/CENTER] الهنوووف كانت هنا ورحلت [/CENTER]

هلا فيك اختي الهنوووووف ..
نورتي الموضوع بطلتك الجميله ..

اجل مو انا اللي ضاع وقتي في تفكير !!
واهل الشرقيه ما انبسطوا الا يقولون الله يجيب الجمعه .. ونفتك منهم ..

وان شاء الله يرجعون اللي غايبين .. ويرجعون بالغنايم ..
والله يجمعنا معهم في الجنه .

واتفق معك في كل سبب ذكرتيه ..
وهذي الاسباب تعد رئيسيه مثل سوء التربيه .. وضعف الوازعا لديني .. والتقليد الاعمى ..
واشاء كثيره .. باذن الله راح تكون لها حلول لو حالونا ندور حلول ..

والله يكفينا شر الموضه الفوضويه ..

شكرا لك اختي الهنوف على مرور العطر ..
وعلى رائك الرائع ومداخلتك الجميله ..
تقبلي ارق التحايا ..

دمتي بخير ..

إقتباس الرسالة الأصلية كتبت بواسطة ياقاهرهم يالهلال تقدر تقول بطتنا بطت بطتكم سبع مرات {--------------- يرحم امك ترا ردك بوادي والموضوع بوادي

بجد انك بوادي ماله دخل فينا

إقتباس الرسالة الأصلية كتبت بواسطة البالون هـلا بـ الكـلاسيـكـي .. بـ النسبـة لـ موضوعـك المهـم .. القـلـب يحـزن لـ حال شبابنا .. و اللـه قـلـة الـوازع الديـنـي أول شـيء ..حتـى البعـض و العيـاذ بـ اللـه ما يصـلـي و لا يعـرف ربـه .. ويجـب على كـل الشبـاب أن يـدركوا أنك كـل ما ابتعـدت عن ربك يطغـى عليك الشيطـان .. و الشيطـان ينتظر الهفـوات لكـي يباغتـك ويبعـدك عن دينك ..والسـبب الثانـي التـربيـة من الوالـديـن .. إن لم يكـن الرجـل ذو تـربيـة حسنـه فـ سيفعـل ما يشـاء ..لـن ينـظـر لـ تقـاليـد و لا إلـى رفعـة و سمـو هـذا الوطـن .. فـ أنـا أوجـه اللـوم على الوالديـن ثم على جميـع المـواطنيـن و المسؤوليـن .. يعنـي يجـب تكثيـف التـوعيـة الدينيـة أولا ثم مقـاييـس احتـرام الشخـص لـ نفسـه أولا ثم للغيـر .. ..

أهــلاً بك اخوي البالون ..
نورت الموضوع بتشريفك العطر ..

كلام جميل .. ورأي رائع . وكما قلت الشيطان لم يمت .. لازال يحرف افكار شبابنا ..
ولا زال يدسهم بسموم الافكار .. المنحرفه .. والغير " مهضومه "

وبالتااكيد التربيه .. التربيه امر .. لا نتجادل فيه ..

اسال الله اني يهدي جميع شبابنا وبناتنا ..

شكرا لك على المرور الجميل
تقبل ارق التحايا ..

إقتباس الرسالة الأصلية كتبت بواسطة القيصر بكنباور آآآآآآآه يالكلاسيكي . . وش نقول وش نخلي . . ؟ وبصراحة أنا أحمل المسؤلية الكاملة للوالدين في هالفوضة . . =========================================== لـــنــــا عودة . . يتبع . . .

هلا فيك اخوي القيصر ..
بالتاكيد الوالدين يتحمولن المسؤليه ..
شكرا ع المرور .. ننتظرك ..

إقتباس الرسالة الأصلية كتبت بواسطة رهيب الحزين الموضة صارت فوضة الموضة صارت فوضة الموضة صارت فوضة الموضة صارت فوضة الموضة صارت فوضة الموضة صارت فوضة الموضة صارت فوضة

كيف الحال

إقتباس الرسالة الأصلية كتبت بواسطة تغريد هلا CLASSIC والله صايرين امعه بشكل موطبيعي في كل شي فحياتنا يعني مثلا فبرامج التلفزيون اشوف البرنامج النسخه الاجنبيه وبعدو على طول النسخه العربيه شي يفشششل يقلدونهم بكل شي في اللبس في الحركات مالكم شخصيه انتو!! انا ضد اني اخذ شي يعرض علي بدعوى انها موضه!او تقليييييد بس اخذ الي يناسبني ويناسب اخلاقي وعاداتي وديني قبل شي اعتقد اغلب الي يمشوون ورى الموضه بدون تفكير هم المراهقين وين الاهل يوجههونهم ويفهمونهم وصلو لكذا؟؟ الله يهديهم بس السنه هذي شكلها موضة الملابس الآيله للسقوط اتوقع اول شي التربيه التاثر ..من القنوات ...الخ وعدم الثقه بالنفس الموضه صارت فوضه ترى قلتها سبع مرات صح مافي جائزه يسلموو كلاسيكو

هــلا فيك اختي تغريد ..
نورت الموضوع بتشريفك ..

رد جميل .. واعتبره اضافه جميله للموضوع ..
بالفعل صايرين امعه .. حتى في البرامج .. "الغير مفيده " وهذي المشكله ..

التقليد صاير اعمى !! يعني مافيه حتى اكتشاف لشخصيته ..
وكل الاشباب اللي ذكرتيهال من الاسباب الرئيسيه ..

الموضوه جميله .. ولكن بحدود المعقول ..
الله يستر متنتشر الموضات اللي ضد الحياء !!

وشاطره قلتيها سبع مرات :p
بكره ان شاء الله بنسوي سحب وان شاء الله يطلع اسمك << موضه

شكرا لك على المرور العطر .. وابداء الرأي .. تقبلي ارق التحايا ..

دمتي بخير ..

حكيت عن الموضة أو " الفوضة " و يكفي ..
لكن ما تعتقد إن واحد من أسباب التردي انحصار الاهتمام على الموضة وة ما في درجتها من الأمور !!

الكلاسيكي عندما تتناول فكرة أو تتطرق إلى موضوع أو تناقش رؤية أو تحلل واقعاً و قد فعلت ما سبق !
لنا موعد مع موضوع ثري ..

شكراً لك ..

وعليكم السلام ورحمه الله وبركاته...
ومساكم افراح ..وجعل احزانكم تنزاح.. وقلوبكم دوم ترتاح ..

الموضه صارت فوضه .. والله إنك صاااادق
الناس اصبحوا يلبسون انواع الالبسه ..
وان كانت مخالفه في الشرع في كثير من الاحيان بأسم الموضه
اصبحوا يتهاونون ويلبسون الشفاف والضيق والبنطال.. وغيره
مع انها لها احكام شرعيه واضحه وبدليل من الكتاب والسنه ..
ومن ما جلبته لنا الموضه والتقدم الذي جعلنا نتاخر لا نتقدم..
تشبه الرجال بالنساء وتشبه النساء بالرجال ..
في الملبس في قصات الشعر .. وغيرهـ
وايضاً هذا له حكم في الشرع ولكنهم بطرق ملتويه
اقنعوا الناس بأن من يتتبع الموضه وبحذافيرها فأنه انسان
حضاري متقدم ومنفتح .. اما غير ذالك فهو انسان معقد وغير حضاري ..
اغلب الموضه و( التقليعات ) الجديده تاتي من الخارج ..
ونحن لسنا مجبورين على اخذ جميع ما تحمله الموضه من الصالح الطالح..
ولعل لمشاهده شبابنا وشاباتنا في الفضائيات وما تقدمه ..
اثر واضح وخطير في تقليدهم في كل ما يقدم ..
في تقليد احد الفنانيين او احدى الممثلات .. في مظهرهم الخارجي

إقتباس مادعاني لكتابه موقف في الحقيقه اضحكني ثم ابكاني على حالنا !!

ايه والله واقع يبكي ,, الهذه الدرجه وصلنا ..
اصبحت العقول فارغه لا تفكر في ما ستفعل ..
اذا كان هذا تفكير شبابنا فسلام علينا ..

إقتباس انا احس اننا محسودين عليها .. اذكر اني مسوي جدول وين اروح وين اجي بس الوقت مر بسرعة البرق وانتهت الاجازه وانا افكر وش اسوي

اكيد إنا محسودين عليها موب هل الرياض بس اللي مستانسين بالاجازه
الاجازه طارت بسرعه والسبه عيون بعض الناس ..
زين سويت جدول ... وش تقول في اللي الوقت اسرقه وحتى جدول ما سوى

إقتباس نسيت اعتذر من اهل الشرقيه والله اننا غثيناهم .. ناس تفترش الارصفه .. وناس المصطحات الخضراء .. وناس الشوارع <ماعندهم وقت اهل الرياض

ليتك نسيت وما تذكرت :p ..
البارح قاعده ارقع باسم اهل الرياض وانهم اضعوف وما اطلعوا من الرياض
وانهم مو مسوين زحمه بالشرقيه ... وانت نقضت كلامي ..
اشوى إنها ميب عندي والا كان رحت ملح ومن لسانها وش يفكني ..

إقتباس أعضــاء اختفوا .. ننتظر عودتهم ..

لن نمل الانتظار ولن نكل في منادتهم للعوده الينا..
لعل الايام تاتي بهم الينا ..

إقتباس وش سبب تردي الحال في " بعض الشباب والفتيات " ؟

بعدهم عن الله سبحانه وتعالى بالمرتبه الاولى ..
وتقليدهم لبعضهم البعض في الاشياء السلبيه والغير محببه ..

أستمتعت وانا ابــُـحر بين احرفك و أغوص بين اسطــــرك
فليس بمستغرب ان استمتع لان التميز يصاحب اسمك دائماً..
اخي الكلاسيكي ...
كل الشكر لروعه اطروحتك وتميز اسلوبك..

إقتباس الرسالة الأصلية كتبت بواسطة مطران موضوع حضاري 7 7 7 انقر على 7 المحضارة الموضة فوضة

موضوع رائع من قلم اروع وزاد حلات الموضوع المحضارة التي اضافها القلم الراقى مطران