#1  
قديم 29/03/2007, 09:16 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
Smile تقدر تقول : الموضه صارت فوضه "سبع مرات "! !




صباح الخير يا أغلى أحبــه ..
مســاء الخير والاحساس والطيبه ..
مســاء الفرحه .. والاجازات السعيده ..

أهــلاً بكمـ وبتشريفكم العطــر هنــا ..
قبل كل شي .. أهنئكم على الاجازه التي نستنا العنــا ..




:: بــد ا ا ا ا يـــه ::

لا شــك أنه من الطبيعي لكل شاب وفتاة ان يبحث عن آخر موضة هذا العام ..
وبروايه أخرى "صرخة هذي السنه" ..

ومن الطبيعي ان يختلف الاهتمام بالموضه .. من شاب لآخر .. كذالك للفتيات ..
فنجد أن بعض الشباب يعطون للموضه اهتماماً كبيراً ..وآخرين العكس .. وهــذا أمر طبيعي ..





:: ما بعد البدايه ::

الآن .. انا مع الموضه .. واتبع كل ما ينزل بالاسواق من السلع الجديده .. ولكن بحدود المعقول .. !!
يمعنى اني احاول وبقدر الممكن الحفاظ على تقالدينا العربيه والحفاظ على اوامر شريعتنا الاسلاميه ..
هي في الأخير حرية شخصيه .. ولكن اذا كانت الحريه "المطلقه اصبحت حريه "مفرطه "
فنحن وشريعتنا الاسلاميه في غنــاء تام عنها .. وعن مساوئها ..

مالذي حدث الآن في موضتنا !!

* شاب يرتدي قلائد لا يعرف ماذا تعني .. ولكنها موووضه السنه !!
* فتاة ترتدي بنطالاً مفتوحاً من كل جانب .. حتى تظن بانها لا ترتدي .. وهذي الحقيقه ..

ولو استفسرت عن السبب .. ستجد الاجابه بلا تردد .
" هذي الموضه "

* شاب تراه بقصة شعر غريبه عجيبه دخيله في نفس الوقت ..
"ويتحمل كل الانتقادات ..لعيــون الموضه "!!


للأسف مفهوم الشباب للموضه خطأ .. واعتقاداتهم .. خطأ ..
أنا انسان اتبع الموضه .. وكل جديد .. ولكن بحدود المعقول ..
كما قلت .. ابحث عن الموضه بدون ان اخرج من اطار الدين والعادات ..
ولا ننسى أن للتربيه دور كبير في نبذ تلك الامور .. وتوعيى الأبناء ..

قالوا : احنا مع الموضه ..
قلت .. وربي انتم فوضه ..

قالوا : ان الله غفور رحيم ..
قلت : ان الله شديد العقاب ..






:: سبب الكتابه ::

مادعاني لكتابه موقف في الحقيقه اضحكني ثم ابكاني على حالنا !!

شاب في ال 17 من عمره , طلب من والده ان يعطيه فلوس لانه بيصير مثل باقي الشباب وبيفصل ثوب .
طبعا الوالد ماتردد وبكل حنيه ورقه اعطاه المطلوب "وهذي سلبيه" وراح الواد بيفصل الثوب .. ودخل
ابو الشباب على الخياط .. وقال فصل لي ثوب . . طبعا خذا الخياط المقاسات مثل العاده .. وحتى الان كل شي تمام ..
المضحك هنا .. الشاب قال الثوب ما ابغاه عادي !!
قال الخياط كيف يابزووور !!
قال الشاب .. ابغى الثوب مفتوح مع ورى . يعني فتحة سبعه مع ورى
طبعا الخياط رفض هذا الشي واقنع الشاب ان هذا " مافيه كويس " طبعا الشاب عذره انها موضه !
مع اني ماشفت هالموضه .. بس التفكير بعد صاير فوضه ..


هذه ليست موضه .. هذه فوضه يراها البعض انها لُـجـه ولكنها في الحقيقه موجه
تكــاد تنسف بديننا .. وتقاليدنا ... وذوقنا العام ..





:: شطحه ::

اذكر كانوا يقولون دايم ان لياقة المباريات غير لياقة التدريبات .. وانا تأكدت من هذا الشي ..
وعرفت بعد ان لياقة المواضيع غير لياقة الردود << لعاد تذكر ولا تشبه

* كيفكم ويا الاجازه .. انا احس اننا محسودين عليها .. اذكر اني مسوي جدول وين اروح وين
اجي بس الوقت مر بسرعة البرق وانتهت الاجازه وانا افكر وش اسوي

بس تبغون الصراحه الرياض يمدحونه هاليومين .. فاضي يوسع الصدر ..
ياليت كل يوم قمه .. بس حسيت ان الرياض اشتاق لاهله ..

ماتحسون ان الشطحه طولت :p .. نسيت اعتذر من اهل الشرقيه والله اننا غثيناهم ..
ناس تفترش الارصفه .. وناس المصطحات الخضراء .. وناس الشوارع :p <ماعندهم وقت اهل الرياض

ما تحسون انكم خذتوا علي .. هيّــا انقشعوا




أعضــاء اختفوا .. ننتظر عودتهم ..


*دبــل كيكـ *

*الهـــارف*

*سحر الشرق*

*لوحه مميزه*

* تـــــرف *

*العنـــا *



:: حكمه :: الضمير صوت هــائ .. يخبركـ بــأن أحداً ينظر إليكـ ..




ســؤال واحد // وش سبب تردي الحال في " بعض الشباب والفتيات " ؟



عموماً اعتذر عن الاطاله ..

وتقبلوا أرق التحايا .. وأرقهــا

ودمتم أحبتي بكــل الود .. وعبير الورد ..

///أخوكم ///
CLASSIC

اخر تعديل كان بواسطة » الكلاسيكي في يوم » 29/03/2007 عند الساعة » 09:34 AM السبب: ياشين اللقافه !!
اضافة رد مع اقتباس
  #2  
قديم 29/03/2007, 09:24 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
هلا وغلا بالكلاسيكي وموضوعه الأكلسك


بصراحة موضوعك جميل جداً جداً....

فيه موضة ممكن تهضمها.. ولو أنها حرام... بس على الأقل حلوة...!! ونمشيها على مضض..!!

بس المشكلة وأنا خوك إذا كانت الموضة قبيحة وشينة...!!

مثل هالبنطلونات اللي أشوفها يومياً عندنا بالجامعة واللي تسمى بنطلونات "طيّحني" <<=== ما أعرف اسمها بس الشباب يقولون لي كذا اسمها

هذي البنطلونات يا طويل العمر.. تكون بدون حزام.. وتنزل إلى الأسفل حتى تظهر الملابس الداخلية

اعذري ما قدرت ألقى لها وصف أفضل من هذا الوصف..!!

فعلاً قلة حيا قسم بالله ما فيهم ذرة حياء ولا كرامة؟!! لا وبعد يختارون أفضل وأجمل الملابس الداخلية

يعني متعمدين يظهرونها

والله لو ما كنا في بلاد ابن سعود كان مسحت بهم الأرض.. ولأزلتهم عن بكرة أبيهم <<== وش عنده الزير سالم




أما بالنسبة لأجازة اهل الرياض...!!

يا أخي أهل الرياض كلهم شدوا عندنا شوارعنا كلها زحمة.. واهل الرياض مسببين لنا زحمة غير طبيعية..!!

حتى التسقيط على السيارات أول مرة نشوفه عندنا... وكله من أهل الرياض اللي ما يعرفون النظام

قبل أمس طلعنا كورنيش الدمام وجبنا معنا عشاء... دورنا موقف لسيارتنا ما لقينا إلا بآخر الكورنيش الساعة 12..

نزلنا ولقينا أمة لا اله الا الله... وكلهم عوايل.... حاولنا نلقى مكان بعيد عن العوايل ما فيش

بالأخير حصلنا مكان بعيد عن عايلة بـ 20 متر... وجلسنا تحت نخلة... ويوم بدينا نسمي على العشاء.. جانا ورع عمره

9 سنين تقريباً... سلم علينا وما عرف يتكلم.. قلنا له تفضل تعشى معنا.. قال شكراً بس اذا تعشيتوا غيروا مكانكم لأن

فيه عايلة وراكم

قلنا أبشر... بنتعشى ونغير المكان.. (مع ان العايلة خلفنا وما نشوفهم)...!!

المهم واحد من العيال ملقوف... قال: أنت من أهل الرياض؟

قال الولد: ايوه... قال خوينا: ما شاء الله جايينا من الرياض وتطردوننا من ديرتنا

انحرج الولد ورحمته... قلت ما عليك منه... بنتعشى ونمشي ولا يهمك..!!

ثم تعشينا ورجعنا جامعتنا لأننا عارفين اننا ما راح نحصل مكان مع اهل الرياض المحتلين..!!

والله من جد احتلال... متى بس تضفون وجيهكم يا أهل الرياض؟



<<===== من يقرأ كلامك يقول أنك موب من الرياض:p

اخر تعديل كان بواسطة » الـمـشـاغـب في يوم » 29/03/2007 عند الساعة » 09:45 AM
اضافة رد مع اقتباس
  #3  
قديم 29/03/2007, 09:40 AM
زعيــم مميــز
تاريخ التسجيل: 08/12/2006
المكان: جزيرة السلام
مشاركات: 1,520
موضوع حضاري
7
7
7
انقر على
7
المحضارة


اضافة رد مع اقتباس
  #4  
قديم 29/03/2007, 09:57 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
إقتباس
الرسالة الأصلية كتبت بواسطة الـمـشـاغـب
هلا وغلا بالكلاسيكي وموضوعه الأكلسك


بصراحة موضوعك جميل جداً جداً....

فيه موضة ممكن تهضمها.. ولو أنها حرام... بس على الأقل حلوة...!! ونمشيها على مضض..!!

بس المشكلة وأنا خوك إذا كانت الموضة قبيحة وشينة...!!

مثل هالبنطلونات اللي أشوفها يومياً عندنا بالجامعة واللي تسمى بنطلونات "طيّحني" <<=== ما أعرف اسمها بس الشباب يقولون لي كذا اسمها

هذي البنطلونات يا طويل العمر.. تكون بدون حزام.. وتنزل إلى الأسفل حتى تظهر الملابس الداخلية

اعذري ما قدرت ألقى لها وصف أفضل من هذا الوصف..!!

فعلاً قلة حيا قسم بالله ما فيهم ذرة حياء ولا كرامة؟!! لا وبعد يختارون أفضل وأجمل الملابس الداخلية

يعني متعمدين يظهرونها

والله لو ما كنا في بلاد ابن سعود كان مسحت بهم الأرض.. ولأزلتهم عن بكرة أبيهم <<== وش عنده الزير سالم


<<===== من يقرأ كلامك يقول أنك موب من الرياض:p

هلا وغلا فيك اخوي المشاغب .. نورت الموضوع ..

اكيد اخوي فيه موضه تنظهم .. بس طيحني هذي دايم اشوفها بس شربت عيلها بيره
ما هضمتها ودايم اشك في اللي يلبسونها .. الله لا يبلانا ..

وشي عن شي يفرق .. يعني محرم من محرم يفرق بعد ..

وعليك بهم يا الزير سالم .. امسح بهم .. بس ماني مسؤو عن اللي بيصير ..

اتفق معك اخوي في فوضى و"دفاجة " بعض شباب الرياض ..
ياحبي لهم معروفين ... من بعيد تعرفهم .. بالمساقط و الازعاج :p

مع هذا تراهم طيبين .. بس ما لخويك حق يفشل وليدنا
ايه عوائل خلهم ياخذون راحتهم .. بس لا تعصبون كلها يومين وبيرجعون ..
ادري انكم مقهورين منا :p بس ان شاء الله تجي لكم قمه


وفي الاخير لك الف شكر اخوي المشاغب على المررو العطر ..
وسلم لي على اهل الشرقيه الذووووق .. طبعا انت طالع منها

دمت بخير
اضافة رد مع اقتباس
  #5  
قديم 29/03/2007, 10:17 AM
خبير سيارات
تاريخ التسجيل: 15/02/2005
المكان: USA, CO
مشاركات: 5,499
صراحه والله الشباب و البنات يسون اي شي يبنونه في ملابسهم بدعوى انها موضه

و تلقاهم يلبسون الاشياء لا تخطر في البال


يعني انا حاليا في امريكا

الموضه او الحركه اللي تشوفها على الناس كلهم

انه ينزل بنطلونه الى ما تحت المؤخره <<معليش على الكلمه

بس مع المشي البنطلون طاح في الارض و قعد يمسح الشارع معه


ليش كذا ما ادري


انا احب اني اتابع الموضه و الملابس الجديده


بس مو بشكل غير لائق او يمكن يكشف عورتي





بنسبه لسؤالك يا ايها الكلاسيكي <<<<حلوه يا ايها

اتوقع بسبب تردي الحال الشباب و البنات هو القنوات الفضائيه و ما يعرض فيها


لانك تعرع في قنوات و برامج الله بالخير

و شبابنا و بناتنا ما يشوفون شي الا و يبي يقلدهم





تسلم يا الكلاسيكي على الموضوع

و من زمان عن مواضيعك الحلوه يا هووووه




سلامـ
اضافة رد مع اقتباس
  #6  
قديم 29/03/2007, 11:22 AM
زعيــم مميــز
تاريخ التسجيل: 09/08/2006
المكان: الريــاض
مشاركات: 2,215
,,,
,,
,




وما حظ من يعرض الغريب .. الا بـ ذاكـَ الغريب ..!!
نقولها واضحة وصريحه .. ان الموضه للاسف ابقت رحالها هنا في مجتمعنا .. ولم يبقى لنا سوى ان نرتقب كيف سـ يكون التغيير .. ولعلَ الامر في بدايته يثير الاستغراب .. ولكن مايلبث الا وان يكون الامر عاديا .. ومتماشيا مع الذوق العام ...!!
لعلكـَ تذكر عزيزي .. اغلب الموضات التي سايرها المجتمع منها الثوب الضيق ( المخصر ) والبنطال القصير ( البرمودا ) وغيرها من الموضات .. فـ في اول ظهور لها .. استغربها الجميع .. وباتت لدى البعض مثار تساؤل .. اما الان فـ الامر عادي جدا .. بل من الغريب ان لا تجد الذي بالامس ينتقدون هذه الموضه يبتاعونها في هذا اليوم ..
بالمناسبه .. موضة الرجال لها رائد في مجتمعنا السعودي ... واعني الموضه في الزي السعودي .. ولعلكـَ لاحظت ان الموضه تنطلق من ارتداء الملكـ عبدالله لها .. او اي شخصيه بارزه .. ولعلَ الملكـ في رأس القائمه .. ولربما في الشتاء كانت موضة ( الثوب الازرق ) ومن قبلها الشماغ الشتوي والمنشول .. وغيرها .. والتي احدثت نوعا من التحريكـِ بين اوساط الشباب ..





/
\
/





عزيزي / الكلاسيكي




لعلكـَ تتفق معي اخيا ان هنالكـَ نوع من الموضه يتماشى مع رغباتنا ومع عادة المجتمع الذي نعيش فيه .. ولقد ذكرت ذلكـَ في بداية موضوعكـ .. لكن للاسف ان الانجراف وراء التقليد الاعمى هو مايضع امام كلمة الموضه الف علامة استفهام .. اي يكون الخوف بـ ان يتبع الانسان مايناسبه من اطروحات الموضه .. وتناسب مجتمعه في المقام الاول .. وتجده شيئا فـ شيء .. ينجرف وراء هذا التيار دونما ان يشعر وفي الاخير تجده مابين قصة غريبه وسلسال اغرب ... هنا يكمن الخوف ولعلَ الحل عند البعض ان يبتر الموضوع من اساسه .. وبالتالي سـ يبقى في نظر الاخرين ( متخلف ) وياعجبي لـ هذا المبدأ ...!!
بودي عزيزي .. ان تصنف موضة المجلس العام لهذه الفتره ...!!
ربما كانت موضة الغياب هي الابرز .. ولكن ان كانت موضة المجلس العام هي الابداع فـ انتَ رائد الابداع بلاشكـ .. كـ عادتكـَ اخيا انيق في جميع الحالات .. ويروقني ماتكتبه وهذه حقيقة لا مجامله انتَ من الاشخاص اللذين يحدثون التأثير في اروقةِ هذا المجلس .. وشرفي هو وسام وضعته انتَ على بياض احدى صفحاتي .. لازلت وسـ اظل كذلكـ اعتز بهذا الوسام الاميري حقيقه .. لانه وبكل بساطه من امير الابداع .. فـ لكـَ الشكر والتقدير على ماتطرحه .. وكل الاماني لكـَ بدوام التوفيق ,,







****



كن بخير
...SoMe OnE...
اضافة رد مع اقتباس
  #7  
قديم 29/03/2007, 12:19 PM
زعيــم متواصــل
تاريخ التسجيل: 05/02/2007
مشاركات: 111
الموضه صارت فوضه سبع مرات 7
اضافة رد مع اقتباس
  #8  
قديم 29/03/2007, 12:58 PM
موقوف
تاريخ التسجيل: 29/09/2005
المكان: في بيتنا
مشاركات: 518
والله انك صادق الموضه طلعت قله حيا
اضافة رد مع اقتباس
  #9  
قديم 29/03/2007, 01:30 PM
زعيــم مميــز
تاريخ التسجيل: 09/09/2005
المكان: في حلم الزعيم
مشاركات: 1,545
هلا والله الكلاسيكي موضوع حلو ومفيد

للآسف ان الكبار قعدوا ينافسون الصغار والله انا ماحمل الصغار على هذا التصرف

لأن الصغير لايعي مثل مايعي الكبير والشرهه على( كبير المهابيل) اللي من جد خربها

ونحمد الله على نعمة العقل



وأهــــنــيك على اختيار اسم الموضوع (( تقدر تقول : الموضه صارت فوضه "سبع مرات "! !))
اضافة رد مع اقتباس
  #10  
قديم 29/03/2007, 01:56 PM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
\
\

وعليكم السلام ورحمة الله وركاتة

مساء الخيرات
زمان عن حروفكــــ الكلاسيكية
ياهلا فيكـ وفيني >>>قاطه بكل شي

إقتباس
أهنئكم على الاجازه التي نستنا العنــا

العنـا ماغيره الكلاسيكي ماخبرتك شللي ليه ماقلت نستنا الهنوووف مثلا:p


إقتباس
قالوا : احنا مع الموضه ..

إقتباس

قلت .. وربي انتم فوضه ..

قالوا : ان الله غفور رحيم ..
قلت : ان الله شديد العقاب ..

سلمت انامل خطتـ تلك الحروف
إقتباس

قال الشاب .. ابغى الثوب مفتوح مع ورى . يعني فتحة سبعه مع ورى

وش ذا استغفر الله تحفة بيصيرووون طيب وش تحت هالفتحه لايكون عصاقيل
إقتباس


وعرفت بعد ان لياقة المواضيع غير لياقة الردود << لعاد تذكر ولا تشبه


بقوووة فيه فرق مير انا لما كتبت موضوع حسيت انه انجاز واحس اني مستحيه مدري انزله او لا
حركات منزل موضووع من زمان عن كروتكـ الحمراء اللون كل ذا لاني نزلت موضوع اجل بنزل كل ابودايم:p علشان تسوي مثلي
إقتباس

كيفكم ويا الاجازه .. انا احس اننا محسودين عليها .. اذكر اني مسوي جدول وين اروح وين
اجي بس الوقت مر بسرعة البرق وانتهت الاجازه وانا افكر وش اسوي

ماش ماحسيت فيها
احس انها اربعاء وخميس يتكرر مرتين لاول مره
بس للاسف ماحسيت فيها مرة
إقتباس

ماتحسون ان الشطحه طولت :p .. نسيت اعتذر من اهل الشرقيه والله اننا غثيناهم ..
ناس تفترش الارصفه .. وناس المصطحات الخضراء .. وناس الشوارع :p <ماعندهم وقت اهل الرياض

من قدهم اهل الرياض عندهم لو ينامون بغرفهم بعد
ترى اهل الشرقيه ينبسطون من جيتنا بس خلو عنكم هالكلام >>>خنفشاريه
على طاري خنفشاريه وين ماجد مقبل ماله حس تهقون رايح للشرقيه
إقتباس

أعضــاء اختفوا .. ننتظر عودتهم ..


*دبــل كيكـ *

*الهـــارف*

*سحر الشرق*

*لوحه مميزه*

* تـــــرف *

*العنـــا *

وش نملك وماسوينا تقطعت حلوقنا واحنا ننادي عاد اسمعو وتعالوو
ولكن تبقى الظرووف بينـنا هي السبب
ماذكرتة القليل من الكثير الذين تغيبو ولكن

اسال الله الذي حمعنا بكم فيه دنيا فانيه لايحرمنا من لقياكم بجنة عاليه قطوفها دانيه

ســؤال واحد // وش سبب تردي الحال في " بعض الشباب والفتيات " ؟
اممممممم
والله مدري
بس التربية للاسف لها دور الحين الاب والام مايدرو عن عيالهم في الرياض او بالشرقيه
الام ماتدري بنتها بالبيت او طالعه للسوق مع صديقاتها
ضعف الوازع الديني وعدم التقيد بالاحكام الدينية والعادات والتقاليد والتغني بتلك الكملة العقيمه (معقدين )
التقليد الاعمــى
الحرية بالراي واللبس والخرابيط مالت عليكم وحريتكم
حب الظهور حتى يكون محط االاعجاب من بني الجنس الاخر

تتعدد الاسباب ولكن مالحل


الكلاسيكي
انيق الحـرف اطلالة متميزة كعادتكـ
اسلـوووب كلاسيكي سلس متميز ننتظرة دومـا
لاعدمنــاك

إقتباس
///أخوكم ///

إقتباس

CLASSIC


وش هالحركات

اجل تفضل طال عمرك
اختكم
الهنــوووف 2000;) :p


الهنوووف


كانت

هنا
ورحلت



اضافة رد مع اقتباس
  #11  
قديم 29/03/2007, 02:03 PM
زعيــم مميــز
تاريخ التسجيل: 08/09/2005
المكان: آلريـ k.s.a ـآض~..
مشاركات: 5,634
تقدر تقول بطتنا بطت بطتكم سبع مرات {--------------- يرحم امك ترا ردك بوادي والموضوع بوادي
اضافة رد مع اقتباس
  #12  
قديم 29/03/2007, 02:12 PM
الصورة الرمزية الخاصة بـ البالون
زعيــم مميــز
تاريخ التسجيل: 11/08/2005
المكان: داجّ
مشاركات: 4,503
هـلا بـ الكـلاسيـكـي ..

واللـه من جـد الليـاقـه مهمـه ..

ما تسمـع عـن بعـض اللاعبيـن ..

يقعـدون أسابيـع مايلعبـون و الحجـه ( برنامج لياقي ) ..

بـ النسبـة لـ موضوعـك المهـم .. القـلـب يحـزن لـ حال شبابنا ..

إقتباس
ســؤال واحد // وش سبب تردي الحال في " بعض الشباب والفتيات " ؟

و اللـه قـلـة الـوازع الديـنـي أول شـيء ..

حتـى البعـض و العيـاذ بـ اللـه ما يصـلـي و لا يعـرف ربـه ..

ويجـب على كـل الشبـاب أن يـدركوا أنك كـل ما ابتعـدت عن ربك يطغـى عليك الشيطـان ..

و الشيطـان ينتظر الهفـوات لكـي يباغتـك ويبعـدك عن دينك ..

والسـبب الثانـي التـربيـة من الوالـديـن ..

إن لم يكـن الرجـل ذو تـربيـة حسنـه فـ سيفعـل ما يشـاء ..

لـن ينـظـر لـ تقـاليـد و لا إلـى رفعـة و سمـو هـذا الوطـن ..

فـ أنـا أوجـه اللـوم على الوالديـن ثم على جميـع المـواطنيـن و المسؤوليـن ..

يعنـي يجـب تكثيـف التـوعيـة الدينيـة أولا ثم مقـاييـس احتـرام الشخـص لـ نفسـه أولا ثم للغيـر ..

شاكـر حضـورك الرائـع اخوي كلاسيكو ..
اضافة رد مع اقتباس
  #13  
قديم 29/03/2007, 03:05 PM
زعيــم نشيــط
تاريخ التسجيل: 15/03/2006
المكان: باريس و المغرب و احيانا الدوادمي
مشاركات: 780
آآآآآآآه يالكلاسيكي . .

وش نقول وش نخلي . . ؟

وبصراحة أنا أحمل المسؤلية الكاملة للوالدين في هالفوضة . .

===========================================

لـــنــــا عودة . .






يتبع . . .
اضافة رد مع اقتباس
  #14  
قديم 29/03/2007, 03:10 PM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
هلا CLASSIC

والله صايرين امعه بشكل موطبيعي

في كل شي فحياتنا
يعني مثلا فبرامج التلفزيون
اشوف البرنامج النسخه الاجنبيه وبعدو على طول النسخه العربيه
شي يفشششل
يقلدونهم بكل شي في اللبس في الحركات
مالكم شخصيه انتو!!


انا ضد اني اخذ شي يعرض علي بدعوى انها موضه!او تقليييييد بس
اخذ الي يناسبني ويناسب اخلاقي وعاداتي وديني قبل شي

اعتقد اغلب الي يمشوون ورى الموضه بدون تفكير هم المراهقين
وين الاهل يوجههونهم ويفهمونهم

إقتباس
قال الشاب .. ابغى الثوب مفتوح مع ورى . يعني فتحة سبعه مع ورى


وصلو لكذا؟؟
الله يهديهم
بس السنه هذي شكلها موضة الملابس الآيله للسقوط

إقتباس
ســؤال واحد // وش سبب تردي الحال في " بعض الشباب والفتيات " ؟

اتوقع اول شي التربيه
التاثر ..من القنوات ...الخ
وعدم الثقه بالنفس


اما الاجازه اممممممم
من جد مرت ولا سوينا شي
نبغا ثانيه

الموضه صارت فوضه
ترى قلتها سبع مرات صح مافي جائزه

يسلموو كلاسيكو
اضافة رد مع اقتباس
  #15  
قديم 29/03/2007, 03:23 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
الموضة صارت فوضة
الموضة صارت فوضة
الموضة صارت فوضة
الموضة صارت فوضة
الموضة صارت فوضة
الموضة صارت فوضة
الموضة صارت فوضة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube