إقتباس الرسالة الأصلية كتبت بواسطة ندوووش ياحبيلك ياسندريلا تصدقين يم قريت موضوووعك على طول رحت كلمت ابوي قلت أبي أشوف الشارع يقووووولوون انها طالعه تهببببل بصص للأصف راحت علي نووومه ولا رحت لا لشوارع ولاهم يحزنون اهئ اهئ اهئ خير أن شاء الله وش ناقصها الرياض اصلا الرياض حلوه بدوون شي تبيهم يزينون جده ايه طيب ..جده كلها مخلفات حجاج ل يزينن الا بكره بتخرب لأن السكان هناك ماعندهم وطنيــــــــه .....

مالها داعي ندووووووووش خصيت كل اهل جده انا معاك ان فيها مخلفات حجاج
بس ماتوصل لكذا تسب كل اللي فيها
تشكراااااااااااااااااات

هلا سندريلا ..

ولله الحمد كل شي متوفر لنا ..

لكن ينقص الناس اللي تطور ..

دبي ميزتها انهم استعانوا بـ الكثير من الأجانب اللي طوروا في دبي وغيرها ..

وصدق لا زلنا نرا الأفكار البدائية في مملكتنا كـ كل ..

انتي لو تشوفين الحفر اللي عندنا ..!
اعتقد لو تمشي دبابه على الحفر اللي في شوارعنا تنعدم الدبابه ..

اذكر في رمضان الماضي الساعه 1:30 بالليل .. كنت راجع لـ البيت ومريت عند المحطه اللي عند بيتنا ..
أبي أشتري أغراض من السوبر ماركت ..

فـ لقيت البنشر فيه 3 سيارات كلهم يبون يصلحون كفراتهم ..!!!

انا استغربت .. واعرف اليمني اللي يشتغل .. فـ حب الإستطلاع دفعني لـ سؤاله ..

قلت وش السالفه وش عندهم الزباين كثروا ..! :p

يقول في حفرة في شارع الأمير سلطان "اللي هو قدام المحطه" فقعت كفرات الناس ..

قلت معقوله كل ذولا بنفس الحفره

قال اليوم جتنا أكثر من 10 سيارات غير هذه السيارات بسبب الحفره نفسها ..

يعني تخيلي الحفر عندنا صارت تفقع كفرات الخلق ..

الأحياء الراقيه فيها حفر توحش .. وشلون البقيه ..!

إقتباس الرسالة الأصلية كتبت بواسطة ندوووش تبيهم يزينون جده ايه طيب ..جده كلها مخلفات حجاج ل يزينن الا بكره بتخرب لأن السكان هناك ماعندهم وطنيــــــــه .....

وش هذا يا ندوووش .. عاد ماعندنا وطنيه مرهـ وحدهـ ..!
الله يسامحك بس ..

بـ النسبة لـ بقايا الحجاج اللي تتكلمين عنهم ..
مو بكل حي تلقينهم ..!

في أحياء بعيدهـ عنا هم هناك فيها .. لكن مو بكل مكان ..!!

أضيفي إلى ذلك ان جدهـ مدينه تعتبر من أهم مدن المملكه .. يعني يجوز انهم يزينون فيها مثل الرياض !


سندريلا .. الكلام يطووووول في تطور الرياض وغيرها عندنا ..

بـ صراحه عندنا أشياء تقهر وترفع الضغط .. لكن م نلقى إهتمام من أحد .. ولا حتى نلقى أحد يسمع ..

الله يعطيك العافيه على الموضوع ..

مشكورهـ ..

والعهده على الراوي واللي اثق فيه تماما

يقول والرجل ثقه :

(( ان شارع التحليه بالرياض وشارع الثلاثين بالعليا كلفت فوق طاقتها بضعف 6 مرات , ومن كلامه ان اللمبه الوحده
قيمتها الاصليه 2000 ريال من الصين وفي المشروع مكتوب انها بـ 28 الف وجايه خصيصا من ايطاليا ))

شارع الثلاثين كل متر فيه عمود لمبة يعني كم كلف

البلى في هالحاشيه والشركات وشختك بختك واللي عنوان حياتهم مد لي واقطع لك
لو كانت التكلفه الصحيحه للمشروع مافيها زياده كان صلحوا نصف شوارع الرياض بمبلغ شارع التحليه والثلاثين


اجل الجسر المعلق قيمته 111 مليون

وش أهم ؟؟ الشوارع زينه وحلوه .. والا تخطيطها زيين

تخيلي في الامارات اذا تعديتي الملف حقك يبييلك ربع ساعه عشان ترجعين له .. واذا انتي في شارع سريع وتبين شي على يسارك rhu]i ja,tdki يبيلك برضوه ربع ساعه عشان توصلين

يعني لا تخطيط منظم ولا منافذ زي العالم والناس

شوارعهم الرئيسية نظيفة ووسيعه اي نعم لكن تخطيط مثل شوارع الرياض لا

ياختي اذا رحت هناك احس اللي مسوين شوارعنا عباااقره وكيف الدائري شيسمونه داير علينا ,ومسهل حركتنا والمخارج اللي كل مالهم يعدلون فيها واخرييص وكبري الخليج و و و ...

لو تلقين زحمه عندنا ما اشوفها الا في العليا واماكن الاسواق ,, والصبح في كل الرياض عشان الدوامات .. لكن الامارات 24 سااعه زحمه

احمدي ربك انك في السعوديه

ومثل ما قال احد الاخوان .. لو تدخلين الاحيااء وااوك وش تتشوفين .. شي مايوصف ويكفيك ان الديره اكثر من نص سكانها هندي اتشا
والربع من الباقي اجانب لادين ولا حيا

وانتي شوفي وين هي ماشية له .. ووش توجهها له .. خصوصا دبي .. واحمدي ربك على انك في الرياض عالاقل لك استقلاليتك

انهـا احلـــــــى بكثيــــــــــــــــــــر

زادت علينا بفتح المجال لدى المواطن الاماراتي ومواكبه العصر
الدين تــــــــــاج واساس لكن هذا مايدخل في اطار اننا كل ماشفنا ناس متطورين جداا
نقول الدين مو معناته انهم عزلوا الدين

انا استغرب اقحام موضوع الدين في تطور دبي؟؟؟
المهم التطور حصل لانهم يسمعون راي الطرف الاخر رووس اموال متوفرة
على الرغم من سؤ الطقس لكن صخروا الطاقات البشريه في تطوير بلدهم

نحن ايضا يوجد عندنا نوع من التطور لكن متى ماتسعت صدور المسؤلين ورحبوا بطرح الافكار والمقترحات وتغيرر المفاهيم القديمة ومواكبة العصر

جميعا نسعى لنهضه حضارية رائده

تحية لك سندريلا

يكفيك الفنادق والمجمعات التجاريه

الحمد لله سندريلا والله لو تشوفين دول ثانيه انك تحمدين ربك على النعمه اللي الرياض فيها

روحي شوفي في افريقيا والله تحمدين ربك وترضين .

وانا اشوف الرياض حلوه مع اني ماجيت لها الا يمكن 5 مرات بس بجد حلوووووه

بعمايرها وبكل شي فيها ويكفي حلاوة اهلها

مشكوووووووووووووووره

الظاهرة
كلامك عظيم جداااااااااااااا يحتاج الى وقفات ووقفات وحلول جذرية سريعة
احسنت

الحمد لله ما نبي نصير مثلهم
لا تناظرين الزين عندهم ولكن شوفي الشي السلبي

..

هلا وغلا بالمبدعة سندريلا ...

بصراحة الرياض تهبل بـ الورود والاعلام المرفرفة وبدونها ..

>>> كل هذا عشان الاجازة

اما من ناحية المطابات والحفر فهذي تمنع النوم اثناء القيادة ههههههه

سندريلا .. بصدق كلامك جميل ونتمنى ان الرياض تكون احلى واحلى ويصير فيها ناطحات ناطحة تنطح ناطحة ..

وتكون واجهه سياحية مو عشان يجون الاوربيين لكن عشان اذا جاك واحد من أي مدينة اخرى تعرف وين توديه

وبرضوا عشان الواحد يقدر يرفه عن نفسه ويوسع صدره ..

شكرا لك استشاريتنا المبدعة هذا الموضوع الجميل ذ والاسلوب الخنفشاري ...

ودمت بخير وعافية ,,,