إقتباس الرسالة الأصلية كتبت بواسطة البارق أبد ما هنا زود أبد .. وكان تبيننا نستمر بحلقة مفرغة .. نقول ماهوب أحسن منا .. عندهم يا أختي ( الدقة بالنظام ) !! يعني رمي النفايات يعاقب عليها القانون ..أدري إن هذا حتى عندنا لكن حنا على ورق وهم يطبق على الواقع ..!!! المواقف .. السرعة .. السير الصحيح ..هناك يطبق النظام بحذافيره وحنا مجرد كلام ..!! طبعا قبل كل ذا .. معطينهم حقوقهم وأقصد فيها الشوارع النظيفة وعدم وجود الحفر فيها ووضوح الخطوط والمواقف ..!!! باختصار .. فرقهم عنا ..إن هم أعطوا التنظيم والترتيب لمختصين في هالمجال وحنا مجرد عشوائية في القرارات وعدوم وجود دراسات وأشياء علمية ..!!! قالوا قديماً " أعط الخبر خبازه ولو أكل نصفه " وهذا هو الصحيح أعط المختص أن يخطط ويقرر وينفذ ..وبإذن الله سيظهر العمل على أكمل وجه .. وكلامك ذا ذكرني بعد إن التنظيم يكون للصالة والمجلس والأماكن اللي بيروح لها الضيف فقط ..والباقي ....!!!!! شكرا لك أختي سندريلا على هالموضوع واللي بدينا نشوف فضفضة من بعض المنحبسين ..

كلام سليم جدا

دبي المقومات اللي عندها اقل وبكثير من مدن كثير عندنا

ومع ذلك دبي تفوقت عليها

مافيه عمل كامل دبي لها سلبيات لكن هل تقارن سلبياتها بالايجابيات فيها اعتقد لا مقارنة الايجابيات اضعاف السلبيات

مشكلتنا حتى لو اشتغلنا حتى لو دفعنا مانخطط ولا نعرف وش نبي اساسا

لو تسأل الان اي مسؤول في دبي وش خططكم حتى 2012 عطاك اياها بالتفصيل اما عندنا التخطيط لا يتعدى سنة او شهور ( هذا اذا وجد )

في معلومة يمكن كثيرين مايدرون عنها

فيه جائزة للشيخ محمد بن راشد تقدم سنويا لافضل ادارة حكومية في حكومة دبي الادارة اللي ماتحصل على واحد من الثلاث مراكز الاولى لثلاث سنوات متتالية يقال مديرها

هذا زود دبي عنا ياسندريلا

الف شكر ..

من وجهة نظري وبإختصار

دبي منطقة اجرتها حكومة دبي للشركات والبنوك الأوربيه .....وحكومة دبي تأخذ نسبة من الفائده

السؤال الثاني ما هي الأشياء التي تدخل مع عقد الأجار من تقاليد ومن اعراف ومن ممنوعات ومن افكار يحضرها معه المستأجر الاوربي؟

جوابه يشوفه كل من يذهب لدبي

واخر المطاف اذا ذهب المستأجر سوف تستمر هذه التقاليد والاعراف والاديان والممنوعات والأفكار على ارض دبي
وبالنسبة لي لا ارا في دبي ما يبهرني مقارنتا بالسعوديه سواء تطبيق الأنظمه وزوال البيوقراطيه الورقيه في تعاملاتهم وقلة التعقيد اما غيرها لا يوجد

فيه مدينه من مدن وطننا الحبيب والله مادري وش اسمهاعروس او الشمال مادري وش اسمها بالضبط
يمدحونها مدح غريب بالقناه الاولى لدرجة انها شوي وتكون افضل من دبي والرياض وبذالك يسوون لها دعايه والمواطنيين والاجانب يجون ويتورطون لانهم المفروض يجون بجيب79 بسبب الردميه اقصد الشوارع.......... والاسواق اههههه يااسواق الرياض....لو يدرون ان بالمدينه المذكوره اعلاه سوق تجاري واحد وشبه حديقتين كان ماجوا والباقي عد واغلط بس،،،،،،،،،
ملاحضه:انا من سكان هذه المدينه الجميله من سنه ونصف

إقتباس طيب الامارات فيها سبع امارات مافيها الا دبـي متطوره .. انا ابي حي في الرياض بس يعتبر نموذجي من كل شيء

بس دبي !! وين راحت أبو ظبي والشارقة

إقتباس مو ورووود والشارع مطبات وحفريات وشلون الواحد له نفس يشوف ورد وهو مفلوق راسه من قوة الصبخه بسقف السياره كله من المطبه >>>>>> راسها مفلوق امس متأثره

وانتي الصادقة والله اكلت لي حفر بأحد الشوارع كسر على جنطين من جنوط سيارتي
وانعدم علي شوي تحت السيارة


الفرق بيننا وبين الامارت
عندنا تصرف ميزانية للشيء هذا بس تروح اغلب الميزانية المصروفة سرقة تطلع بأوراق بس من غير تنفيذ وشلون نتطور والوضع عندنا كذا

الرياض وان كان فيها زحمة أهون من زحمة دبي مليووووون مرة


دبي ما خلاها فوق الا الشركات الأجنبية اللي استثمرت فيها فقط



بعكس الرياض كل يوم نشوف تطور

تصدقون جددت استمارة السيارة في عشر دقايق بس؟؟؟

هلا والله وغـــلا سندريلتنا
يازين الرياض والله..ويازيين دبي اذكر والله
يوم كنا نتمشى كنت بس اطالع الشوارع كيف جناااان مزينه
حتى ناطحات السحاب حقتهم مرســــووم عليها اشـــكاال والوان ..
بس الشـــوارع حقتهم زحممه..وبالصيف الرطووبه اكثر من الشرقيه بكثيير
بس اتوقع ان مصدر دخل دبي اكثر من دخل الرياض
يعني بدبي الفنادق تدخل فلووس..غير المجمعاات والملااهي ..
بالرياض فيه بس مو مثــل دخل دبي ..
بعدين دبي حتى الاشياء الممنوعه واللي ماتوجد هنا فيها ..
تلاقين كثير من السيااح يروحون هنا للأشـــياء هذي ..
الله يحفظ بلادنا من هالخرابيط ..ويبعد الشباب عنها..

يعطيــــك العافيه سندريلا ..

خيتك:رورو;)

والله يـ ـا أختي وانـا اتمشى في " شارع الحوامل " قبل كم يوم بس
فجأة وأشوف لوحه مكتوب عليـها ( عيد فطر سعيد ) .. !! , وحنـا في
شهر 2 أو 3 مدري بالضبط .

امـا عن دبي مدري وش بيصير مستقبلها .. على كثر الأجانب الي عندهم
والله أقل نـاس نشوفهم في دبي هي الإمراتين مـاغير هنود وسعودين ;) .

سلاميشو ...

ابدا مافيها زود

بس في دبي امور مستحيل تتواجد عندنا واعغتقد فهمتوا كلامي

وانا بنظري الرياض ناقصها بعض الامور البسيطه وتتخطى دبي بمراحل

اهم المنشات الترفيهيه،، والاهتمام بصيانه الطرق والشوارع ،، وسلامتكم

حبيت اختصر كلامي لانه

خير الكلام ماقل ودل

ومشكوره سندريلا الهلال على هالطرح،،،

واللهي ردود الأعضاء حلوه .. بقدر حلاوة مقالتك يا سندريلا وختفها ..

الكلام اللي عندي كثير ويكاد يكون مقنع .. والله مقنع لكن حيطول ..

راح أقلك نقطتين لعل وعسى تتشعب داخل نفوسنا ..

_________

الأولى / أصحاب القرار في الإمارات هم المسؤول الأول عن نهاية هذا القرار .

يعني أمرنا فصرف كذا للمكان الفلاني .. ( هما نفسهم يتابعوا الموضوع )

الثاني / إختلاف الشعوب في دبي أكثر من أي مدينة عربية .. وصعب تكون في الرياض ولكن

قد أقول ممكن تكون في جدة .

قلبي مليان والله .. أتمنى يكون وصل المراد .. الردود كانت جميله إلى حدٍ ما .

تحياتي للجميع ولك ياسندريلا .

الثاني / إختلاف الشعوب في دبي أكثر من أي مدينة عربية .. وصعب تكون في الرياض ولكن

قد أقول ممكن تكون في جدة .
وش فيها الرياض هاهـ
الرياض فيها حاجات افضل من دبي
اذا امكن ان يتواجد في جده هو المدن الترفيهية
لكن بالرياض لا والف لا
من ناحية الشوارع اختي سندريلا
هناك الشارع الذكي<< التحلية سابقاً هذا بداية
المشروع القادم راح تكون الرياض مدينة ذكية
هذا بشارة خير لاهل الرياض وشكرا اختي سندريلا لموضوعك الحلو صراحه

مهما كانت دبي

الرياض والسعوديه كلها احلى منها

ياحبيلك ياسندريلا تصدقين يم قريت موضوووعك على طول رحت كلمت ابوي قلت أبي أشوف الشارع يقووووولوون انها طالعه تهببببل

بصص للأصف راحت علي نووومه ولا رحت لا لشوارع ولاهم يحزنون
اهئ اهئ اهئ

إقتباس وصعب تكون في الرياض ولكن قد أقول ممكن تكون في جدة .

خير أن شاء الله
وش ناقصها الرياض
اصلا الرياض حلوه بدوون شي
تبيهم يزينون جده ايه طيب ..جده كلها مخلفات حجاج ل يزينن الا بكره بتخرب لأن السكان هناك ماعندهم وطنيــــــــه .....