«طبقاً لتحركات الرياح وتشكلات السحب، فإن هناك دلائل على أن فصل الشتاء لن ينتهي قبل شهرين من الآن، وعليه فإن موجة البرد ستتضاعف في الأيام المقبلة، وستنخفض درجات الحرارة إلى ما تحت الصفر، وسيتجاوز البرد وصف القارس إلى القاتل»
يحووووول ...
بس تدرون حلو التغيير من النمط المعتاد ,,,,,
الله يعينا بس , ويارب تكون مجرد إشاعات مطلعها ماجد وأخوياه ;)
بس كل موضوع يكتبه ماجد يكون حلو وش ما كان محتواه ..
طبعاً انتم عارفين ليش المربعانيه اسمها كذا .. اكيد عارفين
مسمينها المربعانيه لان مدتها اربعين يوم << ياكافي نفاس
عموماً طوالع المربعانيه ثلاث ( الاكليل... والقلب...والشولة )
وحنا بالشوله اللي فيها البرد والصقيع الجامد
وفيه مثل عن المربعانيه انها توصي عيالها تقول لهم
عليكم باللي وقودهم ليف ( ما من دفى ) وعشاهم دويف ( الطحين واللبن )
اما اللي وقودهم سمر وعشاهم تمر
فا لا تحاولون معهم
(على كلِّ ) ;) تونا راعين طويله زي ما قال ماجد وجاينا الشبط
اللي طوالعه النعائم والبلدة واللي هي ابرد واصقع ( حلوه ) اصقع ذي
من المربعانيه ويقولون فيها طالع اسمه ازيرق ويسمونه كذا لان الجسم
يزرّق من شدة البرد ( راحوا فيها الاعضاء ) نسأل الله دفى القلوب .. آمين
همن تجينا العقارب وطوالعها الذابح وبلع والسعود
وربعنا يسمونها السم والدم والدسم
فالسم البرد الشديد الجاف
والدم البرد الخفيف
والدسم الربيع الطلق الضاحك من الحسن حتى كاد ان يتكلما من الفرحه بطلعة البرد
وبالمناسبه فيه مثل يقول ... الصدوق اللي مايكذب أبد ....يكذب بالسنة مرتين
لا جاء الشتاء قال ماشفت ابرد من هالسنة .... ولا جاء الصيف يقول ماشفت احر من هالصيف
فا كل واحد يختبر نفسه يشوف هو كذاب والا صدوق !!
شكلي طولت عليكم والا اكمل ...
اما الحسااا وش يودينا لمه خلنا بالراض احسن
شكراً ماجد ... وتراه موضوع بس مهيب حسوفه اني احطه رد لموضوعك
طبعاً انتم عارفين ليش المربعانيه اسمها كذا .. اكيد عارفين
إقتباس
الرسالة الأصلية كتبت بواسطة سهل
مسمينها المربعانيه لان مدتها اربعين يوم << ياكافي نفاس
عموماً طوالع المربعانيه ثلاث ( الاكليل... والقلب...والشولة ) وحنا بالشوله اللي فيها البرد والصقيع الجامد
وفيه مثل عن المربعانيه انها توصي عيالها تقول لهم
عليكم باللي وقودهم ليف ( ما من دفى ) وعشاهم دويف ( الطحين واللبن )
اما اللي وقودهم سمر وعشاهم تمر
فا لا تحاولون معهم
(على كلِّ ) ;) تونا راعين طويله زي ما قال ماجد وجاينا الشبط اللي طوالعه النعائم والبلدة واللي هي ابرد واصقع ( حلوه ) اصقع ذي من المربعانيه ويقولون فيها طالع اسمه ازيرق ويسمونه كذا لان الجسم يزرّق من شدة البرد ( راحوا فيها الاعضاء ) نسأل الله دفى القلوب .. آمين
همن تجينا العقارب وطوالعها الذابح وبلع والسعود وربعنا يسمونها السم والدم والدسم فالسم البرد الشديد الجاف والدم البرد الخفيف والدسم الربيع الطلق الضاحك من الحسن حتى كاد ان يتكلما من الفرحه بطلعة البرد
وبالمناسبه فيه مثل يقول ... الصدوق اللي مايكذب أبد ....يكذب بالسنة مرتين لا جاء الشتاء قال ماشفت ابرد من هالسنة .... ولا جاء الصيف يقول ماشفت احر من هالصيف
فا كل واحد يختبر نفسه يشوف هو كذاب والا صدوق !!
شكلي طولت عليكم والا اكمل ...
اما الحسااا وش يودينا لمه خلنا بالراض احسن
شكراً ماجد ... وتراه موضوع بس مهيب حسوفه اني احطه رد لموضوعك
هذي الي تقول امي الي تقول لعيالها الله يهديها هي وعيالها وش تبي
الله يعيين على البــرد ...لا من جد فعلا ترى من زمااان حنا عن هالبررد كان يجينا بررد بس مو بالشدة هذي .. فيه ناس كانت مستحيل تلبس بجامات ولبست لبسهم البررد غصب ....
المربعانيه هذي بصراحة زودتها ومن زين الطبايع لا مراحل بعد جايبتن ثلاثه ماتعرف تحديد نسل هذي ورى ما اكتفت بواحد جعلها الصلاح تبلشنا مليناا نروح نشيّك على الدفايه ونروح نشيّك على السخانة .. الله يعييين على هالبرد تونا ريضين باقي له شهرين مابلعنا القارس نهضم القاتل لا اله الا الله بس ..
بس خبركـ يضيق الصدر .. بعد فيه بــرد غير اللي جانا ..
انا احس اننا خلاص لو نعيش في ثلاجه ماتفرق معنــا ..
مع اني من الناس اللي ما اتشكى من البرد لاني اقول مايجيني الا هالايام ويروح
بس ان شفت ان الدعوه مخنبقه ومطوله بتشكي وحالي حال الناس ..
والله يعيننا ع البرد .. وماعليك .. احنا يالسعودين اكثر ما نشرب الاشياء الساخنه في البرد..
كل اقواتنا في البرد ياعند التلفزيون او كمبوتر او في مجلس .. اكيد بنشرب حار ..
الله يكون بالعون .. متى بيجي الصيف << مره مايتشكى ..
خخخخخخخخخخخخخخخخ :p
تصدقين كل ما شفت بنادول ذكرتك ..
اذكر بداية علاقتي بالبنادول في المتوسطه مره بغيت استاذن من المدرسة فرحت للوكيل قلتله راسي مصدع وانا ما فيني الا العافية ولله الحمد فعطاني بنادول
عاد خفت اكل البندول فقلت عطني اياه اكله بعد الفطور لكن لزم اني افطر واكله قدامه
>>>> انواع الاستقعاد ;)
عاد انا رجعت له قلت عطني اكله عند البردات عشان اشرب ماء ويجيبي لي مويه
قلت لاحول ولا قوة الا بالله ومن ذيك اليوم والبنادول صاير حلاو
~~~ تغريد ~~~
هلا تتتتتغرررييييد >>>> بردان :p
الحين انا ما قلت لك لا تطلعين برا المجلس العام
لان الجو في ........... بارد ;)
لا يا وخيتي :p توا الناس على البرد ....
شكرا تغريد والله يعطيك العافية
~~~ سيمو ~~~
وش فيك مضيع سلووووم كل هذا برد
انا مجووووووووووود مو خلوووووووووووووود
بعدين وين ردك الثاني ياحلو ...؟؟
تسلم والله يعطيك العافية ,,,
~~~ سفير الزعيم ~~~
هلا وغلا صديقي الغالي سفير الزعيم ...
افا تجي الرياض ولا تعلمنا ياخي كنت بفرشلك الارض ورد
ومن ناحية البرد اي والله برد بس هولندا شكلها دفء >>> حوه دفء :p
انا حسيت انا السعودية منورة بس مادريت انك انت السبب ..;)
شكرا لك اخوي سفير الزعيم ودمت بخير وعافية ,,,
~~~ الهاوي ~~~
هلا وغلا بــ اخوي الهاوي
الا الحق علا عمك لايبيع الدفاية وان لقيت عندهم سمر وفحم جبه للرياض
بس والله فكرة الشوربة صدقني نطلع مليارديرات :p
بس انا بسوي الشوربة وانت بعها خخخخخخخخخ ;)
تسلم يالغالي والله يعطيك العافية ,,,
~~~الهنوووف ~~~
هلا وغلا بالهنووف ...
الا يبيلك تشرين فروة من جلد خروف نعيمي
الجاكيت ما يسوى شي عاد الوالدة عنده فروة بناتية عجبتني شكلي بزرفها خخخخخخخخ
انا بصراحة بعد ما شفت البرد وقريت مقالي رحت اخذت فروة عاد الهندي قالي بـ250 قلتله صديق
برد خلاص انت بعدين خسران ;) ومكاسره الى ان صارت بـ 160
ومن جد يبي لنا في المنتدى سمر وجمر ونشب بالمنتدى خخخخخخخ>>> بينطرد ;)
شكرا لك الهنوووف ودمت بخير وعافية ,,,
~~~ عزوز الأزرق ~~~
هلا وغلا ومرحبا باحلى عزوز
ياخي وينك الله يهديك وراك غاطس بها البرد ;)
وبالعكس عنكم في جدة دفا وفلة وبحر وغيم وسحاب وشمس
>>> وانت وين عايش
والله عزوز انا احب البرد اكثر من الحر بس يعني برد معقول مثل برد جزر هاوي >>> يسمع فيها
اما ان الامور تاصل الى اني اجلس بالبيت ودفاية وفروة وبطانية وشراب اسود واصفر لا
وبعدين وشرايك تشاركني انا والهاوي في البزنس الجاي ترا المكسب 100% انشاء الله
وتكون انت وكيلنا المعتمد للشوربة في الغربية
يعطيك العافية اخوي عبد العزيز وعلى الخير نلتقي ,,,
هلا متعب وغلااااا ....
لا خلاص كنسلت فكرة الرد الجماعي لعيون الحبايب
وترا البرد هواللي محلي كشتة الهنوووف
لان الكشتات في البرد لها طعم آخر
وبالنسبة للحساء ابشروا بس انا غير مستعد اتحمل النتايج ;)
شكرا متعب ودمت بخير ,,,
~~~ مجنون @ الزعيم ~~~
هلا وغلا بصديقي امجنون الزعيم ...
تو الناس البرد في الطريق بس غدي المعهد يعطونك اجازة
المشكلة الفروة ممنوعة الا فرصة انك تفطر على الثيل بالفروة
بصراحة ترا البرد ما يطول وايامه تمر بسرعة مرور نواف بالفصول خخخخخ
شكرا لك اخوي ابراهيم والله يعطيك العافية ,,,
~~~ ديك الجن ~~~
هلا خالد ....
أما وش الحساء فهذي قوية
الا ما تذكر هايدي كانت دايم تشربه :p
وياشيخ احلق شني اذا ما كنت تشرب كيلوا من الحساء الساخن كل يوم
شكرا ديكو مرورك والله يعطيك العافية ,,,
~~~ دمعه الهلاليه ~~~
هلا وغلا بالدمعة الهلالية ....
اي والله الله بستر ...
تو الناس ما شفت شي
>>> مسوي عالم فلك
شكرا لك دمعة ودمت بخير وعافية ,,,
~~~ اميرة الاحساس ~~~
هلا وغلا اختي اميرة الاحساس ...
ولحووووووووووووول
انت شفت حاجة ...:p
وبصراحة ودي يجي برد قارس على اساس لا اتحسف على الفروة اللي شريتها >>> هذا اللي هامك
بعدين اي نمط الله يهديك الدعوه برد قارص يشق الجبه خخخخخخخخخخ
شكرا لك اخيتي المبدعة دائما اميرة الاحساس
ودمت بخير وعافية ,,,
يوووووه وش ذااا
الوضع العادي
