" جاك البرد .. يا تارك الحسااااء.. "
 

دعوة إلى الإكثار من شرب الحساء الساخن ... تحذير من موجة برد «قارسة» لم تعهدها السعودية منذ 20 عاماً :eek:


حذر فلكي سعودي من موجة برد «قاتلة»، تقترب من أجواء السعودية، مشيراً إلى أنه لم يسبق أن تعرضت البلاد لمثلها منذ20عاماً . وقال عضو الاتحاد العربي لعلوم الفضاء والفلك الدكتور خالد صالح الزعاق لـ «الحياة»، إن تأثير تلك الموجة سيبدأ في الفترة التي سماها «الشبط» بعد نحو عشرة أيام . ورجح أن تحرم تلك الموجة أهالي الرياض من «الخروج إلى البر» . وقال الزعاق: «طبقاً لتحركات الرياح وتشكلات السحب، فإن هناك دلائل على أن فصل الشتاء لن ينتهي قبل شهرين من الآن، وعليه فإن موجة البرد ستتضاعف في الأيام المقبلة، وستنخفض درجات الحرارة إلى ما تحت الصفر، وسيتجاوز البرد وصف القارس إلى القاتل» .
واعتبر أن من «سوء الطالع» أن تتزامن هذه الموجة مع إجازة منتصف العام الدراسي بعد نحو شهر، لافتاً إلى أن كثيرين لن يتمكنوا بسببها من ممارسة بعض أنشطتهم المعتادة . وأشار إلى أن سبب هذه الموجة المتوقعة يتمثل في «مرتفع جوي قادم من الشمال، سيطول على غير عادته» . وأضاف أن المرتفع السيبيري المؤثر شتاءً في مناخ السعودية تدنت درجة الحرارة فيه حتى وصلت إلى 20 درجة تحت الصفر . وذكر أن هذا المرتفع «لم يتمكن بعد من الدخول إلى أجواء السعودية، بسبب مصدات مناخية لن يطول صمودها» .
وسمى الزعاقي الفترة التي نعيشها الآن بـ «برد الانصراف»، وهي حالة مناخية «تنصرف فيها الشمس شمالاً، بعد أن قضت دورتها في الجنوب» .
وفي سياق متصل، ألقت موجة البرد بظلالها على صحة الأهالي في الرياض، وتزايدت حالات الإصابة بالتهابات الأنف والأذن والحنجرة في الأيام القليلة الماضية عما هو معتاد . وبحسب حديث الطبيب في أحد مستشفيات الرياض المتخصصة شريف عوض فإن «حالات الإصابة بالتهابات الأنف والأذن والحنجرة زادت بين الصغار والكبار بنسبة 30 في المئة» . وأوضح أن مرضى الربو والحساسية تلزمهم احتياطات إضافية، لاسيما إذا كانت الأجواء «محملة بالأتربة والغبار» .
ونبه إلى ضرورة أخذ الاحتياطات اللازمة في مثل هذه الأجواء، خصوصاً بالحرص على ارتداء الملابس الشتوية على مدار الساعة، والإكثار من شرب الحساء الساخن والمرق، وتناول طعام يعطي الجسم الطاقة والدفء» .

المصدر جريدة الحياة :yes:

,,,
,,
,






عزيزي / ماجد مقبل




بداية لكـَ امنياتي بـ ان تكون بخير وعافيه ,,
فـ موجة البرد هذه اجبرت الكثير على الالتزام بـ الامور العائليه ;)
حيث ان الغالبيه من الناس لم تعد تستهويهم مسالة الخروج من المنازل وذلكـَ
لـ شدةِ البرد وهذا بكل تاكيد يتيح لـ الطرق مسالة ( الاتساع ) في هذه الايام ..
ربما في الجانب الاخر عزيزي .. سمعنا الخبر ليلة البارحه بـ مصرع 52 شخص
في بنجلاديش نتيجة موجة برد قارصه .. حيث وصلت درجة الحراره هناكـ
اربع درجات تحت الصفر ..ولربما ادى الفقر والحاجه للملابس الشتويه هناكـ
في تفشي هذه المساله ..!!
اعاننا الله واياكم عزيزي على ذلكـ ولكـَ الشكر اخيا على هذه المعلومه ..
ايضا بودي ان اضيف انني عانيت قبل يومين من شح ( الحليب ) في منافذ البيع
في ساعة متأخره من الليل .. وهذا يعكس مدى لهفة الناس على الدفىء s60s
اقبل تحيتي واقبل امنياتي بدوام التوفيق ,,







****





كن بخير
...SoMe OnE...

اهلين ماجد مقبل :)

افاا:no:
اش الخبر هذا:sad:

وانا كل من سالني متى يخلص البرد
قلت خلاااص قرب قرب:d
راح الكثير وبقي القليل:d
طلع العكس:d

مااحب البرد استغفرالله:cry:

شايله هم الجامعه في البرد :sad:
من جد اجل بشيل فروه معاي للجامعه :rolleyes:

لكن الحمد الله
احنا نبرد ونلقى الي نلبسه ونتدفى فيه:yes:
غيرنا مايلقون ويموتون من البرد:no:



اريجاتو :D >>>ابدا مانعدت:razz:

اكيد اخوي ماجد ان احنا لازم نشرب الاشياء الحاره بكميات كبيره بس نتايجها سيئه
وانا لما جيت السعوديه وقت العيد شفت برد مو طبيعي وكان ودي اشارك بس من سوء حضي
حدثت بياناتي ووقفت عضويتي بس يالله اهم شي اني طبيت ارض السعوديه
ومشكور على الخبر وشكلك بتصير عالم فلك

هلا وغلا بابومقبل :)



أشوف الموضوع كبر:eek: :eek:

ياليت من ارسل برقيه لعمي بعرعر أغديه مهوّن عن بيع الدفايه:d

المشكله هاليومين منسده نفسي عن الاكل:dead: أحسن شي أروح للصيدليه واشتري بطلين مشهّي:d

وأخيراً أبطلع مواهبي بالتزلق على الجليد والنط من فوق جبل طويق وتحليت كرات الثلج بوجه بعض الناس اللي مسوين أنفسهم أوربيين:d

يارب ينزل ثلج أيام الاختبارااات:d


ابومقبل وش رايك نستغل هالموسم ونبدا نبيع شوربا ومرق عند الاشاراتs60s أضمن لك ما يجي أغسطس الا وحنا بانين ناطحة سحاب بمنفوحه:yes:


ثانكيو فيري كووولد على هالخبر :yes:

مرحبا بالماجد ..




افاااااااااااااا ياذا العلم .. صار مصداتنا معاد بتفيد .. انا اشهد انا بنروح وطي ( سكان الحجاز ) ياهم بيروحوووون فيها .. والله ماحنا متعودين ع البرد القارص كيف القاتل ؟؟!

ترى انا اخذت الموضوع عااااادي لأني اعرف الرياح القادمه من سيبيريا .. ماعندك احد .. تمر ع الشرقيه .. ثم الرياض .. وتتعدا .. الين تصل سلسلة السروات .. هناك غصبا عنها ترررجع .. فتعود لنجد ثم الشرقيه ... لهذا انتم عندكم برد وجده خخخخخخخخخخ ماهنا الا دفا وبريييد ( تصغير برد)

لكن اللي شدني للموضوع .. جملة

إقتباس:

«مرتفع جوي قادم من الشمال، سيطول على غير عادته»

لان هذا البرد هو اللي يجينا .. ويهستر بنا .. الثلوج تطيح بالشام .. ويلعبون بها السوريين .. وحريمهم .. وحنا مالنا الا البببببببرد ...

مااقول الا ( يازين البرد زينااااااااااااااااااااااااااااااه ) لكن ( الشيء ان زاد حن حده انقلب ضده )

ربنا يرحمنا برحمته ...

إقتباس:

خصوصاً بالحرص على ارتداء الملابس الشتوية على مدار الساعة،

يعني بنسوي مثلكم .. شرابين اصفر و اسود .. و ملابس داخليه اس 5 و ....الخ

إقتباس:

والإكثار من شرب الحساء الساخن والمرق، وتناول طعام يعطي الجسم الطاقة والدفء»</B> .

اييييييه هييييين .. مدري لييييه النفس قافله هالايام ..
بيني وبينك يا الماجد.. داومت ورجعت .. والان الساعه 2 وانا ماذقت حااااااااقه ..
استغفر الا الماء فقط لا غير..

إقتباس:

ابومقبل وش رايك نستغل هالموسم ونبدا نبيع شوربا ومرق عند الاشاراتs60s أضمن لك ما يجي أغسطس الا وحنا بانين ناطحة سحاب بمنفوحه:yes:

ههههههه تبي ماجد يفيدك .. اقوول خله عنك .. بيخسرك وانشدني < < بيطلع اشاعه ..
اقووووووووول شدوا حيلكم .. وانا بفتح فرع فالغربيه ...





فمان الله يا كبتن ماجد .. واصحى تدفني في مقبرة جماعيه والا بجيب لك بسام .. خخخخخخخخخ

انتهى , ,,

ماجد وش دعوه رد جماعي الدعوه توفير؟؟؟
ولا منزل موضوع والناس نايمين نبيك تبشرنا
جاي تقول ان الكشته حقت الهنوف ما راح تتكرر
الزبده من هنا اطالب ماجد بطبخ الحساء بانواعه وان يتم توزيعه على اعضاء المنتدى


تدري الله يستر من البرد

تشــــــــاو

هلا بولد معهدي :p



والله كل ما قلت بيخلص البرد تجينا هجمه مرتده:d



واخرها اللي قبل العيد دفا الجو شوي وجانا برد قاتل بايام العيد




وهاليومين ما صدقت اطلع برا بدون فروه


بس شكلي ابرجع لها من فوق خشمي :d





والله شكلي ابروح لجيزان بالاجازه كودي اهج من هالبرد:d

لله يستر
ويبعد عن الامراض

بجي برد ابرد من كذا؟؟؟؟