تـــــــصـــــحـــــيــــــح !! - صفحة رقم 3 - نادي الهلال السعودي - شبكة الزعيم

D.Aziz · #31 21/12/2006, 02:20 PM

موضوع رائع

بالفعل الفريق كان بحاجة لهزة لتصحيح الوضع

وانا متفائل بصراحة بمباراة الوحدة القادمة

لكن اتمنى مساندة الجمهور الهلالي بكل قوة

إقتباس


	** لماذا لايسارع الهلاليون لاستقطاب المدرب اللياقي الوطني القدير عبداللطيف الحسيني إذا ماصحت الأخبار التي أكدت أنه لم يجدد عقده مع الشبابيين وأنه .. حر نظاميا ويملك حرية التوقيع لأي ناد آخر ؟!!! أتمنى ألا تتوانى الإدارة عن استقطاب الكوادر الوطنية اللافتة للنظر كالحسيني !! ولكم أن تشاهدوا الأثر الذي تركه على لاعبي الشباب منذ رحيله قبل ثلاث أو أربع مباريات تقريبا .. رباعية هلالية .. وخسارة من الفيصلي !!

هالموضوع من اسبوع وهو يقرقع بقلبي وكنت ابي اكتب عنه

الحسيني مكسب بالحقيقة للرياضة السعودية

اتمنى التعاقد معها بأقرب وقت

أبو غريب الهلالي · #32 21/12/2006, 02:27 PM

يعطيك العافيه اخوي الغريب

كلام في الصميم

دمتم بخير

abade1 · #33 21/12/2006, 02:38 PM

اوفق على بعض ما كتبت لكن اعترض على البعض الاخر

الهلال أو بالاحرى بيسيرو لم يحسن التعامل معه وان شاء الله

تكون درس جيد للهلال بالأخص عندما يكون الخصم مقفل ما يتحرك من بابه

و يجب على المدرب ايجاد الحلول في مثل هذي المباريات

مثلا ان يشرك الجمعان لكي يسدد من خارج 18

اما قولك ان التايب يفرط في الفرديات على حساب الجماعيه

فهذا شيء غير صحيح و الدليل ارجع مرة ثانية وشاهد المباريات

التي لاعب فيها التايب وسوف تجد الهداف والهجمات الخطيرة منه

شكراً أخوي الغريب على الموضوع

Bu RAIED · #34 21/12/2006, 02:52 PM

موضوع رائع

أنا هلالي ودمي ازرق · #35 21/12/2006, 02:56 PM

يعطيك العافيه والله

@زعيم شمري @ · #36 21/12/2006, 02:59 PM

إقتباس


	ذا كان جمهورك يصدق على الريحة .. اكذب ولا تخشى الفضيحة !!

خوش جملة وصح لسانك

هـ صبيا ـلالي · #37 21/12/2006, 02:59 PM

إقتباس


	اكذب ولا تخشى الفضيحة !!

88
88
من جد

السامي كسمو الهلال!! · #38 21/12/2006, 03:06 PM

السلام عليكم ورحمه الله وبركاتــه
.
.

مساء الورود أبو بدر استاذنا نحن ( التلاميذ ) في مدرسة عملاقة كالغريــب..
.
.

قبل كل شيء هل تعلم أبو بدر :

إنني مسحت موضوعي وترددت في إنزاله لإنه لن يصل لمستوى نقاطك في المباراة ولو إني زدت فيه حروف
( شديدة البرودة ) مثل جونـــا لمدربنا الله يخليه لنا ولا عاد يتعودها بمثل هالتكتيك..

بديت أختلف ابو بدر معك في نقطة المدرب وقرصة اذنه للتايب ..
لإن التايب لو كان وده يقرص اذن اي لاعب كان آخر واحد في المباراة التايب ..
لإنه قدم افضل مستوى من كل اللاعبين أمس وهذه شهادة حق لانختلف عليها..

وكان لازم يقعد لنهاية اللقاء وصدقني بتشوف شيء ثاني..

حتى أكون واضح معك ابو بدر بعد نهاية الللقاء كان هناك اتصال هاتفي بيني وبين احد الغالين علي وتناقشنا في جو المباراة وانفعلت عليه لإنني احارب من أجل تفهيمه ان اللقاء كان في متناول ايدينا متى ما حنا بغيناه بعيدا عن مستويات اللاعبين..

يا ابو بدر الهلال مشكلته في بعض اللقاءاته انه ( يذبحك ) في الشوط الأول ويتصاعد مستواه في الشوط الثاني وهذا هو الأهم يعني باختصار الهلال فيه ميزه وهي انه يبدأ من الشوط الثاني اي حفلة هو يريدهــا..

لكن مساء البارحة مستوى اللاعبين منخفض والمدرب كملها بفلسفة تبديلاته التي لو جبت واحد من خارج الوسط الرياضي وقلت له كيف تفوز وانت متعادل قال اعرف أغيــّر..!!

يا ابو بدر هالمدرب شكله بيجي لي الضغط والسكر ( والشيزوفرينيا )

مو دائما الا في بعض التبديلات اللي تقول انه قال يا انا يا هالسامي في هالدنيــا

يعني فريق قدامك متعادل ولاعب خطة ( 10 صفر ) وورى حارس وش تسوي معه..!!

تخرج محور وتدخل محور..
تخرج صانع لعب وتنزل مهاجم ولا وصانع اللعب هو ( افضل من قدم الشوط الأول )..
تخرج ظهير وتنزل ظهير..

يا ابو بدر وش هالفلسفة تكفى منــه..

لا أحد يقول لي المباراة فلتت من ايدينا طيب واللي مجلسه جنبك ( أبو حميــّد ) علموه تراه يعرف يشوت لو من الرياض للباب في الشرقيه ويسجل قووول..

هذا من جانب المدرب وانا لا اضعه كبش فداء فهو مقدم مستوى حلو مع الهلال الا انه يخورها بعض المرات..
يعني قرصة الاذن نغيرها للإذن الثانيه وصدقوني ننطلق 10 مباريات ثانيه بمستوى أروع من الدور الأول..

أما من جانب اللياقة فأنا اقولك :

ياخي الدوري عندنا تقول وضع جدوله في مطلع ( الدولة السعودية الأولى ) ناس ماكانت تفهم في الكورة..
يعني اكثر من اربع مباريات كبيره وتنافسيه في اقل من اسبوعين احيان اشك ان اللاعبين ( بتاعنا ) في اجسامهم مكاين 24 ساعه تشتغل وبنفس القوة يعني قليلا يا اللي تضعون الجداول ( برين ) يعني مخ شوي..!!

اللاعبين لم يقدموا شيء اطلاقا لكن التمس لهم العذر في بعض الفترات والله يكون في العون في القادم لايكون فينا مثل الموسم الفائت انهك الجسد الأزرق في الأخير..

وانا معاك قلبا وقالبا وكل معاني تلك الكلمات بمدرب لياقة من طينة ( عبداللطيف الحسيني ) رغم انني قرأت ان لديه ظروف اسرية شديده وهذا ماجعله يبتعد عن نادي الشباب وعطوه اجازه شهرين قبل تقديم الاستقاله والدوري بينتهي مدري وش هي له هالاجازه (عقول الاحتراف مأجرة الدور اللي فوق ) ياصديقي لدى رياضتنــا..

أعود لهلالنا ونقاط يجب ان يستغلها من هذا التعادل المؤلم في عز البرد :

إننا نقرص بسييرو من عند اذنه الثانيه ونقول ياحبيبنا غير زين تكفى..
نقول للاعبين نحن لانرضى بأي اعذار لمستويات تبعدنا عن المنصات يعني عذركم انكم في قلوبنا للأبد وانتم عزنا فما نقوله لهم اننا نقول تكفى وهم قدها بحول الله..

الهلال سيعود بشرط اننا نطبق ماجاء في موضوعك ابو بدر من الآن يعني مدرب لياقة زي الناس ..
ومدرب يجب ان يحاسب على تغييراته لين ينضبط يعني يقعد بس كل شوي تقرص اذنه يمكنه من النوع اللي ينسى قرصه الاذن على المدى البعيد..

ونجوم نقف معهم حتى لو وضعونا في ليلة خميس حزينة ومن الطفش ( تعشيت ثلاث مرات ) من القهر

قبل الأخير :

من وين تحس انك تشاهد كورة وحكامنا يسحبون كروشهم قدامنا ( يالله لاتبلانا ) وللامانه الحمدان من اشوفه واقول المباراه ليست لنا ..

لو اني عايش في الجاهلية كان قلت من اللي يتطيرون في بعض الاحداث

اللهم ياكافي..!!

أما لك أنت ابو بدر :

قلتها في لقاء سيرى النور قريبا ابو بدر..
تبغى تقرأ كل شيء عن الهلال وبعد مقاله تنسد نفسك عن القراءة لغيره لانه يكفي ويوفي ويضعك امام كل شيء بقلم روعه روعه روعه..

فأقرأ لابو بدر فهو أجمل قلم يحاكي الواقع بكل تقنية ومفهومية..

شكرا سعادة البيه..

على فكرة تراني السامي بس يوم الخميس دائما اصير ( متهور في كلامي ) لاني مالبست الشماغ وانا مرسم واكتب مقال فيه..

وعلى دروب الخير نلتقي أحبــه

الســامي كسمــو الهـلال1982

Abu Abdulah · #39 21/12/2006, 03:10 PM

يعطيك العافية اخوي الغريب لكن انا ماراح ازيد على اللي قالوه اخواني الاعضاء والخليج اثبت انه فريق لايستهان فيه خصوصاً عندما يلعب على ارضه وامام جمهوره انا حبيت اوضح نقطه معينه أنه فعلا هناك خلل في جدول المباريات والخلل هذا موجود من كم سنه والضغط الحاصل للمباريات هذا سبب في ارهاق اللاعبين فكرياً ونفسياً ولياقياً لكن هذا مو سبب كافي علشان يقدم الزعيم المستوى الباهت اللي قدمه في المباراه واللي كان الخليج قريب من الفوز لكن الحمد الله التعثر صار في بداية الدور الثاني وان شاءالله تعالج الاخطاء الفنيه والقصور الادائي عند بعض لاعبينا ولكن الاهم معالجة مشكله اللياقة البدنيه وهي مشكله موجوده منذ الموسم الماضي بعد رحيل السيد مادينا.هذا ماحبيت اوضحه لكم وتقبلوا مروري.

تحياتي لكم،،،