صور مع التحية للوليد عضو مجلس أدارة الشبكة - نادي الهلال السعودي - شبكة الزعيم

صـقر · #1 17/12/2006, 09:47 AM

السلام عليكم

وصباحكم اوشطة

لكم معانتي البارح

<< دمعته على طرف رمشه

أمس العصر مريت نادي رياضي وابسجل فيه اخذت اللى عندهم من علوم

وطرى في بالي موضوع الوليد المثبت
قريته أمس حتى في وقتها كنت حاط رجل على رجل

المهم قلت ياولد ورى بس ماتدعم النادي وتشتري من عنده عدة كاملة من الجزمة اللى يكرمكم مروراً بالشنطة الين الكاب

طبعا جاتني الفكرة الساعة 9 بالليل

وشديت على الموتر والامطار لله الحمد وكانت حصيلة الطريق من المكان اللى انطلقت منه الين نادي الهلال

أربع محاولة أصتدام
دخلة بجلنط مع أحد الحواري
بغيت أقلب << ومسكت أرضي

المهم وكان يدي على قلبي لا يروح مشواري عبث

خفت ان النادي صاك

ولقبت السيارة على البوابة الشمالية ( دخول وخروج اللاعبين منها )
والامطار قوية

ورحت أركض أركض والامطار ترش ترش

وأركض

ومريت من عند سيارة سوداء وكنت فاتح عين ومصكر الثانية

وتسني لمحت مكتوب على القزاز من ورى شئ

وأربط ذيك الفرامل حتى من قوتها تزحلقت

واناظر الموتر الا موتر ياسر الطلاسي

حاط على القزاز اللى ورى صورة الشلهوب ومكتوب لايهمونك انت الافضل

وأكمل ركضي الين دخلت النادي

وصرت امشي شوي شوي << على شأن يقولون ثقيل الولد

اصلا مافيه الاحراس وأبثقل قدامهم

وتذكرت ان الوليد قال ان مقر البيع البدل والشنط جنب المسبح

واناظر يمكن الاقي أحد

ومالقيت أحد

وأمشي وامشي

لاحظ عزيزي القارئ اني لازلت امشي

والقى مصريين في مكتبة النادي

رميت جوالي عليهم

قلت داخل على الله ثم عليه

رد علي

قال يعم غور من وشي ( وجهي )

قلت ابشتري شنطة وطقم هلالي

قال شوف الشباب اللى هناك أسالهم

وانا اناظر مكتوب نادي الاعضاء وفيه حراس امن

قلت ياشباب قدر الله علي وقريت موضوع لواحد بشبكة الزعيم
والموضوع كذا كذا .....

قالوا روح لابوعبدالله

وانادي يابوعبدالله

ويجي قلت يابوعبدالله

قدر الله علي
والموضوع تسذ تسذا ...

قال للأسف ماعندنا أي شئ الحين

مافيه الا فنايل وتبي تجي قريب

قلت له تدري وش المشكله

المشكله اني موقف سيارتي بعيد

ولاني مشتري من هنا أصلا << يرضي غرورهـ

وأعض ثوبي وأركض وأمر من عند حارس امن شايب

من سرعتي شطفته واخذ ثلاث لفات على نفسه

واركب موتر على طول

وأديور من عند الاشارة
وأول محل يصادفني حق رياضة وقفت عنده

وأحط يدي في جيبي أتملس جوالي

وأشغل الكاميرا واصور ثوبي بعد المطر

تحس ان لي كرش صح

وانا وش مدخلني النادي الرياضي

المهم

جتني فكرة

ولقيت أطقم للنادي وشالات في المحل اللى جيته

قلت ورى ما أصوره

وأنزله في الشبكة

هذا طقم أطفال

ماقدرت ارقع له .. قلت أخوي صغير يبغى طقم نادي الهلال قال ريال
قلت لا الهلال وابي اسوي صورة مافي مشكله

قال مافي مشكله بس أنت اشتري من هنا

شوفوا شال النادي الايمن

شوفوا رجول العامل .. طويل العلم

قلت له في خطاء بكتابة أسم الزعيم بالانجليزي << مثل شبكة الزعيم

قال هذا انا مافي صلح

يجي من الصين

والله وصار الهلال مشهور حتى في الصين

دوورت في كم محل وولقيت هذا الشنطة للزعيم

وتبون الجد خووفني العامل قال ليش تبغى تصور
قلت أخوي كبير يبغى شووف

كويس هو يجي يتشري مافي كويس مايجي

قال هذا كويس يشيل ثلاث طقم

حصيلة من محل ثاني

والله ياذا العامل مرمطت فيه

وبالاخير قال انت ايش يبغى يسوي صورة

قلت أخليه داخل جوال

لا سوي انترنت
قلت ليش

قال كلو نفر سعودي يحبو هلال
هو يجي بعدين يشتري من هنا

قلت أبشر بس تسذا

ما طلبت شئ

حاجة ثانية

قال ابي صورة كبيرة ابعلقها بصدر المحل

قلت ماطلبت شئ

يالبى قلبه .. يحب الهلال

لايق عليك ياالدوخي

وبالاخير

ياليت لو أشوفك يالوليد

ان تسان

أعزمك على عشاء

ياليت تتأكد أول يالغلا

مو الواحد يضرب مشوار وبالاخير مايحصل شئ

تحياتي يازعماء

سور الهلال العظيم · #2 17/12/2006, 09:53 AM

والله هذا الشي ليت يستفيد منه النادي وربي حرام

N76_111_an · #3 17/12/2006, 09:54 AM

ههههههههههههه الله يرجك بس

اول مره اندمج في سالفه في منتدى

dedo-alhabsi · #4 17/12/2006, 10:48 AM

مشكووووووووووووور

صـقر · #5 17/12/2006, 10:57 AM

إقتباس

الرسالة الأصلية كتبت بواسطة dedo-alhabsi


	مشكووووووووووووور

وش مفطر اليوم

يلعن ام التحطيم

تصدق ساعة وسبعطش دقيقة وانا جالس أكتب في موضوع

وساحب على الخلق اللى في الماسنجر

<< يلمح انه دعم فني

وبالاخير تقول مشكوور

اشق ثيابي

اطب من فوق الجسر المعلق << يمكن ألقى سيارة أخوي في الحجز

بس تدري وش برد عليك

العفووووو << بس كم واو حطيت

N76_111_an
سور الهلال العظيم

منورين ياحبايب

<< يسمع صوت دباب

هلالي جامعه البترول · #6 17/12/2006, 11:25 AM

مشكور يالغالي وتراك تعبت ابوهنود معاك مسكين على باله يبي يطلع بالتلفزيون.

Bu RAIED · #7 17/12/2006, 11:37 AM

ماشاء الله
السالفة حزينه ومن كثر ماقمت أصيح تصدق إني جعت

صـقر · #8 17/12/2006, 12:29 PM

هلا وغلا

منورين الموضوع حبايبي

20ثامر9 · #9 17/12/2006, 12:36 PM

هههههههههههههههههههه

ALzaeem50 · #10 17/12/2006, 12:42 PM

إقتباس

الرسالة الأصلية كتبت بواسطة هلالي جامعه البترول


	مشكور يالغالي وتراك تعبت ابوهنود معاك مسكين على باله يبي يطلع بالتلفزيون.

:p :p

اسير الشمال · #11 17/12/2006, 12:52 PM

ماشاء الله عليك كلتبلنا قصة حياتك

بس اندمجت مع القصة صراحه

وقلت لو انك عندي كان عشيتك وجلستك لين يروح المطر

الحمد لله هالايام الخير كثير

مشكوور وربي مااقدر اشكرك

ابومحمــــــــد · #12 17/12/2006, 01:49 PM

ياهي قصه وش رايك تدق على عامر الحمود يطلعها حلقه في طاش الأصلي 2

هههههههههههههههههههه

ملـــــ الهلال ــــك · #13 17/12/2006, 01:58 PM

من جد قهر لكن قله للوليد يعبيلك بنزين هههههههههههههه بس والله ترحم

عبدالله الدهش · #14 17/12/2006, 02:06 PM

هههههههههههههه

ما عندك كرش ابد

والله المفروض ان النادي يستفيد من هالاشياء بس لاحياة لمن تنادي

د.جووجل · #15 17/12/2006, 02:15 PM

هذا شي خطييييييييييييييييير بصراحة المفروض الواحد قبل مايكتب الوضوع يتاكد من
الشي الي بيكتبة

صور مع التحية للوليد