نادي الهلال السعودي - شبكة الزعيم - الموقع الرسمي - صور مع التحية للوليد عضو مجلس أدارة الشبكة

السلام عليكم

وصباحكم اوشطة

لكم معانتي البارح

<< دمعته على طرف رمشه

أمس العصر مريت نادي رياضي وابسجل فيه اخذت اللى عندهم من علوم

وطرى في بالي موضوع الوليد المثبت
قريته أمس حتى في وقتها كنت حاط رجل على رجل

المهم قلت ياولد ورى بس ماتدعم النادي وتشتري من عنده عدة كاملة من الجزمة اللى يكرمكم مروراً بالشنطة الين الكاب

طبعا جاتني الفكرة الساعة 9 بالليل

وشديت على الموتر والامطار لله الحمد وكانت حصيلة الطريق من المكان اللى انطلقت منه الين نادي الهلال

أربع محاولة أصتدام
دخلة بجلنط مع أحد الحواري
بغيت أقلب << ومسكت أرضي

المهم وكان يدي على قلبي لا يروح مشواري عبث

خفت ان النادي صاك

ولقبت السيارة على البوابة الشمالية ( دخول وخروج اللاعبين منها )
والامطار قوية

ورحت أركض أركض والامطار ترش ترش

وأركض

ومريت من عند سيارة سوداء وكنت فاتح عين ومصكر الثانية

وتسني لمحت مكتوب على القزاز من ورى شئ

وأربط ذيك الفرامل حتى من قوتها تزحلقت

واناظر الموتر الا موتر ياسر الطلاسي

حاط على القزاز اللى ورى صورة الشلهوب ومكتوب لايهمونك انت الافضل

وأكمل ركضي الين دخلت النادي

وصرت امشي شوي شوي << على شأن يقولون ثقيل الولد

اصلا مافيه الاحراس وأبثقل قدامهم

وتذكرت ان الوليد قال ان مقر البيع البدل والشنط جنب المسبح

واناظر يمكن الاقي أحد

ومالقيت أحد

وأمشي وامشي

لاحظ عزيزي القارئ اني لازلت امشي

والقى مصريين في مكتبة النادي

رميت جوالي عليهم

قلت داخل على الله ثم عليه

رد علي

قال يعم غور من وشي ( وجهي )

قلت ابشتري شنطة وطقم هلالي

قال شوف الشباب اللى هناك أسالهم

وانا اناظر مكتوب نادي الاعضاء وفيه حراس امن

قلت ياشباب قدر الله علي وقريت موضوع لواحد بشبكة الزعيم
والموضوع كذا كذا .....

قالوا روح لابوعبدالله

وانادي يابوعبدالله

ويجي قلت يابوعبدالله

قدر الله علي
والموضوع تسذ تسذا ...

قال للأسف ماعندنا أي شئ الحين

مافيه الا فنايل وتبي تجي قريب

قلت له تدري وش المشكله

المشكله اني موقف سيارتي بعيد

ولاني مشتري من هنا أصلا << يرضي غرورهـ

وأعض ثوبي وأركض وأمر من عند حارس امن شايب

من سرعتي شطفته واخذ ثلاث لفات على نفسه

واركب موتر على طول

وأديور من عند الاشارة
وأول محل يصادفني حق رياضة وقفت عنده

وأحط يدي في جيبي أتملس جوالي

وأشغل الكاميرا واصور ثوبي بعد المطر

http://cdeem.com/up/sing/alzaeem1.jpg

تحس ان لي كرش صح

وانا وش مدخلني النادي الرياضي

المهم

جتني فكرة

ولقيت أطقم للنادي وشالات في المحل اللى جيته

قلت ورى ما أصوره

وأنزله في الشبكة

http://cdeem.com/up/sing/alzaeem2.jpg

هذا طقم أطفال

ماقدرت ارقع له .. قلت أخوي صغير يبغى طقم نادي الهلال قال ريال
قلت لا الهلال وابي اسوي صورة مافي مشكله

قال مافي مشكله بس أنت اشتري من هنا

http://cdeem.com/up/sing/alzaeem32.jpg

شوفوا شال النادي الايمن

http://cdeem.com/up/sing/alzaeem42.jpg

شوفوا رجول العامل .. طويل العلم

قلت له في خطاء بكتابة أسم الزعيم بالانجليزي << مثل شبكة الزعيم

قال هذا انا مافي صلح

يجي من الصين

والله وصار الهلال مشهور حتى في الصين

http://cdeem.com/up/sing/alzaeem52.jpg

دوورت في كم محل وولقيت هذا الشنطة للزعيم

وتبون الجد خووفني العامل قال ليش تبغى تصور
قلت أخوي كبير يبغى شووف

كويس هو يجي يتشري مافي كويس مايجي

قال هذا كويس يشيل ثلاث طقم

http://cdeem.com/up/sing/alzaeem62.jpg

حصيلة من محل ثاني

http://cdeem.com/up/sing/alzaeem72.jpg

والله ياذا العامل مرمطت فيه

وبالاخير قال انت ايش يبغى يسوي صورة

قلت أخليه داخل جوال

لا سوي انترنت
قلت ليش

قال كلو نفر سعودي يحبو هلال
هو يجي بعدين يشتري من هنا

قلت أبشر بس تسذا

ما طلبت شئ

حاجة ثانية

قال ابي صورة كبيرة ابعلقها بصدر المحل

قلت ماطلبت شئ

http://cdeem.com/up/sing/alzaeem82.jpg

يالبى قلبه .. يحب الهلال

http://cdeem.com/up/sing/alzaeem92.jpg

لايق عليك ياالدوخي

وبالاخير

ياليت لو أشوفك يالوليد

ان تسان

أعزمك على عشاء

ياليت تتأكد أول يالغلا

مو الواحد يضرب مشوار وبالاخير مايحصل شئ

تحياتي يازعماء