#1  
قديم 17/12/2006, 09:47 AM
زعيــم متواصــل
تاريخ التسجيل: 30/06/2005
مشاركات: 90
Red face صور مع التحية للوليد عضو مجلس أدارة الشبكة

السلام عليكم

وصباحكم اوشطة

لكم معانتي البارح



<< دمعته على طرف رمشه


أمس العصر مريت نادي رياضي وابسجل فيه اخذت اللى عندهم من علوم

وطرى في بالي موضوع الوليد المثبت
قريته أمس حتى في وقتها كنت حاط رجل على رجل

المهم قلت ياولد ورى بس ماتدعم النادي وتشتري من عنده عدة كاملة من الجزمة اللى يكرمكم مروراً بالشنطة الين الكاب

طبعا جاتني الفكرة الساعة 9 بالليل

وشديت على الموتر والامطار لله الحمد وكانت حصيلة الطريق من المكان اللى انطلقت منه الين نادي الهلال

أربع محاولة أصتدام
دخلة بجلنط مع أحد الحواري
بغيت أقلب << ومسكت أرضي

المهم وكان يدي على قلبي لا يروح مشواري عبث

خفت ان النادي صاك

ولقبت السيارة على البوابة الشمالية ( دخول وخروج اللاعبين منها )
والامطار قوية

ورحت أركض أركض والامطار ترش ترش

وأركض

ومريت من عند سيارة سوداء وكنت فاتح عين ومصكر الثانية

وتسني لمحت مكتوب على القزاز من ورى شئ

وأربط ذيك الفرامل حتى من قوتها تزحلقت

واناظر الموتر الا موتر ياسر الطلاسي

حاط على القزاز اللى ورى صورة الشلهوب ومكتوب لايهمونك انت الافضل

وأكمل ركضي الين دخلت النادي

وصرت امشي شوي شوي << على شأن يقولون ثقيل الولد

اصلا مافيه الاحراس وأبثقل قدامهم

وتذكرت ان الوليد قال ان مقر البيع البدل والشنط جنب المسبح

واناظر يمكن الاقي أحد

ومالقيت أحد

وأمشي وامشي

لاحظ عزيزي القارئ اني لازلت امشي

والقى مصريين في مكتبة النادي

رميت جوالي عليهم

قلت داخل على الله ثم عليه

رد علي

قال يعم غور من وشي ( وجهي )

قلت ابشتري شنطة وطقم هلالي

قال شوف الشباب اللى هناك أسالهم

وانا اناظر مكتوب نادي الاعضاء وفيه حراس امن

قلت ياشباب قدر الله علي وقريت موضوع لواحد بشبكة الزعيم
والموضوع كذا كذا .....

قالوا روح لابوعبدالله

وانادي يابوعبدالله

ويجي قلت يابوعبدالله

قدر الله علي
والموضوع تسذ تسذا ...

قال للأسف ماعندنا أي شئ الحين

مافيه الا فنايل وتبي تجي قريب



قلت له تدري وش المشكله

المشكله اني موقف سيارتي بعيد

ولاني مشتري من هنا أصلا << يرضي غرورهـ


وأعض ثوبي وأركض وأمر من عند حارس امن شايب

من سرعتي شطفته واخذ ثلاث لفات على نفسه

واركب موتر على طول

وأديور من عند الاشارة
وأول محل يصادفني حق رياضة وقفت عنده

وأحط يدي في جيبي أتملس جوالي

وأشغل الكاميرا واصور ثوبي بعد المطر



تحس ان لي كرش صح

وانا وش مدخلني النادي الرياضي



المهم

جتني فكرة


ولقيت أطقم للنادي وشالات في المحل اللى جيته

قلت ورى ما أصوره

وأنزله في الشبكة




هذا طقم أطفال

ماقدرت ارقع له .. قلت أخوي صغير يبغى طقم نادي الهلال قال ريال
قلت لا الهلال وابي اسوي صورة مافي مشكله

قال مافي مشكله بس أنت اشتري من هنا





شوفوا شال النادي الايمن





شوفوا رجول العامل .. طويل العلم

قلت له في خطاء بكتابة أسم الزعيم بالانجليزي << مثل شبكة الزعيم

قال هذا انا مافي صلح

يجي من الصين

والله وصار الهلال مشهور حتى في الصين




دوورت في كم محل وولقيت هذا الشنطة للزعيم

وتبون الجد خووفني العامل قال ليش تبغى تصور
قلت أخوي كبير يبغى شووف

كويس هو يجي يتشري مافي كويس مايجي

قال هذا كويس يشيل ثلاث طقم



حصيلة من محل ثاني




والله ياذا العامل مرمطت فيه

وبالاخير قال انت ايش يبغى يسوي صورة

قلت أخليه داخل جوال

لا سوي انترنت
قلت ليش

قال كلو نفر سعودي يحبو هلال
هو يجي بعدين يشتري من هنا

قلت أبشر بس تسذا

ما طلبت شئ


حاجة ثانية

قال ابي صورة كبيرة ابعلقها بصدر المحل

قلت ماطلبت شئ






يالبى قلبه .. يحب الهلال




لايق عليك ياالدوخي


وبالاخير

ياليت لو أشوفك يالوليد



ان تسان
















أعزمك على عشاء








ياليت تتأكد أول يالغلا

مو الواحد يضرب مشوار وبالاخير مايحصل شئ



تحياتي يازعماء
اضافة رد مع اقتباس
  #2  
قديم 17/12/2006, 09:53 AM
زعيــم مميــز
تاريخ التسجيل: 24/07/2005
مشاركات: 14,960
والله هذا الشي ليت يستفيد منه النادي وربي حرام
اضافة رد مع اقتباس
  #3  
قديم 17/12/2006, 09:54 AM
زعيــم مميــز
تاريخ التسجيل: 15/02/2006
المكان: ريـــاض العز
مشاركات: 1,816
ههههههههههههه الله يرجك بس

اول مره اندمج في سالفه في منتدى
اضافة رد مع اقتباس
  #4  
قديم 17/12/2006, 10:48 AM
زعيــم جديــد
تاريخ التسجيل: 02/09/2006
مشاركات: 30
مشكووووووووووووور
اضافة رد مع اقتباس
  #5  
قديم 17/12/2006, 10:57 AM
زعيــم متواصــل
تاريخ التسجيل: 30/06/2005
مشاركات: 90
إقتباس
الرسالة الأصلية كتبت بواسطة dedo-alhabsi
مشكووووووووووووور

وش مفطر اليوم


يلعن ام التحطيم


تصدق ساعة وسبعطش دقيقة وانا جالس أكتب في موضوع

وساحب على الخلق اللى في الماسنجر

<< يلمح انه دعم فني

وبالاخير تقول مشكوور

اشق ثيابي

اطب من فوق الجسر المعلق << يمكن ألقى سيارة أخوي في الحجز



بس تدري وش برد عليك

العفووووو << بس كم واو حطيت





N76_111_an
سور الهلال العظيم

منورين ياحبايب



<< يسمع صوت دباب
اضافة رد مع اقتباس
  #6  
قديم 17/12/2006, 11:25 AM
الصورة الرمزية الخاصة بـ هلالي جامعه البترول
مشرف سابق في منتدى الجمهور الهلالي
تاريخ التسجيل: 02/05/2006
المكان: Khobar
مشاركات: 9,324
مشكور يالغالي وتراك تعبت ابوهنود معاك مسكين على باله يبي يطلع بالتلفزيون.
اضافة رد مع اقتباس
  #7  
قديم 17/12/2006, 11:37 AM
زعيــم مميــز
تاريخ التسجيل: 01/05/2006
مشاركات: 3,813
ماشاء الله
السالفة حزينه ومن كثر ماقمت أصيح تصدق إني جعت
اضافة رد مع اقتباس
  #8  
قديم 17/12/2006, 12:29 PM
زعيــم متواصــل
تاريخ التسجيل: 30/06/2005
مشاركات: 90
هلا وغلا

منورين الموضوع حبايبي
اضافة رد مع اقتباس
  #9  
قديم 17/12/2006, 12:36 PM
زعيــم نشيــط
تاريخ التسجيل: 19/10/2006
مشاركات: 931
هههههههههههههههههههه
اضافة رد مع اقتباس
  #10  
قديم 17/12/2006, 12:42 PM
عضو سابق باللجنه الإعلامية
تاريخ التسجيل: 04/04/2006
المكان: الرياض
مشاركات: 1,667
إقتباس
الرسالة الأصلية كتبت بواسطة هلالي جامعه البترول
مشكور يالغالي وتراك تعبت ابوهنود معاك مسكين على باله يبي يطلع بالتلفزيون.


:p :p
اضافة رد مع اقتباس
  #11  
قديم 17/12/2006, 12:52 PM
الصورة الرمزية الخاصة بـ اسير الشمال
عضو سابق بلجنة الفيديو والصوتيات
تاريخ التسجيل: 03/06/2004
المكان: السعودية فديت ترابها !!
مشاركات: 2,983
ماشاء الله عليك كلتبلنا قصة حياتك

بس اندمجت مع القصة صراحه

وقلت لو انك عندي كان عشيتك وجلستك لين يروح المطر

الحمد لله هالايام الخير كثير

مشكوور وربي مااقدر اشكرك
اضافة رد مع اقتباس
  #12  
قديم 17/12/2006, 01:49 PM
زعيــم مميــز
تاريخ التسجيل: 16/03/2005
المكان: أعيش في دنيتي
مشاركات: 2,394
ياهي قصه وش رايك تدق على عامر الحمود يطلعها حلقه في طاش الأصلي 2

هههههههههههههههههههه
اضافة رد مع اقتباس
  #13  
قديم 17/12/2006, 01:58 PM
زعيــم مميــز
تاريخ التسجيل: 05/08/2005
المكان: الرياض
مشاركات: 5,886
من جد قهر لكن قله للوليد يعبيلك بنزين هههههههههههههه بس والله ترحم
اضافة رد مع اقتباس
  #14  
قديم 17/12/2006, 02:06 PM
مصور فوتغرافي بشبكة الزعيم
تاريخ التسجيل: 10/09/2006
المكان: المجمعة
مشاركات: 3,850
هههههههههههههه

ما عندك كرش ابد

والله المفروض ان النادي يستفيد من هالاشياء بس لاحياة لمن تنادي
اضافة رد مع اقتباس
  #15  
قديم 17/12/2006, 02:15 PM
زعيــم فعــال
تاريخ التسجيل: 01/11/2006
المكان: قدام الكمبيوتر
مشاركات: 255
هذا شي خطييييييييييييييييير بصراحة المفروض الواحد قبل مايكتب الوضوع يتاكد من
الشي الي بيكتبة

صور مع التحية للوليد

اخر تعديل كان بواسطة » د.جووجل في يوم » 17/12/2006 عند الساعة » 02:16 PM السبب: حرف ط
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:23 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube