تـــصدقون هلالي الظهـران مايعرف وين الحجاج الأيمن!! - صفحة رقم 2 - نادي الهلال السعودي - شبكة الزعيم

الهلالي دائماً · #1 27/09/2006, 02:58 PM

السلام عليكم وحمة الله وبركاته ..

مقدمة ==>>> عناااد

اخي الكريم الغالي هلالي الظهران ...

شكر لك على حروفك المميزة .. فانت نافورة ابداع .. وزمزمية مواهب .. وثلاجة افكار ...

وخزان مواقف .. وبرميل استهبال ...

=== >>> يبي يتصفق

ايه الحين ندش في الموضوع الظريف

إقتباس


	نص ساعه ابي انزل عدسه وحده وعجزت .. كل ماقربت اصبعي قفلت عيوني .. بعد ما يئست بدلت ملابسي ودزيت للصيدليه

..

الا ليه مارحت مطعم اكبر البخاري

يمكن يعرفون يفكون العدسات

اللحين انت ووجهك

وش دخل الصيدلية في عدساتك

إقتباس


	بمزرعة جدي في (هيت) ونفلها كوره وبلوت وشوي ومعسل .. صلينا المغرب وحركنا وقبل ناصل المزرعه بشوي تجي رساله لخويي -تاب الله عليه وانار قلبه - من جوال النصر مضمونها ان بكره رمضان ..

يا الله ذكرتني رمضان قبل العام صار نفس الموقف في نفس المكان بنفس الوقت بس بدون معسل

كنا فالينها كورة في مزرعة بهيت الا يجينا خبر انا باكر رمضان ولا معتا الا شاي وماء

عاد طلعنا في اخر اليل انا وخويي ندور مطعم وما لقينا الا شاورما وقبل ما نكلها نسمع الاذان

من جامع الراجحي بس طلع الاذان الاول (( شكل المذن كان يمزح معنا ))

=======>>>>>>> قصة تحزن ولالا

إقتباس


	ع طاري المطاعم .. الف مبروك يا أهل الرياض افتتاح شيليز واخيرا بتفكونا من زحمتكم بس يقولون يبيلك 3 ساعات الين يجي دورك ,,

تقولها صادز

ياخي اهل الرياض مساكين

ما عنهد مطاعم كافية

إقتباس


	فطور هالحرمه الله يطول بعمرها من اروع مايكون بس لا احد يسئلني عن عنوانها لانه حنا ما اقنعناها تضيفنا لقائمتها الا بالواسطه

اجل الخميس بعد القادم انشاء الله الفطورعندكم بالشرقية

بس قل للخالة خديجة تتوصى فيني

إقتباس


	دقيت عليهم ورد علي واحد وقلت له.. شف شايبكم عند السدحان ان كانكم تبونه تعال وخذه ..

ياقاسي

الحين هذا الشايب ثروة وطنية ولازم تستفيد منها بس انتم جيل ما يقدر الجيل السابق

هلالي اقول قم ذاكر اصرف لك الله يعطيك العافية ...

الا على فكرة وش طلع حجاجك الايمن ؟؟

abu_riman · #2 28/09/2006, 12:42 AM

^
^
^

هذا المعرف مطلوب التمسك به حتى آخر قطرة ! ---> فيمتو !

هلالي الظهران أقول وزارة الإعلام صارت ما تحذف شي ! ليه ما جبت باقي المشاهد ؟!
بعدين ما رجعني غير الحلقة الثانية عشر !

الحلقة الثانية عشر صعب أصدق إنها من " سيناريوك " !
أكيد ماخذها من القاضي أو من الجاحظ !!

طبعاً من العنا مستحيل يحسبها " سبة "

تغريد · #3 28/09/2006, 03:07 AM

احم احم

طيب انا ماعرفت اش هوا الحجاج الايمن......

ولاهيت !

ترجمولي لو سمحتو:p

كل عام وانت بخير خلالي الظهران

يعطيك العافيه عاليوميات الحلوه

سوسوالهلاليه · #4 28/09/2006, 03:00 AM

اهلا هلالي الظهران

يومياتك حافله
ماشاء الله تبارك الله

اجل ماتعرف للعدسات
والله ان عندنا حسام مسوي عرض عشان رمضان ورحت ناقزة اول وحدة
واشتري ثنتين

,,
تسلم خيو
اسعدتنا

هلالي الظهران · #5 28/09/2006, 03:11 PM

الله يعطيك الف عافيه سندريلا ..

هههههههههههههه ياناس يقلع ابو الضياع .. اغلب اللي قريته اشك اني انا اللي كاتبه

,,

هلالي سمعا وطاعه

هلااااااااااااااا والله بالغالي هلا بولد وايل هلا بكحيلان هلا بالنشمي سعد ,,

والله تو ماتبارك المكان .. وين الغيبه يارجل .. والله لك فقده ووحشه,,

ابشرك حيٌ ارزق ولوني ازرق ..

اخبارك يا القطوع ؟ ووين الغيبات؟

الله يسقي ذيك الايام بالخير .. هذا انت موجود ومالك عذر بالغيبه ,,

ياخي والله العظيم شوفت يوزرك تشرح الصدر .. لاعاد تحرمنا هالطله تكفى !!

ابو راس

إقتباس


	تشكررررراتي على الاستظرااااف الي في موضوع خصوصا قصة الشايب (شفت اني مدحتك)

ههههههههههههههههههههههههه والله انك تسمع بالمدح .. بس نمشيها ياحلو ولخاطر هالراس بنخلي المذمه مدحه;) ,,

إقتباس


	الكلام قبل جملتك هذي اعتقد انه سخيف ويذكرني بقصة بنات الرياض نشر علني للمسخرة الي تصير بين بعض الشباب والشبابات بحجة "....وش فيها .. هذا الواقع.."

ابو راس الله اعلم بالنوايا .. بس وش جاب بنات الرياض الله يصلح قلبك .. هدفي كان مبسط جدا واعترف اني ندمت على كتابة الحلقات مو علشان شي بس لان التوقيت غير مناسب!

إقتباس


	وان كان قصدك النصيحة فأسلوبك غير موفق.

بدوري اوجه لك هالكلام

,,

إقتباس


	وان ربي ابتلاك استر على نفسك مو تستعرض امام الناس ليتهيأ لهم ان الأمر بسيط وعادي ومافي داعي ينعطى اكبر من حجمه

اي استعراض يرحم والديك!!

لو ابستعرض كان افردت له مساحه اكبر وليست كلمتين فقط !!

ابو راس انت اللي اعطيت الامر بعد وضخمته بردك .. عموما الله يجزاك خير على النصيحه

,,

أسيرة الزعيم

إقتباس


	ودامكم من أصحاب البوفيهات .. انصحك بـ بوفية كارلتون المعيبد !

اسيرة .. فندق المعيبد اللي بالدمام ماغيره؟!
اذا كان هو والله مشوار الدمام .. لك انك تتخيلي اني اجاهد نفسي علشان اقوم من النوم قبل الاذان علشان الفطور .. يعني بهالحسبه يبيلي 20 دقيقه قبل ,,

من واقع خبره 4 سنين ببوفيهات الخبر .. عندك " ابل بيز" و " مكسيم" وبدرجه ثانيه " البردوني" هذول الافضل بافطار رمضان

,,

والله يجزاك بالخير,,

ماجد مقبل & ابو ريمان

خلاص حياكم الله على الفطور انتم ومن يعز عليكم

.. واعتبروا الشرقيه شرقيتكم والخاله خديجه خالتكم

..

ابو ريمان .. السيناريو كله ماهو مني مو بس حلقه 12

..

ماجد مقبل & تغريد

الحجاج الايمين هو ياطويلين الاعمار حاجه كويسه بالراس بستخدمونها الشيبان للتوصيف .. وتعني بان تضع قرنك الايمن للراس نحو الشمس حيث تكون بدرجه عاموديه مع نجم سهيل وبالتالي الاستدلال على القبله بالنظر للدب القطبي

تغريد .. " هيت" هذي منطقه زراعيه على طريق الخرج وتبعد عن الرياض حوالي 30 كم تقريبا

الكناري الازرق

الهنوووف

الذئب الازرق

حبيبي توتي

هلالي سمعا وطاعه

عزوز الازرق

الهلالي النايم

سحر الشرق

رائدة الزعيم

ابو راس

اسيرة الزعيم

ProudToBeSaudi

abu_riman

alhawey

ماجد مقبل

سوسو الهلاليه

تغريد

حياكم الله جميعا وشاكر كريم مروركم ولطيف ردودوكم .. وان شاء الله اني ماثقلت عليكم

,,

الماسه الزرقاء · #6 28/09/2006, 09:45 PM

إقتباس


	وبدأت معاناه من جديد .. نص ساعه ابي انزل عدسه وحده وعجزت .. كل ماقربت اصبعي قفلت عيوني

هذي البداية شوي وتتعود عليها لكن لا تيأس

,,
اخوي نفس الحالة قص له عدسات وما كان يعرف يشيلها ولا يلبسها ,, بس ابشرك صار يشيلها بنفسه

,,
لكن اختي تكفلت فيه تلبسه العدسات

,, بس صار ما يطلع من البيت ولا يروح ولا يجي لين تقوم من النوم :p ,,
وطلباتها طبعاً عنده صارت أوامر

,,

إقتباس


	يومي برمضان نفسه مايتغير .. انام عقب صلاة التراويح الى الساعه 2 .. اقوم اتسحر بأي مطعم وبعدين اروح القهوه اصقع راس باعشن الين يأذن .. ارجع اصلي الفجر واقرأ كم صفحه من القران ثمن اشوف وش عندي من اختبارات وواجبات واحلها .. ثمن اروح للمحاضرات الين الظهر ثمن ارجع اصلي واسدحها نومه الى قبل المغرب بساعه .. اقوم واصلي العصر ثمن الفطور وعقبه طاش ..واختمها بالتراويح وهكذا

على الأقل عندك نظام معروف ,, مو إلي كل يوم شكل

<<< أبد ما تقصد نفسها ,

إقتباس


	امسك ذي الكتب خصوصا واني مثقل هالفصل بالمواد وكلها مواد تخصص

الله يعينك ويوفقك ويعينّا ,

إقتباس


	باستثناء الاربعاء والخميس والجمعه اللي نتعامل فيها مع حرمه كبيره يقالها خاله خديجه

طيب ليه ما تتعاملون معها طوال أيام الأسبوع

,

إقتباس


	طاري المطاعم .. الف مبروك يا أهل الرياض افتتاح شيليز واخيرا بتفكونا من زحمتكم بس يقولون يبيلك 3 ساعات الين يجي دورك

الله يبارك فيك

,

إقتباس


	بعدين المسلسلات كل ابوها تنعاد طول السنه لو تبون! حرام تضيعون وقتكم بالشهر في متابعتها ..

صااااادق

إقتباس


	ولا أحد يجلس يرحب ويهلي! نعنبوا ابليسكم ترى الكلام البايخ هذا ما أحبه.. يرحم أم أمكم فكوني من هالرسميات ترااها واصله معي

بما إنك ما تحب الرسميات .. أجل ما راح أهلي ولا أرحب فيك ولا اشكرك على يومياتك الممتعة ,

سندريلا ... يا مال العافية على هيك فكرة ,, خليتينا نستمتع بيوميات الأعضاء ,