بــســم الــلــه الــرحــمــن الــرحــيــم

جمهور الزعيم .. الرقم الصعب .. الشعب الهلالي الكبير

السلام عليكم ورحمة الله وبركاته..

أبارك لكم شهر رمضان المبارك أعاننا الله على صيامة وقيامه..

أكتب لكم معاناتي مع واحد نصراوي ... دائما" يذلني .:sad: ..بقول لكم بعض الأشياء اللي يسويها ..


تهبل بي.. وترفع ظغطي .. وتجيب لي العصبي..

1)يقول لي تعالي همزيني أو شي من هذا القبيل<<حلوة من هذا القبيل. .أنا عادي اسويله اللي يبيه لكن المشكلة طول الوقت دعاوي على الهلال وجعله وجعله وطول الوقت يقول لي ادعي على الهلال انه ما ياخذ بطوله<<كل هم النصراويين الهلال وبطولاته.. وادعي على فلان وادعي على علان لين يجي آخر شي وأصيح وإذا صحت قعد يتحلى علي<<شفتوا الواحد وشلو يتحلى...


2) أختي الصغيره عمرها 3 سنوات إذا قلت لها شجعي الهلال قالت هلال وإذا قال لها نصر قالت نصر بس هي في عينه نصراوية ومتعصبه بعد المهم هي تغلط علي واذا جيت بادبها قال والله ما تسوين لها شي عاد انا اطنشها وبعد شوي اذا هي زعلت قال لي روحي راظيها والا الغي اشتراكك في جوال الزعيم وما تفتحين النت عاد انا دمعتي على جريف على طول أصيح واذا صحت قعد يتحلى علي ويقول ياملحها تصيح عشان الهلال...


3) كله كووووووم واذا تكلمت معه في الكورة كوووم..أقول له ان الهلال مظلوم من الحكام ومن الاتحاد السعودي...إلخ يقوم ويطب فيني ويقول لي: (بتتكلمين معي تطلمي بحيادية والا بتفل في وجهتس ) وإلا يوم قلت له أن الأمير عبدالرحمن بن سعود الله يرحمه ذبح بقرة في نادي النصر وقال للاعبين يطمرون فوقها قال لي: (واحدن ميت لا تحسين فيه )


4) اذا قلت له يعجبني الاستاذ صالح الحمادي قام يسب ويشتم ويقول: (خلتس حيادية والا لا تحاتسني)قلت له كل واحد له رايه قال طيب انا يعجبني عدنان نجس النيه قلت شي راجع لك عصب وقال (فارقي جيبي لي كاس مويه)


ويقول لو لعب الهلال واسرائيل شجعت اسرائيل (استغفر الله)




وفي الأخير تدرون من هذا النصراوي


















إنه ابوي الله يطول في عمره


طبعا" اللي أنا كاتبته بعض الأشياء اللي يسويها


بس انتم ادعولي ان الله يصبرني ويعينني

الله الله بالردود اللي توسع الصدر

مع تحياااااااات : هلالية أبوها نصراي