|
مــعــانــاتــي مــع نــصــراوي.....(أرجو منكم الدخول) بــســم الــلــه الــرحــمــن الــرحــيــم جمهور الزعيم .. الرقم الصعب .. الشعب الهلالي الكبير السلام عليكم ورحمة الله وبركاته.. أبارك لكم شهر رمضان المبارك أعاننا الله على صيامة وقيامه.. أكتب لكم معاناتي مع واحد نصراوي ... دائما" يذلني .:sad: ..بقول لكم بعض الأشياء اللي يسويها .. تهبل بي.. وترفع ظغطي .. وتجيب لي العصبي..:upset: 1)يقول لي تعالي همزيني أو شي من هذا القبيل<<حلوة من هذا القبيل.:razz: .أنا عادي اسويله اللي يبيه لكن المشكلة طول الوقت دعاوي على الهلال وجعله وجعله وطول الوقت يقول لي ادعي على الهلال انه ما ياخذ بطوله<<كل هم النصراويين الهلال وبطولاته.. وادعي على فلان وادعي على علان لين يجي آخر شي وأصيح:cry: وإذا صحت قعد يتحلى علي<<شفتوا الواحد وشلو يتحلى... 2) أختي الصغيره عمرها 3 سنوات إذا قلت لها شجعي الهلال قالت هلال وإذا قال لها نصر قالت نصر بس هي في عينه نصراوية ومتعصبه بعد المهم هي تغلط علي واذا جيت بادبها قال والله ما تسوين لها شي عاد انا اطنشها وبعد شوي اذا هي زعلت قال لي روحي راظيها والا الغي اشتراكك في جوال الزعيم وما تفتحين النت عاد انا دمعتي على جريف على طول أصيح واذا صحت قعد يتحلى علي ويقول ياملحها تصيح عشان الهلال... 3) كله كووووووم واذا تكلمت معه في الكورة كوووم..أقول له ان الهلال مظلوم من الحكام ومن الاتحاد السعودي...إلخ يقوم ويطب فيني ويقول لي: (بتتكلمين معي تطلمي بحيادية والا بتفل في وجهتس:d ) وإلا يوم قلت له أن الأمير عبدالرحمن بن سعود الله يرحمه ذبح بقرة في نادي النصر وقال للاعبين يطمرون فوقها قال لي: (واحدن ميت لا تحسين فيه:d ) 4) اذا قلت له يعجبني الاستاذ صالح الحمادي قام يسب ويشتم ويقول: (خلتس حيادية والا لا تحاتسني)قلت له كل واحد له رايه قال طيب انا يعجبني عدنان نجس النيه قلت شي راجع لك عصب وقال (فارقي جيبي لي كاس مويه) ويقول لو لعب الهلال واسرائيل شجعت اسرائيل:nono: (استغفر الله) وفي الأخير تدرون من هذا النصراوي إنه ابوي الله يطول في عمره:d طبعا" اللي أنا كاتبته بعض الأشياء اللي يسويها بس انتم ادعولي ان الله يصبرني ويعينني الله الله بالردود اللي توسع الصدر مع تحياااااااات : هلالية أبوها نصراي:wallbash: :wallbash: |
الله يهديه الى الهلال :d |
الله يعينه ويعين اختك الصغيرة:d |
ههههههههههههههههههههههههههه الله يعينك عليه يارب انا عانيت مثلك ابوي يشجع فريق الشباب واذا بغيت منه شي قال قول الشباب عز والهلال طز وانا مضطر اني اقولها بس على شان يعطيني الي ابيه :(:(:(:(:( بس الحين تغير الحال |
خخخخخخخخخخخخخخخخخخخخخخخ الله يعينه على الكديش ويخليه لك |
الله يعينه على نفسه وحاولي في وخيتس تشجع الهلال وانتي لايهمك دامك تشجعين الهلال وترى ابوتس حركاته ذي من ورا قلبو واكيد مبسوط لان بنته تشجع الهلال .. مافيه احد يبي الشقى لعياله |
والله مافهمت شي توي مفطر وحالتي حاله .. لنا عوده تحياتي تدرين جالس ساعه اكتب ابوعبدالله تطلع معي ابوحسين لول ابوعبدالله |
خخخخخخخخخخخخخخخخخخخخخخخخخخخخخخخخخ << نفس معاناته مع اخوه الكبير. |
من مصلحة أختك الصغيرة انها تشجع الهلال ، لكن إذا الوالد أثـّـر عليها عاد وش نقول مقدر ومكتوب لها تعيش في ألم سلام s102s |
اجل انا وش اقول ابوي نصراوي وسته اخواني نصراويين واعمامي الثلاثه نصراويين وخوالي اربعه نصراويين وانا الوحيد الهلالي بينهم وماتدرون وش كثر اعاني منهم بس وش نسوي حاس بمعانتك لاني مجربها:d |
الله يعينس والله يهديه الى الهلال وبعدين انا ابوي هلالي وكلنا هلاليين الا عماني والحمدلله مهوب يهتمون يشجعون بس كذا الا خالي انا وياه دايم نتهاوشالمشكله عياله هلاليين الا هو واحد من عياله |
الله يعين |
إقتباس:
حركات !! الاندساس مب سهل !! أتحداك تظهر شخصيتك لحد يامندس |
ههههههههه الله يعينتس ،، انا ابوي نفس الشي .. بس الفرق انه اتحادي :D |
انا احمد الله واشكره أبوي هلالي وأعمامي وعيال عمي كلهم عن بكرة أبيهم يعشقون سامي بس ما يحبونه كثري بس 2من اعمامي شبابين بس شيبان ما يتكلمون بالكورة كثير و وخوالي كلهم هلاليين إلا 2 نصراويين ودائما انا وإياهم في حرب |
| الوقت المعتمد في المنتدى بتوقيت جرينتش +3.
الوقت الان » 01:19 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd