قبل كل شئ اللي مايحب المدرسة يطلع من الموضوع ويرتاح << عز الله مابقى الا انت وخشتك هنا


اخيراً جت الدراسة (( وجه يقول والله يا انت بتتصفق ))

ابي اعرف ليش الطلاب تقفل معهم وهم لهم ثلاث شهور تبطح في هالبيت ونوم واكل !!

المهم خلونا نمر على الفصول اللي هنا في الزعيم ونعرف وش احوالهم ..

طبعا فصول المجلس العام والا الجمهور والعالمية وغيره مالي دخل فيهم اجل انتم ووجيهكم تبون اكتب عن كل هالمنتديات اللي هنا تسان انهبل << يقاله مهوب مهبول





×× فصل حبي تيماوي ××


وهذا هو فصل الدوافير .. كلهم من بداية السنة وهم يقولون الاختبارات على الابواب ومذاكرين طول الصيف ..
هم القاضي وابو ريمان والجاحظ وراشد و iq1399 وغيرهم من كثرتهم ناسيهم
طبعاً هالفصل هو واجهة المدرسة لان كلهم جايبين نسبة 200 % !! اللي يشوف الطلاب يقول هذا فصل ليلي او منازل << كلهم شيااااااااااااااااااااب
هالفصل ما تسمع له حس ولا شئ .. حتى لو تمر من جنبهم تتوقع ان الفصل فاضي ومافيه ولا طالب ..
لكن مشكلتهم كل كلامهم بالفصحى ما تدري انت تناظر مسلسل تاريخي والا مسلسل تاريخي
وهالفصل ميزته انه دايم مدهر في المسابقات الثقافية اما غيرها والله من الدجة
من زود الدفره فيهم مايحتاج يشرح لهم حبي تيماوي من يدخل عليهم يقولهم اليوم عندنا الدرس الفلاني ويقول فاهمينه صح ؟؟
كلهم يطلعون ويشرحون الدرس احسن من حبي تيماوي << ابي اعرف ليش يصرفون له راتب ما ادري
فصلهم مرتب والطاولات نظيفة وكل شئ .. وكل كتبهم نظيفة بعد .. ما عمرهم تأخروا عن الطابور ابد ودايم هم احسن ناس بالإذاعة





×× فصل سهل ××


هذا الفصل كلهم دبابيس واللي هم الأزرق العالي والكلاسيكي وكل اعضاء المجلس الإستشاري اعضاء مجلس التطوير سابقاً ..
هالفصل ما عندهم شرح ولا شئ .. كل يوم يجتمع معهم سهل ويدخل عليهم ويقول هاه وش صار في المدرسة !!
كل واحد يطلع له تقرير .. انا شفت هلالي الظهران يدخن في الفسحة واللي يقول شفت العنا يبي يهج ويطمر من السور وغيره وغيره .. كل واحد فيهم له حصه كاملة يقول وش شاف ووش الحل انهم يخلون المدرسة حلوه ومافيها مشاكل !!
حتى لو تدخل فصلهم تلقى كل اللوحات عن المثالية والأخلاق المشكلة هم من جنبها !!
عشان كذا دايم الادارة تعطيهم اجمل فصل !!
هذولا يمشون وهم معلقين بطاقة انهم من المجلس الإستشاري !!





×× فصل كايدهم ××


هالفصل كأنهم من الصفوف الأولية يعني اللي مسجلين من تاريخ 2006 ..
ولان كايدهم له خبرة في المدرسة اللي هي مدرسة الزعيم ومنول كان مدرس في الجمهور لكن جته اصابة وجابوه هنا عله على قلوبنا (( كل هذا لانه موقع معهم عقد طويل وتوهقوا فيه قالوا مالنا الا اننا نوديه المجلس العام ونفتك من شره ))
طبعا هالفصل كل يوم يجون بلبس جديد ونظيف وكشخه ومعهم شنطة الفسحة << اهلهم فرحانين انهم توهم مسجلين الوعد عقب كم سنة الثوب نفسه ما يتغير الا بعد شهر !!
هذا الفصل كله العاب وحركات تعرفون صفوف أولية ;)
الفصل هذا مضطهد من الفصل اللي تحت وعشان تعرفون ليش كملوا الموضوع << يسمع بالإثاره





×× فصل البارق ××


هالفصل اطلق فصل فيه الطلاب اللي جايبين العيد كم سنة وهم هلالي الظهران والعنا والهلالي النايم << يكفي اسمه هذا طول السنة نايم وما يقوم الا اذا جت الإجازة و الهلالي ابو سارة << هذا الفتيت حق الفصل والكابتن واول فاول وبنلتي له وماجد مقبل ودبل كيك والكناري الازرق وهلالي القرعاء وعزوز الأزرق وغيرهم من الدشير
هالفصل ما فلح الا بشئ واحد وهو الدوري دايم هو اللي يفوز فيه غيره ما فلح !!
ودايم البارق يجيه يتهزأ من الإدارة عشان طلابه لانهم دايم يتمشكلون في الفسحة ومافيه الا جلد وتصفيق بباقي الطلاب
المشكلة البارق عجز عنهم آخر شئ قال خل اطنش وما علي منهم لأن ادري ان مافيه امل يعقلون !!
ماسكين فصل كايدهم وحاطين لهم جدول كل اسبوع واحد يشتري لهم الفطور في الفسحة ويحطه لهم في مكانهم المعروف اللي هو آخر الساحة وياويله لو نزلوا والفطور مهوب فيه
كل واحد قالب الطاولة ذكريات اللي يرسم طبلون سيارة ماشي 180 (( ابد مهوب هلالي الظهران ))
واللي راسم لي قلب ويشقه سهم وهالقلب يقوطر دم المحبه (( ابد مهوب العنا ))
واللي راسم لي فنيلة وعليها رقم 9 والكبتنية على الكتف وكاتب ابو سارة (( مايحتاج اقول من هو ))
واللي راسم لي شعيب يمشي وبطرف الشعيب جيب (( ابد مهوب دبل كيك ))
واللي كاتب لي فيروز على كل الطاولة (( ما ادري ليش احس انه ماجد مقبل ))
واللي راسم لي مخده وفراش نوم (( ابد مهوب الهلالي النايم ))
طبعا المسؤول عن الدخان هلالي الظهران هو اللي يهربه لان كرشته كبيرة ويحط فيها كل شئ
هالفصل قدموا على إجازة طول شهر رمضان يقولون ما نقدر نجمع بين الدراسة والعبادة << يحلفون طول النهار نوووووووووووم






×× بندر بن ثامر مدير المدرسة دايم يفرح اذا كانت الإذاعة على فصل حبي تيماوي يحس انه مدير صدق وهو يشوف طلابه بهالشكل بس ياهو يكره عمره اذا جاء دور فصل البارق اجل هاك اليوم يقالهم يبون ينصحون عن الدخان واضراره يقولون لا تدخنون احمر دخنوا ابيض اخف لكم واحسن ولا تقربون ميرت تراه يعطش وينشف الحلق ولا يهون كارلتون اللي ينشف بسرعه كل هذا وهم جايبين كم كرز ابيض عشان يوزعون على الطلاب


×× الإدارة دايم تخلي الزيارات لفصل سهل عشان يقالهم مدرسة مثالية لأن اللي يشوف اللوحات اللي في الفصل يقول وش هالطلاب يازينهم ويا ملحهم ما يدري ان كلهم دبابيس وانهم مكروهين من كل المدرسة << اي كل المدرسة مافيه الا فصل البارق هم الداجين بس


×× فصل كايدهم انواع الفلة كل يوم رحلة عشان ما يكرهون المدرسة مهوب دايم دراسة دراسة


×× فصل البارق من اكثر الناس اللي تطالب بـ ان المدارس تكون خليطي هذا شرطهم عشان ينجحون


×× فصل حبي تيماوي دايم في الفسحة تلقاهم في المكتبة كل واحد ماسك له كتاب ويقرأ فيه عشان كذا دايم يفوزون بالمسابقات الثقافية !! اللي فصل البارق حتى بالبراشيم ما فلحوا


×× كل اربعاء فيه دورية عند باب المدرسة ما يحتاج اقولكم ليش ;)


طبعاً لو بنتكلم عن فصول البناااات يووووووووه وش نبي نتكلم ووش نبي نخلي يبيلنا منتدى كامل مهوب من سنعهن لا من دجتهن








عليكم بالفيمتو