هلا سحر الشرق ..

إقتباس محجووووووووووووووووز علشان يرد علي أول وحده برب

ياشينتس ليتي راد عليتس قبل ما ترجعين كان اهون لي من هالرد اللي اطول من الموضوع !!

إقتباس لا تقول ليش تضحكين اسأل هلالي الظهران الداج ويعلمك

نسأل هلالي الظهران ونحتريه يعلمنا !! هلالي الظهران تكفى جاوب

إقتباس الحين ذا موضوع وإلا موضوع يقطع أبو شيطان جد ولد عمي اللي ساكن بالمدينةاللي علمك الكتابة بس دامك خوي الظهراني ما بوه شرهه عليك

والله يقولون انه مويضيع مهوب موضوع
وبعدين وش دخلكم بيني وبين هلالي الظهران ؟؟
اخويا والا مهوب اخويا انتي اطلعي منها وبس

إقتباس ومن ذا أبو إشاعات اللي يتبلانا أنا بأربض هنيّا <<<يعني ينقال تحب الجامعة جعلها لإرهابي يقطعها إربا إربا

انا راعي الإشاعات عندتس مانع ؟؟ << يا زينك وانت معصب

إقتباس أنا أقولك ليش<<أحد سألك سبحان الله لكل داء دواء يستطب به إلا اللقافه أعيت من يداويها

صورة مع التحيه لــ مجد

إقتباس المووهم ليش تقفل معنا لأن الراحة تولد راحة فإذا تولدت الراحة تولدت أيضا راحة والراحة عندما تتولد يتولد راحة والراحة لا تتولد إلا بالراحة <<ترى أبد العـنا ما اعداني هذي إجابة بسيطة وشافيه لسؤالك وأتمنى تكون وصلت لك المعلومة

خطأ لأنكم تعودتوا على الراحة مهوب معناها انكم لازم تتعودن على الراحة لان الراحة بنت عم الإستراحة والإستراحة ما تجي الا في الإجازة والإجازة فيها تبطح وراحة والبقرة تبغي حليب والحليب عند النجار
فهمتي شئ ؟؟ عن نفسي لا

إقتباس الجاحظ وينه ذا خبري فيه رابض بالثقافه الاسلاميه

ما ادري والله عنه بس اللي اعرفه انه من نمونة القاضي وابو ريمان كلام فصحى يخلي سعابيلك تقوطر وتشك انك تتكلم عربي اذا شفت كلامهم

إقتباس أما من ناحية إنهم شياب أنا أشهد<<<المعرف هذا راح في خبر كان أخو إن<<<أروووح ملح على النحو بس

وش فيها اذا صاروا شياب ؟؟ للسن احكام

إقتباس لا وفالحين بنقد الدولة ناقصين الجيوب البيضاء تضفنا <<<ترى ما أقصد أبو ريمان أبد بس الناس يحبون يطلعون إشاعات

اي جيوب واي خرابيط ترى هالزمن والحركات هذي انتهت
<< يبي يوهقها يخليها تكب العشاء وهو اللي يبي يجرها

إقتباس يالله حاسد الفقير على موتة الجمعة ترى ما يعطونهم غير يوزر ملون وخمس طعش واربع وعشرين قفل وموقف سياره بنص مظله بالشارع الاول قبل مدخل المجلس

ومهوب هذا زياده ؟؟؟
اجل بالله موقف ويوزر لونه اخضر وفوق هذا كم قفل وما يسوي شئ وتقولين حاسدينه !!
ايه احسده ونص انا بس ابي يوزري يكون ملون وما علي من الاقفال << حلم ابليس في الجنة

إقتباس وأزيدك من الشعر بلكه كل ابو دايم أبو ريمان والقاضي يتهاوشون من يصف بأول الطابور <<<يا كرهي لهالنوعية من البنات

الحين القاضي وابو ريمان على سن ورمح صاروا بنات :sad: !!
افا والله ما هقيتها منتس يا سحر الشرق !!
من اساميهم انهم رجال شلون يصيرون بنات !! ؟؟

إقتباس وإذاعتهم كلها هل تعلم وهل تعلم أن أبو سينا<<<ما حرفت باسمه أبد وهل تعلم إن نيوتن سقطت عليه تفاحة <<<الحمدلله والشكر الله من المعلومات بس ينصبون علينا خبري في اللي طاحت عليه تفاحة انشتاين

+

إقتباس يعني القاضي مو دبوس <<<لا خيط

يا شين مصالة البنات (( وجه مطلع لسانه ))

إقتباس افااا يالظهراني وأنا اقول ريحة الدخان أمس وراها تفوح من جهازي أثاريك مدخن وأنت ترسل لي على الخاص<<<أبد ماهي راعية فضايح

وين هلالي هو اللي بيجاوب على هالسؤال !!

إقتباس احس ان العنا هذي حركاته <<<قلت احس لا تقعدون تتبلوني

لاتصرفين لا تقولين احس والا ما احس انتي قلتيها

إقتباس هذا حي والا مات

يقولون انه شارع مهوب حي << ينعن ام المصالة اللي تجيب النوم

إقتباس يقطع ابو الفله احس اني راكبه صحن دوار بس احس ان ماجد مقبل ما له دخل بالسالفه ينفع بفصل حبي تيماوي

شكلتس ما قريتي اللي في اول موضوعه وينه ووين فصل حبي تيماوي
بعدين من اللي كاتب الموضوع انا والا انتي ؟؟
خلاص انا على كيفي وحر في موضوعي ومحد له دخل

إقتباس يقطع أبو الاضطهاد

وما خفي كان اعظم ;)

إقتباس يا أخي وش فيك عليه خله يتحلم الحمدلله اللي خلق الاحلام كود إنا نتحلم بواحد عريض المنكبين وإلا الشعب السعودي افقع وجهي تلقى واحد عريض المنكبين

شكلتس ماشفتي شباب السعودية بالعكس كلهم ملح وقبله (( طبعاً اولهم انا ;) ))

إقتباس وتلقى سيارته ما فيها أشرطةغير صوت من الصحراء واحد وصوت من الصحراء اثنين

ما ادري وش هالأشرطة عشان كذا مقدر اتكلم !!

إقتباس ماجد فيروز على آخر العمر يا شيخ اروح ملح على الذوق

فيروز شكلتس مثلي ماتعرفينها

إقتباس والله كل شوي نكتشف شيء شين فيك يا عمير لا وكل يوم راز عمرك بالراشد يا عمي طير

مشكلة ما تدرون وشلون شكل هلالي الظهران يا عالم يطيح الطير من السماء من جماله ;)
يالله يا هلالي بالله نزل لهم صورتك خلهم يدوخون شوي

إقتباس ما شاء الله خبره يا صدى أهم شيء ما يجيبون معسل معهم ترى الظهراني اذا اجتمع مع العنـا كل شيء وارد

خبرة عمرها 11 سنة وبالأخير تقاعدت ;)
المعسل وهـ بس (( صورة قلب يقول يازينك يا التفاحتين ))

إقتباس احلف..قول والله<<<لا يا شيخه يعني بالله اذا بيحلف وش بيقول الحين ذا الخاينين وراهم يروحون وعمرهم ما خذوني

اذا بحلف بقول قسم بالله ;)
وبعدين هماي قايل ان الإختلاط ما بعد سمحوا به ؟؟
ابشروا اول ما يسمحون بالإختلاط بنزل موضوع لكم

إقتباس حرام عليكم احنا داجين لا يسمعك ابوي ترى يصدق

يا فيكن دجة لو نوزعها على الدنيا كلها تكفي وزياده بعد

إقتباس عموما كل عام وأنت بصحه وسلامه ومن العايدين لعيد الفطر وعيدك مبارك لعيد المباااع <<<الله من العجز

فارقي << قفلت اخلاقه وقليل خاتمه هذا جزاها اللي ترد عليك انت وموضوعك

إقتباس أقسم بالله ما لي دخل أتعب نفسي من اليوم اكتب ثم اسوي استعراض يخرب علي الاقتباس كذا والله ما لي دخل أعجبكم وإلا ما أعجبكم وراي جامعة بكره ما لي خلق تعديل <<<<<أبد ما تصرف

المشكلة اني انا اللي توهقت والا هم مالهم دخل انا تورطت ولازم ارد عليتس :sad:

تحياتي لكِ ..


هلا نـــــــ15ــــــمر ..

إقتباس والله زين جبت هالتقارير خلني انقي لي فصل وادخله بس شكلي مع البارق فله حجاج وسعه صدر ودوري وفله ونووووووووووووم

مهوب على كيفك يا بعدي انا اللي اقرر من يدخل هالفصل ومن ما يدخل
<< دكتاتوري

إقتباس حلوه الفكر والتوقيع احلى عمت مساءً تشــــــــــــــــــــاو

شكراً لك .. وعمت ظهراً ..


هلا فرصه ضايعه ..

إقتباس يقلع أبو التحشيش اللي كذا ... محجوز لحين كتابة الرد عشان مايسبقني أحد

وش فيكم انتم ترى الموضوع مهوب طاير والله !!

وبعدين وشو حشيشوه ؟؟

إقتباس حرام عليك وشذا الأفتتاحيه

وش دخلتس موضوعي وانا حر فيه !!

إقتباس نسيت واحد ...SoMe OnE.... بعد طالب معهم ...

مانسيته بس بكل صراحه كنت شاك فيه ما ادري هو ولد والا بنت
لأن من الردود اللي قريتها ما وضح لي هالشئ ..

إقتباس ماشاء الله عليهم ... تصدق عاد مايصير مسابقه للمدارس إلا ويرسلون من فصل حبي تيماوي بس ... أما الثانيين داجين ...

اقول وش دراتس ؟؟
ترى انا اللي كاتب الموضوع مهوب انتي

إقتباس الواسطات ... الواسطات ... الله يكافينا شرها

حبي تيماوي شف هاليوزر يشكك في احقيتك في الإشراف نبي نشوفه متوقف
<< نذل

إقتباس يعني أنت متخرج من فصل سهل ... لا تصرف تقول أنا ببين منهم أعضاء المجلس الأستشاري(اسمهم السابق ) ... مافيه كفشناك يادبوس

اي دبوس الله يصلحتس بس ؟؟
ما تخرجت من هالمدرسة بكبرها ولا دخلتها اصلا انا طالب منازل
وبعدين يوم كنت في التطوير ما كان شغلنا مثل الحين كله تدبيس × تدبيس << طلعوا دباسه مهوب اوادم
لا كان شغلنا من جد تطوير .. ويوم شفت ان ما عندهم سنع سحبت عليهم اجل فاضي اطور ناس نظامهم الى الحين DOS ما بعد وصلوا حتى ويندورز 98 ..

إقتباس لحوووووووووول ... أجل فصلهم أنواع الفضايح ...

شويه فضايح ناس همها القيل والقال

إقتباس زين طلعوا بشي يفلحون فيه ...

والله يا انتي حاقرتهم بعد

إقتباس ولا ذا الفصل المفروض مفرق على بقيه الفصول ...عشان مايجتمعون على الدشرة

مهوب ازين لهم يفرقونهم هم حاولوا لكن ما قدروا
والله ان فرقوهم تسان تخرب كل المدرسة

إقتباس وبعد التراويح لعب دوري الين السحور وبعد السحور نوم الين أذان المغرب وهـ ـكـ ـذا .....

على الأقل يلعبون مهوب تسدح عند التلفزيون وشوفي لبس الفنانة وشوفي مكياجها وما ادري وش

إقتباس الله يزيدني بهن جهل ... <<< ماعرفت شي

ولا انا اعرفهم
<< قال وش يدريك انها كذبه قال من كبرها

إقتباس داشرين ... وش ترجي من وراهم

وما زال مسلسل الإستحقار لـ الفصل هذا مستمر تكفون امسحوها بوجهي بنت ماعليها شرهه

إقتباس ايه تكلم حطنا في الجزء الثاني ... خل نشوف أنا بصير أي فصل

انتي خليه يصير خليطي وابشروا بسعدكم ان ماترست لكم المنتدى كله مواضيع

إقتباس مايحتاج

ايه هذا الكلام << تراه يأخذ نسبه على كل علبة فيمتو

إقتباس يعطيك العافيه ياصدى يالفاصل يالداج يالمنسم يالمحشش <<<< أختر وحده >>>> تمون صح

اختار صدى
وبعدين من قال انتس تمونين ؟؟ اها بس << قليل خاتمه بقوووووووووووه

تحياتي لكِ ..



هلا نـــــــ15ــــــمر ..

إقتباس صدى وش مسوي انت للبنات نظام سباق؟؟ شغل تقفيط ملاحظين(واحد يضحك)

مسوي لهم عمل يعني وش مسوي ؟؟ اسألهن لا تسألني انا

بعدين يكفي خلاص رديت مره وحده وشوله ترد مره ثانية يا حبك للخساير

<< فاهم المنتدى خطأ

تحياتي لك ..



هلا هلالي القرعاء ..

إقتباس أنا بعد أبي أحجز ..

دق على هالرقم 920022222

إقتباس كـُنت قد دخلت المنتدى على أمل أن أرى موضوعًا جديدًا .. فـ وجدت موضوعك يـُـشـع نورهـ .. قـُرب منتدى الجمهور الهلالي .. ماذا حدث .. ما القصــه .. فـ إذا بي اُسرع في النزول .. بدلاً من أنزل درجة درجة .. نـزلت 3 درجات 3 درجات .. فـ إذا بي أتعثـــر .. ساقطًا والدم ينزف من رأسي .. وأمسـح ذلك الدم الذي تســــاقط على الأرض .. واُكمــل طريقي تجاهـ المجلـس العامـ .. فـ إذا بي أصل .. وأدخل وأحجــز .. ثم أذهب إلى المقصف لـ شراء تصبيـرهـ .. فـ أعود وأدخل مـُسرعًا .. فـ إذا بي أسقــــط (سبــاحي) على الوجـه !! ما السبب .. إنه نــ 15 ــمـر يعرقلني وينزف خشمي دمًا

يالله هالناس يوم قرب رمضان طلعوا الشحاذين !!
الله يعطينا ويعطيك !!

إقتباس فصلنا إبداع .. روعة .. وإمتـــاع .. الكل يُشير لنا بـ الإقتنــاع .. تدري أني كاتب على طاولتي ( الرســــوب لـ الرقالــــــه ) .. و حاط أسم البارق .. وكـــاتب ريحنا وأرتاح .. ومشنــا بـ طريق النجـــاح ..

المشكلة انك كاتب الرسوب للرقاله وانت بحياتك ما صرت رجال الا مره وحده بس ;) !!
خخخخخخخخخخخخخخخخخخخخخخخخخخخخخخخخ

إقتباس أنا قاهرني فصــل الدبابيس ..

مهوب بس انت

إقتباس فصـل كايدهم .. ياخي هذولا فلــه .. بدال الزحمه والغثى عند المقصـف يجيبون طلباتنا وكل شي .. بس ذاك اليوم جاهم طالب جديد وجاب لي فطيرة التفاح وأنا ماآكل غير فطيرة الجبنه .. حلفت الا أنتقــم منه .. وأمسكه بـ زاويه بـ آخر الساحه وأجيب ماجد معي .. وما في الا دبج طرخ دبووووف <<< تسطييير ..

الله يالدنيا .. ابد يا هلالي ماتسنك تصفقت من ابو سارة اول ما دخلت المدرسة !!
لا تسوي فيها الحين انك بطران وحركات اول سنة الشباب لعبوا في حسبتك انت وهالفطور !!
دنيا دوراه هذا هلالي كان يتصفق والحين يصفق !!

إقتباس نكتفي بـ هذا الكلام .. وربمـا نعـود ..

تكفى لا ترجع خلاص يكفي رد واحد

تحياتي لك ...



هلا الكلاسيكي ..

إقتباس والله أنواع التنسيم .. اقول اي نوع حشيش ولا ليموني ولاكوكائيين

وش تقول ؟؟ ما ادري وش تتكلم عنه ؟؟
اللي اعرفه الحشيش هو الثيل اللي في ملعب الملز
وليموني عصير ليمون يجي بقزاز ولا تخاف صناعة سعودية بعد
كوكائيين تقصد كوكا كولا .. لا والله انا اشرب ببسي

إقتباس انا من شفت اسمك وانا عارفن ان ماوراك الا الدجه والهجه .. بس ماقلت لنا انت باي صف .. ولا الفرّاش <بتشديد الراء

انا منازل منب تبعكم هالمدارس كبرنا عليها << الله واكبر يالشايب

إقتباس ولو اني احس انك آخر واحد بفصل الدجه مع الظهراني والعنا .. وانت المروج للفصفص والعلوك والبايسن والجوال وانت الراس المدبر والمخطط ورا الفختات من المدرسه ..

والله لو حصل لي هالفصل ما ينعاف
اقلها كورة وسعة صدر وسواليف يحبها قلبك
يكفي ان البارق هو المدرس يعني انواع سعة الصدر

إقتباس يقولون الفيمتو يهدي الاعصاب ويزيل بعض الاثار اللي انت خابر

شف اذا كان الفيمتو يصحي مانبيه
خلنا كذا ابرك لنا ولكم مهوب من صالحي اني اصحى



تحياتي لك ..




نـــــــ15ــــــمر .. والى متى يعني ؟ خلاص



هلا سهل ..

إقتباس عطه خيــــــــــر .. أو اصمت

بل اصمت واصمت واصمت

إقتباس اذا ما اعلم عليك المديـــــــــــــر .. هين

المشكلة انك انت كبير الدبابيس تبي تعلم من وانت الـ BIG DABOOS
ولو فيك حس طفووولي هههههههههههههههههههههههههههههههههههههههههه
اجل هين هههههههههههههههههههههههههههههههههههههههههه

إقتباس اجل ربع البارق يلفون بورق الشندويش لا .. الباك هالمره بالنخشيش

ما قلت شئ انت اللي تقوله

هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههه

إقتباس اللي يبي يسجل يا شباب هذاكم عرفتوا الفصول ووش فيها فا نصيحه اقرب للشر تامن

والله مهوب من صالحهم كانهم سجلوا عندك عز الله انهم دجوا صدق
نبي نشوووف كل المنتدى دبابيس همن مهيب طايحه الا في ظهر فصل البارق هم اللي بياكلون تراب

تحياتي لك ومنورنا يا سهل ..

الا وش اخبار البروفسور ؟؟
ههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه



هلا الوردة الزرقاء ...

إقتباس افااااااا من بدايتها طرده

من زود الترحيب

إقتباس قسم بالله فلله هالموضوع ,, خاصه فصل حبي تيماوي الدوافير..

واحد دافووور وسجلوووه

إقتباس يااحليلهم والله ,,

لا تقولين يا حليلهم قل الله حلاتس .. حليل بسلمنا يالزعيم يعني خبل

إقتباس اووه استاذ سهل ذكرني بابله لمياء رائدة فصلنا بالتوجيهي

يعني سهل = لمياء
ههههههههههههههههههههههههههههههههههههههههه

إقتباس قسم تذكرني بالأبتدائي ,, مخليه بنت طالبه سريه,, تعلمها كل شيء.. من يحبها ومن يكرهها,, والله ياما تفشلنا حسبي الله على الدبووس

ولو العميلة 007 ماقصرت قايمه بشغلها على اكمل وجه
وبعد سهل قصدي لمياء لهالدرجة ماعندها ثقه في نفسها
والله ياهي مريضه بعد

إقتباس انا كنت مسويه عندها انواع الحب والاحترام >> عشان درجاتي بس تطلع اسب فيها واذم لين اقول بس>> خوافه خخخخ وعلمتها البنت عني وتفشللللللت ,,والله مغامرات مع هالابله ياحليلهاخخخخخخ...

ههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
ودي اشوف وجهتس وقت السالفة

إقتباس مافهمت اللي بالأحمر

روحي لـ ميد واطلبيها من المحاسب

إقتباس فرحت حسبتها اخطاء املائيه ,,, ياخوي انت ماتغلط ابد ,ابي القى خطا مالقيت ,, وش ذا كمبيوتر انت خلااص ابي اقول ماشاءالله ,,اخاف يصير لك شيء وتقول عين ,,,

الا يا كثر اخطائي الإملائية وصدقيني لو تركزين بتشوفين بلاوي
وزين انتس ذكرتي ربتس والا تسان بيصير شئ مهوب طبيعي
ويحسدوني على الموت و آسفاه .. حتى من الموت لا اخلوا من الحسد

إقتباس المهم الموضوع يهببل "

اكيد مهوب صدى الامس اللي كاتبه

إقتباس بس لو تخلون الفصول اختلاط احسن >>من جماعه القصيبي

اما لو يخلونها اختلاط والله يا انا بتوهق بالموضوع << اكبر همه

إقتباس صدى انت في اي فصل ؟؟

انا ادرس منازل


تحياتي لكِ ..



هلا الهنوووف ..

إقتباس كم مرة قلت لك قول السلام عليكم او بسم الله ماعندك وقت على طوول تبدا كلام

طقيني احسن اقول اها بس موضوعي وانا حر فيه

إقتباس ودي اطلع بس بشوووف الفضول يذبح مال انا

وحده ملقوووفه وسجلها + صورة مع التحية لــ مجد

إقتباس لاننا تعودونا على الدلع والتسدح مير هالسنــة انا موصلــة معاي بقووة الله يستر

لا عادي اللي انتي فيه شئ طبيعي
هذي يسمونها حالة التخرج بس
يعني كلها الى الفصل الثاني وعقبها ترجعين عادي
<< يبي يوهقها الترم الاول تبي تدج بالمعدل

إقتباس وش جاب محمد معهــم فيها ظلم ماظنيت بيرتاح معهم احس انه متنح طلعــة بس>>>>وش دخلتس ياويلي منه بس ودخل SoMe OnE..

اصبروا يا عالم من اللي كاتب الموضوع ؟؟
خلوني اتأكد شوي !!
الظاهر انه صدى الامس كاني منب غلطان ؟؟
لالا هو صدى الامس متأكد ..
يعني .. يالهنوووف انقلعي ولا تتلقفين بشئ مايخصتس زين !! (( وجه معصب ويقول ياشين اللقافة من البنات ))

إقتباس وش معنى كل الفصوول مافيها اختلاط الا هذااا يعني

مافيه اي فصل فيه اختلاط .. كل الفصول شرعية << يعني مافيه علمي << مااااااااااااااااااااصل

إقتباس احس انهــم فلــة

لا شقة <<< مازال مسلسل المصالة مستمر

إقتباس هذا ماجد مقبل مو العنا الحب وين والعنا وين

ومازال مسلسل اللقافة مستمر من الهنوووف !! يالبنت هذي ماتفهم !!
يا عالم تكفون علموها فهموها خبروها .. اكره ماعندي اللقافة
للمره الثانية اقولتس ارجعي لردي فوق وشوفي شو انا كاتب لتس

إقتباس ايــة ترانا جاهزين ياربع البارق اول مايوافقووون احجزو لي مكان باول الفصل

والله البنت متحرره بقووووووووووووه

إقتباس البنات فصولهم على حسب الاهتمامات

وشلون يعني فصل مكياج وفصل فساتين وفصل شنط وفصل جزمات

إقتباس موضووع زريف مثل...........مثلي طبعا

يقولون ان الــ .... بعين امه غزال

إقتباس الله يسعدك ضحكتني من بعــد رحلـة من الدمــوع

عسى الرحلة وصلت بس ؟؟ هههههههههههههههههههههههههههههههههههههه

إقتباس قلم متميز سعيدين بعـودتــة وياليت تعطينا منـ هالمواضيع كل اسبوعين بالكثير ناخذ شحنات شووي من الجو الكئيب الي احنا فيه

والله لو اني اشتغل عندكم ما سويت لكم كذا اها بس ترانا عطيناتس وجه

إقتباس االفيمتوو شارينه للرمضان فكيته عاد انا من الحين من قالهم مايجيبون ببسي

والله يا انتي عجله على رمضان توه ما بعد دخل



تحياتي لكِ ..






الى هنا وبوقف ورانا دوام .. لي عودة ان شاء الله مع البقية ..



نص الرد كتبته وانا مواصل والنص الباقي وانا توني صاحي
يعني انواع الأخطاء وشكلها مهيب بس اخطاء اخطاء