خلوني ابدأ بنفسي ,,,,,
أنا من عائلة كلهم أهلاوية ماعدا الوالد اتحادي وواحد من اعمامي نصراوي ((للاسف الشديد, ادعو له بالهدايه ))
وانا منذ نعومة اظفاري ( يعني زماان;) ) وانا هلالي طيب ليششش؟
ليش انا هلالي مع ان عائلتي الكبيرة مافيهم واحد هلالي ؟؟
في يوم من الأيام كان هناك لاعب مبدع من اول ما عرف كرة القدم شد انتباهي بالعربي هو سبب عشقي للهلال بل لكرة القدم!!!! واحد اسمه(يوسف الثنيان)
بصراحة مباراة ماتنسي خصوصا ابويعقوب بدع كعادته مع النصراوية
ومن يومها الى الان وانا هلالي بجنون والحمد لله تروح بطولة تجي عشر تخيلوا لا سمح الله اني بعد نفس المباراة صرت نصراوي <<< كان لحد الان ماخذنا الا بطولة وحدة لكن الحمد لله( الذي فضلني على كثيرا من خلقه تفضيلا)

ههههههههههههههههههههههههههههههههههههههههههههههه


والله انا احب الزعيــــــم لإنه الزعيم



وهدف ســــــــامي في الشباب لاينسى صراحه



الحمدالله انا الجماعه والإهل والكل هلالي


مدري بس يمكن عشانه زعيـــــــم اسيا


والله لا تسإلني


اسإل قلبي يا ولد

الحمد لله اني هلالي..


وهدف سامي في الشباب18 ..

اللي يشوفه لو هو يكره الهلال100سنة راح يصير هلالي

بسم الله الرحمن الرحيم

قصتي مع حب الزعيم هي قصة لا تنتهي ..
اختصرها كالتالي :
في عام 1409هـ بدأت أميل للرياضة ومتابعة المباريات بشكل جيد بعد أن كانت متقطعة وكان عمري حينذاك 9 سنوات تقريباً وبدأت أتابع الهلال (ولكن بدون أن أميل إليه)عن كثب وفي ذاك الموسم حصل الهلال على المركز الثالث حسب ما أعتقد وكان ترتيب الفرق : النصر - الشباب - الهلال
وفي الموسم التالي ومع بزوغ نجم اللاعب الكبير سامي الجابر وملك المراوغة الأول يوم الثنيان والجناح الخطير صفوق التمياط وإمبراطور الدفاع صالح النعيمة وبقية النجوم .. بدأت أميل شيئاً فشيئاً إلى هذا الصرخ الشامخ .. وعند نهاية الدور الأول وتصدر الزعيم لترتيب الفرق بدأت قصة العشق تكتمل .. فأصبحت هلالياً حتى النخاع .. على الرغم من أنني أسكن ونشأت في مدينة جدة ولكن الحارة التي سكنتها وأصدقائي كان جلهم من عشاق الزعيم ..
وبحمد الله توفيقه بسببي استطعت أن أجذب أخوتي وأقاربي الأقربين إلى تشجيع زعيم الأندية حتى وصل العدد إلى 17 مشجعاً جميعهم يعشقون الزعيم حتى الثمالة هذا بالإضافة إلى عدد من الأصدقاء.. وهذا العدد قابل للزيادة بإذن الله إذ لا يزال هناك 4 أهلاوية وواحد نصراوي (ادعوه له بالهداية) وواحد اتحادي (الله يفكنا من شره) والمحاولات معهم مستمرة .. ..

تحيتي لأخ كاتب الموضوع .. ودمتم في حفظ الله ورعايته ،،،

والله أنا بالنسبة لي كانت بداية عشقي للهلال عام 1409 ولها قصة ، حيث كان وقتها عمري 8 سنوات وكنت أميل للنصر لا للسبب ولكن الصدقة التعيسة حيث لم يدم سوي أقل من ست اشهر حيث مبارة الهلال والنصر نهائي الكأس 3/0 وعند تلك اللحظة تحولت إلى هلالنا الذي يتزايد معه حبي كل يوم.

انا بالنسبة لي من يوم ماطلعت على هالدنيا وانا هلالي بفضل الله ثم بفضل والدي والحمد لله جميع اهلي واقاربي هلالييين ولله الحمد حتى حارتنا تسعين بالميه منهم هلاليين


الحمد لله اني هلالي

انا ابوي وعماني وجدي وعيال عماني هلاليين شو بدك نصير هههههههه

انا والله مدري تقدر تقول كنت مع الخيل يا شقرا الوالد وعماني كلهم هلالين وصرت نفسهم

أنا اخواني كلهم هلاليين الا أنا كنت شبابي بس الشباب أكل خمسة من الأهلي (المبارة لها 13 سنة) وانتقلت للزعيم لأنه

أفضل نادي كان ولايزال هو الأفضل

والحمدلله إني هلالي

ياسلام والله قصصكم ولا اروع..

اما بالنسبة لي أخوي الكبير كان نصراوي وقال لي شجع النصر وكنت اذا قعدت لحالي اقعد (اهيجن) يعني اغني اهازيج للنصر وكان عمري وقتها 5 سنواتعام 1407 مابعد دخلت المدرسة.. واخوي الثاني اصغر من اخوي الكبير هلالي موت سمعني مره اغني للنصر ونشب في حلقي وهاوشني وقال لي عيب تشجع النصر مايشجع النصر الا التكارنه خخخخخخ ورحت قعدت معه شغل لي اشرطة اهداف الهلال وابداعاته. وقال لي باخذك معي للملعب المباراة الجايه بس اوعدني تشجع الهلال ولا تشجع النصر ابدا.. ووعدته من يومها ووفيت بوعدي وادمنت على الهلال ادمان ولا صرت افوت اي مباراة من بعد مباراة الرائد اللي حضرتها معه في عام 1410 لما اخذنا الدوري بفوزنا 8-صفر.

واحمد الله الي ارسله لي ذاك اليوم والا كنت رحت كديش.

والله انا ابوي نصراوي ودايم اقوله وش تشجع يقول الهلال

ليش يقول الهلال؟

يبيني اشجع الهلال والحمد لله انه سوالي كذا

وما دريت انه نصراوي الا يوم كان عمري 8 سنوات

وهذي هي القصه..................

الله يعطيكم العافية جميعا ---- قصص ولا اروع
اشكركم على المرور والمشاركة